"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
FIER- Tregu i produkteve bujqësore dhe blegtorale në periferi të Fierit është i ndërtuar me fasadë prej xhami dhe 102 vende të bollshme tregtimi, por brenda tij me zor numërohen 10 tregtarë, një duzinë pulash në shitje dhe rrallë ndonjë blerës. I hapur me bujë në korrik 2017 pas një investimi prej 54.8 milionë lekësh [441 mijë euro], tregu bujqësor është i zbrazët dhe thuajse i braktisur dy vjet më pas.
“Sot e dy vite më parë, ne jemi.. Në fillim grindeshim për vende, por sa kaloi një javë, pjesa më e madhe u larguan. Mbetëm vetëm ne hallexhinjtë, që mundohemi të nxjerrim bukën e gojës për familjet tona,” tha Kujtim Hoxha, një nga tregtarët e paktë që tenton të shesë fruta-perime në treg.
Investimi për ndërtimin e tregut të produkteve bujqësore dhe blegtorale u financua nga Fondi i Zhvillimit të Rajoneve në kuadër të programit kombëtar të Rilindjes Urbane. Ai është një ndër 28 projektet e Rilindjes Urbane për qytetin e Fierit, të cilat kushtuan së bashku rreth 24.4 milionë euro.
Ndërtimi i tregut u krye nga kompania Alb Star dhe projekti u trumbetua si mbështetje për fermerët, tregtarët dhe qytetarët e Fierit. Por ndërtimi i tij në periferi, në daljen jug-perëndimore të rrugës Fier-Levan e bën atë të vështirë për t’u arritur nga konsumatorët dhe sipas tregtarëve që e përdorin, “një investim të dështuar”.
Përveç investimit prej 54.8 milionë lekësh, Bashkia e Fierit harxhon çdo muaj para për të paguar qiranë private të truallit prej 3466 metrash mbi të cilën u ngrit tregu si dhe kosto shtesë për funksionimin dhe mirëmbajtjen e tij.
Sipas vendimit nr.74, datë 27 shtator 2016 të Këshillit Bashkiak të Fierit, qiraja u kushton taksapaguesve lokalë 346 600 lekë në muaj, me një vlerë tavan të qirasë prej 100 lekësh për metër katror. Afati i kontratës së qiramarrjes është 10-vjeçar.
Tregtarët e kontaktuar nga BIRN e quajnë të dështuar tregun dhe kritikojnë Bashkinë e Fierit se nuk e ka planifikuar siç duhet investimin dhe nuk ofron asnjë zgjidhje se çdo të bëhet më tej.
“Tregu dështoi, është e kotë, na morën në qafë. Të paktën të na kanë lënë koshat pranë, sepse kur nuk e kemi shitur mallin, në fund të ditës ta hedhim aty,” tha e irrituar për BIRN një tregtare në kushtet e anonimatit.
“Ky treg dështoi sepse është larg qytetit. Ka dyqane afër dhe për qytetarin është më mirë 10 lekë më shumë, por më afër, se të paguajë urbanin e të vijë këtu. Kjo është e gjitha, jemi në pikë të hallit,” shtoi ajo, ndërsa sqaron se vazhdon ende të qëndrojë në treg pasi “dëshiron të punojë si njeri dhe jo ta ofendojë apo t’i marrë kandarin policia”.
Kujtim Hoxha bie dakord me tregtaren, ndërsa fajëson Bashkinë se nuk ka bërë asnjë analizë para investimit.
“Jemi 5-6 veta që presim biletën [paguajnë 100 lekë tarifë në ditë]. Ka bërë një analizë bashkia që shpenzoi kaq para? Ku i del llogaria vallë”, ngre pyetje Hoxha, ndërsa shton se tregu dështoi të funksionojë pasi nuk u mendua siç duhet.
Bashkia e Fierit nuk iu përgjigj një kërkese për koment të BIRN mbi braktisjen e tregut nga tregtarët dhe qytetarët dhe investimin e shkuar dëm. Një zyrtare e Bashkisë, e cila foli në kushtet e anonimatit pretendoi megjithatë se tregu funksiononte normalisht dhe se nuk kishte asnjë plan për mbylljen e tij.
“Në orët e para të mëngjesit, këto ambiente shfrytëzohen si treg shumice nga tregtarët dhe fermerët e rrethinave të qytetit të Fierit, ndërsa gjatë ditës funksionon si treg pakice ku ushtrojnë aktivitetin e tyre tregtarët e tjerë,” tha zyrtarja.
“Ky treg nuk do të mbyllet, pasi u vjen në ndihmë atyre që e përdorin,” përfundoi ajo.
Marrë nga reporter.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Dosja.al ka mësuar se kompania që kishte porositur bananet me kontenierët ku ishin fshehur 137 kg kokainë që u pikasën nga policia shqiptare është ...
KUKËS- Një aksident i rëndë me pasojë plagosjen e një personi ka ndodhur sot në qytetin e Kukësit. Sipas informacioneve mësohet se një makinë ka përplasur ...
FIER- Një punëtor ka rënë nga kati i dytë i një ndërtese, ku ishte duke punuar.Ngjarja ka ndodhur në lagjen “Apolonia” rreth orës 16:00. Mësohet se punëtori 40-...
TIRANË-Fotoja që shikoni më poshtë tregon momentin kur një nga të arrestuarit për porositjen e 137 kg kokainë, Ardian Bega merr ‘drogën’ nga kontenieri i b...
ITALI- Sot në portin e Durrësit janë sekuestruar 137 kilogramë në Policia Shqiptarë në një kontenier me banane. Sot u raportua se droga kishte ardhur nga Ekuado...
GJIROKASTËR– I gjithë qyteti i Gjirokastrës ka mbetur pa drita për shkak të një defekti. Sipas njoftimit zyrtar të OSHEE-së, qyteti i Gjirokastrës ka...
BELGJIKË- Një grup shqiptarësh që trafikonin klandestinë nga Belgjika drejt Anglisë është shkatërruar. Sipas mediave belge mësohet se policia angleze në ba...
GJIROKASTËR- Një automjet ka marrë flakë në parkim ditën e sotme në Gjirokastër, në lagjen “18 shtatori”.Burime për Dosja.al bëjnë me dije se m...
FIER- Cakrani është një ndër 100 fshatrat turistikë në Shqipëri ku kushtet higjeno-sanitare janë jashtë çdo standardi.Kjo njësi administrative është në...
DEVOLL- Dy vëllezër janë arrestuar ditën e sotme, pasi po transportonin refugjatë ilegalë në drejtim të Tiranës, kundrejt 400 eurove.Sipas njotimit të policisë...
