"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
SHBA– Zyra e inspektorit të përgjithshëm në Departamentin e Transportit i kërkoi Departamentit të Drejtësisë në fund të vitit 2020 të hapte hetime penale për zonjën Elaine Chao kur ajo ishte sekretare e tranportit për administratën Trump, siç mësohet nga një raport që u bë publik të mërkurën.
Raporti thotë se në dhjetor, zyra e etikës e Departamentit të Drejtësisë nuk pranoi të merrte përsipër këtë çështje për ndjekje penale, edhe pse inspektori i përgjithshëm i departamentit të Transportit arriti në përfundimin se zonja Chao kishte përdorur stafin dhe zyrën për nevoja personale dhe për të reklamuar kompaninë e transportit në pronësi të babait dhe motrave të saj. Kjo kompani bën biznes të gjerë me Kinën.
“Ishte me vend të hapej një hetim zyrtar për shpërdorim detyre,” tha zëvendës inspektori Mitch Behm përmes një letre në adresë të ligjvënësve.
Zonja Chao, bashkëshortja e udhëheqësit të republikanëve në Senat, Mitch McConnell, dha dorëheqjen nga posti në fillim të vitit, kur po afronte fundi i mandatit të Presidentit Trump, duke përmedur si arsye mospajtimin me ngjarjet që shoqëruan sulmin e dhunshëm të 6 janarit në Kapitol.
Zonja Chao këmbëngul se nuk ka bërë shkelje. Ajo nuk dha përgjigje specifike ndaj raportit të publikuar të mërkurën, por paraqiti një deklaratë të shtatorit 2020 ku argumentonte se promovimi i familjes së saj ishte pjesë e pranueshme e detyrave të saj zyrtare në departament.
“Pala aziatike reagon pozitivisht ndaj veprimeve të një sekretareje, në aktivitete ku përfshihet edhe babai i saj nëse është e përshtatshme,” thoshte deklarata e saj.
Raporti i një grupi të pavarur që vëzhgon për shkelje në qeveri citoi disa raste që ngrinin pikëpyetje etike. Në një prej tyre, zonja Chao kishte udhëzuar të emëruar politikë në departament të kontaktonin Departamentin e Sigurisë Kombëtare për të kontrolluar personalisht statusin e punës për një student që kishte ardhur me bursë nga fondacioni i familjes së saj.
Zonja Chao kishte bërë gjithashtu plane të shumta për një udhëtim zyrtar në Kinë në nëntor 2017, para se ta anulonte udhëtimin. Në plane përfshiheshin ndalesa në vende që ishin mbështetur nga biznesi i familjes së saj, Grupi Foremost me seli në Nju Jork. Sipas emaileve të departamentit, zonja Chao kishte udhëzuar stafin të përfshinin të afërm të saj në aktivitete zyrtare dhe në takime të nivelit të lartë jashtë vendit.
“Mbi të gjitha duhet të kënaqim sekretaren,” i shkruante një punonjës një kolegu të tij lidhur me babain e zonjës Chao. “Nëse Dr. Chao është e kënaqur, do t’i kemi punët në rregull”.
Raporti arrin në përfundimin se zonja Chao kishte udhëzuar zyrën e marrëdhënieve me publikun në depaertamentin e Transportit të ndihmonte babain e saj për të reklamuar librin e tij biografik dhe të redaktonte faqen e portalit Wikipedia që fliste për të. Po ashtu ajo kishte dërguar një punonjës të departamentit të riparonte një artikull të të atit.
Raporti i zyrës së inspektorit thoshte se zyrtarë të Departamentit të Drejtësisë nuk kishin pranuar të hapnin një hetim penal, duke thënë se “këto mund të jenë çështje etike dhe/ose administrative” por nuk ka prova që mbështesin hapjen e një hetimi penal.
Si rezultat, zyra e inspektorit të përgjithshëm tha në raport se po e mbyllte hetimin e saj “pasi nuk ka interesim nga prokurorët” e Departamentit të Drejtësisë.
Ligjvënësi demokrat Peter DeFazio, kryetar i Komisionit për Transportin në Dhomën e Përfaqësuesve, i cili kishte kërkuar zhvillimin e hetimeve, shprehu zhgënjim se nuk u zhvillua një proces hetimor gjatë kohës që zonja Chao ishte në detyrë.
“Punonjësit e sektorit publik, sidomos ata që janë në krye të institucioneve me dhjetëra mijëra punonjës qeveritarë, duhet ta dinë se punojnë për publikun dhe jo për interesat e biznesit të familjes,” tha ai.
Marrë nga: VOA
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
RUSI- Shërbimi Federal i Sigurisë në Rusi ka deklaruar se ka parandaluar një sulm terrorist.Reuters shkruan se sulmi terrorist ishte planifikuar të bëhej në raj...
ANGLI- Jessica Alves, e cila nga mashkull është kthyer në femër ka thënë së fundmi, se burrat po rrinë në radhë për të marrë ‘virgjërinë’ e saj pasi...
Në një nga bisedat kyçe ditën para vrasjes së tij, në vlugun e fushatës zgjedhore për kryetar të Mitrovicës së Veriut, Oliver Ivanović dha intervistën e ...
TIRANË– Toni Selimi, një shqiptar nga Gostivari i Maqedonisë së Veriut, ka treguar së fundmi historinë e tij të jetës që nga fëmijëria kur u abuza e ...
GREQI- Tërmeti në Elasona të Greqisë mbrëmjen e sotme ka bërë që të gjithë njerëzit të dalin jashtë shtëpive. Në videon e mëposhtme shihen shumë persona që janë...
SNANJË- Qeveria spanjolle ka ndaluar marshimet për festën e nënës në 8 Mars. The Guardian shkruan se gjithashtu ka propozuar edhe kufijzime të shumta në ud...
GREQI- Një paslëkundje e tërmetit të mëparshëm në Greqi është ndjer sërish. Sipas të dhënave zyrtare, paslëkundja e tërmetit e ka patur madhësinë 5.5 ballë të s...
FRANCË- Franca synon të vaksinojë 30 milion persona deri në verë. France24 shkruan se kryeministri i vendit, Jean Castex ka deklaruar ditën e sotme se 10 m...
KOSOVË- Një aksident i rëndë ka nsdodhur në Kosovë dotën e sotme rreth orën 14:00. Lajmin e ka bërë të ditur zëdhënësi i policisë në rajonin e Gjakovës, Ny...
KOSOVË- Fituesi i zgjedhjeve të Kosovës, Albin Kurti i ka qëndruar fjalës së tij në lidhje me përparësinë e qeverisë së tij. Në një intervistë për ‘Kosovo ...
