Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
UKRAINË – Rusia tronditi sot mbarë botën duke nisur sulmin total ndaj Ukrainës. Që prej orës 06:00, raketat ruse u hodhën në territorin ukrainas duke i paraprirë ofensivës së organizuar. Deri më tani raportohen 8 viktima dhe 19 të zhdukur. Forcat ruse po përparojnë me shpejtësi brenda territorit fqinj, ndërsa Perëndimi dhe shumica e vendeve të botës kanë dënuar njëzëri operacionin e sulmit rus ndaj Ukrainës. Në këtë sulm, i cili konsiderohet më i rëndi në Europë që prej përfundimit të Luftës së Dytë Botërore janë angazhuar 150-200 mijë forca ruse.
Sulmi rus ishte paralajmëruar se do të ndodhte në 16 ose 20 shkurt. SHBA dhe Britania e Madhe së bashku me NATO-n dhe BE nuk i morën të mirëqena pretendimet e Rusisë se po largonte forcat dhe pajisjet luftarake nga kufiri me Ukrainën javën e kaluar. Presidenti amerikan Biden së bashku me aleatët e tij këmbëngulën se Kremlini po shtonte gradualisht numrin trupave në hapësirën kufitare me Ukrainën me qëllim që të pushtote këtë vend.
Shkak i këtij konflikti, i cili konsiderohet më i rrezikshmi në Europë që prej përfundimit të Luftës së Ftohtë, është aspirata e shtetit ukrainas për t’iu bashkuar NATO, një gjë Rusia kërkon të anullohet totalisht nga frika e afrimit të Perëndimit në kufij tokësorë me të. Përplasja është kaluar nga një konflikt rajonal në “luftë” mes dy poleve Perëndim dhe Lindje.
Edhe pse dy vendet fqinje janë përplasur ushtarakisht për rajonin lindor të Ukrainës në 8 vitet e fundit, Ukraina dhe Rusia prej gati 3 shekujsh kanë njohur mosmarrëveshje, urrejtje, luftë, pushtim dhe kontradikta të vazhdueshme.
Gjeneza e konfliktit, nga Perandoria Ruse te ardhja e Janukoviçit në pushtet
Ukraina dhe Rusia kanë patur prej një kohe të gjatë armiqësi me njëra-tjetrën që prej kohës së Perandorisë Ruse. Me humbjen e Luftës së Parë Botërore dhe Revolucionit të Tetorit në1917, territoret me popullsi jo-ruse u shpërbënë duke krijuar shtete të pavarura. Pas 5 vitesh luftë të përgjakshme civile në Rusi mes bolshevikëve dhe forcave cariste e nacionaliste ruse, komunistët triumfuan dhe filluan krijimin e Bashkimit të Republikave Sovjetike. Nacionalistët ukrainas u mposhtën në vitin 1922 dhe në 30 dhjetor 1922, vendi iu bashkua BRSS.
Firmosja e paktit të Belozhevit 8 dhjetor 1991
Platformat e Mikhail Gorbaçovit “Glasnost” (hapje e transparencë) dhe “Perestroika” (Rikonstruksion) çuan në rrëzimin e komunizmit në Europën Lindore, Qendrore dhe Juglindore dhe shpërbërjen e BRSS. Ukraina u shpall shtet i pavarur në 24 gusht 1991. Shpërbërja totale e Bashkimit Sovjetik u realizua në 8 dhjetor 1991 me firmosjen e Paktit të Belozhevit ku Konfederata e Shteteve të Pavarura (CIS) u kalua në fazën finale të themelimit të republikave të pavarura.
Të dyja shtetet bashkëpunuar ekonomikisht me njëra-tjetrën nga vitet ’90 deri në 2004 kur marrëdhëniet mes tyre u tensionuan, Në vitin 2004, u zhvilluan zgjedhjet presidenciale ku Viktor Janukoviç, një kandidat pro-rus mposhti Viktor Jushçenkon, një politikan ukrainas me orientim pro-perëndimor.
