Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
DURRES – Trajneri i Kombëtares shqiptare të futbollit, Edi Reja, është shfaqur sot në konferencë për shtyp para mediave, së bashku me kapitenin e kuqezinjve, portierin Etrit Bersha. Ai ka folur për situatën e ekipit para ndeshjes me Poloninë, teksa theksoi se Shqipëria ishte me meritë në këtë pikë dhe do të tentonte deri në fund shanset e saj.
Kuqezinjtë dhe kundërshtari? “Mbërritëm në këtë pikë dhe ideja si gjithmonë në çdo ndeshje, është të luajmë duke u munduar të imponojmë lojën tonë. Tani fazën ofensive e nisim para, se duam që sulmuesit të jenë mbrojtësit tanë të parë. Futbolli ynë është i bërë nga presingu për 90 minuta, kemi bërë kështu dhe kanë ardhur rezultate. Skuadra ka AND-në e saj dhe mënyrën e saj të lojës. Pastaj Polonia ka lojtarë të rëndësishëm, flitet për Levandovskin por nuk është vetëm ai, është një skuadër me futbollistë të mëdhenj, që luajnë në nivel të lartë. Ne jemi skuadër e vërtetë, jemi bërë skuadër e vërtetë. Është një grup i madh, kanë luajtur 24-25 lojtarë që kanë bërë gjithmonë mirë edhe kur mungonin lojtarë të rëndësishëm. Nesër nuk duhet të gabojmë asgjë, që te goditjet e dënimit, por në të gjithë situatat duhet të kemi përqendrim shumë të lartë. Nuk ka asnjë lehtësi në futboll”.
Grupi i vështirë? “Jemi rritur shumë, kemi punuar për këtë, për të arritur objektiva të rëndësishëm. Djemtë kanë punuar shumë e mirë, kanë besuar te puna. Ndaj tani kemi mbërritur këtu, kemi dashur të jemi në konkurrim me të gjithë deri në fund, që të luanim deri në fund shanset dhe kështu është. Kjo është meritë e djemve, se kanë bërë gjëra të rëndësishme. Unë e dija që ishte një grup i vështirë, se Hungaria kishte treguar gjëra të rëndësishme, Polonia ka lojtarë të rëndësishëm. Nëse jemi këtu, është me meritë, kjo është e rëndësishme se për të arritur në këtë pike, kemi bërë rezultate. Kjo skuadër mund të bëjë gjithçka, edhe mund të humbasim, por kemi mundësi të përballemi me këdo. Kur u hodh shorti thashë “jo”, por ja ku jemi, mund t’ia dalim dhe kjo nuk është rastësi”.
Gabimet në lojë? “Unë them vetëm diçka, nëse ka diçka që të lë pa gjumë, është frika që nuk ia del. Ne nuk duhet të kemi frikë, duhet të jemi vetvetja. Sigurisht që ka përgjegjësi se luajmë në shtëpi, me një ekip të fortë para, por ne nuk kemi asgjë për të humbur. Mund të arrijmë rezultat. Komponenti fat është i rëndësishëm në eliminatore. Ne në Poloni na eci keq, ishte penalltia dhe episodi që shkoi kundër. Me 3-2 raste mund të kishin ata probleme, se po luanim mirë. Edhe ne kemi bërë gabime, por ka episode në ndeshje. Djemtë të luajnë me qetësi, por të bindur te ajo që bëjnë, duhet të kesh personalitet mbi të gjitha në ndeshje të tilla. Ne kemi një mënyrë loje që nuk ndryshon, por varet edhe nga skuadra përballë, nëse të lejon të bësh diçka apo jo. Për mua është e rëndësishme të mos vendosesh në mbrojtje, të tentojmë të kemi iniciativën. Me Anglinë, bëmë edhe një zgjedhje ofensive dhe nuk ia dolëm. Por nuk mund të rrish gjithmonë të presësh, duhet edhe të propozosh lojë se përndryshe nuk ia del kurrë”.
Broja titullar? “Unë e kam vendosur titullar Brojën në shumë ndeshje, edhe në Kazakistan. Ka luajtur si titullar, por nuk ka pasur këtë rendiment. Ai ka një rendiment më të mirë kur lëshojnë skuadrat e tjera, ai arrin të shprehë plotësisht potencialin se ka shpejtësi dhe mbi të gjitha bën gol. Nuk është e lehtë. Ai e ka si karakterisitikë të gjuajë në portë. Por nuk di nëse nga fillimi, kur skuadrat janë të gatshme edhe fizikisht, eksperiencat e mëparshme ma kanë dhënë këtë bindje. Nuk e di ende nëse është nga fillimi, se nuk e di si mund të reagojë. E kam menduar opsionin si titullar, por ende është për t’u shqyrtuar. Po ta dija që Broja bën gol, do ta fusja në 3 minuta e fundit, se nuk ka kohë kundërshtari për të reaguar dhe do të zgjidhnim problemet tona”.
