Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Dosja.al sjell të plotë raportin vjetor të Shërbimit Informativ Shtetëror, i cili ngre alarmin e fuqizimit të bandave kriminale në Shqipëri dhe jo vetëm. Në raport theksohet se vlerat monetare dhe pasuria e përfituar nga veprimtaria kriminale ndër vite të favorizuar nga korrupsioni në sistemin e drejtësisë, pandëshkueshmëria apo niveli i ulët i saj, po përdoren nga këto grupe për zgjerimin e aktivitetit të narkotrafikut jashtë vendit, kryesisht në drejtim të drogave të forta.
“Krimi i organizuar në vend, me lidhje rajonale e ndërkombëtare, ka adoptuar mënyrat e veprimit në raport me forcën kundërvënëse të agjencive të zbatimit të ligjit. Format e krimit të organizuar, më të preferuara për grupet shqiptare, vijojnë të mbeten trafiku i drogave, trafiqet e tjera të paligjshme, krimet ekonomiko-financiare, kontrabanda dhe aktivitetet e paligjshme ndërkufitare. Deri tani, nuk janë evidentuar raste në të cilat individë apo grupe të krimit të organizuar të veprojnë për llogari të organizatave terroriste apo të mbështesin aktivitete të kësaj natyre. Emëruesi i përbashkët për të gjitha grupet e rrjetet e krimit të organizuar mbetet pastrimi i parave dhe korrupsioni, me qëllim forcimin e lidhjes mes strukturave të paligjshme me ato të ligjshme. Ndër format mbizotëruese të krimit të organizuar mbetet trafiku i drogës dhe përfshirja në drogat e forta,”- thuhet më tej në raport.
Inteligjenca shqiptare thekson se individët që i kanë shpëtuar drejtësisë janë vendosur në vende të huaja dhe prej andej shërbejnë si ura lidhëse të trafikut me elementë kriminalë brenda vendit ku përveçse në vendet evropiane, janë aktivë edhe në vendet e origjinës së kokainës e heroinës, ku bashkëpunojnë me elementë kriminalë lokalë.
Bandat shqiptare që operojnë në fushën e trafikimit të lëndëve narkotike kanë bazën e tyre kultivimin e kanabisit. Por si bëhet kalimi nga lënda narkotike e kanabisit tek drogat e forta si heronia apo kokaina? SHISH thekson se evidentohen raste të shkëmbimit të kanabisit me droga të forta, si heroinë dhe kokainë. Alarmant mbetet fakti se edhe agjencia e inteligjencës shqiptare pranon se bandat kriminale ndërmjet tyre punësojnë vrasës profesionistë me pagesë për larje hesapesh ku edhe për vitin 2019, atentate të tilla s’kanë qenë të pakta.
“Ky aktivitet nxitet dhe favorizohet nga: Vlerat monetare dhe pasuria e përfituar nga veprimtaria kriminale ndër vite (favorizuar nga korrupsioni në sistemin e drejtësisë, pandëshkueshmëria apo niveli i ulët i saj), po përdoren nga këto grupe për zgjerimin e aktivitetit të narkotrafikut jashtë vendit, kryesisht në drejtim të drogave të forta. Individët kriminale që i kanë shpëtuar ndëshkimit, janë vendosur në vende të huaja dhe prej andej shërbejnë si ura lidhëse të trafikut me elementë kriminalë brenda vendit. Përveçse në vendet evropiane, janë aktivë edhe në vendet e origjinës së kokainës e heroinës, ku bashkëpunojnë me elementë kriminalë lokalë. Kultivimi i kanabisit në vend, krahasuar me vitet e mëparshme, është reduktuar si rezultat i masave të forta kundër fenomenit, bashkëpunimit të thelluar mes agjencive të zbatimit të ligjit, ngritjes dhe funksionimit të Task Forcave qendrore dhe lokale. Gjatë kësaj periudhe, është evidentuar ndryshimi i mënyrës së veprimit, që ka rezultuar në kultivim në sipërfaqe të vogla, të shpërndara gjeografikisht. Vërehet zhvendosje e aktivitetit të kultivimit në ambiente të mbyllura në vend, vendet fqinje dhe ato evropiane. Ndërkohë ka vijuar trafiku i kanabisit dhe është rritur bashkëpunimi me grupe e individë kriminalë në vendet e rajonit. Pozicionimi i elementëve kriminalë shqiptarë në vendet e origjinës së prodhimit të drogës, në pikat kyçe të shpërndarjes apo trafikimit të saj, pjesë e një zinxhiri për kontrollin e gjithë procesit, nga origjina në destinacion Kërkesat në rritje të rrjeteve të trafikut të drogave të forta, përfshi rrjetet shqiptare, të vendosura në qendra të mëdha të vendeve të Evropës Perëndimore dhe në vendet e origjinës Kërkesat e grupeve kriminale për kanabis sativa të kultivuar në Shqipëri Fleksibiliteti dhe adoptueshmëria e lartë, “korrektesa” në marrëdhëniet me grupet e individët furnitorë të drogës Të ardhurat financiare të gjeneruara nga aktiviteti kriminal ndër vite,”– thuhet më tej në raport.
