E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Ermal Mulosmani
Kur Kryeministri i Shqipërisë, zoti Edi Rama, doli në publik me një media private me akronimin e gërmave të emrit dhe mbiemrit të tij dhe prapashtesën TV, të gjithë mbetëm gojëhapur e pa fjalë.
A mundet një njeri që gëzon postin e lartë të Kryeministrit të ketë edhe një televizion privat të tij?! A ndikon posti i lartë i Kryeministrit në rritjen e audiencës dhe ndikimit të përditshëm të këtij televizioni? Sa janë të ardhurat që vijnë nga publikimet në FB e Kryeministrit përmes transmetimeve të ERTV-së? A ka të drejtë Kryeministri që t’ia japë ekskluzivitetin e lajmeve qeveritare stacionit privat të Edi Ramës? Ku mbaron Kryeministri dhe ku fillon Edi Rama? A kanë të drejtë edhe Kryeministrat pasardhës të kenë median e tyre me akronimet private në shembullin e Ramës? Sa është vlera e këtij stacioni televiziv online në momentin kur do mbyllet dhe a është shfrytëzim i lartë dhe i paprecedent i postit të tij?
Edi Rama dhe Kryeministri i Shqipërisë janë dy entitete qartësisht të ndara. Edi Rama është një person privat që për momentin ka edhe pozitën e Kryeministrit ndërsa Kryeministri i Shqipërisë është institucioni kushtetues më i lartë i qeverisë. Nëse do të ndërtosh një media për të promovuar agjendën qeveritare duhet ta bësh me emrin zyrtar të Institucionit (Kryeministri TV) dhe ai emër e ajo media i takojnë Kryeministrit pasardhës. Siç ua dorëzon dhuratat zyrtare (një gjest për tu përshëndetur) Kryeministrave pasardhës, ashtu u duhen dorëzuar edhe mediat që u bënë të famshme për arsye të qenies Kryeministër.
Edi Rama nuk ka asnjë të drejtë që audiencën e fituar nga qenia Kryeministër apo Kryetar i Partisë, ta marrë me vete, në Surrel, ditën që nuk do të jetë një më në ato funksione. Ngatërrimi i emrit të Kryeministrit me postin e tij është një ngatërresë e qëllimtë, djallëzore, për të përfituar në të ardhmen, është një konflikt i pastër interesi. Të kesh një dritare komunikimi me 1.3 milionë ndjekës, me emër personal, të krijuar nga nevojat e njerëzve për informacion qeveritar në fakt nuk është qëllimi parësor i krijimit të ERTV-së (megjithëse nuk është për tu nënvlerësuar).
ERTV ka thelb djallëzor propagandën e Ramës.
Ndërtimi i një mediumi qeveritar, në të cilin Kryeministri del sa herë t’i teket, është uzurpimi më i madh dhe i hapur që i është bërë ndonjëherë hapësirës publike të komunikimit. Transmetimi “live” nga të gjitha mediat nuk është një lapsus i tyre; ai është një sofizëm i mirëmenduar për një dorëzim vullnetar të kësaj hapësire .
Ngatërrohet qëllimshëm informacioni me propagandën.
Kryeministri i Shqipërisë rri çdo ditë, me orë të tëra, në faqen private të qytetarit Edi Rama me intervista online me gazetarë. Të gjitha mediat informative e marrin sinjalin e transmetimit publik nga media private e qytetarit Edi Rama dhe e ngopin gjithë hapësirën e komunikimit me monologje propagandistike kryeminsitrore.
Jo vetëm kaq. Statuset informative, publike, të Kryeministrit të Shqipërisë, publikohen në faqen e personit privat Edi Rama dhe po aty ndodh një debat i vazhdueshëm mes qytetarëve dhe Kryeministrit të tyre. Edi Rama i bën qerpaze nëse ata nuk janë dakort me qeverisjen, vaksinimet, personalitetet, Ndragetan, Nikun e ku di unë se çfarë…
Kjo ndodh vetëm në Shqipëri, është shembull unikal në botë!
