Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Kreu i Kadastrës, Artan Lame ka hapur aplikimet për drejtues të rinj në drejtoritë rajonale, si edhe në kryeqytetit. Në një deklaratë për mediat, Artan Lame tha se do të zëvëndësohen drejtuesit e komanduar, si edhe ata që nuk kanë justifikuar punën e tyre, duke nisur nga Shkodra në Sarandë. Kreu i Kadastrës tha se zyrat nuk janë në lartësinë e duhur përsa i përket shërbimit të qytetarëve, pas i trajtojnë këto të fundit si “besdisje”.
Ai u bëri thirrje të gjithë vajza e djemve që kanë mbaruar universitetin për për inxhinjeri, juridik për ekonomik, specialistëve, kandidatëve për deputet që nuk fituan, që të aplikojnë.
FJALA E TIJ:
Me gjithë dëshirën time për ta shmangur Kadastrën Shqiptare nga përdorimi politik, me ç’duket ky qenka mision i pamundur. Por gjatë kësaj fushate kjo akuzë arriti në kufijtë e absurdit, duke e akuzuar Kadastrën thjesht e qartë pse po kryen detyrën e saj. Pse po kryejmë misionin për të cilin jemi krijuar? Po japim leje legalizimi? Pse i kryejmë shërbime kadastrale publikut? Pse po japim çertifikata toke?
Nga ana tjetër, pikërisht fakti i thirrjes denoncuese për institucionin, flet për suksesin e tij në kryerjen e detyrës për të cilën është krijuar. Megjithatë do dëshiroja t’ia lija organeve kompetente ndjekjen e këtyre akuzave surreale.
Jam i bindur që tani që na dëgjojnë janë qindra mijëra qytetarë që shprehen të kënaqur me shërbimet tona. Kadastra ofron rreth 1.1 milion shërbime në vit), por janë edhe mijëra qytetarë të tjerë që rrudhin buzët të pakënaqur duke më dëgjuar.
E pranoj publikisht se në zyrat tona në shumë raste nuk janë në lartësinë e duhur, veçanërisht në aspektin e shërbimeve ndaj qytetarëve. Ka zvarritje të ankesave të tyre, ka mungesë profesionalizmi në zbatimin e tyre, ka trajtim të qytetarëve si bezdisje, ka mungesë vullneti për t’u përfshirë në problematikat e vështira si edhe shumë të tjera.
Ka specialistë që nuk duan e nuk duan ta kuptojnë që shmangja e një qytetari sot, nuk është zgjidhje. Nesër ai qytetar sërisht do të paraqitet derisa të gjejë zgjidhje.
Ka drejtues dhe këtu ju drejtohem në veçanti atyre, që nuk duan të kuptojnë që vendosja e tyre në ato poste nuk është bërë se kanë çliruar Shqipërinë, por se iu është besuar se do të dijnë të drejtojnë dhe organizojnë punën në drejtoritë ku ata drejtojnë.
Në këto kushte dëshiroj të shpall sot hapjen e thirrjes për drejtues të rinj në një pjesë të madhe të zyrave rajonale të Kadastrës. Jam i bindur se gjithë llafollogët e fejsbukut do ulen të dekurajojnë këdo që do dëshirojë të përfshihet në këtë thirrje. Mos u çudisni, e kanë bërë gjithmonë. Mos u tutni! Ti djalë apo vajzë që ke mbaruar universitetin për inxhinjeri, juridik për ekonomik; Ti specialisti që ke vite që punon në administratë dhe mendon se ka ardhur koha të avancosh në karrierë; Ti kandidati për deputet, që e dije se nuk do fitoje për shkak të numrit në listë, por që je i bindur në kapacitetin tend; Ti eksperti i fushës, që mendon se e di sesi mund të gjejnë zgjidhje problemet e stërkomplikuara të pronës në Shqipëri, por që nuk ke patur rast të provosh veten; Mos u tutni, ejani dhe aplikoni.
Pas kësaj thirrjeje, do të vijojë një thirrje e dytë, për specialistë të niveleve të tjera, shefa sektorësh e kështu në vijim. Kadastrës Shqiptare tashmë i janë ngarkuar disa funksione të reja që dikur i kanë patur institucione të tjera. Arsyeja ishte e thjeshtë: U pa që ky institucion me gjithë vështirësitë e rritjes dhe të ngritjes, por jepte rezultate. Por këto funksione të reja do të kenë nevojë për shumë specialist të tjerë për të cilët më pas do të bëjmë thirrje më të specializuar. Por le të përqëndrohemi sot tek thirrja për drejtues të rinj. Si shërbëtor i vjetër i shtetit, ju them se nuk bëhen legalizimet me ushtarë partie, nuk i shërbehet 1 milion qytetarëve në vit me qoka partie, por me punë dhe specialistë. Pastaj, nëse rezultati çon ujë në plotësimin e premtimit të Partisë Socialiste për zgjidhjen e çështjes së pronës dhe të programit të qeverisë Socialiste, kjo nuk është njollë për neve, por medalje e merituar. Përsa i takon të gjithë aplikuesve, bujrum të gjithëve dhe… ja sheshi ja mejdani.
Bëhet fjalë për shumicën e drejtorive të Republikës që kanë ose drejtues të komanduar ose drejtues që nuk e justifikuan veten, duke filluar që nga veriu, Shkodra, Lezha, Kruja, Durrësi, drejtoritë e Tiranës, Vlorën, Elbasanin, Fierin, Sarandën, Korçnë, Pogradecin. Këto më kujtohen tani, por lista e plotë do të dalë të hënën tjetër.
(a.b)/dosja.al
Iftar dhe politikë, a u prek Muaji i Ramazanit nga politikanët?
TIRANË– Presidenti Ilir Meta është shkarkuar nga detyra si kreu i shtetit nga Kuvendi i Shqipërisë, por mesa duket vendimi i formës së prerë pritet nga Gjy...
TIRANË– Komisioni Qendror i Zgjedhjeve pritet që të miratojë ditën e nesërme projektvendimet për shpërndarjen e mandateve midis subjekteve zgjedhore dhe pë...
TIRANË– Një debat i fortë ka “plasur” sot në studion e Breaking në TopNews, midis moderatores së emisionit dhe ish-deputetes së LSI Keidi Mehmetaj e ...
TIRANË– Ambasadori i Bashkimit Europian Luigi Soreca ka mbështetur gjithashtu rekomandimin e Vëzhguesve Ndërkombëtarë për apelimin e vendimit të KPK-...
TIRANË- Kryeministri Edi Rama i shtensionuar nga ankthi i rezultatit të zgjedhjeve, tregoi në intervistën e të dielës për “France 24″, se databaza e publik...
BRUKSEL– Raportuesja e Shqipërisë për në PE, Isabel Santos, nëpërmjet një postimi në “Twitter”, thotë se ky është një moment rëndësishëm për Shqipërinë. Ajo the...
LUKSEMBURG- Ministri gjerman i Shtetit për Europën, Michael Roth, ka kërkuar që Shqipëria të ndahet nga Maqedonia e Veriut në procesin e hapjes së negociatave m...
TIRANË– Ambasada e Shteteve të Bashkuara të Amerikës në Tiranë, ka kutjuar vizitën e zyrtarit të parë të nivelit të lartë nga Shtetet e Bashkuara që ...
LUKSEMBURG– Ministri i jashtëm kroat, Gordan Grlic Radman, ka deklaruar se Shqipëria dhe Maqedonia e Veriut i kanë përmbushur të gjitha kriteret për të hapur ne...
