Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Ish-ministri për Evropën dhe Punët e Jashtmë, Ditmir Bushati, ka reaguar pas Samit të Zagrebit të mbajtur dy ditë më parë, e ka kujtuar një mbledhje të BE në vitin 2000, ku u prezantuar procesi i Stabilizim-Asociimit.
Në një reagim në Facebook, Bushati shkruan se vihet re se asgjë s’ka ndryshuar mes Shqipërisë dhe BE-së sa i përket tematikave apo dhe hendekut mes njëra- tjetrës. Bushati thotë se KE sot e sheh veten si komision gjeopolitik por në vend të mjaftohet vetëm me rikonfirmimin e perspektivës BE duhet që të vendosë një mekanizëm angazhues e llogaridhënës bashkë me paketën paketës 3.3 miliardë euro të pandemisë.
POSTIMI I PLOTË
ZAGREB, 20 VJET MË PAS. Në nëntorin e vitit 2000, Bashkimi Europian në Zagreb prezantoi procesin e Stabilizim-Asociimit për vendet e Europës Juglindore. Në dokumentin e miratuar theksohej lidhja ndërmjet progresit të vendeve të rajonit drejt demokracisë, sundimit të së drejtës, pajtimit dhe bashkëpunimit rajonal, nga njëra anë, dhe perspektivës së anëtarësimit në BE, nga anën tjetër. 20 vjet më pas, në dokumentin e miratuar këtë javë në Samitin e Zagrebit, që mblodhi virtualisht udhëheqësit e BE-së dhe Ballkanit Perëndimor, për fat të keq, tematika nuk ka ndryshuar shumë. Ndërkohë që nga grupi i vendeve pjesë e Procesit të Stabilizim Asociimit, vetëm Kroacia arriti të bëhej vend anëtar i BE-së në vitin 2013. Tematika nuk ka ndryshuar shumë në këto 20 vjet. Hendeku mes nesh dhe BE-së nuk është zvogëluar. Mirëpo, konteksti gjeopolitik ka ndryshuar.
Viti 2000 shënonte fazën përfundimtare të anëtarësimit të vendeve të Europës Qendrore dhe Lindore në BE. E në të njëjtën kohë, triumfin e demokracisë liberale, ku vendet e lindjes ish komuniste të etura për ndryshim ishin përfshirë në një proces reformimi, demokratizimi dhe transfomimi ekonomik. Asokohe ishte e vështirë të vendosje pikëpyetje mbi “standardin europian” dhe vlerat e demokracisë liberale dhe pakkush do ta mendonte se procesi i “imitimit” të vendeve të perëndimit të Europës së Bashkuar nga vendet e lindjes ish komuniste nuk do të përtypej kollaj. Zgjerimi, megjithëse një temë jopopullore, përballohej nga politikanë të regjur, siç ishte rasti i Komisionerit gjerman të zgjerimit Gunter Verheugen. Raportet e monitorimit të reformave lexoheshin si librat e shenjtë. Po kështu aleanca euroatlantike ishte në kulmin e mirëkuptimit të vet duke projektuar zgjerimin më të madh në historinë e saj dhe zvogëlimin e ndikimit rus në arkitekturën e sigurisë europiane. Richard Holbrooke, i referohej SHBA-ve si fuqi europiane dhe jo si një fuqi në Europë.
Kriza financiare e vitit 2008 e pasuar nga kriza e paprecedentë e refugjatëve që vinin nga zonat e konfliktit në Lindjen e Mesme nxori në sipërfaqe, krahas dallimeve ekonomike dhe financiare ndërmjet veriut dhe jugut, dallimet rreth vlerave e demokracisë liberale, ndërmjet perëndimit dhe lindjes të BE-së. Brexit ishte gjithashtu një goditje për projektin europian. Afërmendsh, kjo situatë u reflektua edhe në cilësinë e shpejtësinë e procesit të zgjerimit me vendet e Ballkanit Perëndimor. Paradoksalisht, sot kemi vende anëtare të BE-së që janë në proces disiplinor për shkelje të “standardit europian”, sikurse vende kandidate që edhe pse kanë vite në tryezën e bisedimeve për anëtarësim në BE kanë pësuar regres demokratik.
