Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Gjatë fjalës së tij Mete u shpreh se Shqipëria ka pasur ecuri të mirë të ekonomisë, punësimit dhe investimeve të huaja ndërsa shtoi se se borxhi publik arriti nën 60% për herë të parë që nga viti 2011.
TIRANË- Ministri i Financave, Ervin Mete ka qenë i pranishëm në takimin e konstituencës së Bankës Botërore dhe Fondit Monetar Ndërkombëtar. Gjatë fjalës së tij Mete u shpreh se Shqipëria ka pasur ecuri të mirë të ekonomisë, punësimit dhe investimeve të huaja ndërsa shtoi se se borxhi publik arriti nën 60% për herë të parë që nga viti 2011.
Mete shtoi se objektiv mbetet arritja e një rritjeje të qëndrueshme, gjithëpërfshirëse. Për të realizuar këtë ministri u shpreh se kanë nisur një diskutim të thelluar me Bankën Botërore për analizimin e komponentëve të mbrojtjes sociale, me objektivin për të ndërmarrë një qasje reformuese edhe ndaj sistemit të pensioneve.
Fjala e plotë:
Është kënaqësi të mikëpresim për herë të parë në Shqipëri këtë takim të konstituencës së Bankës Botërore dhe Fondit Monetar Ndërkombëtar. Këto janë takime që i shërbejnë diskutimeve mbi zhvillimet e fundit në vendimmarrjet e Bankës Botërore dhe Fondit Monetar Ndërkombëtar, si edhe shkëmbimit të mendimeve në lidhje me sfidat me të cilat përballen ekonomitë e vendeve tona.
Uroj që gjatë këtyre ditëve të keni mundësinë të njihni më nga afër vendin tonë, ashtu siç bënë mbi 10 milionë turistë që vizituan Shqipërinë gjatë vitit të kaluar. Siç e përmendi Guvernatori, turizmi është kthyer në një mbështetës të fortë të zhvillimit dhe rritjes ekonomike për ne, ashtu siç ka qënë prej vitesh për shumicën e vendeve të pranishme në këtë takim.
Kontributi i këtij sektori, krahas sektorëve të tjerë, ka qënë i rëndësishëm për qëndrueshmërinë e ekonomisë shqiptare në përballje me një seri goditjesh, ku veç pandemisë dhe efekteve të konfliktit Rusi-Ukrainë, vendit tonë iu desh të përballej edhe me pasojat e një tërmeti shkatërrues të vitit 2019. Edhe në vlerësimet e Fondit Monetar dhe Bankës Botërore, Shqipëria rezultoi si një nga ekonomitë më rezistente në rajon dhe kjo qëndrueshmëri është inkurajuese edhe për perspektivën afatmesme dhe afatgjatë, si edhe për shëndetshmërinë e financave publike në vend.
Kemi pasur një ecuri të mirë të ekonomisë, punësimit, të ardhurave dhe investimeve të huaja. Standard and Poor’s në fund të vitit të kaluar rishikoi perspektivën e Shqipërisë nga e qëndrueshme në pozitive. Borxhi publik jo vetëm zbriti në nivelet e para krizave, por arriti nën 60% për herë të parë që nga viti 2011, duke shënuar një nivel prej 59.2% në fund të vitit 2023, sipas vlerësimeve më të fundit, duke e vendosur Shqipërinë ndër vendet që kanë ulur me ritmin më të shpejtë borxhin publik në rajon.
Jemi angazhuar së fundmi në finalizimin e një strategjie të Menaxhimit të Financave Publike, në koordinim me Bashkimin Evropian, si një nga parakushtet themelore të avancimit me negociatat drejt BE-së, negociata në të cilat kemi pasur vlerësime shumë pozitive nga Komisioni. Rekomandimet që kanë rezultuar nga këto negociata, së bashku me grupin e reformave që presim të dakordësojmë me Komisionin, si pjesë e Planit të Rritjes të vendeve të Ballkanit Perëndimor besoj do të jenë shtysa të rëndësishme për integrimin e tregjeve, përshpejtimin e rritjes ekonomike dhe konvergjencës së rajonit me vendet e BE-së.
