Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ai tregoi më tej se vendimi për përjashtimin e katër deputetëve të tjerë iu ishte vënë në dispozicion në seancën e fundit të 2022.
TIRANË- Nënkryetari i Partisw Demokratike Oerd Bylykbashi ka folur sot për vendimin e Enkelejd Alibeaj për përjashtimin nga grupi të katër deputetëve mes tyre dhe ai vetë. I ftuar nw News 24, Bylykbashi ka sqaruar se përse nuk ka asnjë vlerë ky akt në aspektin politik dhe kushtetues dhe pse është nul.
“Është një llogari e cila po të marrësh parasysh të gjitha shkarkimet duke filluar nga Basha e Alibeaj po bëhen 6, parlamentare dhe partiake. Ai akt qesharak që opinioni publik mësoi pak ditë më parë nuk ka asnjë vlerë. Juridikisht është nul. Shkelje flagrante e statutit. hedh dritë te marrëzia dhe dëshpërimi që i ka kapur disa individë për të mbajtur një pushtet që nuk ekziston.
Ky përjashtim nuk vlen. Mua dhe kolegët e mi të PD-së na kanë votuar demokratët. Së pari ne jemi deputetë. Kemi pranuar të konkurrojmë për PD-në, jemi të nderuar për këtë gjë. Jemi shpallur deputetë në emër të PD-së. Askush nuk na e heq këtë tagër përfaqësimi për llogari të PD-së. Këtë nuk e lejon kushtetuta, kodi zgjedhor, rregullorja e parlamentit. Në aspektin kushtetues e ka vlerën nul. Në aspektin politik e ka vlerën nul. Demokratët e kanë ndarë. Unë jam i nderuar që demokratët më kanë votuar nënkryetar i PD-së. Jemi në një situatë absurdi komik ku pak individë për shkak të një axhende që orkestrohet dhe i intereson Edi Ramës bëjnë këtë situatë. Në aspektin politik dhe kushtetues vlerën e ka zero. E vetmja vlerë se ia pranon maxhoranca socialiste. Këta mbijetojnë me këtë lloj sjelljeje”, tha Bylykbashi.
Ai tregoi më tej se vendimi për përjashtimin e katër deputetëve të tjerë iu ishte vënë në dispozicion në seancën e fundit të 2022.
“Në seancën e fundit të vitit që shkoi ne na u vu në dispozicion një vendim në janar 2022, ku grupi parlamentar, pas asaj që kishin bërë blindimin e partisë nga lidershipi i partisë, ata në vijim të këtij veprimi, mbylljes së PD-së duke lënë jashtë demokratët vendosën të përjashtonin 4 deputetë të tjerë, Vokshin, Spahon, Baçin dhe Nokën. Një numër deputetësh të tjerë pezulloheshin, mes tyre dhe unë dhe kolegët e tjerë. Ne këtë vendim e kemi parë vetëm në seancën e fundit të dhjetorit. Aty pamë që Alibeaj pas dorëheqjes së Rushajt kishte firmos një vendim. Vendimi i referohet një rregulloreje të shtatorit 2017, e cila është e shfuqizuar nga rregullorja e pesë muajve më pas, e cila iu është komunikuar zyrtarisht nga sekretaria deputetëve. Ka dy aspekte, shfuqizon këtë rregulloren që shërben si baza e një vendimi absurd dhe e dyta rregullorja e shkurtit 2018 nuk ka as edhe një germë që autorizon përjashtimin e deputetëve nga grupi parlamentar. E vetmja gjë që thotë që nëse merret një masë i referohen statutit të PD-së. Përveç absurdit politik, kushtetues dhe ligjor, kemi dhe një akt nul. Ky akt nul ka prodhuar efekte negative në funksionimin e opozitës parlamentare. Parlamenti ka vepruar në diçka të paligjshme. Kjo vepron në interesin e Ramës për të krijuar një situatë të tillë tek opozita sepse ka frikë të japë llogari në 14 maj”, tha deputeti i PD.
Ai theksoi se vetëm aktet e fundit të z. Alibeaj janë akte të mjaftueshme që në kushte normale t’i bësh një mocion për shkarkimin.