Kjo është arsyeja kryesore se përse dokumenti i Zagrebit i vitit 2020 është i ngjashëm me atë të para 20 viteve, me përjashtim të përgjigjes për situatën e shkaktuar nga pandemia. Pikërisht, mënyra sesi BE-ja do të bashkëpunojë me vendet e Ballkanit Perëndimor në përgjigjen ndaj Covid19 mund dhe duhet të ridimensionojë edhe marëdhëniet mes tyre. Pavarësisht dobësive të politikës së BE-së ndaj vendeve të Ballkanit Perëndimor dhe konsolidimit të status quo-s në rajon, shoqëruar më mungesën zhvillimit të domosdoshëm ekonomik dhe rënien demografike, për shkak të emigrimit drejt vendeve më të zhvilluara të Europës, sërish BE-ja vijon të mbetet një pol tërheqës për vendet e rajonit. Çështja shtrohet tek efektiviteti i kësaj politike.
Ndaj, paketa e BE-së për Ballkanin Perëndimor prej 3.3 miliard eurosh duhet shoqëruar me një mekanizëm angazhues e llogaridhënës që kombinon zhvillimin ekonomik e social me progresin e reformave në fushën e sundimit të së drejtës. Pasi nuk ka sundim të së drejtës pa zhvillim ekonomik, sikurse nuk ka zhvillim ekonomik të qëndrueshëm pa sundim të së drejtës. Në librin e tyre “Pse kombet dështojnë – origjina e pushtetit, prosperitetit dhe varfërisë” studjuesit amerikanë Daron Acemoglu dhe James Robinson argumentojnë ndërlidhjen mes funksionimit të institucioneve politike nga njëra anë dhe prosperitetit ekonomik e shoqëror nga ana tjetër. Prosperiteti ndihmon krijimin e institucioneve politike funksionale e të qëndrueshme, çka ende mungojnë në rastin tonë.
Në rast se pas shembjes së Murit të Berlinit mbizotëroi ideja se gjeopolitika po humbte rëndësinë, sot Komisioni Europian e konsideron veten një “komision gjeopolitik”. Prandaj, në vend që të mjaftohet me “rikonfirmimin e perspektivës europiane për vendet e rajonit”, BE-ja duhet ta fitojë betejën gjeopolitike para së gjithash në oborrin e shtëpisë së vet, pasi investimi i saj në rajon është i pakrahasueshëm me aktorë të tjerë ndërkombëtare. BE-ja duhet të nxisë kësisoj një model të qëndrueshëm zhvillimi ekonomik që vjen dora dorës me zhvillimin politik e institucional, duke përcaktuar vija të kuqe për “standardin europian”, të cilat nuk duhen lejuar që të kthehen në vija në rërë.
1 vit nga zgjedhjet e 25 prillit si e shikoni gjendjen e vendit:
TIRANË- Bashkëkryetari i Komisionit të Posaçëm të Reformën Zgjedhore, Damian Gjiknuri, është shprehur sot se synohet që reforma të mbyllet brenda kë...
TIRANË- Ish-deputetja e Lëvizjes Socialiste për Integrim, Silva Caka, ka reaguar kudnër vendimit të ministrit Sandër Lleshaj për largimin nga puna të polic...
TIRANË– Intervista e kryeminsitrit Edi Rama përballë gazetarit Çim Peka ka përplasur ish-kryeministrin Sali Berisha me Mero Bazen. Ishte ky i fundit...
TIRANË– Ditën e djeshme, kryeministri Edi Rama ishte i ftuar në emisonin “Çim Peka Live” ku edhe u shpreh se çdo tender ka qenë dhe do të jet...
TIRANË– Kryeminsitri Edi Rama nuk i ka kursyer batutat, teksa ndodhej në kantierin e Aeroportit të kukësit. Referuar kritikuesve përsa i përket ndërtimit t...
TIRANË– Presidenti i Republikës, Ilir Meta këtë të premte ka zhvilluar një takim pune me ambasadorët e Greqisë, Kosovës, Kroacisë, Malit të Zi, Maqed...
KUKËS- Kryeministri Edi Rama dhe Ministrja e Shëndetësisë dhe Mbrojtjes Sociale Ogerta Manastirliu kanë inspektuar punimet për rindërtimin e kompleksit të ...
KUKËS- Kryeministri Edi Rama ka qenë sot në Kukës ku ka parë nga afër punimet për stadiumin e ri të qytetit. Bashkë me të ishte presidenti i nderit i klub...
TIRANË– Ambasadorja e SHBA-ve në Shqipëri, Yuri Kim, ka reaguar në lidhje me Reformën në Drejtësi.Në një status në Twitter, Kim uron gjyqtarët e Gjyk...
