Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË – Prokuroria e Tiranës reagoi me deklaratë publike në lidhje me hetimet për protestën e 8 janarit të organizuar në Partiën Demokratike. Organi i akuzës së kryeqytetit komunikon se janë ngritur deri tani 4 pista hetimi: dhuna e ushtruar nga protestuesit në drejtim të selisë së PD-së dhe pasojat e ardhura si shkatërrim prone, përdorimi i lëndëve të panjohura në drejtim të protestuesve para ndërhyrjes së policisë dhe dhuna e ushtruar në drejtim të tyre, mbajtja e sendeve të ndryshme të paligjshme dhe individualizimi i autorëve, si dhe çdo e dhënë tjetër e pretenduar deri në këtë fazë.
Në lidhje me 34 të arrestuarit, Prokuroria e Tiranës bën me dije se ata akuzohen për kryerjen e veprave penale: “Shkatërrim prone”, “Prishja e qetësisë publike”, “Shkelja e rregullave mbi lëndët plasëse, djegëse dhe radioaktive”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.
Gjithashtu, Prokuroria e kryeqytetit bën me dije se po sekuestrohen të gjitha pamjet rreth ambjenteve të selisë blu, ndërsa po merret në pyetje çdo person që ka dijeni për protestën e dhunshme të para dy ditëve.
PROKURORIA PRANË GJYKATËS SË SHKALLËS SË PARË TIRANË
Prokuroria e Rrethit Gjyqësor Tiranë po kryen hetime për çështjen penale me Nr. 182 të vitit 2022, për ngjarjen e datës 08.01.2022, të ndodhur në selinë e Partisë Demokratike.
Nga veprimet e para hetimore të kryera rezultojnë të jenë arrestuar 34 persona, të dyshuar për vepra penale të ndryshme si “Shkatërrim prone” sipas nenit 150 të Kodit Penal, “Prishja e qetësisë publike” sipas nenit 274 i Kodit Penal, “Shkelja e rregullave mbi lëndët plasëse, djegëse dhe radioaktive” sipas nenit 282 te Kodit Penal, “Mbajtja pa leje dhe prodhimi i armëve, armëve shpërthyese dhe i municionit” sipas nenit 278 i Kodit Penal dhe “Prodhimi, mbajtja, blerja apo shitja pa leje e armëve të ftohta” sipas nenit 279 i Kodit Penal.
Po kryhen veprimet e duhura në drejtim të individualizimit të veprimeve të kryera nga secili prej personave të arrestuar dhe personave të tjerë të përfshirë në veprime në kundërshtim me ligjin.
Nga hetimet e deritanishme rezulton të jenë ngritur si pista hetimi:
– dhuna e ushtruar nga protestuesit në drejtim të selisë së PD-së dhe pasojat e ardhura si shkatërrim prone,
– përdorimi i lëndëve të panjohura në drejtim të protestuesve para ndërhyrjes së policisë dhe dhuna e ushtruar në drejtim të tyre,
– mbajtja e sendeve të ndryshme të paligjshme dhe individualizimi i autorëve,
– si dhe çdo e dhënë tjetër e pretenduar deri në këtë fazë.
Hetimet vijojnë në mënyrë intesive në drejtim të marrjes së të dhënave me vlerë hetimore.
Po kryhen të gjitha veprimet si:
– sekuestrimet e pamjeve filmike në të gjitha ambientet me vlerë hetimore,
– marrja në pyetje e të gjithë personave që kanë dijeni për rrethanat e ngjarjes,
– si dhe çdo lloj veprimi tjetër që do dalë i nevojshëm nga dinamika në vijim.
Prokuroria e Rrethit Gjyqësor Tiranë, është e angazhuar maksimalisht për kryerjen e hetimeve me objektivitet si në çdo rast, me qëllim zbardhjen e plotë të rrethanave të ngjarjes dhe vënien para përgjegjësisë penale të çdo personi që ka kryer veprime në kundërshtim me ligjin.
Mbështetës të ish-kryeministrit Sali Berisha shkuan drejt selisë blu ditën e shtunë ku tentuan të futeshin me forcë brenda saj. Protestuesit me matrapikë, trapanë, gurë, etj të shembin dyert e blinduara në PD. Më pas, u njoftuan Forcat e Ndërhyrjes së Shpejtë për të reaguar dhe ata arritën t’i shpërndanin demonstruesit duke përdorur gaz lotsjellës dhe ujë.
Më pas, ish-kryeministri Sali Berisha konfimoi se protestat do të përshkallëzohen në të gjithë vendin. Akuzat mes tij dhe liderit të PD Lulzim Basha u ashpërsuan ndaj njëri-tjetrit. Ish-kryedemokrati tha se përkrahës të Bashës kishin fshehur armë në selinë e PD, por i nxorrën jashtë në momentin që ndërhyri policia.
Prokuroria e Tiranës ka proceduar penalisht sekretarin e PD Gazment Bardhi dhe deputetin demokrat Flamur Noka. Ditën e sotme, qarkulloi në media lajmi se Basha dhe Berisha do të thirren nga Prokuroria e Tiranës për të dhënë dëshmi në lidhje me protestën e dhunshme të së shtunës.
(d.v/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË- Një 77-vjeçare nga Tirana ka ndërruar jetë si pasojë e pandemisë së koronavirusit në Shqipëri. Ministria e Shëndetësisë ka bërë me dije se g...
TIRANË– Ish-kryeministri Sali Berisha dhe kryetari i Partisë Demokratike, Lulzim Basha do të merren në pyetje nga Prokuroria e Tiranës. Berisha dhe B...
TIRANË– Serbia po spastron shqiptarët e Medvegjës, ndërsa shteti ynë hesht! Në emisionin e parë të “Balkan Projekt”, Ilnsia Agolli ka trajtuar temën ...
TIRANË– Kreu i Partisë Demokratike, Lulzim Basha pretendon se nuk ishte ai personi që telefonoi Policinë e Shtetit më 8 janar, gjatë protestës që po ...
TIRANË– Specialistët e IT te Tatimet, Eni Qirjako e Andi Agaraj janë bërë bashkëpunëtorë të drejtësisë, duke bërë me dije detaje lidhur me skandalin ...
TIRANË– Gjykata e Tiranës ka shtyrë sërish gjyqin ndaj ish-gjyqtares, Enkelejda Hoxha. Shkak është bërë mungesa e prokurorit të çështjes i cil...
VLORË– Një tjetër shpërthim me tritol është kryer në qytetin e Vlorës. Shpërthimi ka ndodhur në lagjen Pavarësia të Vlorës. Mësohet se lënda plasëse ...
TIRANË– Kreu i Partisë Demokratike, Lulzim Basha deklaroi ditën e sotme se ish-kryeministri Sali Berisha donte të derdhej gjak në selinë blu. Teksa i...
GREQI– Ministria e Emigracionit në Greqi ka shtyrë deri më 22 mars të vitit 2022 vlefshmërinë e lejeve të qëndrimit dhe vërtetimeve për rinovim (kartës bl...
BRITANI E MADHE– Vdekja e Ermal Qoses, shqiptarit që ndërroi jetë në Angli është kthyer në një çështje tepër të komentuar. U raportua se shqiptari ...
