Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË – Aleanca për Mbrojtjen e Teatrit ka reaguar pas deklaratës së aktorit Robert Ndrenika, e cila u shpreh se kishte parë projektin e Teatrit të Ri, ku sipas tij ishin përfshirë edhe vërejtjet e AMT. Nëpërmjet një postimi në faqen zyrtare në Facebook, AMT shkruan, se Ndrenika, pavarësisht se preferon të qëndrojë i tërhequr, zullumqarët gjejnë gjithmonë një mënyrë për ta nxjerrë në skenë.
AMT vijon më tej, duke thënë se aktori nuk e di ende se një projekt i ligjshëm nuk ekziston ende dhe nëse ka një fitues, duhet denoncuar mungesa e transparencës. Ndër të tjera në reagimin e alencës thuhet se deklarata e Ndrenikës, se në truallin e Teatrit nuk do të ketë kulla, nuk të jep garanci.
Reagimi i plotë
Trashëgimia e pashlyeshme e Robert Ndrenikës Pikërisht në momentin kur ishim në kulmin e betejës sonë ligjore ndaj abuzimeve dhe shkeljeve në lidhje me çështjen e ndjeshme të shëmbjes së Teatrit Kombëtar, aktori i madh i skenës Robert Ndrenika, u shpreh i kënaqur me projektin e teatrit të ri, pavarsisht se nuk e kuptuam se për cilin nga projektet e ka pasur fjalën meqë ka pasur disa syresh. Por a thua vallë, që çështja komplekse e teatrit , ku u përfshi fort edhe politika me ligje antikushtetuese, vjedhje të pronës publike, të ishte një cështje thjesht estetike ? Një përplasje pikpamjesh mes artistësh ? Sikur 17 Maji të mos kishte ekzistuar kurrë ? A thua vallë teatri i ri, duhej të ndërtohej duke shëmbur të vjetrin ? Apo vetëm toka e teatrit ishte e shenjtë dhe aspak trashëgimia dhe vlerat që kanë lënë ata që luajtën aty dhe bënë historinë e tij, ku bën pjesë edhe vetë aktori ynë i madh? Mos vallë fillimi ndërtimit të teatrit të ri duhej të ndodhte duke dhunuar artistët dhe qytetarët që po mbronim vlerat e trashëgimisë, duke i sulmuar me polici speciale të armatosur dhe shëmbja e teatrit të vjetër duhej të fillonte kur ata ishin ende brënda?
Gjithsesi, mbase profesor Ndrenika ka qënë i keqinformuar, nga ata që duan të përdorin figurën e tij për të mbuluar zullumet e tyre. Pavarsisht se ai është shprehur herë pas here se preferon të qëndrojë i tërhequr, zullumqarët e gjejnë gjithmonë një mënyrë për ta rikthyer në skenën e kësaj tragjikomedie, në role episodike që nuk të shqiten nga mëndja kollaj, në funksion të maskaradës së tyre.
Pastaj me humor të hollë, na jep një falenderim të pamerituar kur thotë se paskësh konstatuar se të gjitha sugjerimet tona (AMT dhe PD), ishin marrë para sysh, dhe na siguron se në projekt nuk parashikohen kulla, në asnjë centimetër katror të truallit të teatrit. Në fakt ne, por as edhe Pd nuk kanë qënë për teatër të ri duke shëmbur të vjetrin. Mbase falenderimi duhej të na vinte prej tij, kur e futëm teatrin përmes Europa Nostra në listën e shtatë vëndodhjeve më të rrezikuara në Europë dhe po bëheshim gati ta restauronim sipas projektit origjinal pa harxhuar asnjë shpenzim nga arka e shtetit shqiptar. Ndërsa sot pasi teatri është shëmbur, shqiptarët duhet të paguajnë nga taksat e tyre për ndërtimin e teatrit të ri, projekti i të cilit nuk është bërë publik, 30 milionë euro.
Mbase profesori i madh, nuk është informuar se projekti i ri, të paktën publikisht dhe ligjërisht, nuk ekziston ende. Bashkia e Tiranës vetëm pak ditë më parë, shpalli tenderin për realizimin e tij. Nëse paska një projekt fitues të fshehtë, këtu duhet denoncuar fillimisht mungesa e transparencës, përpara se të gjykojmë mbi vlerat e tij teknike.