Faza tjetër që pritet të ndodhë është: Qytetari Edi Rama, me petkun e përkohshëm të Kryeministrit, të hyjë në profilet individuale të shtetasve dhe t’i demaskojë! Tu shkruajë replika tallëse, të nxisë ndjekësit e tij të raportojnë profiling e qytetarit opozitar, t’i bulizojë…. Mediat do të pasqyrojnë konfliktin, gallatën, batutat. Nuk mendoj se do të jetë e largët dita kur të ndodhë. Televizionet informative ta pasqyrojnë “live” gallatën ndërsa ato gjeneraliste të na e risjellin në formën e spektakleve të humorit.
Ne qeverisemi nga Facebook-u. Kryeministri ynë ka të paktën që nga Shtatori mban takime të gjata, monotone, të përditshme me gazetarë, viziton fatkeqë të dëmtuar nga tërmeti, mbikëqyr vaksinimet, rindërtimin, spitalet, del në aeroport e pret vaksinat, na merr në telefon orë e pa orë për të larë duart, na paralajmëron për fatin e madh që kemi ne që kemi atë në krye… Të gjitha mediat i transmetojnë “live” deliret e tij prej babai të kombit. Dritarja e tij ERTV është si “Breaking News”, çdo televizor ndërpret transmetimet rutinë për tu lidhur me Babain.
E ky është edhe kurthi ku do të zihet Edi Rama. Si Narcisi u mbyt në pusin ku po shihte pasqyrimin, i mahnitur nga bukuria e tij edhe fundi i Ramës do të jetë nga pangopësia mediatike dhe deliri propagandistik.
Njerëzit nuk janë aq budallenj sa i mendon Ai. Marrë nga Gazeta Express
1 vit nga zgjedhjet e 25 prillit si e shikoni gjendjen e vendit:
Nga Agim Xhafka1 vit nga zgjedhjet e 25 prillit si e shikoni gjendjen e vendit:View Results...
Duke iu referuar praktikave të komunikimit (monologut) me Ministrisë së Arsimit, Sportit dhe Rinisë (MASR) vitet e fundit, të cilat nisën me qëllim, kontributin...
Shqipëria po përjeton një dramë të fortë humanitare për shkak të pandemisë. Spitalet e vendit, shtetërore dhe ato private, janë plot me të infektuar dhe mjekët,...
Nga Enkel DemiJam i ndërgjegjshëm që do të më hidhen në mallkime të gjithë “paladinët” rilindas të artit… ani pyetjen po e përsëris: Nëse Edi Rama do ta kishte ...
Deutsche Welle: Fitorja sërishme e Vetëvendosjes në Kosovë është pritur me entuziazëm brenda Kosovës, por me rezerva nga jashtë . Si duhet lexuar rezultati para...
Eshtë kaq tunduese dëshira për të hedhur gurë, drurë e hunj mbi doktor Edvin Priftin. Eshtë kaq e ngutshme dëshira për ta fshikulluar me thupra dhe për ta lidhu...
Diku nga viti 95 duke u kthyer nga qyteti antik i Finiqit u ula per nje kafe anes rruges, tek klubi i vetem i fshatit . Fshati, me sakte nje grumbull shtepish t...
Gjatë kohëve të fundit debati publik në vendin tonë ka hyrë në vorbullën e diskutimeve të mëdha kryesisht mbi mënyrën si kryhet delimitmi detar dhe është fokusu...
“Pyetja me delikate ishte, kush do ta largoje Titon nga koncerti..?”Vaçe Zela. Kur degjova se paske shkuar, per disa çaste kalova Atla...
Sot do doja të isha shqiptar i Kosovës për të votuar për Vetëvendosjen. Si shumëkush këtej nga ne, në anën tjetër të kombit, që e ka provuar mbi shpinë frustrim...
