Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
LEZHË- Kryetari i Bashkisë së Lezhës, Pjerin Ndreu ka përfunduar në dyert e Prokurorisë së Lezhës, pasi është kallëzuar penalisht nga tre efektivë të Policisë së Shtetit. Të tre uniformat blu pretendojnë se Ndreu i ka penguar që të ushtrojnë detyrën e tyre në përputhje me ligjin.
Burime për “Panorama” kanë bërë me dije se ngjarja ka ndodhur mbrëmjen e të enjtes në zonën e Shëngjinit, jashtë ambienteve të një hoteli në vijën e parë të bregdetit. Në përputhje me ligjin dhe urdhërat e lëshuar nga Komiteti i Ekspertëve, punonjësit e Policisë kanë kërkuar ndërprerjen e muzikës dhe mbylljen e lokalit për të respektuar orën policore. Por kanë hasur rezistencë, ndaj në ndihmë të Patrullës kanë shkuar edhe forcat “Shqiponja”, të cilët në debat e sipër kanë tentuar të shoqërojnë pronarin e hotelit. Pikërisht në këtë moment është shfaqur edhe Pjerin Ndreu, i cili i ka kërkuar që të largohej me frazën: Ligjin e bëj unë…
Debati ka vijuar edhe për pak dhe si përfundim efektivët janë detyruar që të largohen por hakmarrja e Ndreut nuk është ndalur me kaq. Një ditë më pas, ndaj dy efektivëve të patrullës së Shëngjinit ka nisur hetim disiplinor nga eprorët e tyre për “Shkelje të rëndë të atributeve e kompetencave të Policisë”, me argumentin se në hotelin ku kishte muzikë në shkelje të ligjit, po zhvillohej një aktivitet i Bashkisë Lezhë, ku ishin të pranishëm edhe përfaqësues të huaj.
Por edhe efektivët nuk kanë lejuar ngjarjen që të kalojë pa kundërpërgjigje duke nisur një proces gjyqësor me kryebashkiakun, i cili duket se ka harruar që Policia e Shtetit është institucion më vetë, jo i varuar nga Bashkia dhe se urdhërat i merr vetëm nga ligji.
KALLËZIMI I EFEKTIVIT TË POLICISË
Aktualisht punoj si punonjës Policie pranë Drejtorisë Vendorë Lezhë, oficer i Patrullës së Përgjithshme, Stacioni i Policisë Shëngjin. Mbrëmë, më datë 24.06.2021, rreth orës 22:00, kam marrë shërbimin. Kam qenë duke patrulluar me kolegun tim. Kemi qenë në makinë, me mjetin e Policisë, në shëtitoren e re.
Te lokal “F…” kemi dëgjuar muzikë. Ora ka qenë 23:14 dhe muzika pas kësaj ore, në bazë të aktit normativ, nuk lejohet. Kemi hapur krahun, kemi ndaluar makinën, kemi zbritur dhe kemi shkuar tek lokal “F…”. Kemi kontaktuar me një nga kamerierët e lokalit dhe i kemi kërkuar që të na thërriste pronarin. Pas 5 minutash ka dalë pronari V. Gj. Në vend që ai të fliste me etikë ndaj nesh, ai na është drejtuar duke na thënë fjalë banale si: “Nuk e rruaj për ju, jeni legena, nuk ju pyes”.
Ne kemi komunikuar duke i thënë se arsyeja se pse kemi ardhur këtu është se ti ke shkelur aktin normativ të qeverisë për ndalimin e muzikës, e cila duhej të ishte fikur në orën 22:00 dhe se kishte një numër të lartë njerëzish brenda në lokal, në verandë. Ai na ka thënë se po e bezdisnim, se në lokal kishte ambasador, kryetarin e bashkisë, “kush jeni ju që më fikni muzikën?”
Pas këtij komunikimi është tërhequr dhe është futur në lokal dhe muzika ka vazhduar. Ne kemi njoftuar menjëherë në radio për problemin sallën operative Lezhë 50, sallën operative Shëngjin 70, shefin e Stacionit Shëngjin 396 dhe shefin e Komisariatit 395, duke iu thënë se shtetasi V.Gj. nuk e fik muzikën dhe kërkojmë ndihmë, forca të tjera. Pas pak ka ardhur një patrullë “Shqiponja”. Jemi afruar të dy patrullat te lokali, kemi marrë kontakt me pronarin V.Gj. dhe i kemi bërë të ditur se do ta shoqëronim në Komisariat.
