Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ndërtime moderne në të cilat vizitorët do të argëtohen për Botërorin - "Fanzona" speciale për argëtim por vetëm për të huajt - Shikoni fotot dhe videot...
KATAR - Është festa më e madhe e futbollit në nivel kombëtar. Qëllimi përfundimtar i çdo futbollisti, arbitri, tifozi. Është thjesht Kupa e Botës në futboll, Kupa e Botës që ka ndërtuar legjenda, ka shkaktuar emocione të pabesueshme dhe tani po përgatitet të bëjë sërish histori.
Ndoshta për të qenë të saktë, ky kapitull i veçantë i historisë së futbollit është shkruar prej 12 vitesh (për arsyet e duhura, por edhe të gabuara siç do të shpjegojmë më poshtë) dhe sigurinë se e gjithë kjo aventurë do të jetë vërtet unike...
Sepse është e para që pritet në Lindjen e Mesme, me ndeshjet e Kupës së Botës që zhvillohen në dimër dhe jo në verë dhe skuadrat nuk udhëtojnë në qytete të ndryshme, por në thelb konkurrojnë në një dhe të vetmin: kryeqytetin e Katarit, Doha, në qendrër të së cilës janë katër nga tetë stadiumet e lojërave dhe në periferi të saj pjesa tjetër. Dhe kjo veçori u jep mundësinë fanatikut të futbollit të shikojnë dy-tre ndeshje në të njëjtën ditë...
Kalendari tregonte 2 dhjetor 2010, kur dy vendet e zgjedhura nga Komiteti Ekzekutiv prej 22 anëtarësh si vende pritëse për Kupat e Botës 2018 dhe 2022 u shpallën në Zyrih, ku është selia e Federatës Ndërkombëtare të Shoqatave të Futbollit (FIFA).
Konklava e shenjtë e futbollit, vendosi për herë të parë në historinë e saj të shpallë një detyrë të dyfishtë dhe padyshim që kjo zgjedhje nuk ishte thjesht rastësore. Presidenti i atëhershëm i FIFA-s, Sepp Blatter, bëri të ditur se turneun 2018 e mori Rusia, duke mbizotëruar ndaj nominimeve të Anglisë dhe “bashkimit të ofertave Holandë-Belgjikë, Spanjë-Portugali.
Kjo ishte surpriza e parë e vogël pasi Anglia ishte favorite, megjithatë kur fjala 'Katar' doli nga goja e agjentit zviceran për Kupën e Botës 2022 tronditja ishte e madhe, pasi Emirati sapo kishte mposhtur SHBA-në, Australinë dhe bashkë-ofertën Japonia, Koreja e Jugut!
Kështu nisi të shkruhet skenari i Botërorit më të diskutueshëm në historinë e futbollit, i cili, pavarësisht legjendave të kundërta nga e nesërmja e fitores së Katarit dhe faktit që ishte arsyeja që e gjithë administrata e FIFA-s të shkarkohej.
Dymbëdhjetë vite plot dyshime, pikëpyetje dhe ndërtime moderne
Që nga dita e dhënies së Kupës së Botës për Emiratet, pati reagime të ashpra për zgjedhjen dhe po aq pikëpyetje nëse është e mundur të organizohet atje një event kaq i madh. Reagimet kishin të bënin me faktin, se Katari ishte vendi më i vogël që ndërmori një ndërmarrje të tillë (rekordin e mëparshëm e mbante Zvicra me Botërorin e vitit 1954, ku kërkesat ishin natyrisht krejtësisht të ndryshme).
“Ju siguroj se FIFA nuk do të pendohet për vendimin e sotëm”,- ishte deklarata lakonike e Emirit (atëherë) Hamad bin Khalifa Al Thani. E vërteta është se Blatter dhe stafi i tij u penduan shumë për këtë, pasi vendimi i papritur i Komitetit Ekzekutiv shkaktoi zemërim në praktikat e federatës ndërkombëtare.
Viktima e parë ishte biznesmeni nga Katari, Mohammed bin Hamman, ish-president i Konfederatës Aziatike të Futbollit, i cili pas një hetimi u shpall fajtor për korrupsion dhe blerje votash dhe u ndalua përjetë nga ky sport. Në MME ndërkombëtare u vendos termi ‘Katar-gate’, i cili mund të mos jetë provuar kurrë, pavarësisht zbulimeve të vazhdueshme, por në vitin 2015 më në fund largoi nga futbolli Sepp Blatter dhe Michel Platini (atëherë president i UEFA-s dhe favoriti i parë për ta pasuar) me akuza për pastrim parash dhe pagesa të paligjshme.