Shanset për të fituar? “Jemi këtu dhe do të luajmë shanset deri në fund se e kemi merituar. Do të japim gjithçka. Mendoj se kemi një mundësi edhe pse kemi shumë mungesa të rëndësishme, lojtarë të nivelit të lartë. Por nuk jam ankuar kurrë. Kemi bërë një skuadër dhe një grup që ka dhënë përgjigje, të gjithë kontribuojnë, kush më shumë e kush më pak dhe na kanë zgjidhur jo pak problemet. Pres paraqitje të mirë, shpresoj të luhet mirë dhe të tregojmë faktin që jemi rritur ndeshje pas ndeshje. E kemi treguar edhe me miqësoret duke luajtur mirë. Ndeshja nesër merr një rëndësi të madhe se ka mundësi të na lejojë të shkojmë në “play-off” dhe duam t’i shkojmë deri në fund. I kemi dhënë një ëndërr shqiptarëve dhe përse të mos besojmë deri në fund”
A mund të luajmë për barazim? “Nuk e dimë, ndeshjet luhen, ne luajmë për të fituar. Edhe me Hungarinë në fund nuk është se kërkova barazimin, ndryshuam që të fitonim ndeshjen, pastaj na shkoi mirë. Duhet të kesh bindje, se ndokush bën zëvendësimet të mos pësosh, ndërsa mua më duhen zëvendësimet që të fitoj. Të gjithë djemtë kanë karakteristikat e tyre, detyra ime është që të shfrytëzoj këto karakteristika dhe nëse djemtë besojnë, mund të ecin para, në futboll duhet të mundohesh të fitosh ndeshjet”.
Ndiqeni nëpërmjet kësaj videoje të plotë konferencën për shtyp të trajnerit të kombëtares Edi Reja dhe të kapitenit Etrit Berisha.
B.T (Dosja.al)
Iftar dhe politikë, a u prek Muaji i Ramazanit nga politikanët?
DURRES – Në vigjilje të sfidës së rëndësishme ndaj Polonisë, e cila do të zhvillohet nesër në orën 20:45, në stadiumin “Air Albania”, e vlefshme për grupi...
ITALI – Fati kombëtares “Azzurra” për në Kupën e Botës “Katar 2022” mund të mos vendoset në Olimpico të Romës. Itali-Zvicër, ndeshja vendimtare, e planifi...
SPANJE – Gjyqtari Anthony Taylor, i cili konfirmoi golin e Mbappe, në finalen e djeshme të Nations League në favor të Francës (duke ndjekur rregulloren ge...
ITALI – Nations League u mbyll mes polemikave për golin në fund të takimit që shënoi Kylian Mbappe.Pasimi i Theo Hernandez e gjeti sulmuesin e PSG-së në p...
ITALI – Në intervistën e tij për “La Gazzetta dello Sport”, ish-kampioni i botës Fabio Cannavaro, ka folur edhe për të ardhmen e tij, ndoshta në një stol ...
SPANJE – Diego Simeone ka treguar fytyrën e tij më njerëzore në “El País”, ku ka treguar për të tashmen e tij si trajner i Atlético Madrid, por edhe për r...
ITALI – Gabriele Giuffrida është ndërmjetësi që mbikëqyri transferimin e Mauro Icardit te Paris Saint-Germain në verën e vitit 2019. Sot po flitet shumë p...
TIRANE – Presidenti i Federatës Shqiptare të Futbollit, Armand Duka, dha lajmin e mirë për tifozët pas fitores me Hungarinë, se ndaj Polonisë stadiumi ...
ANGLI – Veç ndeshjeve të përfaqësueseve, tema e ditëve të fundit ka qenë blerja dhe shitja e bujshme e skuadrës angleze të Premier Leagues, Newcast...
ARGJENTINE – Lionel Messi është lojtari i parë amerikano-jugor që shënon 80 gola me përfaqësuesen. Ylli i PSG-së i ndihmoi Argjentinës të mposhtë bindshëm...
