Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Lëvizja Vetëvendosje në Shqipëri e ka quajtur krim të dyfishtë shtetëror vrasjen e 25-vjeçarit Klodian Rasha.
Me anë të një shkrimi në rrjetet sociale, Lëvizja Vetëvendosje numëron 6 akte të paprecendenta të shtetit shqiptar, ndaj Klodian Rashës, familjes së tij dhe protestuesëve.
“Së pari, vrasja e kryer nga efektivi i Policisë së Shtetit. Së dyti, Policia, Qeveria dhe media pranë saj, fshehën dhe manipuluan të vërtetën. Së treti, për 6 ditë me radhë, Policia dhe Qeveria ushtroi dhunë mbi qytetarët, madje dhe mbi minorenët e gazetarët në çdo qytet ku u paraqit rezistencë dhe protestë, duke kryer edhe kërcënime për të ndalur protestat. Së katërti, Qeveria mashtroi në një akt zyrtar, duke e quajtur vrasjen “vdekje aksidentale” para se gjykata të shprehet mbi rastin. Së pesti, në vend që të shkarkonte sot kryepolicin Ardian Veliu, pasi dolën edhe disa pamje filmike nga vrasja e Klodianit që tregonin se vetëm me aksident nuk kishim të bënim, Kryeministri Rama shkoi këtë mëngjes sërish për vizitë te familja Rasha. “
Reagimi i plotë i Vetëvendosjes
“Aksidental” me paramendim
Mbrëmë, në ditën e gjashtë të protestave, në sheshin Skënderbej dhe bulevardin “Dëshmorët e Kombit”, vijoi marshi i qytetarëve si reagim ndaj vrasjes nga krimi i dyfishtë shtetëror të 25 vjeçarit Klodian Rasha. Dje publiku u njoh edhe me një vendim Qeverie të miratuar nga Kryeministri Edi Rama, ku vrasja e Klodianit cilësohej si aksidentale dhe familjarit i akordohej një pension.
Gjatë këtyre ditëve janë shënuar pesë akte të paprecedentë të një pushteti të rrënuar moralisht, politikisht dhe ligjërisht.
Së pari, vrasja e kryer nga efektivi i Policisë së Shtetit. Së dyti, Policia, Qeveria dhe media pranë saj, fshehën dhe manipuluan të vërtetën. Së treti, për 6 ditë me radhë, Policia dhe Qeveria ushtroi dhunë mbi qytetarët, madje dhe mbi minorenët e gazetarët në çdo qytet ku u paraqit rezistencë dhe protestë, duke kryer edhe kërcënime për të ndalur protestat. Së katërti, Qeveria mashtroi në një akt zyrtar, duke e quajtur vrasjen “vdekje aksidentale” para se gjykata të shprehet mbi rastin. Së pesti, në vend që të shkarkonte sot kryepolicin Ardian Veliu, pasi dolën edhe disa pamje filmike nga vrasja e Klodianit që tregonin se vetëm me aksident nuk kishim të bënim, Kryeministri Rama shkoi këtë mëngjes sërish për vizitë te familja Rasha.
Është bërë e qartë se Kryeministri Rama fatin e vet politik e ka lidhur as më pak e as më shumë me kryepolicin e kriminalizuar Ardian Veliu. Për ta vrasja e Klodianit është aksidenti që u prishi projektet, ndërsa protestuesit janë “lukunia e halabakëve” që ua nxorën në shesh këto projekte. Kriminalizimi i krerëve të Policisë nuk ka ndodhur pa projekt askund dhe asnjëherë. Ky projekt është kundër shqiptarëve dhe kundër shtetit të së drejtës. Këtë e ka kuptuar çdo protestues që përballë e sheh urdhërin hierarkik “bjeruni”.