Në këtë moment ka ndërhyrë duke na penguar në punën tonë kryetari i Bashkisë Lezhë, Pjerin Ndreu, si dhe stafi i lokalit, kamerierët, të cilët na kanë kundërshtuar me forcë.
Kur ne po përpiqeshim për të shoqëruar në Komisariat V.Gj., ata na kanë mbajtur për krahu dhe na kanë shtyrë duke na penguar që ta shoqëronim. Meqenëse përballë nesh u fut kryetari i Bashkisë, i cili na tha se: “Ligjet i bëj unë dhe i vendos unë…”, për të mos krijuar një situatë më të rëndë, ne jemi tërhequr duke njoftuar me radio sallën operative dhe eprorët tanë. Ata nuk ndërmorën asnjë veprim dhe na thanë në telefon: “Lëreni mos u merrni më, largohuni prej aty”. Jemi larguar dhe kemi shkuar menjëherë te Stacioni i Policisë, kemi përpiluar raportin e shërbimit për ngjarjen, si dhe procesverbalin mbi kundërvajtjen administrative, të ndotjes akustike ndaj V.Gj. Kërkoj që të gjithë personat që na kanë kundërshtuar dhe na kanë penguar në punën tonë, të mbajnë përgjegjësi ligjore për veprimet që kanë kryer ndaj meje dhe kolegëve të mi.
Vetë pronari i hotelit në Shëngjin, Vladimir Gjekaj, është shprehur se efektivët kanë shkuar në hotelin e tij dhe i kanë kërkuar që të ulë muzikën, pasi ishte jashtë orarit të lejuar. Biznesmeni tregon se nuk ka pranuar dhe u ka thënë efektivëve që kishte të ftuar kryebashkiakun Ndreu bashkë me disa zyrtarë të tjerë. Më pas, sipas Gjekajt, efektivët i kanë thënë se nuk e njohin Ndreun dhe e kanë shoqëruar në polici atë. Gjekaj shton se sipas tij, gjithçka është politike.
(k.m/dosja.al)
Iftar dhe politikë, a u prek Muaji i Ramazanit nga politikanët?
FIER– Një 35-vjeçar është arrestuar sot në Fier, pasi dyshohet se ka dhunuar fizikisht gruan e tij. Sipas policisë, shtetasi me iniciale R.M. ka us...
SHKODËR– Kamerat e sigurisë së dy hoteleve në Shëngjin, nuk tregojnë asgjë. Për shkak të errësirës së natës dhe mungesës së ndriçimit, në pamje dall...
Indeksi Global i Paqes lindi si një përpjekje për të llogaritur shkallën e paqes, ose qëndrimi i një vendi të veçantë sovran për t’u konsideruar pa...
BERAT– Pas më shumë se 24 orë në pushtetin e flakëve, në Malin e Tomorrit ka nisur edhe ndërhyrja nga ajri me helikopter për shuarjen e zjarrit. Deri tani janë ...
TIRANË– Seanca në Gjykatën e Posaçme të Apelit, për Adriatik Llallën do të jetë më 12 korrik në orën 11:00. Relatore e kësaj çështjeje do të ...
KORÇË– Një 34-vjeçar është arrestuar paraditen e sotme në Korçë, pasi u kap duke transportuar 4 emigrantë të paligjshëm. Në pran...
FIER– Ditën e sotme, qytetarët në Fier do të dalin në protestë në orën 18:30 në qendër të qytetit, në ndër të 4 viktimave të familjes Gushi që humbën jetë...
TIRANË– Prej më shumë se një jave, vendi ynë është nën ndikimin e temperaturave të larta. Kështu që mjeku infeksionist Tritan Kalo, thotë se moshat e...
TIRANË–Sot, të gjithë qytetarët që janë mbi 18-vjeç mund të paraqiten në pikat e qendrave të vaksinimit për të marrë dozën e parë kundër Covid. Vaks...
TIRANË– Qytetarët shqiptarë kanë tejkaluar shifrën për familjen e Musaen Zenelit. Në llogarinë e hapur nga Organizata USA ALBANIAN SOCIETY vetëm për pak or...
