Dosja ‘McGonigal’/ Publikohen pamjet e kryeministrit krah Nezës në SHBA, ish-agjenti darkonte me ‘Personin A’ e Gjicin, Rama ende 'i zhdukur'
ME VIDEO/ Agron Neza me kryeministrin Rama e Xhaçkën në SHBA, i ftuar në ceremoninë e rëndësishme për ...
ME VIDEO/ Agron Neza me kryeministrin Rama e Xhaçkën në SHBA, i ftuar në ceremoninë e rëndësishme për ...
Sherr për prona, detaje nga plagosja e nënë e bijë në Kosovë, dëshmitarët: U qëlluan në makin&...
Operacioni Fijet, 'hiqen' 3 kamera në Memaliaj dhe 1 në Burrel, 2 persona nën hetim (VIDEO) 28 Janar, 14:26 Kam...
Trafiku i drogës Itali-Shqipëri/ Zbardhen PËRGJIMET e grupit: Nesër e ke aty, me qetësi dhe dashuri 28 Janar, 12:31 ...
• Komisioni i Posaçëm i Reformës Territoriale është mbkledhur mes debateve për të diskutuar me shoqërinë civile. E pranishme ishte Albana Dhimitri nga Instituti i Politikave Publike dhe Private, e cila tha se se reduktimi i bashkive sjell zhvillim. Drini Nushi nga Insituti i Kërkimeve foli për mungesën e autonomisë vendore, kurse Gerta Meta foli për hartën. Ata vlerësuan si pozitive idenë e ndarjes së vendit në rajone. • Kjo fali solli debate. Opozita kërkoi shifra, ndërsa Dhimitri tha se kishte shkuar pa dokumente dhe se nuk i mbante mend të gjitha përmendësh. • Deputetit demokrat Bledjon Nallbati tha se në bashki ka pubnonjës që nuk dinë përse e marrin rrogën. Debate pati mes Xhelal Mziut e Anila Denaj. Kjo e fundit kërkoi shumë herë që Mziu t’i përmbahej etikës. • Projektligji për ndarjen e re administrativo-territoriale pritet të miratohet në fund të muajit shtator. Gjatë verës do të ketë vetëm seanca dëgjimore me ekspertë, ndërsa projekt-harta do të punohet në fund të sezonit veror. Grupi për Territoriale përbëhet nga 16 anëtarë, 8 nga mazhoranca dhe 8 opozita, duke përfshirë edhe aleatët, Vangjel Dule e Mesila Doda. • Socialistët kanë deklaruar se kundërshtojnë rritjen e numrit të bashkive dhe ndarjen në rajone. Demokratët shprehen se pakësimi i bashkive largojnë shërbimet nga qytetarët dhe se duhen shtuar zonat administrative. Por, PD-ja nuk ka ende një propozim konkret.
4 artikuj për këtë temë.
TIRANË- Deputeti i Partisë Demokratike Xhelal Mziu është përplasur me bashkëkryetaren e Komisionin e Posaçmë për Reformën Territoriale. Mziu po fliste për bashkitë, ndërsa Denaj i kërkoi që të ndërpriste fjalën dhe të kalonte tek pyetjet. Por, deputeti i PD-së këmbënguli dhe i tha Denajt se kishte nevojë për kohën e tij pasi nuk i kishte pyetjet me shkrim në celular.
Pjesë nga debati:
Xhelal Mziu: Këlcyra, Memaliaj, Miloti, Mamurrasi e Velipoja, pra, kemi patur një…mos…po lërë më tashi
Anila Denaj: Në frymë të diskutimit nuk mund të vazhdojmë
Xhelal Mziu: Po se’e ke tagërin për të ndërhyrë për çdo gjë ti…
Anila Denaj: Po e kam, sepse kemi nevojë për pyete dhe jo komente. Nëse bashkëkryetarja që ka rënë dakort me mua nuk ndërhyn. Vendos unë….
Xhelal Mziu: Nuk vendos as ti dhe as bashkëkryetarja
Anila Denaj: Sot s’do bëjmë politikë, por pyetje
Xhelal Mziu: Ore nuk i marr nga telefoni unë siç i bën ti
Anila Denaj: Po të vijë puna për kompetenca nuk është ky vendi ku mund të krahasohemi bashkë.
