Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Zoran Milanoviç, Presidenti i Kroacisë ndodhet në Shqipërinë me ftesë të Presidentit të Shqipërisë Bajram Begaj. • Milanoviç do të zhvillojë një vizitë dy ditore i shoqëruar nga zonja e parë e Kroacisë Sanja Musiç Milanoviç. • Së bashku me çiftin presidencial do të jetë i pranishëm dhe një delegacion zyrtar si pjesë e agjendës së takimeve. • Ai u prit me një ceremoni zyrtare nga presidenti Bajram Begaj. • Takimi bilateral do të ketë në fokus një takim mes dy presidentëve në Tiranë dhe një konferencë me gazetarët për çështjet e diskutimit. • Më pas, në 19 Tetor Milanoviç dhe Begaj do të udhëtojnë drejt Beratit për një vizitë zyrtare. •Gjatë konferencës Begaj kërkoi mbështetjen e Kroacisë për të dënuar sulmet e Serbisë në 24 Shtator në Banjskë. • Presidenti i Kroacisë Milanoviç bëri deklarata të forta në lidhje me Kosovën, sulmin e Serbisë në Banjskë dhe mbi integrimin e Shqipërisë. • Milanoviç kërkoi njohjen e Kosovës dhe kritikoi Vuçiç si përgjegjës për sulmin në veri të Kosovës. • Presidenti kroat theksoi se integrimi i Shqipërisë duhet të jetë sa më i shpejtë, pasi sipas tij ka 11 vite që vonohet.
5 artikuj për këtë temë.
TIRANË-Zoran Milanoviç, Presidentit i Kroacisë gjatë fjalës së tij në konferencën për shtyp me Presidentin e Shqipërisë Bajram Begaj, shprehur kritika të forta ndaj komunitetit ndërkombëtar. Milanoviç nga ana tjetër tha se Presidenti i Serbisë Aleksandër Vuçiç ka disa detyrime për tju përgjigjur Kroacisë.
Ai kërkoi të ushtrohet presion ndaj Vuçiç dhe tha se sanksionet nuk kanë vlerë. Serbia sipas tij ka shumë "mëkate" në histori nga ku "ka fakte se ajo është shkaktare që dikur është hapur dhe një luftë botërore."
“Para dy javësh kam thënë që Serbia dhe Vuçiç na ka borxh një përgjigje, këtë e kam thënë edhe në Zagreb. Në dallim nga viti 1914 kur një i ri ka vrarë trashëgimtarin e frontit austro- hungarez dhe gruan e tij, nuk ka mundur të krijohej lidhja mes tij dhe bashkëpunëtorët në Serbi, dhe ka shkaktuar një luftë botërore. Autori kishte një armë të kontrabanduar nga Serbia.
Sot kemi fakte dhe dëshmi, njerëz që i kanë përjetuar. Vuçiç nuk është përgjigjur ende. Por sanksionet nuk sjellin asgjë, që do sillnin ndryshimin e qëndrimit politik. Këto sanksione vetëm do i ndihmonin pushtetarët të mobilizojnë votuesit. Kur i them këto gjëra duket sikur po shkel veten në bisht. Vuçiç duhet të jetë nën presion për të na dhënë përgjigje. Prandaj mendoj që këto vendime nuk do i marrë Kroacia, por do t’i marrin të tjerët.“-tha Milanoviç.
TIRANË-Presidenti i Kroacisë Zoran Milanoviç në një konferencë të përbashkët me Presidentin Bajram Begaj tha se vendet e Bashkimit Europian po tregohen të pasinqertë me Shqipërinë dhe Kosovën. Sipas Milanoviç edhe pse kanë kaluar 11 vite dhe Shqipëria ka ecur përpara, Europa prapë duket se ka pritoritete të tjera.
Nga ana tjetër Presidenti kroat bëri thirrje që ky proces të përshpejtohet, se jo vetëm është në të mirë të Shqipërisë por edhe të mbarë rajonit.
"Në 20 vjet e më shumë jam dëshmitar i zhvillimit të Shqipërisë në shumë aspekte. Ky progres nuk është përcjellë me reagimet e duhura institucionale të BE. Dua të them për herë të 10 diçka që ka thënë për herë të parë në vitin 2012 në kohën kur kryeministër ishte Berisha dhe rrethanat ishin të njëjta. Para 11 vjetësh, në 2012, Shqipëria kishte 3 vjet që ishte anëtare e NATO-s. Me BE tentonte të vazhdonte bisedat, por asgjë nuk ndodhte.
Ky absurd, duket që kemi një problem. Sikur një shtet që është mjaft i mirë i organizuar që të jetë anëtar i NATO-s, Shqipëria aty e ka vendin e saj. Jemi futur së bashku në këtë aleancë. Avancimi drejt një aleance tjetër, BE, e cila me shumë komplekse, aty Shqipëria nuk ka mundur të bëjë hapin e parë dhe as të ngrihet nga shtrati. Duket se aty diçka është e pasinqertë, po jo aq sa duhet. Kjo flet shumë për BE dhe për prioritetet tona.
