6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
As Rama e as Erdogan nuk treguan sa dronë saktësisht do t’ia dhurojë Turqia aleates së vet në NATO.
TIRANA- Turqia do t’ia dhurojë Shqipërisë një numër të “konsiderueshëm” të dronëve kamikazë, tha kryeministri shqiptar, Edi Rama, pas vizitës së presidentit turk, Recep Tayyip Erdogan, në Tiranë të enjten.
"Dhuratë që s’duhet ta shqetësojë askënd, se kë do godasë Shqipëria, por besoj se është një dhuratë që përmbledh brenda një mesazh të qartë të Turisë në raport me këtë marrëdhënie, që Shqipëria është e pagoditshme", tha Rama në një konferencë të përbashkët për shtyp me Erdoganin.
As Rama e as Erdogan nuk treguan sa dronë saktësisht do t’ia dhurojë Turqia aleates së vet në NATO. Erdogani, ndërkohë, tha se përveç mbështetjes në pajisje ushtarake, Turqia do ta ndihmojë ushtrinë shqiptare edhe me trajnime ushtarake. Lideri turk – i cili u prit me ceremoni zyrtare nga presidenti i Shqipërisë, Bajram Begaj, në kryeqytetin shqiptar – tha se synon që vëllimin tregtar me Shqipërinë ta rrisë në 2 miliardë dollarë. Turqia është ndër investitorët më të mëdhenj në Shqipëri me rreth 3.7 miliardë euro, ndërsa më shumë se 15 mijë shqiptarë janë të punësuar nga 830 kompanitë turke që operojnë në Shqipëri.
“I shohim nismat në fushën e tregtisë dhe investimeve si hapa që do ta rrisin mirëqenien e popujve. Ramë dakord të diversifikojmë investimet e ndërsjella duke përfshirë sektorë novatorë”, tha Erdogan.
Rama deklaroi se i pajtua me Erdoganin për më shumë investime të drejtëpërdrejta nga ana turke në sektorin e turizmit në Shqipëri.
"Sot firmosëm disa marrëveshje. Më e mirëpritura është firmosja e marrëveshjes për Universitetin Teknik të Stambollit në Tiranë. Jemi shumë të interesesuar dhe shumë të përmbushur sot në fuqizimin e ushtrisë së Shqipërisë dhe fuqizimin e kësaj marrëdhënieje në aspektin ushtarak", tha Rama.
Zyra e kryeministrit Rama njoftoi më herët se dy vendet nënshkruan tri marrëveshje gjatë një takimi të Këshillit të Bashkëpunimit të nivelit të lartë Shqipëri-Turqi. Një deklaratë të synimit mbi bashkëpunimin në fushën e sigurimeve në bujqësi, të mbështetur nga shteti, midis Ministrisë së Bujqësisë dhe Zhvillimit Rural të Shqipërisë dhe Ministrisë së Bujqësisë dhe Pylltarisë të Turqisë. Një protokoll ndërmjet Ministrisë së Arsimit dhe Sportit të Shqipërisë dhe Këshillit të Lartë të Arsimit të Turqisë për Hapjen e Degës, Njësisë Akademike, Programeve të Studimit nga Universiteti Teknik i Stambollit në Shqipëri.
Një Memorandumi të Mirëkuptimit ndërmjet Agjencisë për Media dhe Informim të Shqipërisë dhe Drejtorisë së Komunikimit të Presidencës së Turqisë për bashkëpunim në fushën e marrëdhënieve me publikun dhe komunikimin. Marrëveshja për deklaratën mbi bashkëpunimin në fushën e sigurimeve në bujqësi “shënon një etapë të re në forcimin e marrëdhënieve dypalëshe në këtë fushë”, tha zyra e Ramës. Më 2021, këto dy vende e nënshkruan një marrëveshje për krijimin Këshillit të Bashkëpunimit të nivelit të lartë Shqipëri-Turqi, ndërsa mbledhja e parë u mbajt në shkurt të këtij viti.