Revolucioni Portokalli
Por, mediat dhe hetimet treguan se zgjedhjet ishin manipuluar. Qytetarët ukrainas dolën në rrugë duke rrëzuar Janukoviçin me “Revolucionin Portokalli” që zgjati nga nëntori 2004 deri në janar 2005. Vendi iu drejtua zgjedhjeve të parakohshme presidenciale në janar të 2005 dhe Jushçenko mposhti rivalin pro-rus Janukoviç.
Në vitin 2010, Janukoviç kandidoi sërish për president. Ai fitoi bindshëm ndaj ish-kryeministres Julia Timoshenko, aleate e Jushçenkos. Në këtë kohë, ai forcoi marrëdhëniet me Rusinë.
Euromaidani dhe lufta në Donbas
Momenti kritik erdhi në nëntor 2013, ku Jushçenko pranoi të firmoste marrëveshjen e marrjes së paketës financiare nga Rusia për t’u bërë pjesë e Unionit Ekonomik të Euroazisë, që drejtohet nga Moska. Duke braktisur Marrëveshjen e Stabilizim Asocimit të BE, populli ukrainas u ngrit në revolta të dhunshme “Euromaidan” ndaj aparatit shtetëror dhe qeverisë së Janukoviçit. Në 23 shkurt 2014 pas kaosit dhe gjakderdhjes së shkaktuar në rrugët e Kievit dhe mbarë vendit, Janukoviç u arratis nga Ukraina drejt Rusisë.
Euromaidani
Nacionalistët dhe forcat demokratike ukrainase morën pushtetin dhe organizuan zgjedhjet e reja. Petro Poroshenko, një biznesmen i fuqishëm, fitoi zgjedhjet presidenciale në vitin 2014. Në afro 3 muaj humbën jetën rreth 800 persona prej përplasjeve gjakatare mes qytetarëve dhe forcave policore.
Megjithatë, konflikti u përshkallëzua duke kaluar në përplasje me forcat e armatosura ruse. Vladimir Putin, presidenti i Rusisë tha se njeh si homolog të Ukrainës Viktor Janukoviçin. Ai urdhëroi mbajtjen referendumit në zonat lindore të Ukrainës, Donbas dhe Krime. Shumica e popullsisë vendase vendosi pro-bashkimit me Rusinë. Nga ky moment, dy shtetet u përfshinë në konflikt të armatosur në kufi. Fillimisht, forcat e armatosura ukrainase rimorën territoret në lindje të vendit, por nëpërmjet forcave mercenare dhe paramilitarëve, rusët arritën të kontrollonin rajonin e Donbasit.
Në 5 shtator 2014 u firmos mes Rusisë, Ukrainës dhe OSBE-së Marrëveshja e Minskut për t’i dhënë fund luftës në Donbas. Në total kanë humbur jetën 14 mijë persona.
Nga konflikti Rusi-Ukrainë në Perëndim-Rusi
Marrëdhëniet mes dy vendeve nuk janë qetësuar aspak gjatë viteve të fundit. Konflikti ka marrë përmasa ndërkombëtare teksa në përballjen me Rusinë është përfshirë dhe SHBA me aleatët e saj perëndimorë. Që prej vitit të kaluar, Presidenti amerikan Joe Biden dhe Bashkimi Europian kanë kërcënuar në mënyrë të vazhdueshme Rusinë me sanksione. Edhe presidentja e Komisionit Europian Ursula von Der Leyen paralajmëroi Rusinë se dhe Bashkimi Europian do zbatojë sanksione ekonomike ndaj zyrtarëve rus nëse goditet Ukraina.
Flamujt e NATO-s dhe Ukrainës
Faza e re e konfliktit mes palëve ka të bëjë me çështjen e integrimit të Ukrainës në NATO. Rusia e dënon ashpër një lëvizje të tillë pasi sipas saj NATO do të kishte për herë të parë në histori kufij territorialë me Rusinë. Putin akuzon SHBA se ka shkelur premtimet në vitin 1997 se NATO nuk do të zgjerohej në lindje të Europës. Në fund të vitit të kaluar u vendosësn që të mbaheshin negociata mes drejtuesve ushtarakë rusë dhe të NATO-s dhe diplomatëve amerikanë dhe rusë në Gjenevë.