Fakt është që janë në mes të vetmeve, kjo ka të bëjë me thirrjen për të pranuar Kosovën dhe kjo mua më tregon si fakt që e tërë Evropa e njeh, por nuk dëshiron ta përmend, kjo është e dëmshme për ne."-tha Milanoviç në fjalën e tij.
TIRANË-Presidenti i Republikës së Kroacisë, Zoran Milanoviç, ndodhet sot në Shqipëri, ku dha një konferencë për shtyp me homologun Begaj. Milanoviç shprehu mbështetjen për çështjen e Kosovës dhe bëri thirrje për njohjen e saj.
Presidenti kroat dënoi sulmet e ndodhura në Banjskë dhe vuri theksin në përpshpejtimin e proceseve të rajonit në Bashkimin Europian.
“Kjo ka të bëjë me thirrjen për të pranuar Kosovën. Dhe kjo mua me tregon se tërë Evropa e di por nuk dëshiron ta përmendë. Më duket sikur këto pengesa bëhen më të fryra më të vështira. Shumë pak gjëra janë duke u bërë për t’u duruar. Dhe shumë pak gjëra janë bërë për ta ndryshuar. Shqipëria nuk e di se çfarë tjetër do mund të bënte nga ajo çfarë ka bërë Shqipëria tani, të mbetet aty ku është dhe të mos e kalojë linjën e dinjitetit dhe vetërespektit të duhur, dhe të jetë një vend sa më bashkëpunues. “-tha Milanoviç.
TIRANË-Bajram Begaj Presidenti i Shqipërisë ka mbajtur bashkë me homologun e tij kroat Zoran Milanoviç një konferencë për mediat. Gjatë konferencës Begaj u shpreh se "diskutimi i tyre u përfshi në disa pika me rëndësi, nga trajtimi i minoriteteve, çështja e Kosovës dhe aktet terroriste e ndodhura së fundmi".
Begaj theksoi gjatë takimit nevojën e mbështetjes së Kroacisë për Kosovën pas sulmeve të 24 Shatorit të ndodhur në Banjskë. Presidenti gjatë takimit ka nënvizuar nevojën që BE të rrisë presionin për përfundimin e hetimeve lidhur me ngjarjen.
“Lidhur me respektimin e të drejtave të njeriut vlerësova se Shqipëria dhe Kroacia kanë një rekord shumë të mirë. Sa i përket trajtimit të minoriteteve një model që duhet ndjekur edhe nga vende të tjera të rajonit. E njoha presidentin Milanoviç me problematikat me të cilat përballet komunitetit shqiptar në Luginën e Preshevës. Sigurisht një vëmendje i kushtuam zhvillimeve rajonale.
Dënuam ngjarjet dramatike në veriun e Kosovës dhe sulmin terrorist kriminal ndaj policisë në Banjskë më 24 shtator. I shpreha shqetësimin lidhur me përgatitjet dhe armatimit ushtarak të përdorur nga grupi terrorist. Nën vizova nevojën e rritjes së presionit nga ana e BE për përfundimin e hetimeve dhe nxjerrjen e përgjegjësve. Nënvizova se pasaktëve të fundit të Hamasit ndaj izraelit bëhet më e domosdoshme që BE dhe NATO të dekurajojnë qasjen provokative të Serbisë ndaj Kosovës. E vlerësova qëndrimin e Kroacisë ndaj Kosovës.
Ndamë mendimin se dialogu mbetet e vetmja rrugë deri në njohjen reciproke. Që prej sulmit në Banjskë gjërat nuk janë më si më parë, ndaj duhet të ketë një qasje të re.”, tha Begaj në konferencën e përbashkët me Milanoviç.
TIRANË- Presidenti i Kroacisë, Zoran Milanoviç ka mbërritur në Tiranë, ndërsa është pritur me ceremoni zyrtare nga homologu i tij shqiptar Bajram Begaj. Kreu i shtetit kroat është shoqëruar nga Zonja e Parë e Kroacisë, Sanja Musiç Milanoviç dhe një delegacion zyrtar.
Agjenda e plotë
10:30-10:45 – Ceremonia e mirëseardhjes së Presidentit të Kroacisë, Zoran Milanoviç i shoqëruar nga delagacioni zyrtar dhe Zonja e Parë e Kroacisë, Sanja Musiç Milanoviç.
10:50-11:10 -Takimi tete-à-tête mes Presidentit të Republikës së Shqipërisë Bajram Begaj dhe Presidentit të Republikës së Kroacisë, Zoran Milanoviç.
11:15-12:00 – Takimi dypalësh i delegacioneve të Republikës së Shqipërisë dhe Republikës së Kroacisë, i kryesuar nga Presidentët Begaj-Milanoviç.
12:10- 12-40- Deklarata dhe konferenca për shtyp nga Presidenti i Republikës së Shqipërisë Bajram Begaj dhe Presidenti i Republikës së Kroacisë, Zoran Milanoviç.
