6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Në 6 korrik 2021, Gazsjellesi Trans Adriatik (TAP AG), Ministria e Infrastrukturës dhe Energjisë dhe Albgaz Sh.a., nënshkruan një Marrëveshje Bashkëpunimi dhe Dorëzimi për Objektin e Seksionit Jugor në Fier. TAP do të projektojë, prokurojë dhe ndërtojë pikën e daljes së gazit në Fier, një investim shumë milionë Euro. Sipas marrëveshjes, pasi ndërtimi i pikës së daljes së gazit në Fier të ketë përfunduar, pika e daljes së gazit do t’i dorëzohet shtetit shqiptar dhe do të jetë në pronësi, menaxhim dhe operim të plotë të tij.
Ndërtimi i strukturës së re është një moment historik për gazifikimin e Shqipërisë, pasi do të mundësojë një pikë interkonjeksioni midis sistemit të transportit TAP dhe infrastrukturës së ardhshme të gazit në Shqipëri.
Pika e re e daljes së gazit në Fier do të ofrojë një pikë hyrëse strategjike, për Shqipërinë dhe Ballkanin Perëndimor, në rezervat e gazit në rajonin e Kaspikut. Ajo do të ndërtohet jashtë stacionit të kompresorit të TAP në Fier ,do të ketë kapacitet të zgjerueshëm dhe mundësinë e rrjedhës së gazit në dy drejtime. Pika e daljes se gazit që do të ndërtohet nga TAP, do të përfshijë gjithashtu struktura për uljen e presionit dhe për matjen fiskale të prurjes së gazit
Kryeministri i Shqipërisë, Edi Rama e cilësoi nënshkrimin e marrëveshjes si një hap drejt synimit për ta kthyer Shqipërinë në një eksportues të energjisë. “Sot është një nga shumë stacionet e një rrugëtimi që vazhdon për ta kthyer Shqipërinë praktikisht në një eksportues neto të energjisë, dhe në të njëjtën kohë për ta bërë vendin tonë një hapësirë burimesh të ndryshme, të larmishme, të prodhimit të energjisë duke futur më në fund edhe një komponent tjetër në jetën ekonomike dhe sociale të vendit.”
Belinda Balluku, Ministre e Infrastrukturës dhe Energjisë, e mirëpriti marrëveshjen si një moment historik në zhvillimin e ardhshëm të tregut të gazit dhe infrastrukturës energjetike të Shqipërisë, një prijoritet i mandatit të tretë të qeverisë Rama.
Belinda Balluku, Ministre e Infrastrukturës dhe Energjisë, e mirëpriti marrëveshjen si një moment historik në zhvillimin e ardhshëm të tregut të gazit dhe infrastrukturës energjetike të Shqipërisë, një prijoritet i mandatit të tretë të qeverisë Rama.
Luca Schieppati, Drejtori i Përgjithshëm i TAP-it, u shpreh: Në përputhje me misionin dhe vizionin tonë, ne jemi të lumtur që TAP vazhdon të mundësojë diversifikimin dhe sigurinë e furnizimit me gaz, duke siguruar një mundësi reale për një burim të ri, të besueshëm, të energjisë, të përballueshëm dhe më të pastër në Shqipërinë dhe Evropën Juglindore në të ardhmen. Pika e daljes së gazit në Fier është një aset thelbësor, i cili do të lehtësojë udhën drejt tranzicionit energjitik të Shqipërisë.”
Malfor Nuri, Drejtor i TAP për Shqipërinë, shtoi se: Ky është një kontribut i rëndësishëm i TAP për Shqipërinë. Pika e daljes së gazit në Fier nuk do të shërbejë vetëm për zhvillimin e infrastrukturës energjetike në vend, por do të forcojë ndjeshëm rolin gjeostrategjik dhe tregtar të Shqipërisë në rajon.
