Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Presidenti Ilir Meta ka reaguar pas raportit të Fondit Monetar Ndërkombëtar për sfidat kryesore të ekonomisë. Kreu i Shtetit rendit 11 rekomandimet e FMN duke theksuar se sfidat kryesore për ekonominë e vendit janë të dyfishta.
Meta shprehet se duhet investimi tek njerëzit dhe ekonomia për të mbështetur zhvillimin e vazhdueshëm të vendit si dhe rindërtimi i hapësirës për manovrimin e politikës fiskale për të ulur defiçitin shumë të lartë fiskal dhe raportin e borxhit publik. Një nga sugjerimet e FMN-së, sipas Metës ka qënë edhe dekretet e kthyera nga ana e tij në Kuvend që buxheti për vitin 2021 te ai për menaxhimin e sistemit buxhetor.
REAGIMI I METËS:
Misioni i Fondit Monetar Ndërkombëtar, në deklaratën e datës 12 tetor 2021, tërheq vëmendjen se sfidat kryesore për ekonominë e vendit janë të dyfishta:
Së pari, investimi me efikasitet tek njerëzit dhe ekonomia, për të mbështetur zhvillimin e vazhdueshëm të vendit;
Së dyti, rindërtimi i hapësirës për manovrim të politikës fiskale, për të ulur defiçitin shumë të lartë fiskal dhe raportin e borxhit publik.
Për të adresuar këto sfida, sugjerimet e FMN, janë konkretisht:
1. Një plan i besueshëm i rregullimit fiskal afatmesëm duhet të formulohet dhe të zbatohet duke filluar nga viti 2022, që duhet të përcaktojë zvogëlimin e defiçitit primar në rreth 2% të PBB-së në vitin 2022, si dhe të arrijë në mënyrë të qëndrueshme një balancë primare pozitive prej rreth 1.5% të PBB-së në vitin 2024.
2. Në themel të rregullimit fiskal të besueshëm duhet të jetë një strategji e shëndetshme afatmesme të ardhurash, që zgjeron bazën tatimore dhe eleminon mundësitë për shmangie.
3. Rritja e cilësisë dhe e transparencës së shpenzimeve publike kërkon transparencë mbi tejkalimin e kostove dhe afateve fillestare dhe mosrespektimin e proceseve të miratuara të përzgjedhjes dhe miratimit të projekteve përfshirë këtu PPP-të, që po përdoren për të anashkaluar tavanet buxhetore afatmesme.
4. Investimet publike tejet ambicioze, që janë rritur me shpejtësi nga viti 2020, të financuara me burime të brendshme (që nuk lidhen me tërmetin) duhet të moderohen duke pasur parasysh si kapacitetin e dobët të realizimit dhe efikasitetin e ulët të tyre.
5. Mbështetja buxhetore duhet të orientohet më mirë tek personat, të cilët kanë më shumë nevojë, për ofrimin e kujdesit shëndetësor dhe veҫanërisht për vaksinimin si dhe për të siguruar mbështetje për pjesën më në nevojë të shoqërisë, veçanërisht duke pasur parasysh rritjen e çmimeve të ushqimeve dhe energjisë.
6. Këshillohet të mos ndërmerren vendime në lidhje me amnisti tatimore ose përjashtime, apo iniciativave tatimore “ad hoc”, që shkojnë në drejtim të kundërt me strategjinë afatgjatë të Qeverisë për rritjen e të ardhurave tatimore.
7. Ndryshimet, që lidhen me hartimin dhe zbatimin e Ligjit Organik të Buxhetit, duhet të bëhen vetëm përmes procedurave normale parlamentare dhe se përdorimi i Akteve Normative për të ndryshuar Buxhetin brenda vitit, përveç rrethanave emergjente duhet të ndërpriten.
8. Një strategji rigoroze e menaxhimit të borxhit nevojitet për të udhëhequr vendimet e Qeverisë për huamarrjen e jashtme tregtare, që i nënshtrohet rrezikut të luhatjes së kursit të këmbimit.
