Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Kompania Dominion, prodhuesja e aparaturave për numërimin automatik të votave, ngriti të premten një padi për shpifje kundër televizionit Fox News, duke kërkuar një dëmshpërblim prej 1.6 miliardë dollarësh.
Në padi, Dominion akuzon këtë televizion se për të rritur shikueshmërinë në rënie kishte pretenduar në mënyrë të rreme se kompania kishte manipuluar zgjedhjet e vitit 2020.
Është padia e parë për shpifje e ngritur kundër një organizatë mediash nga kompania për numërimin e votave, e cila ishte bërë objekt pohimesh të pasakta, të gënjeshtërta dhe të çuditshme të përhapura nga ish-Presidenti Donald Trump dhe aleatët e tij pas humbjes së zgjedhjeve ndaj presidentit aktual Joe Biden.
Këto pretendime kontribuan në nxitjen e protestuesve që sulmuan me dhunë Kapitolin e Shteteve të Bashkuara më 6 janar, duke shkaktuar vdekjen e pesë vetëve, përfshirë një oficer policie.
Sulmi ndaj Kapitolit u bë shkas për ngritjen për herë të dytë të akuzave për shkarkim ndaj ish-presidentit Trump.
Dominion argumenton se Fox News, që amplifikoi pohimet e pasakta se Dominion kishte manipuluar votat, “përhapi një histori të rreme mashtrimi zgjedhor në shërbim të interesave të veta financiare, duke dëmtuar rëndë Dominion-in”, sipas një kopjeje të padisë të siguruar nga agjencia e lajmeve Associated Press.
“E vërteta ka rëndësi. Gënjeshtrat kanë pasoja,” thuhet në padi. “Fox shiti një histori të rreme mashtrimi zgjedhor në mënyrë që t’u shërbejë qëllimeve të veta tregtare, duke dëmtuar rëndë Dominion-in. Nëse ky rast nuk konsiderohet shpifje nga një media, atëherë asgjë nuk konsiderohet e tillë.”
Fox News ende nuk i është përgjigjur një kërkese të agjencisë AP për koment.
Një numër zyrtarësh zgjedhorë në të gjithë vendin – dhe madje edhe prokurori i përgjithshëm i ish-presidentit Trump, William Barr – e kanë konfirmuar se nuk kishte asnjë mashtrim të përhapur në zgjedhjet e vitit 2020.
Guvernatorët republikanë në Arizona dhe Xhorxhia, shtete vendimtare për fitoren e zotit Biden, dhanë gjithashtu garanci për integritetin e zgjedhjeve në shtetet e tyre. Pothuajse të gjitha sfidat ligjore nga zoti Trump dhe aleatët e tij u hodhën poshtë nga gjykatësit, përfshirë dy nga Gjykata e Lartë, e cila ka tre gjyqtarë të emëruar nga ish-presidenti republikan.
Megjithatë, disa gazetarë të Fox News bënë akuza të rreme ngjatë emisioneve të tyre se Dominion kishte ndryshuar votat përmes algoritmeve në makineritë e veta të votimit, që sipas këtyre pretendimeve të pavërteta ishin krijuar në Venezuelë për të manipuluar zgjedhjet për diktatorin Hugo Chavez.
Personalitete televizive të këtij kanali intervistuan aleatët e zotit Trump Sidney Powell dhe Rudy Giuliani, të cilët përhapën pretendimet dhe më pas i përforcuan ato në platformat masive të mediave sociale të Fox News-it.
Dominion thotë në padi se u përpoq në mënyrë të përsëritur t’i përgënjeshtronte këto pretendime por u injorua nga Fox News.
Kompania argumenton se Fox News, një rrjet ku disa nga personalitetet televizive janë pro-Trump, përhapi pretendimet e rreme për të shpjeguar humbjen e ish-presidentit. Gjigandi kabllor humbi shikues pas zgjedhjeve dhe disa përkrahës të zotit Trump mendonin se nuk po e mbështeste aq sa duhej ish-presidentin republikan.
Avokatët e kompanisë Dominion thanë se qëndrimi i Fox News-it ndryshon shumë nga ajo e mediave të tjera që njoftuan mbi pretendimet.
