Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Zoti Beqaj i publikoi komentet e tij përmes Facebookut, dy ditë pasi Gjykata e Posaçme orientoi të SPAK-un, që të shtrijë hetimet edhe mbi përgjegjësitë e tij si ministër gjatë procedurave të koncensionit.
TIRANË- Në Shqipëri, ish ministri i Shëndetësisë, Ilir Beqaj, deklaroi sot se me dy biznesmenët e koncensionit të sterilizimeve spitalore, për të cilin SPAK po zhvillon hetime, nuk ka patur miqësi të veçantë, por i ka njohur vetëm si ministër dhe në zbatim të detyrave shtetërore.
Zoti Beqaj i publikoi komentet e tij përmes Facebookut, dy ditë pasi Gjykata e Posaçme orientoi të SPAK-un, që të shtrijë hetimet edhe mbi përgjegjësitë e tij si ministër gjatë procedurave të koncensionit. Ish zëvendësministri i Shëndetësisë, Klodian Rrjepaj dhe biznesmeni Ilir Rrapaj, janë në arrest me burg për këtë aferë, ndërsa hetimet vazhdojnë.
Ish ministri i Shëndetësisë Ilir Beqaj, mohoi sot që të ketë patur ndonjë miqësi të veçantë me dy biznesmenët Ilir Rrapaj dhe Umberto Staccini, një bashkim operatorësh që fitoi 8 vjet më parë koncensionin e sterilizimeve spitalore prej 100 milionë dollarë në 10 vjet, për të cilat po heton Prokuroria e Posaçme SPAK dhe ka kryer disa arrestime nën akuza për mashtrim, faksifikim dokumentash dhe shpërdorim detyre.
Në një reagim përmes Facebook, ish ministri Beqaj, deklaroi se Rrapajn dhe Staccinin i ka njohur pasi është bërë ministër dhe në zbatim të detyrës si anëtar i qeverisë.
LEXONI EDHE KËTËSterilizimet, gjykata kërkon të ndriçohen lidhjet e ish-Ministrit Ilir Beqaj me aferën
Ai madje theksoi se administratorin Admir Daci të kompanisë koncensionare SaniService, një bashkim i kompanive që përfaqësonin Rrapaj dhe Staccini, e njohu vetëm ditën që ka firmosur kontratën.
“Gjatë kohës si ministër kam takuar e jam njohur me sipërmarrës të ndryshëm, të huaj dhe shqiptarë, dhe për nevoja pune kam firmosur kontrata me ta. Të udhëtosh nga Tirana në Romë apo në Vienë është gjëja më normale, e nëse rastis që në këto fluturime të jenë miq, shokë, kontraktorë e bashkëpunëtorë, kjo nuk besoj se është indicie për fajësi”, shtoi ish ministri Beqaj.
Ai komentoi përmes Facebook-ut se çështja që është në hetim ka të bëjë me një Partneritet Publik Privat, ku një bashkim operatorësh është kontraktuar për të siguruar pajisje, mjedise dhe veshje sterile për të gjithë sallat operatore në Shqipëri, ku shërbejnë çdo ditë afro 430 mjekë kirurgë.
Ish ministri Beqaj theksoi se kontrata u zbatua me sukses në vite, duke përmirësuar ndjeshëm shërbimin, në të cilin kontraktori punësoi 250 vetë për të gjithë Shqipërinë, ku shërbehen rreth 60 mijë operacione në vit.
Ai nuk bëri në statusin e tij asnjë koment për faktin se zëvendësministri i Shëndetësisë, Klodian Rrjepaj, dhe operatori kryesor i koncensionarit, Ilir Rrapaj, janë në arrest me burg, të dyshuar për mashtrime, falsifikim të dokumentave, dhe shpërdorim të detyrës në bashkëpunim, dhe as për faktin se nën të njëjtat akuza janë në arrest shtëpie drejtorët ekonomikë dhe juridikë të ministrisë që ai drejtonte, ndërsa persona nën hetim për të njëjtat akuza janë edhe 4 komisionerët e koncensionit.
