"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
TIRANË -Analisti Mustafa Nano ka komentuar aktakuzën për krime lufte të Prokurorisë Speciale, ndaj presidentit Hashim Thaçi. Gjatë monologut të tij të përjavshëm, Nano është shprehur, se nuk beson se Thaçi ka bërë gjatë luftës ato vepra për të cilat akuzohet. Sipas tij, ky është një gjest anti kosovar dhe momenti në të cilin u bë, bie erë. Më tej ai ka shtuar, se Kosova do të dalë e dobët nga kjo histori, ndërsa shpreson që Thaçi të dalë i larë.
Monologu nga Mustafa Nano:
Ngjarja e javës, e ndoshta lajmi politik i vitit, ka qenë akuza që zyra e prokurorit special të Kosovës me seli në Hagë ngriti ndaj Hashim Thaçit. Këtë të fundit e akuzojnë për krime lufte e për krime kundër njerëzimit. Dhe më këtë kanë kapur në befasi gjithkënd jashtë e brenda Shqipërisë, sidomos brenda Shqipërisë, ku për këtë shkak është vënë re një lloj solidariteti e simpatie e përgjithshme rreth Hashim Thaçit. Edhe klasat politike kanë reaguar në mënyrë solidare. Miq e armiq të tij u bënë bashkë në mbështetje të Thaçit, që në një farë mënyre ka qenë dhe është mbështetje ndaj luftës së Kosovës, të cilën kjo akuzë e bën pis. Kryeministri Rama doli menjëherë në mbrojtje të Thaçit dhe u duk se me ndërhyrjen e vet në të nxehtë, duke i bërë Thaçit një mbrojtje totale, synonte të ngjizte një bashkim kombëtar në këtë çështje. Në këtë kuadër, ai shkoi dje në Kosovë, në një vizitë rrufe. Agjenda e tij përfshinte takime me të gjithë, Thaçin, Hotin, Veselin, Kurtin, Haradinajn, Isa Mustafën, etj. Dhe duhet thënë se Rama bëri gjënë duhur. Po ashtu si edhe të tjerët, ashtu si edhe Thaçi vetë, i cili me t’u informuar mbi akuzën, ndërpreu udhëtimin e tij. Dhe nuk ishte një udhëtim për në ishujt Barbados apo për në Karaibe, për të bërë ca pushime qejfi e luksi. Ishte një udhëtim për në Washington, për të marrë pjesë në samitin serbo-shqiptar nën patronazhin Amerikan. Ai u kthye në Prishtinë. Mbrëmë, siç pritej Thaçi ka mbajtur një fjalim para Kosovës, në të cilin ai tha se ka marrë vendimin që të mos konfondojë hallin e vet me hallin e Kosovës. Ka marrë vendimin për të mos iu bërë barrë Kosovës. Do të bëjë atë që bëri Haradinaj and Co. Nuk do të mbrohet si president. Nuk do përdorë parzmore të tjera, siç mund të ishte edhe solidariteti pankombëtar i demonstruar ndaj tij. Edhe me këtë, sidomos me këtë, ai bëri gjënë e duhur. Dua të bëj edhe unë gjënë e duhur. Unë në këtë moment jam Hashim Thaçian. Ndihem instiktivisht Hashim Thaçian. Nuk kam ide se ç’ka bërë Hashim Thaçi gjatë luftës, t’ju them të drejtën, por nuk besoj se ka bërë ato krime, për të cilat akuzohet nga zyra e prokurorit special të Kosovës. Midis dyshimit se Thaçi ka bërë krime gjatë luftës dhe dyshimit se akuza ndaj tij është e stisur, anoj më shumë nga i dyti. E them këtë sepse e kam një gjë në dorë kundër akuzës. Dhe kjo gjë është momenti, në të cilin u bë kjo akuzë. Ky moment bie erë. Dhe e bën akuzën të ngjajë me një gjest anti kosovar. Ky gjest duket qartazi i tillë, antikosovar, dhe ata që kanë bërë akuzën nuk kanë bërë asnjë përpjekje që të mos duket i tillë. Mund ta shmangnin këtë “timing” që e komprometon aksionin e tyre, por nuk e shmangën. Të krijohet përshtypja se nuk donin ta shmangnin. Sikur kjo akuzë të jetë ashtu si duket, e stisur, atëherë ajo është një veprim shumë i poshtër. Sepse e dëmton kauzën kosovare si asgjë tjetër në këtë botë. Nga ana tjetër, sikur kjo akuzë të mos jetë e stisur, sikur ajo në fund të provohet, tok me fajësinë e Thaçit, atëherë kauza kosovare dëmtohet edhe më shumë, kauza kosovare merr një goditje të fortë, të paimagjinueshme. Lufta e shqiptarëve në Kosovë do të marrë damkën e një lufte terroriste. Nuk është se me këtë rrota do fillojë të lëvizë mbrapsht, nuk është se historia do çbëhet, nuk është se pas kësaj serbët do të rimarrin Kosovën nën kontroll. Jo, asgjë e tillë nuk do të ndodhë. Por do të ndodhë diçka tjetër. Kosova do të dalë e dobët nga kjo histori. Shumë e dobët. Duhet të lutemi që Thaçi të dalë i larë nga kjo histori. Kush lutet për të kundërtën, qoftë ai që është.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Ish-kryeministri Sali Berisha ka komentuar aktakuzën e Prokurorisë Speciale për krime luftë ndaj presidentit Hashim Thaçi, kreut të PDK, Kad...
TIRANË- Sekretari i përgjithshëm i Partisë Demokratike, Arben Ristani, thotë se hapra e partisë dhe aktivizimi i të gjitha potencialeve ka çuar në f...
TIRANË-Ish-kryeministri Sali Berisha ka folur në lidhje me ndarjen nga jeta të mjekut Arjan Pushi. i ftuar në emisionin “Tempora”, Berisha u shpreh, se mj...
TIRANË– Kryedemokrati Lulzim Basha ka zhvilluar një takim me zyrtarë të PDK-së, të ardhur nga Kosova për të takuar liderin e PD-së.Ka qënë vetë Basha...
TIRANË- Ambasada Amerikane në Tiranë ka shpërndarë një mesazh në ditën ndërkombëtare të Parlamentarizmit. Me anë të një statusi në Facebook, Ambasada Ameri...
TIRANË– Ministrja Belinda Balluku i ka kthyer përgjigje skeptikëve që sipas saj kanë deklaruar se kjo është qeveria e drejtoresha dhe zv. ministrave....
TIRANË -Ish-kryeministri Sali Berisha ka publikuar denoncimin e një qytetari në lidhje me tërheqjen e padisë së kryeministrit Edi Rama, ndaj kreut të AAK, ...
TIRANË- Ministrja e Infrastrukturës Belinda Balluku ka deklaruar se ndërtuesit e rrugës së Arbrit kanë premtuar se projekti dhe pse ka afat deri në nëntor ...
