6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Në një përpjekje për të hapur ekonominë zoti Trump i ka dhënë zë ditët e fundit skepticizmit në lidhje me vlerësimet e disa ekspertëve të mjekësisë.
Shtëpia e Bardhë u distancua të mërkurën nga një sulm i ri lidhur me trajtimin e pandemisë së koronavirusit nga eksperti kryesor i sëmundjeve infektive doktor Anthony Fauci, edhe pse një artikull në formën e një opinioni botuar në një të përditshme amerikane i pasqyron disa nga mendimet, si ato të Presidentit Donald Trump.
Këshilltari për Tregtinë i Shtëpisë së Bardhë Peter Navarro shkruante në një opinion të botuar në gazetën “USA Today” se zoti Fauci “ka një qasje të mirë të tijën me publikun, por ka gabuar për gjithçka me të cilën më është dashur të bashkëveproj me të”.
Megjithatë pasi artikulli u publikua drejtoresha e komunikimit strategjik të Shtëpisë së Bardhë Alyssa Farah tha që artikulli i zotit Navarro “nuk kaloi nëpër procesit normal të Shtëpisë së Bardhë të shqyrtimit përpara publikimit të tij dhe se ai është vetëm mendimi i tij(zotit Navarro)”.
Ajo tha se zoti Trump “vlerëson ekspertizën e profesionistëve të fushës së mjekësisë që këshillojnë administratën e tij”.
Kur u pyet rreth artikullit në Shtëpinë e Bardhë zoti Trump tha se “ky është Peter Navarro, por unë kam një marrëdhënie shumë të mirë me doktor Faucin”.
Më vonë zoti Trump i tërhoqi vëretje zotit Navarro duke thënë se “ai bëri një deklaratë që përfaqësonte opinionin e tij. Ai nuk duhet ta bëjë këtë gjë”.
Në një intervistë për revistën “The Atlantic” doktor Fauci tha se ai “nuk mund ta kuptonte dot se pse “Shtëpia e Bardhë ishte përpjekur ta dëmtonte ekspertizën dhe këshillat e tij”.
“Mendoj se ata po e kuptojnë tashmë se kjo nuk ishte një gjë e kujdesshme për t’u bërë, pasi vetëm reflekton negativisht mbi ta”, tha ai.
Për sa i takon komenteve të zotit Navarro, doktor Fauci tha se “nuk mund ta shpjegoj Peter Navarron. Ka mendimet e tij”.
Në një përpjekje për të forcuar ekonominë e dëmtuar amerikane përballë avancimit të paepur të pandemisë së koronavirusit zoti Trump i ka dhënë zë ditët e fundit skepticizmit në lidhje me vlerësimet e zotit Fauci dhe ekspertëve të tjerë të mjekësisë.
Presidenti, i cili po përballet me një garë të ashpër për t’u rizgjedhur në nëntor kundër ish-Nënpresidentit Joe Biden, prej muajsh e ka nënvlerësuar ndikimin e virusit dhe së fundmi ka pohuar se ndikimi i rasteve të reja me koronavirus “tërësisht i parrezikshëm” në 99 për qind të rasteve.
Udhëheqësi amerikan i tha gazetarit të “Fox News” Sean Hannity, se personalisht e pëlqen zotin Fauci, por se ai kishte “bërë shumë gabime”.
Disa ditë më parë, zoti Trump ripostoi në twitter një koment të një ish-prezantuesi të një emisioni lojërash televizive, Chuck Woolery, i cili pa asnjë provë, pretendonte se “të gjithë gënjejnë”, përfshirë Qendrat për Kontrollin dhe Parandalimin e Sëmundjeve dhe “mjekët tanë, jo të gjithë, por shumica, që ne na kërkohet t’u besojmë”. Brett Giroir, admirali me katër yje në Shërbimin e Shëndetit Publik dhe një prej mjekëve që kanë qenë fytyra e përgjigjes së qeverisë ndaj pandemisë, e hodhi poshtë këtë pretendim në një intervistë për NBC të martën.
“Ndonjëherë mund të bëjmë gabime bazuar në informacionin që kemi” tha zoti Giroir “por asnjë prej nesh nuk gënjen. Ne jemi plotësisht transparent me popullin amerikan. Asnjë nga ne nuk ka 100 për qind të drejtë. Askush nga ne nuk ka gjithmonë të drejtë dhe ne e pranojmë këtë”.