Cila mund të jetë vallë garancia se projekti i ri nuk do të ketë kulla dhe sipërfaqes së teatrit nuk do ti merret asnjë centimetër, kur në dokumentat e hipotekës së teatrit sipërfaqja e tij figuron vetëm 1100 m2 nga 5500 m2 që ishte realisht? Në projektin e Bjarke Ingels, hapësira e ndërtimit është shumë më e vogël sesa ajo e truallit të teatrit, dhe bashkia asnjëherë nuk ka treguar se çdo bëjë me pjesën e mbetur të tij. Pavarsisht se kryetari i bashkisë ka dhënë e stërdhënë prova të llahtarshme se, jo vetëm që nuk i mban premtimet, por është një poet i mashtrimit, i aftë të gënjejë sy për sy, ditën për diell, ne duhet të besojmë në çdo rast se, garancia e gjallë e kësaj fjale të dhënë, është vetë profesori dhe artisti ynë i madh Robert Ndrenika.
Ta ndërtosh Teatrin e ri duke shëmbur të vjetrin së bashku me historinë dhe trashëgiminë që ai përfaqson, apo ta ruash atë dhe ta ndërtosh teatrin e ri diku tjetër ? Kjo është çështja. Gjithsesi ne do të bëjmë çmos që trashëgimia e pashlyeshme, që aktori ynë i pakrahasueshëm Robert Ndrenika ka lënë, të ruhet në Teatrin e Rindërtuar aty ku ishte dhe siç ishte !
Aelanca për Mbrojtjen e Teatrit
Pak ditë më parë u botua në media një deklaratë e aktorit Robert Ndrenika, i cili pretendonte se kishte parë projektin e Teatrit të Ri. Aktori bënte me dije, se ishte ftuar për të parë projektin nga drejtori i TK, Hervin Çuli, regjisori Altin Basha dhe inxhinieri Bejleri. Në deklaratë Ndrenika falenderonte PD dhe AMT për vërejtjet, për të cilat thoshte se ishin përfshirë në projekt, ndërsa shtonte se në trullin e Teatrit, nuk do të ndëtohen kulla.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
MIRDITË -Kryebashkiaku i Mirditës, Ndrec Deda është prekur nga COVID-19. Lajmi është konfirmuar nga strukturat shëndetësore në Lezhë, por edhe miqtë e tij ...
VLORË– Një 40-vjeçar është mbytur sot në plazhin e Borshit. Sipas informacioneve mësohet se viktima është Eduard Gumeni, me origjinë nga Tepelena, p...
TIRANË -Një studim i World Vision Albania ka dalë në përfundimin, se punësimi, strehimi dhe informacioni për shërbimet janë 3 nevojat kryesore, të cilat nd...
TIRANË- Mjeku Pëllumb Pipero ka reaguar pas videos ku ai shfaqej me disa miq duke festuar. Në një reagim në mediat sociale, Pipero shprehet se video është ...
TIRANË-Policia e Tiranës ka arrestuar 4 persona për vepra të ndryshme penale, duke filluar nga “Vjedhja” te “Dhuna në familje”. Gjithashtu u arrestua edhe...
DURRËS- Policia e Durrësit ka arrestuar sot një 28-vjeçar, i cili prej disa ditësh ishte shpallur në kërkim. Në një njoftim për mediat, Policia bën ...
TIRANË- Një ditë më parë Policia shqiptare në bashkëpunim me autoritetet italiane shkatërroi një grup kliminal, në kuadër të operacioni “Magma 2020”, për g...
DURRËS- Kjo amvisë durrsake ka disa muaj që e përgatit vetë bukën për familjen e saj dhe nuk është e vetmja. Edhe shumë familje të tjera në Durrës kanë nis...
ITALI– Një 27-vjeçar shqiptar është arrestuar nga policia e Riminit në Itali për shpërndarje të lëndëve narkotike. Shqiptari ishte prej ditësh në vëzhgim...