Pjesë e reformave të Menaxhimit të Financave Publike është edhe Strategjia Afatmesme e të Ardhurave, për të cilën kemi punuar së bashku me FMN-në, me synim përmirësimin e administrimit fiskal dhe efektshmërinë e politikave tatimore. Në dinamikat komplekse të zhvillimeve gjeopolitike apo edhe rajonale, është e rëndësishme të forcojmë rezervat për t’u përballur më me efektshmëri me sfidat e ardhshme.
Objektiv mbetet arritja e një rritjeje të qëndrueshme, gjithëpërfshirëse, por tashmë edhe të gjelbër. Shqipëria dhe rajoni janë në një pozicion të favorshëm për të realizuar veçanërisht këtë të fundit. Ne kemi vendosur objektivin e transformimit të Shqipërisë në eksportues neto të energjisë, bazuar në zgjerimin e burimeve të rinovueshme dhe synojmë të zgjerojmë investimet e qëndrueshme në të gjithë sektorët e ekonomisë, duke adoptuar një kuadër efektiv të taksonomisë së gjelbër.
Për një rritje gjithëpërfshirëse, kemi nisur një diskutim të thelluar me Bankën Botërore për analizimin e komponentëve të mbrojtjes sociale, me objektivin për të ndërmarrë një qasje reformuese edhe ndaj sistemit të pensioneve. Gjithashtu, politikat ndaj mbrojtjes së kapitalit njerëzor dhe nxitjes së punësimit mbeten thelbësore, veçanërisht për gratë dhe të rinjtë. Kemi vendosur po ashtu si objektiv inovacionin, digjitalizimin dhe përdorimin e inteligjencës artificiale, që është edhe një nga temat e diskutimit sot dhe do të jetë një nga elementët që e ardhmja dikton ta vëmë në funksion të rritjes së produktivitetit dhe rritjes së qëndrueshme ekonomike.
Të nderuar Ministra dhe Guvernatorë,Sfidat për të cilat diskutojmë nuk janë të reja, as të veçuara, madje janë shumë të ndërlidhura mes vendeve, pavarësisht madhësisë së tyre. Në këtë frymë, mendoj se ndarja e mendimeve sot dhe shkëmbimi i eksperiencave do t’i vlejë adresimit sa më efektiv të këtyre sfidave.
arben ahmetaj TIRANË- Gjykata e Posaçme ka pezulluar për një vit procesin gjyqësor për privatizimin e fabrikës "Buka"....
Blinken TIRANË- Sekretari amerikan i Shtetit, Antony Blinken ka reaguar sërish në lidhje me vizitën e tij në Tiranë. P&e...
edi rama TIRANË- Kryeministri Edi Rama ishte i pranishëm në një mbledhje të nivelit të lartë të konstituencës ...
foto nga takimi TIRANË- Kryetarja e Gjykatës Kushtetuese, Holta Zaçaj, ka reaguar pas takimit të djeshëm që sekretari ...
pamje nga takimi TIRANË- Ambasada amerikane në Tiranë ka ndarë foto nga takimi që sekretari amerikan, Antony Blinken zhvilloi p&e...
edi rama, antony blinken TIRANË- Kryeministri Edi Rama ka ndarë pak minuta më herët një video që përmbledh momente nga v...
Antony Blinken TIRANË- Sekretari amerikan i Shtetit, Antony Blinken, tha të enjten në Tiranë se bisedimet e ndërmjetësuara ng...
Pamje nga dhunimi ELBASAN- Kreu i Partisë Demokratike, Sali Berisha përmes një postimi në llogarinë e tij në "Facebook" ka nd...
Ervin Salianji KAVAJË- Ditën e sotme Ervin Salianji deputet i PD ka zhvilluar një takim në fshatin Luz në Kavajë. Salianji th...
Blinken dhe Rama TIRANË- Sekretari amerikan i Shtetit, Antony Blinken ka reaguar sërish në lidhje me vizitën e tij në Tiranë....