“Ky ishte një vendim i vetëdijshëm, i informuar biznesi për të mbështetur, përsëritur dhe transmetuar këto gënjeshtra në mënyrë që të ruante audiencën”, tha avokati Justin Nelson, i firmës ligjore Susman Godfrey.
Megjithëse kompania Dominion shërben në 28 shtete, deri në zgjedhjet e vitit 2020 ajo kishte qenë përgjithësisht e panjohur jashtë komunitetit zgjedhor. Tani ajo është në shënjestër gjerësisht nga qarqet konservatore, parë nga miliona njerëz si një nga keqbërësit kryesorë në një sajesë, sipas së cilës demokratët në të gjithë vendin komplotuan për të vjedhur votat e zotit Trump, thuhet në padi.
Punonjësit e kompanisë Dominion, që nga inxhinierët e deri tek themeluesi i tij, kanë përjetuar shqetësime. Disa morën kërcënime me vdekje. Dhe kompania ka pësuar “dëm të madh dhe të pariparueshëm ekonomik”, thanë avokatët.
Dominion ka paditur gjithashtu zotin Giuliani, zonjën Powell dhe shefin ekzekutiv të kompanisë MyPillow me bazë në Minesota mbi pretendimet. Edhe një kompani tjetër për sistemet automatike zgjedhore, Smartmatic USA, ka paditur kanalin Fox News rreth pretendimeve për zgjedhjet. Ndryshe nga Dominion, pjesëmarrja e Smartmatic në zgjedhjet e vitit 2020 ishte e kufizuar vetëm në qarkun e Los Anxhelosit.
Avokatët e kompanisë Dominion thanë se nuk kanë ngritur ende padi kundër personaliteteve të veçanta të medias në Fox News, por kjo mundësi është e hapur. Disa vetë në Fox News e dinin që pretendimet ishin të rreme, por zërat e tyre ishin mbytur, thanë avokatët.
“Fox është përgjegjës,” tha avokati Stephen Shackelford. “Fox vendosi t’i publikonte këto pretendime në të gjitha platformat e saj të shumta. Ata ritransmetuan, e ribotuan në media sociale dhe platforma të tjera.”
Marrë nga VOA
Rama është propozuar për president nga disa deputetë socialiste, mendoni se:
KOSOVË-Kryeministri i Kosovës, Albin Kurti, nuk ka komentuar kur është pyetur në lidhje me kërkesën që i ka bërë presidenti turk Rexhep Tayip Erdogan, për ...
IZRAEL- Një grup shkencëtarësh izraelitë kanë njoftuan se kanë zbuluar shpikjen më të madhe të të gjitha kohërave javën e kaluar. Studiuesit nga Instituti i Shk...
PRISHTINË-Kosova ka shënuar sërish raste të larta infektimi. Sipas Instituti Kombëtar të Shëndetit Publik në 24 orët e fundit janë kryer 4,318 testime nga ...
DANIMARKË-Danimarka ka zgjatur pezullimin e dhënies së dozave të vaksinës AstraZeneca për tre javë.Fillimisht pezullimi u ndalua për 14 ditë, por zyrtarët ...
Kryeministri Rama njoftoi se ka siguruar 1 milion vaksina kineze. Një ditë më herët erdhën 192 mijë dozat e para, ndërsa për 60 ditët e ardhshme priten 500 mijë...
Konflikti i përshkallëzuar midis Turqisë dhe Greqisë në Mesdheun Lindor, bazuar mbi një mosmarrëveshje të vjetër mbi kufirin detar, është duke u shndërruar në n...
EVROPË- Agjencia Evropiane e Barnave ka aprovuar dy fabrika për prodhimin e vaksinave Covid-19.Sipas TheGuardian, EMA ka thënë se ka aprovuar një fabrikë p...
EGJIPT-Një ngjarje e rëndë ka ndodhur në Egjipt. Sipas Aljazeera, dy trena janë përplasur në qytetin Sohag, ku si pasojë kanë ndërruar jetë 30 persona dhe janë ...
MINAMAR-Tre protestues janë vrarë nga forcat e ushtrisë në Mianmarm, ditën e sotme. Po ashtu, sipas Reuters, Banka Botërore paralajmëroi që ekonomia e vendit mu...
BOTË – Problemi kryesor jo vetëm shëndetësor por edhe politik në të cilën po përballet bota sot, është mungesa me vaksinat anti-COVID, të cilat shihen si e...