Cili ishte faji i Platinit? Sipas fjalëve të Blatterit, teksa u kishte premtuar votën amerikanëve, në momentin e fundit bëri... një kthim prapa.
“Platini më 23.11.2010 u takua në pallatin presidencial francez me Nicolas Sarkozy dhe princin (atëherë) të kurorës së Katarit, Tamim bin Hamad al-Thani në një drekë të fshehtë ku gjithçka ndryshoi”,- zbuloi revista franceze ‘France Football’ duke rindezur flakët...
Stadiumet moderne, një qytet i ri dhe... metro
Një nga pyetjet e para që lindi nga dhënia e Kupës së Botës Katarit kishte të bënte me temperaturat në vendin e Lindjes së Mesme. Perspektiva e mbajtjes së lojërave në datën klasike (fillim qershor-fillim korrik) ishte në tavolinë për disa vite, por të gjithë në ‘Jerusalemin’ e futbollit e dinin që kjo ishte e pamundur për shkak të kushteve të motit.
FIFA zbuloi synimin e saj për një Botëror... dimëror, me idenë që hasi në reagime të forta (veçanërisht nga Premier League që kërcënoi me padi), por më 24 shkurt 2015, Sepp Blatter pak para shkarkimit të tij njoftoi se Kupa e Botës 2022 do të mbahet në… dimër.
Sigurisht që fjala dimër në Katar është shakaja më e shkurtër, pasi gjatë Kupës së Botës temperatura i kalon 25 gradë gjatë ditës dhe mund të bjerë në 21 gjatë natës... Kalimi i ndeshjeve nga vera (ku temperatura është vazhdimisht mbi 40 gradë) në dimër ishte i rëndësishëm, por në vetvete nuk e zgjidhi problemin e vapës për futbollistët dhe shikuesit. Kjo është arsyeja pse të gjitha terrenet (7 të ndërtuara rishtas dhe 1 i rinovuar) janë pajisur me sisteme ftohëse moderne, që garantojnë një temperaturë konstante...
Ajo që nuk i mungon Katarit, përveç vapës, janë rezervat e naftës, gazit natyror dhe rrjedhimisht parave. Kjo mund të jetë në kundërshtim me atë që përshkruam më lart për kushtet për punëtorët emigrantë, por e vërteta është se Katari e kanë ngritur shiritin aq lart sa do ta ketë shumë të vështirë për çdo vend në të ardhmen t'i kalojë ata.
Kupa e Botës 2010 në Afrikën e Jugut (e cila shkaktoi gjithashtu shumë debate) kushtoi 3.5 miliardë dollarë. Vlerësimet për eventin në Katar thonë se kostoja do të variojë nga 200 deri në 220 miliardë.
Një sasi e pabesueshme, e cila ka një shpjegim logjik pasi përfshin, përveç ndërtimit të stadiumeve, krijimin e një qyteti të tërë (Lusail), ndërtimin e metrosë (të tre linjat mbulojnë një sipërfaqe prej 76 kilometrash) dhe ndërtimi i hoteleve për të akomoduar më shumë se 1.5 milionë turistë që pritet të jenë në Emirate.
Stadiumet…
Fillimisht ndeshjet do të organizoheshin në 12 stadiume, por përfundimisht ato u reduktuan në 8. Gjysma ndodhen brenda Dohas dhe gjysma tjetër janë periferike me kryeqytetin me më të largëtin 40 kilometra nga qendra. Të gjitha të pajisura me teknologjinë më të fundit (ekrane HD, sedilje të rehatshme, ashensorë dhe siç u përmend më lart sistemet e ftohjes), disa prej materialeve të ricikluara.
Stadiumi ‘Lusail Iconic’ (80.000 spektatorë)
Përpara se Katari të merrte Kupën e Botës, Lusail ishte një zonë rëre e lagur nga Gjiri Persik. Brenda pak vitesh ky vend i shkretë u shndërrua në një qendër urbane, ku të huajt lejohen të blejnë shtëpi dhe ka mbi të gjitha një lagunë, katër ishuj, dy marina, po aq fusha golfi, një qendër tregtare, një spital dhe një kopsht zoologjik.