Pika e daljes së gazit në Fier përforcon rolin e TAP në zonën e Ballkanit Perëndimor, jo vetëm si një Operator i besueshëm i Sistemit të Transmetimit (OST) por edhe si një partner aktiv në tranzicionin energjitik të Evropës.
Rreth Gazsjellësit Trans Adriatik (TAP)
TAP do të transportojë gaz natyror nga fusha gjigande e Shah Denizit në sektorin azerbajxhanas të detit Kaspik për në Evropë. Gazsjellësi, i gjatë afërsisht 878 km, lidhet me Gazsjellësin Trans Anatolian (TANAP) pranë kufirit turko-grek në Kipoi, përshkon Greqinë, Shqipërinë dhe detin Adriatik, përpara se të mbërrijë në brigjet e Italisë jugore.
TAP-i do të lehtësojë furnizimin me gaz të vendeve të Evropës Juglindore përmes interkonektorëve të shumtë. Në veçanti, Bullgaria do të jetë në gjendje të mbulojë deri në 33% të kërkesës së saj totale për gaz përmes gazsjellësit TAP, pas përfundimit të interkonektorit Greqi Bullgari (IGB). Pikat e daljes së TAP-it në Greqi dhe Shqipëri, bashkë me daljen në tokë në Itali, ofrojnë mundësi të mëtejshme për transportin e gazit nga Azerbajxhani drejt tregjeve më të mëdha evropiane.
Si një pjesë kyçe e Korridorit Jugor të Gazit, TAP-i është i rëndësishëm për Evropën, si nga pikëpamja strategjike, ashtu edhe ekonomike, si dhe thelbësor në ofrimin e aksesit të sigurtë në një burim të ri gazi natyror. TAP-i luan një rol të rëndësishëm në forcimin e sigurisë së sektorit energjetik në Evropë, diversifikimin e rezervave energjetike, si edhe objektivat e dekarbonizimit.
Aksionarët e TAP-it janë: BP (20%), SOCAR (20%), Snam (20%), Fluxys (19%), Enagás (16%) dhe Axpo (5%).
Iftar dhe politikë, a u prek Muaji i Ramazanit nga politikanët?
TIRANË– Kryedemokrati Lulzim Basha ka pritur në selinë blu, delegacionin e Kongresit Pan-Shqiptar Amerikan, të kryesuar nga kryetari Bruna Ceka.Basha...
TIRANË– Ambasadorja amerikane në Shqipëri, Yuri Kim ka zhvilluar ditën e sotme një takim me udhëheqës të Kongresit Pan-Shqiptar të Amerikës.Në një postim t...
TIRANË– Pas zgjedhjeve parlamentare të 25 prillit, presidenti Ilir Meta duket se ka rënë në qetësi…Pikërisht këtë qetësi e ka analizuar gazetari Bledian Ko...
TIRANË– Sot, më 7 korrik të gjithë deputetët e Opozitës së re janë ulur për herë të fundit në karrigen e Kuvendit të Shqipërisë, pasi nuk do të kthehen më ...
TIRANË– Ambasadori i Bashkimit Europian në Shqipëri, Luigi Soreca ka zhvilluar një takim me kryedemokratin Lulzim Basha. Krahas fotove të shkrepura gjatë t...
TIRANË– Gramoz Ruçi njoftoi vetëm pak kohë më parë që do të largohej nga politika për t’u lënë vendin të tjerëve. Sot ai ka drejtuar seancën e fundi...
TIRANË– Kuvendi i Shqipërisë ka zgjedhur me 83 vota “pro” që të shpërfillë gjithë rekomandimet kundër për zgjedhjen e Armela Krasniqit në krye të Autoritet...
TIRANË– Partia Demokratike do të padisë në Gjykatën Administrative vendimin e Komisionin e Ankesave dhe Sanksioneve, KAS për lënien në detyrë të krye...
TIRANË– Kuvendi i Shqipërisë ka votuar me 83 vota, Armela Krasniqin për të marrë postin në krye të Autoritetit të Medias Audiovizive. Krasniqi mori shumicë...