Xhelal Mziu: Mbarova
Anila Denaj: Flisni me edukatë ju lutem se keni disa herë që…
Xhelal Mziu: Po ty s’të bëri përshtypje se çfarë foli kolegu. Se çfarë foli kolegu dhe jo….
Anila Denaj: Të lutem shumë …
TIRANË- Vijojnë replikat në Kuvend në lidhje me Reformën Territoriale. Deputeti Saimir Hasalla kërkoi nga përfaqësuesja e shoqërisë Civile, Albana Dhimitri të dhëna në lidhje me bashkitë. Por, Kjo e fundit tha se nuk i mban mend shifrat dhe se nuk kishte marrë dokumente me vete. Ajo shtoi me humor se madje as deputetit nuk ia dinte emrin. Mes tyre ndërhyri bashkëkryetarja Anila Denaj e cila kërkoi që këto batuta të mos bëheshin në Kuvend.
Pjesë nga replikat:
Albana Dhimitri: Ju bëni diskutime politike dhe pastaj mund të bëj unë një copëz politik dhe thoni pse. Ju më pyesni si përfaqësuese e shoqërisë civile.
Anila Denaj: Nuk mund të bëjmë batuta, duhet të fokusohemi te përgjigjet se kemi dhe tre dëgjesa të tjera.
Albana Dhimitri: Unë nuk i mbaj dot përmendësh shifrat e Elbasanit, por do ishte mirë të merrnit ministrin e Financave. Kjo do u jepte sens më të qartë për të sqaruar si përdoret fondi i pagave, nëse ka shkuar në administratë apo në shërbime. Është e kotë të them unë që ka rritje të të ardhurave në bashki. Unë nuk ia di emrin zotërisë që më bëri pyetjen. Por nëse i marrim bashkitë më 2015, numri i atyre që kishin bërë plan të përgjithshëm rregullues ka qenë i reduktuar dhe te komunat kishte numër shumë të kufizuar që e bënin planin. Sot, pas 8 vitesh të reformës, të gjitha bashkitë kanë një plan rregullues, mund të jenë 4-5 që presin miratimin, por të gjitha funksionojnë përmes një plani rregullues. Sot ka një përkujdesje të definuar saktë të panit edhe sa i takon ndihmës sociale. Ndoshta shumë prej të ardhurave kanë shkuar për të larë borxhe të trashëguara kryesisht nga komunat. Unë nuk i kam shifrat me vete, por shërbimet janë rritur proporcionalisht me të ardhurat e tyre. Ju thashë që ka një borxh të mbartur diku te 91 milionë, që po menaxhohet nga të ardhurat e bashkive, por edhe me ndihmë nga qeveria. A është shkak reforma për largimin e njerëzve? Largimi i njerëzve është e lidhur me gjëra të tjera, nuk dua të jap opinion, por dua të them se nëse kjo reformë do të ishte bërë më përpara zhvillimi ekonomik do të kishte qenë më i madh nga sa është.
TIRANË- Vijojnë replikat për Reformën Territoriale në Kuvend. Deputeti Vangjel Dule foli për falimentimin e bashkive, ndërsa demokratje Oriola Pampuri tha se për shkak të ndarjes së gabuar territorial, shumë zona nuk mbulohen me shërbime. Bashkëkryetarja Anila Denaj kërkoi përgatitjen e pyetjeve dhe ndërprerjen e seancës.
Pjesë nga replikat:
Vangjel Dule: Në media është raportuar se shumë bashki janë në prag falimentimi, ne nuk kemi konkluduar, nuk kemi nisur të diskutojmë nëse duhet të ketë ndryshime apo jo në njësitë administrative. Rritja e numrit të bashkive konsiderohet e gabuar nga maxhoranca, pork jo gjë nuk u tha. Mendoni se duhet rishikuar harta pa ditur nëse duhet shtuar apo pakësuar numri i njësive administrative, ju keni qenë dhe nënkryetare në Bashkinë e Tiranës në kohën kur ishte Rama në krye. Duhet të shmangim atë stilin se duhet kështu apo duhet ashtu.
