I arrestuar nga SPAK/ Kush është biznesmeni Orest Sota, në 2017 u kap me 863 mijë euro në automjet, njohje dhe me Ergys...
Masivizohet revolta! Protesta zhvendoset edhe në Gjenevë, qindra qytetarë kërkojnë dorëheqjen e kryeministrit Rama...
I hiqet 'non grata' Berishës nga SHBA, Nancy VanHorn ia konfirmon në telefon 11 Qershor, 10:59 VIDEO/ Berishës ...
Qytetarët prej 12 ditësh kërkojnë largimin e Ramës/ Nis seanca plenare në Kuvend, gjashtë interpelanca n...
“Gjetjet e këtij kërkimi janë vërtet impresionuese, sepse Shqipëria renditet e para në Europë për interesin ndaj futbollit, me 78% të njerëzve që shprehin interes për këtë sport. Ky është një lajm i mirë dhe obligues në të njëjtën kohë.”
TIRANE - Në “Shtëpinë e Futbollit” u prezantua sot raporti “UEFA Grow Market Research”, një analizë e realizuar nga UEFA në bashkëpunim me agjencinë prestigjioze Nielsen Sport, që sjell të dhëna të rëndësishme mbi perceptimin, zhvillimin dhe ndikimin e futbollit në Shqipëri.
Në këtë aktivitet morën pjesë Presidenti i FSHF-së, Armand Duka, përfaqësues të UEFA-s, partnerë institucionalë dhe përfaqësues të medias.
Raporti evidenton se Shqipëria renditet e para në Europë për interesin ndaj futbollit, me 78% të të rriturve që deklarojnë se janë të interesuar për këtë sport, një shifër dukshëm më e lartë se mesatarja europiane prej 48% dhe në rritje të ndjeshme krahasuar me vitin 2016, kur ky tregues ishte 65%.
Në fjalën e tij përshëndetëse, Presidenti i FSHF-së, Armand Duka, falënderoi UEFA-n dhe Nielsen Sport për realizimin e studimit, duke theksuar se kërkime të tilla kanë luajtur një rol të rëndësishëm në orientimin e strategjive të Federatës për zhvillimin e futbollit shqiptar.
“Dua të falënderoj përfaqësuesit e UEFA-s dhe të kompanisë ‘Nielsen Sport’ për pjesëmarrjen dhe punën e bërë në këtë studim, në lidhje me të dhënat për futbollin në Shqipëri.
Padyshim që dua ta falënderoj UEFA-n për të gjithë mbështetjen që i jep Federatës Shqiptare të Futbollit, jo vetëm me projekte dhe iniciativa, jo vetëm me këtë studim, por edhe me studime të tjera, të cilat na ndihmojnë të ndërtojmë më mirë strategjinë e zhvillimit të futbollit dhe të përcaktojmë prioritetet që duhet të kemi në rrugën tonë për realizimin e objektivave, duke e bërë futbollin sa më atraktiv, sa më të bukur dhe sa më lider në vendin tonë.
Gjetjet e këtij kërkimi janë vërtet impresionuese, sepse Shqipëria renditet e para në Europë për interesin ndaj futbollit, me 78% të njerëzve që shprehin interes për këtë sport. Ky është një lajm i mirë dhe obligues në të njëjtën kohë. Krahasuar me vitin 2016, kur ky tregues ishte 65%, tashmë ka arritur në 78%, shumë mbi mesataren europiane prej 48%”, tha Presidenti Duka, duke shtuar:
“Ky është një lajm i mirë, por në të njëjtën kohë edhe një obligim, sepse Federata Shqiptare e Futbollit duhet të punojë edhe më shumë për të përmbushur pritshmëritë e tifozëve dhe për të realizuar dëshirat e të gjithë të interesuarve për futbollin.
Futbolli është sporti më i ushtruar dhe më i luajturi në Shqipëri, me 34% të të rriturve që merren me sport dhe 41% të fëmijëve.
Këto të dhëna, padyshim, kanë ardhur edhe falë projekteve të Federatës Shqiptare të Futbollit, si ‘Uniforma Ime’, ‘Topi Im’, si edhe falë përmirësimeve në infrastrukturë. Të gjitha gjetjet e këtij studimi do të shërbejnë si një busull edhe më e qartë për ne dhe për të ardhmen.
Dua të garantoj të gjithë ata që kanë interes për futbollin se Federata Shqiptare e Futbollit do ta ketë objektiv përmirësimin e mëtejshëm të punës së saj. Megjithëse, sipas këtij studimi, imazhi i Federatës është përmirësuar krahasuar me vitin 2016, me 5% më shumë, duke arritur sot në 52% imazh pozitiv.
Këto shifra do të jenë një busull e rëndësishme për ne në përmirësimin dhe zhvillimin e mëtejshëm të futbollit në vend”, – u shpreh Presidenti Duka.
Sipas raportit, futbolli vazhdon të jetë sporti më i praktikuar në Shqipëri, me 34% të të rriturve dhe 41% të fëmijëve që angazhohen në aktivitete futbollistike. Gjithashtu, futbolli gëzon imazhin më pozitiv ndër të gjitha sportet në vend, me një vlerësim mesatar prej 7.5 nga 10, duke lënë pas sportet e tjera si volejbolli dhe atletika.
Raporti “UEFA Grow Market Research” do të shërbejë si një instrument i rëndësishëm për Federatën Shqiptare të Futbollit në përcaktimin e prioriteteve dhe strategjive të ardhshme, me synimin për të forcuar më tej pozicionin e futbollit si sporti më i dashur dhe më i ndjekur në Shqipëri.
B.T (Dosja.al)
MEKSIKE - Dy lajme të mira për Spanjën. Trajneri spanjol Luis de la Fuente konfirmoi të dielën se Nico Williams dhe Lamine Yamal, akt...
SHBA - Ky është një kundërshtar i fortë për Zvicrën. Me seli në San Diego të Kalifornisë, për t'u p&eum...
TIRANE - Përfaqësuesja shqiptare U-16 reagoi në mënyrën më të mirë pas ndeshjes së parë, duke regjistruar nj...
SPANJE - Ky ishte një nga kushtet e fundit. Rizgjedhja e Florentino Pérez si president i Real Madridit do t'i lejojë klubit spanjol...
ANGLI - Një kapitull i rëndësishëm në historinë e West Ham vazhdon të mbyllet. Pasi dha dorëheqjen si bashkë...
ANGLI - Jude Bellingham përballet me konkurrencë në mesfushë. Kur u pyet nga shtypi përpara Kupës së Botës, trajneri i...
DANIMARKE - Mbrëmë, bota e futbollit u përfshi përsëri në një makth. Mesfushori danez Christian Eriksen u rr&eum...
ANGLI - Mbrojtësi i Southampton, Taylor Harwood-Bellis, dhe Leah Keane, vajza e ish-kapitenit të Manchester United, Roy Keane, u martuan në nj&...
SHBA - Një dëmtim ka kompromentuar pjesëmarrjen e mbrojtësit të Romës, Wesley, në Kupën e Botë...
SHBA - Nëntë persona u plagosën të shtunën në mëngjes nga të shtënat me armë në Kansas City, Missouri, ...
