Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Gjatë një deklarate për mediat, Blushi paraqiti dokumenta të reja, të cilat që sipas tij faktojnë se të gjitha akuzat ndaj Metës janë të pavërteta.
TIRANË- Sekretari i Përgjithshëm i Partisë së Lirisë, Tedi Blushi ka deklaruar ditën e sotme se komunikimi mes drejtuesve të DIA-s vërteton se ish-presidenti Meta ka zero lidhje me aferën CEZ-DIA. Gjatë një deklarate për mediat, Blushi paraqiti dokumenta të reja, të cilat që sipas tij faktojnë se të gjitha akuzat ndaj Metës janë të pavërteta.
Ai tha se jo vetëm DIA por edhe marrëdhënia e saj me kompaninë CEZ, ishte dhe mbetet një histori mafioze, ku sipas tij është përfshirë drejtpërdrejt, Edi Rama dhe ku është konsumuar afera e madhe korruptive e faljes së 479 milion eurove të shqiptarëve CEZ-it.
Sipas tij dokumetat e paraqitura janë dëshmi që tregojnë se kontrata CEZ-DIA u lidh falë edhe garancive që sipas tij ata ofruan në emër të kompanisë mëmë, Debt Advisory International LLC, ku tre aksionerët ishin amerikanë.
Në fund, Blushi tha se SPAK nuk ka patur kurrë vullnetin të hetojë realisht historinë mafioze të kompanisë DIA dhe marrëdhënies së saj me kompaninë CEZ, sepse e vërteta të çon vetëm te kryeministri Edi Rama.
Fjala e Blushit:
Në vijim të sqarimit publik lidhur me të vërtetën e vetme se ndaj Presidentit të Partisë së Lirisë ka ZERO fakte dhe ZERO prova penale që e lidhin atë me aferën CEZ-DIA, do vijojmë sot me publikimin e provave të reja ligjore.
Derimë tani kemi bërë vetëm 8 nga të paktën 800 fakte, dokumenta, shkresa dhe dëshmi që e provojnë se kompania DIA, ishte që para se të lindte dhe derisa u mbyll, një krijesë amerikane dhe se kontrata CEZ-DIA u lidh falë, jo vetëm lidhjeve që kishin amerikanët e DIA-s me CEZ-in, përvojave të kompanive amerikane në Çeki që ata ofruan si garanci, por edhe falë garancive që ata ofruan në emër të kompanisë mëmë, Debt Advisory International LLC, ku tre aksionerët ishin amerikanë.
Ndër këto dokumenta që kemi publikuar, unë po ju rikujtoj, vetëm një, dokumentin zyrtar shtetëror të regjistrimit të DIA-s në Shqipëri, ekstraktin e marrë nga Qendra Kombëtare e Biznesit, ku provohet de jure, se pronari i vërtetë i DIA-s, ishte Znj. Rebecca Gaskin.
Dua t’ju sqaroj edhe njëherë se jo vetëm DIA por edhe marrëdhënia e saj me kompaninë CEZ, ishte dhe mbetet një histori mafioze, ku është përfshirë drejtpërdrejt, Edi Rama dhe ku është konsumuar afera e madhe korruptive e faljes së 479 milion eurove të shqiptarëve CEZ-it. Por vijojmë sot, si përherë, mbështetur vetëm mbi prova ligjore, publikimin e fakteve të reja.
Më konkretisht, komunikimin midis drejtuesve të DIA-s, dega Shqipëri, që dëshmojnë se pronarja amerikane e DIA-s, Znj. Rebecca Gaskin, jo vetëm ishte në dijeni të problemeve të kompanisë, të presioneve që ushtroheshin ndaj saj nga dega e CEZ-it në Shipëri, por që vërtetojnë edhe se sa të forta ishte lidhjet e saj me drejtuesit e CEZ-it, sa jo vetëm nuk i llogariste shqetësimet e tyre por siç ka pohuar edhe vetë lidhjet e saj me CEZ-in ishin aq solide sa ajo pretendonte të blinte edhe degën e CEZ-it në Shqipëri.
Vijojmë konkretisht.
Më datën, 9 nëntor 2011, Drejtori rajonal i DIA-s, Oligert Kume i dërgon një e-mail administratorit të DIA-s, Z. Kastriot Ismailaj ku e informon për presionet dhe fushatën e shpifjeve sipas tij që po ndërmerren ndaj DIA-s nga përfaqësuesve të CEZ-Shqipëri.
(E-mail bashkëlidhur i OLIGERT KUME – 9 nëntor 2011)
Më datën 10 nëntor 2011, Administratori i asaj kohe i DIA-s, Z. Kastriot Ismailaj, i kthen një e-mail drejtorit rajonal të kompanisë, Z. Oligert Kume, në lidhje me histerinë sipas tij që ka nisur ndaj DIA-s dhe stafit të saj, duke i bërë me dije se përgjigjen po ta kthej në gjuhën angleze në mënyrë që edhe pronarja e kompanisë, pra Znj. Rebecca Gaskin të krijonte një pasqyrë të saj.
