Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Tiranë- Për publikimin e një pjese të raportit të OSBE- ODIHR ka reaguar edhe kreu i PD-së Lulzim Basha. Në një deklaratë për mediet, Basha ka theksuar se ky raport ngjan praktikisht si një raport për një ngjarje kriminale, pasi në zgjedhjet e 30 qershorit pati shumë shkelje të ligjit.
Kreu i PD-së shprehet se raporti tregon se 30 qershori ishte procesi më problematik dhe më i pandershëm i dy dekadave të fundit.
“Raporti i OSBE/ODIHR e ka rrëzuar farsën e 30 qershorit në çdo aspekt.Raporti tregon se 30 qershori ishte procesi më problematik dhe më i pandershëm i dy dekadave të fundit. Për herë të parë në historinë e pluralizmit politik, kemi një raport i cili nuk flet thjesht për parregullsi teknike, apo shkelje, por për krime të mirëfillta dhe veprime të qëllimshme antiligjore të të gjithë strukturës elektorale në vend, dhe për një shkatërrim të qëllimshëm të të drejtës së popullit për të zgjedhur.Praktikisht ky është një dokument, i cili më shumë se raport zgjedhor ngjan me një raport për një ngjarje kriminale. Ky është raport që realisht përmban prova dhe fakte për të filluar hetime kriminale ndaj një sërë personash dhe institucionesh.”, u shpreh Basha.
Deklarata e plotë e Bashës:
Raporti i OSBE/ODIHR e ka rrëzuar farsën e 30 qershorit në çdo aspekt. Raporti tregon se 30 qershori ishte procesi më problematik dhe më i pandershëm i dy dekadave të fundit. Për herë të parë në historinë e pluralizmit politik, kemi një raport i cili
nuk flet thjesht për parregullsi teknike, apo shkelje, por për krime të mirëfillta dhe veprime të qëllimshme antiligjore të të gjithë strukturës elektorale në vend, dhe për një shkatërrim të qëllimshëm të të drejtës së popullit për të zgjedhur. Praktikisht ky është një dokument, i cili më shumë se raport zgjedhor ngjan me një raport për një ngjarje kriminale. Ky është raport që realisht përmban prova dhe fakte për të filluar hetime kriminale ndaj një sërë personash dhe institucionesh.Siç konfirmon raporti, nuk ka ligj, nga Kushtetuta deri tek vetë rregulloret e KQZ-së që të ketë mbetur pa u shkelur.
Nuk ka institucion zgjedhor që nga KQZ tek numëruesit dhe vëzhguesit që nuk ka shkelur ligjin. Së pari, raporti konfirmon se votimet e 30 qershorit ishin antikushtetuese dhe u mbajtën në shkelje të dekreteve të Presidentit. Së dyti raporti konfirmon se votimet e 30 qershorit nuk ishin zgjedhje dhe nuk patën asnjë lidhje me të drejtën e popullit për të zgjedhur përfaqësuesit dhe drejtuesit e pushtetit vendor. Ato ishin një farsë zgjedhore dhe tallje demonstrative me pluralizmin politik dhe dhe demokracinë përfaqësuese.
Së treti, për të realizuar këtë farsë antikushtetuese dhe një partiake u shkelën ligjet dhe standardet zgjedhore. Në mënyrë të veçantë nga KQZ i cili portretizohet më shumë si organ partiak se sa si institucion i pavarur dhe i paanshëm kushtetues.
I vetmi aspekt normal që ka gjetur raporti është që socialistët nuk janë rrahur me njëri-tjetrin në qendrat e votimit bosh. Pa hyrë në detaje dhe konstatime të qarta, dua të theksoj dy përfundimet kryesore të raportit:1. Votimet e 30 qershorit ishin antikushtetuese, të paligjshme dhe të pandershme. 2. Votimet e 30 qershorit ishin një farsë moniste dhe e përfaqësimit politik dhe shkatërrim i demokracisë
Për këto arsye, 30 qershori ishte një grusht institucional për kapjen e pushtetit vendor nga Edi Rama. Ky grusht institucional u realizua sërish në bashkëpunim e krimin.
Ndonëse jo objekt i vlerësimit të Raportit, tashmë është një e vërtetë e njohur botërisht është se: Në mënyrë të qëllimshme, kapjen e pushtetit vendor Edi Rama e ka bërë në bashkëpunim me kriminelë. Janë deri tani dy kandidatë për kryebashkiakë të vërtetuar me të shkuar kriminale dhe priten të tjerë. Për të kuptuar rëndësinë e këtij fakti duhet të kemi parasysh diçka: më 30 qershor nuk kishte asnjë konkurrencë, nuk kishte asnjë garë. Edi Rama mund të emëronte këdo që dëshironte pa u shqetësuar se sa vota do të merrte. Por edhe në këto kushte zgjedhja e tij e natyrshme ishte krimi, ishin personat me rekorde kriminale.Edhe kur ishte i vetëm pa asnjë garë, Edi Rama zgjodhi krimin. Edhe kur ishte i vetëm pa asnjë konkurrent, edhe kur vetë i kandidoi, vetë votoi, vetë numëroi dhe vetë certifikoi, ai vodhi, manipuloi dhe shkeli çdo standard. Prandaj, 30 qershori vërtetoi edhe një herë atë që Partia Demokratike ka thënë fuqishëm: Me Edi Ramën nuk mund të ketë zgjedhje të lira dhe të ndershme. Edi Rama është armik i zgjedhjeve, i pluralizmit dhe demokracisë.