Bisedimet e janarit 2022 nuk dhanë asnjë rezultat pozitiv pasi palët nuk pranuan të tërhiqeshin nga pozicionet.
Joe Biden (m) dhe Vladimir Putin (d)
Më pas, SHBA nëpërmjet presidentit Biden dhe Sekretarit Amerikan të Shtetit Antony Blinken kërcënuan sërish Rusinë me sanksione të rënda, madje Biden shkoi deri aty sa paralajmëroi se vetë Putin do të ndëshkohej personalisht për situatën e krijuar. Uashingtoni ka publikuar prej muajsh pamje satelitore nga kufiri ruso-ukrainas duke pretenduar se Moska po përgatit sulm dhe pushtim ushtarak ndaj Kievit me mbi 100 mijë trupa.
Biden dhe Putin biseduan në telefon. Edhe pse nuk dhanë rezultate bisedimet, ata premtuan se zgjedhin vazhdimin e dialogut.
Rusia e ka refuzuar kategorikisht se ka në plan të pushtojë Ukrainën. Liderët e vendeve të Perëndimit Emmanuel Macron, presidenti i Francës, kryeministri britanik Boris Johnson, kancelari gjerman Olaf Scholz kanë kryer takime në Rusi dhe Ukrainë për të çtensionuar situatën.
Antony Blinken
Sekretari Blinken përsëriti në fillim të këtij muaji se Rusia po përgatit të sulmojë ushtarakisht Ukrainën dhe një gjë e tillë pritet të ndodhë nga momenti në moment. Në këtë kohë, NATO dhe Perëndimi premtuan se do të dërgojnë trupa ushtarake në Europën Lindore dhe sidomos në Ukrainë.
Pas takimit me presidentin francez Emmanuel Macron në Moskë, Putin paralajmëroi Europën se nëse Ukraina përfshihet në NATO, konflikti i armatosur është i pashmangshëm. Edhe pse ai pranoi se Rusia nuk ka fuqi të përballet dhe të mposhtë NATO-n, shefi i Kremlinit kërcënoi homologun Macron në Moskë me armë bërthamore. Madje, “Reuters” shkroi se të dy qëndruan në 6 metra distancë pasi Macron nuk pranoi të kryente testin anti-COVID rus nga frika e vjedhjes së të dhënave gjenetike nga Moska.
Gjermania nga ana tjetër ka refuzuar të dërgojë trupa dhe armatime në Ukrainë. Mediat në Uashington e kanë sulmuar Berlinin se nuk përbën më aleatin e besueshëm të Uashingtonit për shkak të interesave dhe bashkëpunimit të fortë ekonomik.
Konflikti Perëndim-Rusi ka bllokuar aktivizimin e gazsjellësit mes Rusisë dhe Gjermanisë, i quajtur “Nord Stream 2”.
Erdogan me homologun ukrainas Zelenski
Për zgjidhjen e konfliktit Rusi-Ukrainë u angazhua dhe presidenti turk Rexhep Taip Erdogan, i cili premtoi mbajtjen e një samiti në Ankara mes dy vendeve muajin e kaluar. Ai takoi presidentin ukrainas Volodimir Zelenski.
Kryeministri britanik Boris Johnson kërcënoi Moskën me sanksione nëse goditet ushtarakisht Kievi.
Gradualisht, Ukraina ka marrë në total 180 ton armatime nga SHBA, Lituani dhe vendet e tjera të NATO-s. Nga armatimet për vijën e parë të frontit deri te sistemet anti-raketore janë materialet që Kievi është pajisur.
SHBA paralajmëroi se përplasja e armatosur mes Rusisë dhe Ukrainës është e pashmangshme. Ajo u kërkoi qytetarëve të saj në Ukrainë që të largohen menjëherë nga Ukraina. Shtetet e tjera anëtare të NATO-s i janë bashkuar mesazhit për tërheqje të qytetarëve nga Kievi.