Në Ankara, gjatë vizitës së kryeministrit Edi Rama atje më 20 shkurt, u nënshkruan gjashtë marrëveshje dhe memorandume mirëkuptimi në fushën e mjedisit, bujqësisë, medias dhe ushtarake. Prej ardhjes në pushtet të partisë Socialiste, kryeministri Rama e ka cilësuar Turqinë partner strategjik dhe ka deklaruar se bashkëpunimi ndërmjet dy vendeve do të arrijë në nivele të panjohura më parë. Gjatë vizitës së tij në Tiranë Erdogani do të marrë pjesë edhe në përurimin e xhamisë së Namazgjasë më vonë të enjten. Në lidhje me përurimin e saj, Erdogan tha në konferencë se xhamia "është dhuratë e popullit turk për vëllezërit dhe motrat shqiptare".
“Ajo është xhamia më e madhe në Ballkan dhe do të jetë vendi ku do të lulëzojë ndenja e paqes dhe solidaritetit”, tha Erdogan.
Në këtë ceremoni të rëndësishme për besimtarët myslimanë, nuk do të marrë pjesë kreu i Komunitetit Mysliman Shqiptar, Bujar Spahiu, dhe as drejtues të tjerë. Komuniteti do të përfaqësohet nga myftiu i Tiranës, Gazmend Teqja, i cili do të jetë edhe drejtues i xhamisë së Namazgjasë. Në shtator të këtij viti u bë publike në media një letër e KMSH-së, ku theksohej se ky institucion jep pajtimin që Xhamia e Namazgjasë të administrohet nëpërmjet një fondacioni, i cili do të jetë “autoriteti i vetëm në këtë aspekt” dhe do të ketë si qëllim të veçantë të tij “marrjen përsipër të menaxhimit, administrimit, funksionimit dhe përdorimit pa afat të xhamisë, si dhe të kompleksit përreth saj”.
Ndërtimi i xhamisë nisi në vitin 2015 dhe themeli u vendos nga presidenti turk, Erdogan. Ai pati deklaruar në atë kohë se organizata FETO ka strukturat e saj edhe në Shqipëri, dhe se u kishte kërkuar krerëve të institucioneve “eliminimin” e tyre. Punimet u tha se do të përfundonin për tre vjet, por u deshën rreth nëntë vjet që xhamia të përurohet. Xhamia e Namazgjasë ka një sipërfaqe prej 10.000 metrash katrorë dhe ka kapacitet për 5.000 besimtarë. Pjesë e saj janë edhe bibliotekat, qendra kulturore, parkingu, kursi i librit të shenjtë, Kuranit, salla e ekspozitave, mensa, salla e konferencave etj./ REL
Ervin Salianji TIRANA- Ervin Salianji ka reaguar nga burgu pas intervistës së mbrëmjes së shkuar të deputetit socialist Fatmir Xha...
Erdogan dhe Rama TIRANË- Kryeministri Edi Rama ka deklaruar se ditën e sotme do të jetë përkrah presidentit turk Rexhep Tajip...
Edi Rama TIRANË- Kryeministri Edi Rama ka deklaruar se pas vizitës së sotme në Shqipëri, presidenti turk Rexhep Tajip Erdogan...
Edi Rama TIRANË- Kryeministri Edi Rama ka deklaruar se Shqipëria është pro armëpushimit në Lindjen e Mesme. Në konf...
TIRANË- Kryeministri Edi Rama ka bërë të ditur se Tueqia i ka dhuruar Shqipërisë dronë kamikazë. Në konferen...
Berisha TIRANË- Kreu i Partisë Demokratike, Sali Berisha përmes një postimi në llogarinë e tij në "Facebook" ka reaguar ...
TIRANË- Kryeministri Edi Rama ka deklaruar se marrëveshjet tregtare me Turqinë duhet që të arrijnë në tavanin e 2...
erdogan TIRANË- Presidenti turk, Erdogan në deklaratën e tij për mediat tha ka folur edhe për luftën në Lindjen e Mesme....
erdogan, rama TIRANË- Presidenti i Turqisë, Rexhep Tajip Erdogan ka folur për hapjen e Xhamisë së Namazgjasë në Tiran&eu...
Erdogan dhe Rama TIRANË- Presidenti turk Rexhep Tajip Erdogan ka deklaruar se në takimin me kryeministrin Edi Rama ka diskutuar dhe për...