(E-mail bashkëlidhur i KASTRIOT ISMAILAJ – 10 nëntor 2011)
Vijojmë tani me faktin më interesant.
Brenda ditës, dhe fiks 28 minuta pas email-it të Z. Ismailaj për Z. Kume, vetë pronarja e DIA-s, Znj. Rebecca Gaskin, i kthen përgjigjen e saj drejtorit rajonal të DIA-s, ku jo vetëm e qetëson dhe e këshillon të mos shqetësohet fare për sulmet e CEZ-Shqipëri, por i evidenton dhe argumentin bindës.
Dhe argumenti i saj janë pikërisht, ato që edhe ajo shkruan vetë, lidhjet e saj shumë shumë të forta me CEZ-in në Pragë, madje aq të forta sa ajo është gati të blerë edhe degën e CEZ-it në Shqipëri.
(E-mail bashkëlidhur i REBECCA GASKIN – 10 nëntor 2011)
Ky email, vërteton, natyrisht për çdo njeri që ka sytë në ballë dhe jo për ata prokurorë të tredhur që ua ka lidhur sytë Edi Rama që te vettingu, se Znj. Rebecca Gaskin, jo vetëm ishte në dijeni të problemve që kishte DIA, të presioneve që kishte për këto arsye nga CEZ-i i Shqipërisë, por ajo tregon që kishte lidhje kaq të forta me drejtuesit e lartë të CEZ-, sa jo vetëm nuk i llogariste kritikat e tyre, përkundrazi ishte aq e plotfuqishme sa pretendonte që DIA të blinte edhe CEZ-in e Shqipërisë.
Aq e plotfuqishme, siç e lexuat, do e blinte CEZ-in e Shqipërisë me çmimin që do caktonte kjo, jo me atë mund të kërkonte CEZ në Prag.
Madje, kaq e plotfuqishme ishte Znj. Gaskin, sa në bashkëpunim shumë të ngushtë me Edi Ramën, mori një badigard të Niko Peleshit, e caktoi si “administrator” të DIA-s, e regjistroi edhe në QKR, dhe ndërkohë në emër të tij, pa dijeninë e tij, firmoseshin shkresa, vuloseshin dokumenta, ndërkohë që badigardi i Peleshit, jo vetëm që nuk dinte anglisht dhe as kishte firmosur gjë, se as vulë nuk kishte parë, por nuk dinte as ku ishte selia e DIA-s dhe as se me çfarë punësh merrej kompania ku ai ishte “administrator”, që siç e ka pohuar edhe vetë para gjykatës e mori vesh kur plasi skandali në media.
Faktet janë asgjësuese, të kristalta në dritë të diellit, që Ilir Meta nuk ekziston asgjëkundi, ka zero prova dhe lidhje me DIA dhe e gjithë kjo lojë mafioze e SPAK-ut me regji është në funksion vetëm të mbylljes së aferës korruptive të faljes së 479 milion eurove të shqiptarëve CEZ-it.
Ndaj SPAK nuk ka patur kurrë vullnetin të hetojë realisht historinë mafioze të kompanisë DIA dhe marrëdhënies së saj me kompaninë CEZ, sepse e vërteta të çon vetëm te Edi Rama dhe askund tjetër./Dosja.al
Enea Karakaçi MAL I ZI- Ministri i Energjisë dhe Infrastrukturës, Enea Karakaçi, deklaroi se Shqipëria po forcon pozicion...
Belidon Nallbati TIRANË- Gjykata e Lartë ka rikthyer për shqyrtim në Apelin e GJKKO-së vendimin e dhjetor 2024 p&eu...
KOSOVË- Kosova ka shpallur të premten, 24 prill, Ditë zie shtetërore në nderim të jetës dhe veprës së akademikut ...
Jorgo Goro TIRANË- Gjykata e Lartë ka rikthyer ditën e sotme për rigjykim në GJKKO dosjen e ish-kryebashkiakut të ...
Andis Salla TIRANË- Deputetit demokrat Zija Ismaili dhe ministri i Bujqësisë dhe Zhvillimit Rural, Andis Salla kanë zhvilluar ...
Evis Sala TIRANË- Ministrja e Shëndetësisë, Evis Sala ka reaguar ndaj akuzave të opozitës, të cilët kanë ...
Foto ilustruse TIRANË- Gjykata e Lartë ka rrëzuar rekursin për masën e sigurisë ndaj ish-presidentit Ilir Meta, duk...
Deputetët e Kuvendit të Kosovës e kanë kaluar me shumicë dërrmuese votash një Projektligj për sigurimin e detyruesh&eu...
Taulant Balla TIRANË- Kuvendi i Shqipërisë ka mbajtur një minutë heshtje për ndarjen nga jeta të Rexhep Qoses. Gjat...
KOSOVË- Kuvendi i Kosovës ka mbajtur sot një minutë heshtje për ndarjen nga jeta të akdemikut Rexhep Qosja. Kryetarja e Kuven...
