Aksident i rëndë te rrethrrotullimi i TEG-ut/ Betonieria bie nga lartësia, humb jetën shoferi dhe plagoset një tjetër
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Para tij, postin e Presidencit e kanë mbajtur edhe tre ushtarakë. Bëhet fjalë për të ndjerin Bujar Nishani, Alfred Moisiun dhe Ahmet Zogun.
TIRANË- Shefi i Shtabit të Ushtrisë Bajram Bega është emri që socialistët kanë përzgjedhur mes 26 kandidaturave për të zëvendësuar Ilir Metën në krye të Presidencës. Për të tretën herë, socialistët do t’i japi Shqipërisë një President që vjen nga shkolla ushtarake. Gjeneral Major Bajram Begaj, ka lindur në datë 20.03.1967, në Rrogozhinë. Ka përfunduar studimet në Fakultetin e Mjekësisë në Degën Mjekësi e Përgjithshme në vitin 1989 dhe është titulluar oficer aktiv në specialitetin ‘Mjekësi” në vitin 1998. Ai gjithashtu ka përfunduar ‘Doktoraturën në Fushën e Mjekësisë’, ndërsa mban edhe titullin ‘Profesor i Asociuar’ në Mjekësi. Gradën “Gjeneral Major”, Begaj e mori nga presidenti Ilir Meta në korrik të vitit 2020, duk u bërë kështu edhe mjeku i parë që arrin të marrë gradën më të lartë në vend.
Aktualisht Gjeneral Major Begaj mban postin e Komandantit të Komandës së Doktrinës dhe Stërvitjes në Forcat e Armatosura, ndërkohë që në 31 vitet e karrierës në FA ka mbajtur një sërë detyrash. Para tij, postin e Presidencit e kanë mbajtur edhe tre ushtarakë. Bëhet fjalë për të ndjerin Bujar Nishani, Alfred Moisiun dhe Ahmet Zogun.
Bujar Nishani
Bujar Nishani u lind më 29 shtator 1966 në qytetin e Durrësit. Nishani u zgjodh president i Shqipërisë në vitin 2012 dhe shërbeu në këtë post përgjatë një mandati të plotë deri në vitin 2017. Në këtë post erdhi nga një karrierë akademike pranë Forcave të Armatosura të Shqipërisë dhe angazhimit disa vjeçar në Ministrinë e Mbrojtjes së Shqipërisë në dekadën e parë të tranzicionit demokratik. Ai ka mbajtur pozitën e ministrit të Brendshëm në vitin 2007 dhe në vitin 2011, ndërsa atë të ministrit të Drejtësisë në vitin 2009. Studimet e larta i kreu në Akademinë Ushtarake “Skënderbej” në Tiranë, në vitin 1988.
Alfred Moisiu
Alfred Moisiu u zgjodh president në 2002. Moisiu u lind më 1 dhjetor 1929 në Shkodër, i biri i Spiro Moisiut. Më 1949 – 1951 qe instruktor në Akademinë Ushtarake “Skënderbej”. Më 1958 – 1966 qe oficer në Drejtorinë e Xhenios të Ministrisë së Mbrojtjes. Më 1966 – 1971 u caktua komandant i Brigadës së “Urave të Rënda” në Kavajë. Më 1971 – 1981 qe drejtor i Xhenios dhe i Fortifikimit në Ministrinë e Mbrojtjes. Më 1981 – 1982 qe zëvendësministër i Mbrojtjes dhe më pas komandant i Kompanisë së Xhenios në Burrel deri më 1984. Më 1985 deri më 1991 nxirret në pension. Më 1991 – 1992 u emërua ministër i Mbrojtjes. Më 1992 – 1994 qe këshilltar i ministrit të Mbrojtjes, Safet Zhulali. Më 1994 – 1997 zëvendësministër për Politikën e Mbrojtjes dhe po nga 1994 deri më 2002 president i Shoqatës Shqiptare të Atlantikut. Rinxirret në pension më 1997 deri më 2002, kur dhe u zgjodh President i Republikës nga parlamenti më 24 qershor dhe mori detyrën më 24 korrik duke zëvendësuar Rexhep Meidanin. Këtë funksion Moisiu e ushtroi deri më 24 korrik 2007, kur kreun e shtetit e mori presidenti Bamir Topi.
Ahmet Zogu
Ahmet Zogu, Mbreti i Shqiptarëve (Burgajet, 8 tetor 1895 – Paris, 9 prill 1961) i lindur Ahmed Muhtar bej Zogolli, e që pas vitit 1922 u njoh thjesht si Ahmet Zogu, ishte udhëheqësi i Shqipërisë nga 1922 deri më 1939. Ai së pari shërbeu si kryeministër shqiptar (1922–1924), pastaj si president (1925–1928), dhe së fundi si mbret (1928–1939). Zogu u bë aktiv në ngjarjet e vendit që në moshë të re. Në krye të matjanëve u nis të ndihmonte qëndresën në mbrojtje të Shkodrës gjatë Luftës së Parë Ballkanike, më tej gjatë Luftës së Parë Botërore luftoi përkrah ushtrisë austro-hungareze që kishte pushtuar dhe administronte një pjesë të territoreve shqiptare. Më 21 janar të vitit 1925 Kuvendi Kushtetues vendosi që formë qeverisëse në Shqipëri të ishte Republikë Parlamentare dhe më 31 janar 1925 Ahmet Zogu zgjidhet President. Shqipëria nga ky moment do të ishte për herë të parë në historinë e saj Republikë. De jure Shqipëria ishte Republikë Parlamentare por de facto ishte Republikë Presidenciale pasi Ahmet Zogu ishte President dhe Kryeministër njëherazi. Asambleja Kushtetuse më 1 shtator 1928 vendosi që formë qeverisëse në Shqipëri të ishte Mbretëri Demokratike, Parlamentare dhe e Trashëgueshme dhe Mbreti i shqiptarëve ishte Zogu I.
Bajram Begaj TIRANË- Kreu i Forcave të Armatosura të Republikës së Shqipërisë Bajram Begaj ka pranuar propozimin e...
TIRANE- Bajram Begaj do të hyjë për të dytën herë në Pallatin e Brigadave, kësaj here me postin më të lart&e...
Pamje nga numerimi TIRANË- Kutia e parë e votimit është hapur në selinë blu. Mësohet se numërimi i votave p&eu...
TIRANË- Kryeministri Edi Rama nuk ka hezituar të sulmojë Ilir Metën, presidentin aktual duke thënë se nuk është komand...
Edi Rama TIRANË- Bajram Begaj është propozuar si kandidat i Partisë Socialiste për të zëvendësuar Ilir Metën ...
Bajram Begaj TIRANË- Socialistët kanë dalë në një vendim, kandidati që do të votojnë nesër në Kuvend...
Muslim Murrizi TIRANË- Myslim Murrizi ka kritikuar se zhvillimet brenda PD-së. Në mbledhjen e sotme të Këshillit Kombëta...
Sali Berisha TIRANË- Fotot e mëposhtme janë tregojnë zhvillimet më të fundit nga selia blu. Këtë të premte po ...
I dërguari i posaçëm i Shteteve të Bashkuara për Ballkanin Perëndimor, Gabriel Escobar thotë se se ideja e një Evrop...
Edi Rama TIRANË- Kryeministri Edi Rama u ka sekuestruar telefonat deputetëve socialistëve që marrin pjesë në mbledhjen e Kry...