Cilësimi i krimit si aksident është një akt mashtrimi i kryer drejtpërdrejt nga Edi Rama. Vrasja e Klodjan Rashës quhet aksidentale që edhe polici vrasës të pësojë një ndëshkim më të ulët. Kështu që edhe këtë vrasje, e cila buron nga kriminalizimi i institucioneve, po tentojnë sërish ta manipulojnë në shtetin e Ramës. Një qeveri që mashtron qytetarët dhe e cila mbanë për kryepolic një zyrtar të kriminalizuar është qeveri e dhunës.
Një kryeministër që nuk i zgjidh çështjet drejt, përmes vendimeve institucionale, por tenton t’u japë zgjidhje informale, pëmes imponimit dhe vizitave të pësëritura te një familje e zhytur në dhimbje nga padrejtësia e dyfishtë, nuk vepron si kryeministër. Kjo sjellje ngjan me sjelljen e një mafiozi, që shtiret sikur respekton kode nderi, për të vazhduar pushtetin e tij të dhunshëm.
Konferenca e sotme për shtyp tregoi se Kryeministri Rama nuk ka reflektuar, dhe nuk po ndërmerr asnjë hap për shkarkimin e Ardian Veliut. Ndërsa justifikimi i dobët që Kryeministri Rama tentoi sot t’i bënte në konferencë termit “aksidental”, është edhe i paqëndrueshëm, edhe i përbuzshëm, veçanërisht tani që publiku ka parë edhe pamjet e para filmike të krimit.
Çlirimi i qytetarëve nga dhuna dhe padrejtësia nuk kanë altenativë, sado përpjekje të nevojiten. Ndaj protesta është tanimë një detyrë nga e cila nuk mund të lirohemi.
Shkarkimi e arrestimi i Ardian Veliut, si dhe hetimi i plotë për të gjithë zyrtarët e Policisë së Shtetit që mashtruan mbi vrasjen e Klodjan Rashës, duke hetuar edhe Drejtuesit e Shërbimit për Çështjet e Brendshme dhe Ankesat (SHÇBA), janë kërkesa minimale dhe të panegociueshme, për t’i dhënë një mundësi Shtetit të së Drejtës në vendin tonë.
Liri e pafajësi të gjithë të arrestuarve në sheshe, rrugë e rrugica kudo në Shqipëri. Drejtësi për Klodianin!
(kle.mu./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryedemokrati Lulzim Basha i ka bërë thirrje kryeministrit Edi Rama që t’i thërrasë mendjes për fjalët që thotë. Në një konferencë me gazetarët, i ...
TIRANË– Kryetari i Partisë Demokratike Lulzim Basha ka paralajëmruar një ‘futrunë’ dhe ndryshime në Policinë e Shtetit. Në një konferencë me gazetarët, i p...
TIRANË– Kryedemokrati Lulzim Basha është distancuar nga dhuna e përdorur në protestë. Në një konferencë me gazetarët, Basha tha se ka kërkuar hetim për dhu...
TIRANË- Kryedemokrati Lulzim Basha u shpreh se kryeministri Edi Rama heshti për tre ditë në lidhje me vrasjen e Klodian Rashës, kurishte në SHBA, sepse don...
TIRANË– Kryedemokrati Lulzim Basha deklaroi se kryeministri Edi Rama në të vërtetë ka pozuar në një muze në Neë York, në fotot ku doli Alberto Burlan, drej...
Progresi i pjesshëm në reformën zgjedhore, numri i ulët i hetimeve për korrupsion dhe sulmet e vazhdueshme kundër lirisë së shprehjes dhe lirisë së medias, përk...
TIRANË– Kryedemokrati Lulzim Basha është distancuar nga dhuna e përdorur në protestat pas vrasjes së Klodian Rashës, teksa deklaroi se ka kërkuar edhe që t...
TIRANË– Presidenti i vendit Ilir Meta ka vendosur ti përgjigjet ministres së Ekonomisë dhe Financave Anila Denaj dhe kryeministrit Edi Rama, të cilët preza...
TIRANË-Me kërkesë të familjes, Veliaj do t’i propozojë Këshillit Bashkiak emërtimin “Klodian Rasha” të rrugës pranë shtëpisë së familjes Rasha. Ky propozi...