Në vendimin për këto 8 masa arresti, Gjykata e Posaçme për Korrupsionin dhe Krimin e Organizuar ka orientuar Prokurorinë e Posaçme SPAK që të hetojë mbi përgjegjësitë penale dhe shkeljet ligjore edhe për 6 persona të tjerë, ish ministrin e Shëndetësisë, Ilir Beqaj, ish ministrin e Financave, Shkëlqim Cani, dhe për 4 komisionerë të prokurorimit publik.
Vendimi i GJKKO prej 348 fletëve thekson se provat e SPAK-ut, me të cilat janë në arrest me burg Rrapaj dhe Rrjepaj, evidentojnë shkelje ligjore edhe nga dy ish ministrat dhe 4 komisionerët.
Në një kapitull të veçantë gjykata thekson në vendim se ministri është autoriteti më i lartë që drejton dhe mbikëqyr përmbushjen e detyrave në institucion.
Në vendimin e GJKKO-së vërehet se ish ministri Beqaj dhe zëvendës ministri Rrjepaj kishin njohje dhe takime të vazhdueshme qysh nga dhjetori i vitit 2013 me biznesmenin Rrapaj, dy vjet para se ai të fitonte koncensionin e sterilizimeve spitalore.
Sipas SPAK-ut, biznesmeni Rrapaj, ish ministri i Shëndetësisë Beqaj dhe zëvendësi i tij Klodian Rrjepaj kanë udhëtuar së bashku me avion nga Italia në qershorin e vitit 2014, periudhë që sipas hetimeve përkon me veprimet përgatitore të koncensionit.
Nga hetimet e SPAK-ut të shqyrtuara nga GJKKO me rastin e masave të arrestit, dyshohet se fituesi i këtij koncensioni u paracaktua nga drejtuesit e ministrisë së shëndetësisë para se të nisnin procedurat ligjore, dhe se operatorët parapërgatitën dokumente dhe përshtatën kriteret ligjore para se të fitonin.
Gjatë hetimeve është vërejtur shkelja e barazisë së konkurrentëve në garë, fryrje artificiale dhe shumëfishim i çmimeve, falsifikim i dokumenteve dhe statistikave, llogaritje të pasakta ekonomike dhe shkelje ligjore, gjë që nxiti dyshimet për korrupsion pasiv të funksionarëve të lartë shtetërorë.
Marrë nga VOA
Ina Zhupa TIRANË- Deputetja e Partisë Demokratike, Ina Zhupa ka reaguar pas lajmeve të një projekti të përmendur së...
Sali Berisha TIRANË-Kryetari i Partisë Demokratike, Sali Berisha ka reaguar sot në lidhje me takimin në Greqi të liderëv...
Sali Berisha TIRANË- Kryetari i Partisë Demokratike, Sali Berisha, ka reaguar pas skandalit të radhës të qeverisjes së Edi Ra...
Ilir Beqaj TIRANË- Kur kanë kaluar disa ditë nga 'shpërthimi' i skandalit të koncesionit të sterlizimit, ka reaguar edhe ish-...
Edi Rama TIRANË- Kryeministri Edi Rama ka deklaruar se do të krijohet një paketë ndëshkimesh drastike ligjore për person...
Bajram Begaj TIRANË- Presidenti Bajram Begaj nuk do të marrë pjesë në darkën informale që do të mbahet në Athi...
PD Kukes KUKËS- Dega e Partisë Demokratike në Kukës ka deklaruar se në zgjedhjet që do të mbahen në 24 Shtator n&eu...
Sali Berisha TIRANË- Kryedemokrati Sali Berisha në konferencën e tij të përjavshme tha se nxjerrja e të dhënave t&e...
Sali Berisha TIRANË- Kryetari i Partisë Demokratike Sali Berisha deklaroi ditën e sotme se Ilir Beqaj është autori kryesor i k&eum...
Sali Berisha TIRANË- Kryetari i Partisë Demokratike Sali Berisha pyeti publikisht se përse nuk ka reaguar Presidenti Bajram Begaj pas nd&eum...