"Alibeaj është zgjedhur në mënyrë të jashtëligjshme në mbledhjen e gushtit 2021”, deklaroi Bylybashi.
Nënkryetari i PD tha se Këshilli Kombëtar është më lartë se kryetari.
“Duhet të gjendet një drejtim i ri i cili do të fokusojë përpjekjet tonë te qeveria, pa penguar të drejtat e deputetëve të opozitës. Dëmi i është bërë opozitës nga këta deputetë me tagër. Se kush duhet të jetë drejtuesi i ri, këtë e vendosin të gjithë. Nuk është çështje preferencash, por gjykim për vendimmarrje që t’i jepet verdikt funksional në PD. Berisha është nismëtari për pr/ligjit për heqjen e parashkrimit për ndjekjen penale për funksionarët e shtetit, për kryeministër, e ministra e funksione të tjera. Maxhoranca e lë të flejë këtë çështje, nuk e sjell për diskutim. Ka gropa që kanë nisur të tërhequr ministra. Skandali tjetër që sapo ka plasur janë paratë që u gjetën në banesën e shefes së kabinetit të ish-zëvendëskryeministrit. Debati është për këto, nuk është debati se kush duhet të qëndrojë kryetar i grupit”, tha Bylykbashi.
Bylykbashi e pranoi hapur se mbështet Ervin Salianjin për kryetar të grupit parlamentar.
“Kam gjykuar që t’i jap mbështetjen time Salianjit, për përbashkim të grupit, për të shkuar drejt një dinamike të re të grupit parlamentar për të shmangur këtë atrofizim që ka dashur Rama të prodhojë. E bëj publike mbështetjen time. E gjithë përpjekja bëhet për të penguar këtë gjë. Ne vazhdojmë të bëjmë opozitën”, tha Bylykbashi.
Ai theksoi se është më e rëndësishme një grup i cili është flakë kundër qeverisë, sesa kush qëndron në karrigen e kryetarit të grupit.
“Është i njëjti deputet i cili ka ngulur në trupin e PD një padi dhe nuk e heq prej aty. Së pari apeli në shkelje të ligjit, nën preson politik, nuk ka caktuar ende datën për seancën e parë për shqyrtimin e ankimit që është edhe i paligjshëm. Të gjithë e pranojmë që kjo është skandaloze”, tha ai.
Dritan Abazoviç TIRANË- Kryeministri i Malit të Zi, Dritan Abazoviç u shpreh se nuk ka një model më të mirë se ...
Frida Krifca TIRANË- Ministrja e Bujqësisë, Frida Krifca ka reaguar lidhur me mosshitjen e vajit të ullirit në Shqipëri. N&eu...
Sali Berisha TIRANË- Kryetari i Partisë Demokratike, Sali Berisha u shpreh i bindur para gazetarëve se PD e ka zyrtarisht logon. Ai u shpreh...
Sali Berisha TIRANË- Kryetari i Partisë Demokratike, Sali Berisha u shpreh ditën e sotme se Lulzim Basha është politikani më ...
Frida Krifca TIRANË- Ende nuk ka një vendim për gjobën që kryeministri Edi Rama paralajmëroi ndaj fermeëve që do t&...
Frida Krifca TIRANË- Ministrja e Bujqësisë, Frida Krifca, e pyetur për kontributin e prodhimit të brendshëm bruto ka kom...
TIRANË- Kryetari i Partisë Demokratike, Sali Berisha sqaroi kandidimin e Ervin Salianjit për kryetar të grupit parlamentar të PD. Ai ...
Volodymyr Zelenskyy dhe Edi Rama TIRANË- Kryeministrti Edi Rama ka zhvilluar një telefonatë me presidentin e Ukrainës, Volodymyr Zelens...
Sali Berisha TIRANË- Kryetari i Partisë Demokratike, Sali Berisha deklaroi se opozita po shpall fushatën për këshilltarët. Gj...
Sali Berisha TIRANË- Kryetari i Partisë Demokratike, Sali Berisha kërkon nga themeluesi i Facebook, Mark Zuckerberg dhe pronari i 'Twit...