9. Rritja e shpejtë e stokut të PPP-ve, që pritet të arrijë në 50% të PBB-së në 2021, nga 33% në vitin 2018, kërkon dyfishimin e përpjekjeve për të forcuar menaxhimin e investimeve publike.
10. Skemat e garancive për sektorin privat dhe mbështetja e ndërmarrjeve shtetërore, veçanërisht në sektorin e energjisë dhe ujit, me garanci sovrane që po rriten, si dhe mbështetja e herëpashershme buxhetore gjithashtu i shtojnë risqet fiskale. Në këtë kontekst, është e rëndësishme të rijetësohen reformat në sektorët e energjisë elektrike dhe të ujit, që janë vonuar në vitet e fundit.
11. Më e rëndësishme, është që duhet të shtohen përpjekjet për të forcuar sundimin e ligjit, me qëllim që të minimizohen dobësitë, që burojnë nga korrupsioni, të rritjes së transparencës dhe konkurrueshmërisë.
Të gjitha këto rekomandime të sugjeruara nga Fondi Monetar Ndërkombëtar janë bërë prezent dhe nga Presidenti i Republikës, përmes Dekretet e Tij, për kthimin për rishqyrtim në Kuvend të këtyre ligjeve:
1. Dekretin nr. 11866, datë 11.12.2020 “Për kthimin për rishqyrtim në Kuvend të ligjit nr. 137/2020 “Për buxhetin e vitit 2021”.
2. Dekretin nr.13 179, dt 28.07.2021 për Kthimin në Kuvend të ligjit nr. 86/2021 “Për miratimin e aktit normativ, me fuqinë e ligjit, nr. 25, datë 22.6.2021, i Këshillit të Ministrave “Për disa ndryshime dhe shtesa në ligjin nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, të ndryshuar”.
3. Dekret nr.13 186, dt 28.07.2021 për Kthimin në Kuvend të ligjit nr. 87/2021 “Për miratimin e aktit normativ, me fuqinë e ligjit, nr. 26, datë 22.6.2021, të Këshillit të Ministrave “Për disa ndryshime dhe shtesa në ligjin nr. 137/2020 “Për buxhetin e vitit 2021”, të ndryshuar”.
(A.B)/Dosja.al
Cila mendoni se është alternativa më e mirë:
TIRANË– Partia Demokratike ka depozituar ditën e sotme në SPAK padinë për energjinë. Nënkryetarja e Partisë Demokratike Jorida Tabaku dhe deputeti En...
FIER– Kreu i Grupit Parlamentar i Partisë Socialiste, Taulant Balla deklaroi ditën e sotme nga Fieri se nisma për depozitimin e amandamentit për ndryshimi...
TIRANË– Kryeministri Edi Rama u pyet ditën e sotme për përfundimet që dolën nga Komisioni i Venecias. Ai tha se nuk është personi i duhur që duhet py...
TIRANË– Kryeministri Edi Rama paralajmëroi se brenda vitit të ardhshëm do të ngrejë në hapësirë dy satelitë, duke u vendosur edhe emrat. Po si është ...
TIRANË– Kryeministri Edi Rama u pyet nga gazetarët për shqetësimet që janë adresuar nga deputetët socialistë për punësimet që kryhen nga ana e PSD-së...
TIRANË– Presidenti Ilir Meta ka uruar ish-kryeministrin Sali Berisha në ditën e tij të lindjes. Me anë të një postimi në Facebook, Meta shkruan se nu...
TIRANË– Kryeministri Edi Rama zbuloi misionin e satelitëve. I pyetur nga gazetarët se kush është më i rëndësishëm, satelitët apo ujë 24 orë, kreu i q...
TIRANË– Kryetari i Partisë Demokratike, Lulzim Basha ka ndarë një pjesë nga fjala e tij në Kuvend, ditën e djeshme. Ai u shpreh se Partia Demokratike...
TIRANË– Kryeministri Edi Rama iu përgjigj me sportivitet pyetjes së gazetarëve për koston që do të ketë blerja e satelitëve. Ai iu kërkoi gazetarëve ...
TIRANË– Kryeministri Edi Rama deklaroi ditën e sotme përballë gazetarëve se Reforma në Drejtësi nuk është kërkesë partiake por është diçka që ...