Në artikullin e “USA Today” zoti Navarro, shkruante se “në fund të janarit kur po argumentoja mbi çështjen për të ndaluar fluturimet nga Kina në emër të presidentit, Fauci luftoi kundër vendimit të guximshëm të presidentit, i cili mund të kishte shpëtuar me qindra mijëra jetë amerikanesh”.
Vendimi ndalonte shtetasit e huaj që kishin vizituar kohët e fundit Kinën të hynin në SHBA, por nuk përjashtonte anëtarët e ngushtë të familjes së qytetarëve amerikanë si dhe banorët e përhershëm pra ata që kanë një kartë jeshile.
Zoti Navarro pohoi se në fund të janarit kur paralajmëroi për “një pandemi të mundshme vdekjeprurëse”, zoti Fauci “u thoshte mediave të mos shqetësoheshin” siç tha ai.
Zoti Navarro pohoi gjithashtu se Fauci e kishte ndryshuar katër cipërisht qëndrimin e tij lidhur me përdorimin e maskave. Sidoqoftë zoti Fauci me muaj të tërë ka nxitur amerikanët t’i vendosin ato dhe Presidenti Trump vendosi një të tillë në publik për herë të parë fundjavën e kaluar.
“Tashmë zoti Fauci thotë se një nivei në rënie i vdekshmërisë nuk ka rëndësi kur është statistika e vetme më e rëndësishme për të ndihmuar në orientimin e ritmit të rihapjes sonë ekonomike”, tha zoti Navarro. “Sa më i ulët niveli i vdekshmërisë, aq më shpejt dhe më shumë mund ta hapim vendin”.
“Pra, kur më pyesni nëse i dëgjoj këshillat e doktor Faucit, përgjigjja ime është: vetëm me skepticizëm dhe kujdes”, përfundoi zoti Navarro.
Në intervistën për NBC zoti Giroir, tha se “të gjithë jemi shumë të shqetësuar mbi shpërthimin” e mijëra rasteve të reja në vend. Ai shtoi se ndërsa numri i pacientëve me koronavirus në spitale ka rënë nga një pikë kulmore prej 85 mijë në 63 mijë raste, por “me rritjen e shtrimeve në spitalet presim edhe rritje të numrit të vdekjeve”.
Më shumë se 137,000 amerikanë kanë vdekur nga virusi që prej fillimit të pandemisë dhe më shumë se 3.4 milionë janë infektuar.
Marrë nga VOA
1 vit nga zgjedhjet e 25 prillit si e shikoni gjendjen e vendit:
HOLANDË– Presidenti i Kosovës, Hashim Thaçi do të shkojë edhe sot për herë të fundit për t’u intervistuar nga Zyra e Prokurorisë së Specializuar në...
MAQEDONI E VERIUT- Procesi i numërimit të votave në Maqedoninë e Veriut po shkon drejt fundit. Sipas Komisionit Shtetëror të Zgjedhjeve, deri më tani janë numër...
MAQEDONI E VERIUT- Kanë dalë rezultatet e para të votimeve në Maqedoninë e Veriut. Mësohet se deri më tani janë numëruar 60% e votova ku prej tyre LSDM-ja ësht...
SHBA– Një komitet i Senatit të SHBA-së ka të ngjarë të votojë javën e ardhshme për një projektligj të paraqitur nga senatori republikan, Josh Hawley, në b...
Apeli i Italisë për ndihmë urgjente në fillim të epidemisë Covi-19 u injorua ndërsa koronavirusi po udhëtonte nëpër Europë.Prestigjozja britanike ‘The Guardian...
MAQEDONI E VERIUT-Zëdhënësi i partisë Bashkimi Demokratik për Integrim, Bujar Osmani, ka komentuar procesin e zgjedhjeve në Maqedoninë e Veriut. Ai ka falenderu...
KOSOVË– Një nga tetë pacientët e prekur me koronavirus, i shtruar në Spitalin Rajonal të Vushtrrisë, ka thënë se personalisht nuk ka besuar se ky virus ekz...
JAPONI– Pas SHBA- së edhe Japonia ka akuzuar Kinën për përhapjen e ‘propagandës’ dhe ‘dezinformimit’ gjatë pandemisë së koronavirusit.Sipas mediave të hua...
SHBA- Eksperti amerikan për sëmundjet infektive Dr. Anthony Fauci ka reaguar për përpjekjet e fundit të administratës Trump për ta diskredituar atë. Një një ...
SHBA-Këshilltarja e Shtëpisë së Bardhë dhe vajza e Presidentit Ivanka Trump ka shkelur një rregull të etikës së qeverisë pasi postoi në rrjetet sociale një f...