Qyteti i parë i krijuar për një Botëror, ka edhe stadiumin ku do të zhvillohet finalja. Arkitektura e Stadiumit Iconic Lusail të kujton kupat tradicionale të përdorura në botën arabe. Natën me ndriçim stadiumi do të shkëlqejë pasi dizajni është bërë në mënyrë të tillë që të imitojë shkëlqimin e një feneri.
Stadiumi ‘Al Bayt’ (60.000 spektatorë)
Është stadiumi i dytë më i madh i kompeticionit dhe do të presë ndeshjen hapëse (Katar-Ekuador) dhe ceremoninë e hapjes që do t'i paraprijë, ku stadiumi do të jetë vendi më ideal për… mirëseardhjen. Dizajni i saj ngjall skenat nomade të shkretëtirës, në tavan ka dizajne arabe të stampuara dhe gjithashtu ka një mural kushtuar punëtorëve që punuan në ndërtimin e saj. Me përfundimin e lojërave, kapaciteti i tij do të ulet në 30 mijë dhe pjesa e mbetur do të shndërrohet në hotel.
‘Khalifa International’ Stadium (45.416 spektatorë)
Është i vetmi stadium që i është nënshtruar punimeve të thjeshta përmirësimi. Deri tani aty ndodhen stadiumi kombëtar i Katarit dhe objekte të tjera të rëndësishme sportive të vendit. Ka një sistem inovativ ftohjeje, që temperatura të mos i kalojë 26 gradë Celsius dhe aty do të zhvillohet gara për vendet 3-4.
‘Education City’ Stadium (45.350 shikues)
Nga emri i tij mund të kuptoni se ndodhet në qendër të një kampusi universitar. Kur të përfundojë Botërori, 20 mijë vende do të hiqen dhe do t'u jepen studentëve me theks në futbollin e femrave. Nga jashtë ka modele gjeometrike që duken si diamante, duke simbolizuar kështu cilësinë dhe qëndrueshmërinë.
Stadiumi ‘Ahmed Bin Ali’ (44.740 shikues)
I quajtur pas themeluesit të Emiratit, ai u ndërtua në vendin e stadiumit të mëparshëm të ‘Al Rayyan’. Skuadra do të vazhdojë ta përdorë edhe pas Botërorit, por me kapacitet të përgjysmuar.
Stadiumi ‘Al Janoub’ (40.000 spektatorë)
Një nga strukturat më mbresëlënëse... Pjesa e jashtme e saj nderon traditën e qytetit Al Wakrah, i cili ishte një fshat peshkimi me perla, duke kujtuar velat e varkave tradicionale të zonës.
Stadiumi ‘Al Thumama’ (40.000 shikues)
Një tjetër stadium që i referohet traditës arabe dhe islame. Nga jashtë, ajo i ngjan gafiya, kapelja tradicionale e thurur e veshur nga burrat në vendet arabe...
Stadiumi ‘974/Stadiumi Ras Abu Aboud’ (40.000 spektatorë)
974 është kodi telefonik ndërkombëtar i Katarit, por edhe numri i kontejnerëve të transportit të përdorur për të ndërtuar stadiumin pranë autostradës Ras Abu Aboud. Për shkak të kontejnerëve është fusha e parë që montohet, e cila pas ndeshjeve do të kthehet në komplekse buzë detit.
Përveç qytetit të Lusail, stadiumeve dhe hoteleve të ndërtuara, një tjetër projekt i madh infrastrukturor është metroja, e cila shtrihet përgjatë një traseje prej 76 kilometrash. Është tërësisht mbi tokë dhe ka tre linja që mbulojnë shumicën e fushave ku zhvillohen ndeshjet. U deshën pesë vjet për t'u ndërtuar dhe kushtoi 36 miliardë dollarë!
Një Botëror ndryshe për tifozët
Kundërshtimet ndaj përzgjedhjes së Katarit kishin të bënin edhe me respektimin e të drejtave të njeriut, pasi është një shoqëri shumë konservatore. “Të gjithë janë të mirëpritur në Katar...” është refreni i vazhdueshëm i organizatorëve me fusnotën e nevojshme se “duhet të tregosh respekt për rregullat dhe kulturën vendase”. Si e përktheni këtë?
"Të gjithë janë të mirëpritur, për sa kohë që ata nuk shfaqin diversitetin e tyre." Dhe ky është mesazhi për anëtarët e komunitetit LGBT+... Tani e tutje, imazhet me të cilat jemi mësuar të tifozëve që shëtisin duke kënduar dhe pirë alkool nuk do të jenë të pranishme në këtë Botëror.