Por 30 qershori tregoi edhe një të vërtetë tjetër:
As me këtë KQZ nuk mund të ketë zgjedhje të ndershme dhe të lira. E thashë në fillim dhe po e them prapë: Raporti i ODIHR është më shumë se raport zgjedhor. Ai nuk rrëzon vetëm votimet e 30 qershorit. Raporti ka rrëzuar të gjithë shtetin e Edi Ramës. Raporti nuk është vetëm autopsia e zgjedhjeve të vdekura të 30 qershorit. Raporti është autopsia e kufomës së shtetit të së drejtës, e qeverisë së popullit dhe drejtësisë, të cilat janë vrarë nga Edi Rama për t’i zëvendësuar ato me një shtet privat, autokratik, kriminal dhe personal. Raporti tregon se në Shqipëri kushtetutë dhe ligj është vullneti personal i Edi Ramës, Raporti tregon se në Shqipëri shteti është vetëm një vegël në shërbim të vullnetit personal të Edi Ramës. Në autokracinë e Edi Ramës shteti është instrument privat i gjithi në shërbimin ekskluziv privat të Edi Ramës: Në shtetin privat të Edi Ramës datën e zgjedhjeve nuk e cakton Presidenti, sikurse ka vendosur Kushtetuta, por Edi Rama. Në shtetin privat të Edi Ramës kushtetueshmërinë e ligjeve nuk e gjykon Gjykata Kushtetuese por Partia Socialiste e Edi Ramës. Në shtetin privat të Edi Ramës, dekretet e Presidentit, kryetarit të Shtetit, nuk botohen në Fletore Zyrtare nga Ministria e Drejtësisë siç e kërkon ligji, por zhduken pa lënë gjurmë siç e do Edi Rama. Në shtetin privat të Edi Ramës, KQZ në shkelje të ligjit dhe të Kushtetutës vendos të përjashtojë opozitën nga administrimi zgjedhor dhe ja beson atë njerëzve të caktuar nga Edi Rama. Në shtetin privat të Edi Ramës, edhe partitë politike krijohen nga Edi Rama dhe atyre u vihet i gjithë shteti në dispozicion për të krijuar fasadë pluraliste për autokratin Edi Rama.
Në shtetin privat të Edi Ramës, gjykatat nuk vendosin bazuar në ligj dhe në shërbim të drejtësisë, por sipas dëshirave dhe për llogari të Edi Ramës.
Në shtetin privat të Edi Ramës administrata publike dhe burimet publike janë në shërbim të Edi Ramës dhe pronë e Edi Ramës. Në shtetin privat të Edi Ramës, siç e pa dhe u dëgjoi mbarë bota edhe nga përgjimet e BILD, edhe krimi është në shërbimin ekskluziv të Edi Ramës.
Në një pjesë të raportit final të OSBE-ODIHR theksohej se KQZ ka cënuar sigurinë juridike dhe se zgjedhjet ishin problematike. Në të shkruhej se gjatë fushatës elektorale punonjësve të administratës u është bërë presion për vendin e punës. Ky organizëm ndërkombëtar është shprehur se kriza politike ndikoi negativisht në të drejtën për të votuar, ndërsa thotë se u cënua fshehtësia e votës në disa qendra votimi. Më herët kryeministri Edi Rama për këtë raport u shpreh se zgjedhjet ishin certifikuar dhe se duhet dialog për Reformën Zgjedhore.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
Tiranë- Ministrja e Arsimit, Besa Shahini ka deklaruar se duke filluar nga data 9 shtator në afro 240 shkolla të vendit do të zhvillohen “inspektime të rastësis...
TIRANË- Ministri në Detyrë për Evropën dhe Punët e Jashtme ka zhvilluar sot një interpelance me ekspertë të fushës së integrimit dhe me studentë. Gajtë bas...
Tiranë- Ish-deputetja e PD-së Orjola Pampuri ka denoncuar së fundmi se librat e nxënësve të shkollës janë shumë të shtrenjta për t’u blerë. Sipas saj tekstet sh...
TIRANE- Një ditë më parë në media u botua pjesë nga raporti final i OSBE/ODIHR, për zgjedhjet e 30 qershori duke shkaktuar një valë reagimesh nga politika. Krye...
Tiranë- Ish-kryeministri Sali Berisha ka publikuar një mesazh që i ka ardhur sipas tij, nga një oficer policie në Komisariatin e Lezhës, ku shprehet se në këtë ...
TIRANË- Lideri i Partisë Demokratike, Lulzim Basha do të zhvillojë një takim pasditen e sotme me aleatët në selinë e PD-së. Mësohet se takimi do të zhvill...
Tiranë- Një ditë më parë OSBE/ ODIHR publikoi raportin final të zgjedhjeve të 30 qershorit. Ky organizëm ndërkombëtar është shprehur se KQZ cënoi sigurinë jurid...
Tiranë-Një nga protestuesit kryesorë për Teatrin Kombëtar, Kastriot Çipi ka reaguar së fundmi pasi është shprehur se ministrja e Kulturës i ka kërkuar që...
Tiranë– Gazetari Blendi Fevziu teksa ka folur për situatën politike ka përmendur edhe atë që e quan “mallkimi i Ramës”. Ai ka deklaruar se në fushatën e fundit ...
Tiranë-Blendi Fevziu teksa ka prezantuar librin e tij më të ri, “Tirona e nones” në UET, ka folur edhe për situatën politike në vend dhe politikanët.Për kreun e...