Anila Denaj: Nëse vijojmë dhe me një replikë dhe më pas e mbyllim me kaq pjesën e parë
Oriola Pampuri: Ju thatë në fillim që këtu nuk kemi ardhur të luajmë kungulleshkash, por duhet parë harta e ndarjes territorial. Nuk ka zona…
Anila Denaj: Ju lutem konkludoni pyetjen
Oriola Pampuri: Ju lutem, edhe ju në fillim e bëtë politike
Anila Denaj: Konkludoni pyetjen
Oriola Pampuri: Unë po ju jap një panoramë të vërtetë
Anila Denaj: Do rimblidhemi në orën 12:00, komentet dhe mënyën se si bëjmë komentet duhet t’i kemi parasysh kur të vendosim rregullat.
TIRANË- Debat në Kuvend! Socialistët dhe demokratët kanë debatuar në lidhje me numrin e të punësuarve në administratë. E para fioli Albana Dhimitri, përfaqësuesja e Shoqërisë Civile, por përfaqësuesit e Partisë Demokratike ndërhynë. Konkretisht Bledion Nallbati i kërkoi që të vinte me tabelë me të dhëna. Bashkëkryetarja Anila Denaj ndërhyri, kurse Dhurata Çupi tha gjithashtu se duhet të dinin të mbanin qëndimin e të mos silleshin sikur të ishin në shkollë.
Pjesë nga debati:
Albana Dhimitri: Nuk e dija që duhet të vija me shifra me vete
Bledion Nallbati: Nëse përgjigjet nuk janë për ju, sillni shifra. Zonja nëse nuk ka shifra, nuk mund të vijë këtu dhe të më thotë mua
Anila Denaj: Ju nuk keni të drejtë të flisni derisa të mbarojnë fjalinë. Shifrta jua kemi kërkuar. Ekspertët janë nga të dy palët. Nëse sot vijmë pa shifra dhe s’kemi gjëra paraprake, ky debat nuk ekziston. Le të japim përgjigje sepse sot nuk përfundojmë dot.
Dhurata Çupi: Nuk jemi në orë mësimi këtu që të drejtojmë gishtin. Ka shifra apo jo, kanë të drejtën të bëjnë pyetjen. Të jemi korrekt, edhe pyetjet e deputetëve duhet të jenë, por ekspertët duhet të kenë material me vete. Ka mundësi të më thuash nga përgjigjet e organizatës, ka një fjali që e merr dhe e fut në dosje? Këto janë fyerje, gjykime. Nuk janë sjellë nga rruga këta. Nuk është qëllim, ju kërkoj ndjesë zonja Dhimitri, nuk është qëllim personeli. Pse për bashkitë është rritur numri i të punësuarve ndërsa shërbimet mungojnë? Këto bashki paskan funksionuar vetëm për të shtuar numrin e punonjësve.
Anila Denaj: Të gjithëve na lind e drejta dhe detyrimi që të çojmë pyetjet paraprakisht. Të japim përgjigje në ditët në vijim, ndaj do t’i kërkoja sekretarisë që pyetjet që janë bërë të merren përgjigje me shkrim. Kjo për ato mungesa informacioni për faktin që sot nuk u bë asnjë pyetje me shkrim. Asnjë nuk ka ardhur i papërgatitur sot, po të shihet me detaje. Ne po flasim sot që paga mesatare në të gjithë Shqipërinë është rritur dhe jeni ju që bisedoni në lidhje pagat, edhe kur rritet do ta trajtoni si ngërç? Të sjellin të gjitha grupet e ekspertëve pyetjet meshkrim dhe të ndahemi, të mos ngatërrohemi me përgjigjet.
Projektligji për ndarjen e re administrativo-territoriale pritet të miratohet në fund të muajit shtator. Gjatë verës do të ketë vetëm seanca dëgjimore me ekspertë, ndërsa projekt-harta do të punohet në fund të sezonit veror. Grupi për Territoriale përbëhet nga 16 anëtarë, 8 nga mazhoranca dhe 8 opozita, duke përfshirë edhe aleatët, Vangjel Dule e Mesila Doda. Socialistët kanë deklaruar se kundërshtojnë rritjen e numrit të bashkive dhe ndarjen në rajone. Demokratët shprehen se pakësimi i bashkive largojnë shërbimet nga qytetarët dhe se duhen shtuar zonat administrative. Por, PD-ja nuk ka ende një propozim konkret.