Liz Tras dhe Sergej Lavrov
As takimi në Moskë mes Ministrit të Jashtëm Sergej Lavrov me Sekretares Britanike Liz Tras nuk dha rezultat pozitiv. Madje, Lavrov u nervozua me qëndrimin e Tras duke thënë se po fliste me një “person shurdh”.
Presidenti ukrainas Volodimir Zelenski u shpreh se beson deri në fund te zgjidhja diplomatike, por konfirmoi se vendi i tij është në gadishmëri për t’u përballur me gjithçka. Ai i ka hedhur poshtë pretendimet se vendi i tij do të sulmohet nga fqinji rus.
Presidenti Biden dhe Putin biseduan me njëri-tjetrin. Zyrtarë amerikanë treguan se Biden i tha Putinit se Rusia do të vuajë pasoja të rënda njerëzore nëse detyron nisjen e luftës. Kremlini u përgjigj më pas se akuzat e amerikanëve se Rusia do të shkaktojë luftë janë histeri.
Dy javët e fundit prodhuan zhvillimet më dramatike. Nga Luhansku dhe Donbasi u vendos evakuimi i banorëve në këto rajone drejt Rusisë. Ditën e martë, presidenti rus Vladimir Putin njohu republikat separatiste të Donbasit dhe Luhanskut në lindje të Ukrainës si të pavarura. Ai firmosi më pas dërgimin e forcave ruse me “mision paqeruajtës” në lindje të Ukrainës.
Kjo lëvizje tërboi Perëndimin. Sekretari Amerikan i Shtetit Antony Blinken e quajti të turpshëm vendim e Putin. Më pas, Bashkimi Europian dhe Britania e Madhe miratuan sanksionet ndaj disa zyrtarëve dhe bankave ruse. Po as këto masa nuk e frenuan Rusinë nga sulmi ndaj Ukrainës.
Sot pas 77 vitesh ndodh sulmi më i madh ushtarak brenda Europës. Ngjarja e sotme konsiderohet si momenti më kritik i marrëdhënieve Perëndim-Rusi.
(d.v/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
KINË–Një variant i ri i Covid po qarkullon në botë. CNN raporton se varianti BA.2 është në gjendje të shkaktojë pasoja më të rënda se OMICRON. Shkenc...
VILNIUS- Presidenti i Lituanisë ka shpallur gjendjen e jashtëzakonshme. Gitanas Nausėda thotë se ka në plan të dërgojë ushtrinë për të mbrojtur kufijtë në rast ...
PARIS- Presidenti francez Emmanuel Macron ka dalë në një konferencë për shtyp pas nisjes së sulmit rus ndaj Ukrainës. Për kreun e shtetit francez, kjo ngjarje ë...
UKRAINË– Dy ushtarë ukrainas u janë dorëzuar forcave ruse. Sipas pamjeve të mëposhtme duket i gjithë momenti kur dy ushtarët tundin flamurin e bardhë...
KIEV– Ukrainasit janë të armatosur me kallashnikov duke iu përgjigjur kështu thirrjes së presidentit të tyre për të mbrojtur veten. Të gjithë janë dyndur ...
ANKARA- Presidenti turk, Recep Tayyip Erdogan, ka thënë se kundërshton operacionin ushtarak të Rusisë për pushtimin e Ukrainës. Edhe pse një nga bashkëpunëtorët...
PEKIN– Zëdhënësi i Ministrisë së Jashtme kineze, Hua Chunying ka zgjedhur që të mos japë një qëndrim të drejtpërdrejtë për luftën e nisur mes Rusisë dhe U...
UKRAINË– Pas pushtimit të aeroportit Ndërkombëtar Antonov në Hostomel, ushtarët rusë kanë ngritur flamurin rus mbi hidrocentralin Kakhovka. Pamjet ja...
UKRAINË- Shpërthimet kanë nisur sërish në Ukrainë. Autoritetet ukrainase kanë bërë me dije se pas një operacioni të madh nga ajri me helikopterë Mi-8 është...
BRITANI E MADHE- Kryeministri Boris Johnson ka zhvilluar një telefonatë me Presidentin e Ukrainës, Volodymir Zelensky duke i ofruar mbështetjen e tij. Në një ko...