Në Katar ndalohet të ngacësh makinën në gjendje të dehur, alkooli lejohet vetëm për të huajt dhe në vende të veçanta, ndërsa përfundimisht u vendos në disa vende ku do të jenë zonat e famshme të fansave të lejohet shitja e pijeve alkoolike. Por kushdo që e tepron do të ketë një problem.
Jo të gjitha biletat janë shitur…
Në total organizatorët lëshuan 3.010.679 bileta për të gjitha ndeshjet e Botërorit dhe dhjetë ditë më parë njoftuan se ishin shitur 2.850.000. Për vendasit, çmimet e biletave për ndeshjet në fazën e parë fillonin nga 40 rial (11 dollarë), por një biletë për finalen kushton 6.000 rial (1.600 dollarë).
Përveç vendasve deri më tani vendet me numrin më të madh të tifozëve (siç pasqyrohet nga blerja e biletave) janë Argjentina, Brazili, Anglia, Franca, Gjermania, Meksika, Arabia Saudite dhe Shtetet e Bashkuara të Amerikës. Vlerësimet flasin për më shumë se 1.2 milionë turistë, ndërsa sipas burimeve të tjera të ardhurat do të kalojnë 1.5 milionë.
Masat e sigurisë…
Për Katarin e pasur, por të vogël, prania e një vëllimi kaq të madh tifozësh të huaj ishte që në fillim një dhimbje koke e madhe dhe një bixhoz po aq i madh. Policia lokale dhe forcat e sigurisë nuk mund t'i plotësonin vetë nevojat dhe meqenëse çdo ngjarje e madhe sportive është tani një objektiv i mundshëm terrorist, ndihma nga jashtë ishte e dhënë.
Dhe e vërteta është se e gjithë skena përsa i përket sigurisë të kujton... një forcë shumëkombëshe. Turqia, e cila ka zhvilluar marrëdhënie shumë të ngushta gjatë dekadës së fundit, ka marrë përsipër trajnimin e forcave të sigurisë të Katarit dhe po kontribuon me 3.500 burra, 50 ekspertë për asgjësimin e bombave dhe 100 qen.
Ushtarët nga Pakistani kanë udhëtuar tashmë në Doha dhe kanë zënë pozicionet e tyre…, ndërsa Maroku ka dërguar ekspertë për t'u marrë me sulmet kibernetike. Gjithashtu, parlamenti francez miratoi dërgimin e 250 burrave, Anglia një numër përkatës ekspertësh në kontrollet e stadiumit, ndërsa SHBA do të ndihmojnë si me police, ashtu edhe me ushtarë në pjesën e sigurisë së eventit.
B.T (Dosja.al)
BJELLORUSI- Duhej të ishte një ndeshje si gjithë të tjerat në takimin Smorgon-Volna Pinsk, por nuk rezultoi kështu.Ndryshe nga a...
TIRANË- Ditën e mërkurë, Italia do të përballet me Shqipërinë për herë të parë kundër Shqip&e...
ITALI-Ndryshime te Ferrari. La Gazzetta dello Sport konfirmon se epoka e drejtorit Mattia Binotto ka përfunduar dhe ai do të zëvendësohet ...
ITALI-Fillimi sezoni i Napolit vështirë se mund të kishte shkuar më mirë se kaq. Ndalesa e kampionatit për shkak të Kup&eum...
MILANO- Rafael Leao ende nuk ka rinovuar kontratën me klubin e Milanit. Drejtuesit kuqezi janë frikësuar nisur edhe nga fjalët e babait t&...
ANGLI - Manchester United po mendon të largojë Cristiano Ronaldon pas deklaratave tronditëse të portugezit për klubin dhe trajne...
PORTUGALI - Videoja është bërë tashmë virale. ‘Aventura’ mes Cristiano Ronaldos dhe Manchester United thua...
ZVICER - Presidenti i FIFA-s, Gianni Infantino bëri thirrje këtë të martë për një armëpushim në Ukrainë gjat...
ARGJENTINE - Një kthim në bazë. I trajnuar si mbrojtës në River Plate midis 1998 dhe 2003, Martin Demichelis u kthye në Bue...
TIRANE - Lajmi është befasues, por i vërtetë. Gjyqtari kosovar Genc Nuza do të drejtojë ndeshjen miqësore Shqipëri-Ita...