Shërbimi Informativ Shtetëror analizon një aspekt tjetër të krimit të bandave kriminale, atë të krimeve ekonomike. Sipas inteligjencës, parat e bandave kriminale pastrohen në disa fusha biznesi si ai i ndërtimit, pasuritë e paluajtshme, hoteleri-turizmi dhe zonat bregdetare e ato urbane mbeten më tërheqëset, pasi ofrojnë potencial për kthimin shumëfish të investimit fillestar.
“Evidentohet rritje e shkallës së konfliktualitetit dhe rivalitetit dhe përfshirje në disa aktivitete kriminale si pastrim i parave, lehtësim i emigracionit të jashtëligjshëm, gjobëvënie, etj. Për larje hesapesh, grupet kriminale përdorin edhe vrasës profesionistë me pagesë. Grupet kriminale paraqiten me organizim fluid, pragmatikë, të përfshirë në disa aktivitete të jashtëligjshme dhe me lidhje që mundësojnë ciklin e trafikut të drogës, duke filluar nga blerja në vendet prodhuese, trafikimi, shpërndarja dhe aftësia kundërvepruese për të eliminuar rreziqet. Përdorin identitete të ndryshme dhe disponojnë pasaporta origjinale ose false, nga disa vende evropiane. Parandalimi dhe goditja e këtij aktiviteti kriminal është shoqëruar edhe me evidentim dhe sekuestrim të pasurive e parave të gjeneruara ndër vite nga ky aktivitet,”- shprehet raporti i SHISH.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Sokol Daku, reperi i njohur me emrin e artit si Lil Koli, është shfaqur i mallëngjyer ditën e sotme, dy ditë pas ekzekutimit të mikut të tij të zem...
DURRËS– Dosja.al ka zbardhur detaje të reja në lidhje me sekuestrimin e afro 500 mijë eurove në Durrës. Mësohet se kamioni me targa ‘TR 2046’, kishte dalë ...
SHKODËR -Pas Tiranës, protesta e maturantëve për testin e Gjuhë-Letërsisë është shtrirë edhe në rrethe. Maturantët e Shkodrës janë ngritur gjithashtu në pr...
VLORË – Një aksident është regjistruar në aksin Vlorë-Peshkëpi në fshatin Qishbardhë. Duke drejtuar motorin e tij, një 65-vjeçar ka humbur kontrolli...
SHKODËR- Arqipeshkvi i Shkodrës Imzot Angelo Massafra ka reaguar në lidhje me vrasjet e fundit të ndodhura në vend. Gjatë meshës së mbajtur në kishën e “Sh...
TIRANË- Kati i dytë i një banese në Kamëz është përfshirë nga flakët. Mësohet se banesa i përket shetetases L.T. Si pasojë e flakëve janë regjistruar vetëm...
TIRANË- Drejtoresha e Inspektoratit Shëndetësor, Dr. Areti Beruka, tha në rubrikën “Opinion”, në News24, se Komiteti i Ekspertëve në Ministrinë e Shëndetës...
ITALI- Një ngjarje e rëndë ka ndodhur në Itali pasi një 47-vjeçar shqiptar, i identifikkuar si Dritan Cobo ka humbur jetën duke qenë se është përpjekur...
VLORË– Një 60-vjeçar është gjetur i pajetë në Triport, në Zvërnec të Vlorës. Sipas njoftimit zyrtar nga Policia e Shtetit, personi me iniciale...
