Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Daily Mail ka nxjerrë në pah edhe mënyrën e jetesës luksoze të çiftit Hoxhosmani–Ajazi, të cilët shfaqen rregullisht në Londër, Dubai dhe Monako me veshje firmato dhe makina luksoze, përfshirë një supermakinë nga ku janë filmuar duke dalë në rrugët e Monakos.
TIRANË- Arrestimi i 37-vjeçarit Klevis Hoxhosmanit, ka marrë edhe vëmendjen e mediave nëdkombëtar. Daily Mail i ka kushtuar një artikull Klevis Hoxhosmanit, pronar i disa bizneseve në Mbretërinë e Bashkuar, i cili është në një lidhje me Kejda Ajazin, vajzën e ish-ministres e Majlinda Bregu.
Në artikull Daily Mail thekson se Klevis Hoxhosmani dhe vëllai i tij 42-vjeçar, Artur, u arrestuan të shtunën për trafikim të drogës nga Amerika Latine drejt Mbretërisë së Bashkuar dhe BE-së. Daily Mail ka nxjerrë në pah edhe mënyrën e jetesës luksoze të çiftit Hoxhosmani–Ajazi, të cilët shfaqen rregullisht në Londër, Dubai dhe Monako me veshje firmato dhe makina luksoze, përfshirë një supermakinë nga ku janë filmuar duke dalë në rrugët e Monakos.
Gjithashtu në artikull përmendet edhe dënimi i mëparshëm i Klevis Hoxhosmanit në Mbretërinë e Bashkuar në vitin 2014 për sulm ndaj një gruaje, për të cilin ai ishte dënuar me një urdhër komunitar dhe 60 £ gjobë.
Artikulli i Plotë i Daily Mail
Shqiptar i pasur, pronar i disa bizneseve në Mbretërinë e Bashkuar, akuzohet për një skemë trafiku kokaine prej 355 milionë paundësh: dhëndri i një politikaneje glamur arrestohet nga policia së bashku me vëllain e tij.
Një shqiptar i pasur me një sërë biznesesh në Britani dhe një vjehërr politikane magjepsëse është arrestuar së bashku me vëllain e tij, pasi akuzohen se janë përfshirë në një komplot për trafikimin e kokainës në vlerë prej 335 milionë paundësh.
Klevis Hoxhosmani, 37 vjeç, dhe vëllai i tij 42-vjeçar, Artur, u arrestuan të shtunën nga skuadra e krimit të organizuar në Shqipëri për përfshirjen e dyshuar në një operacion për të trafikuar sasi të mëdha të drogës nga Amerika Latine drejt Mbretërisë së Bashkuar dhe BE-së.
Hoxhosmani është në një lidhje me Kejda Ajazin, vajza e Majlinda Bregut, 51 vjeç, ish-ministre shqiptare për Integrimin Europian, e cila u tërhoq nga parlamenti në vitin 2017 dhe aktualisht punon për organizatën Këshilli i Bashkëpunimit Rajonal. Çifti i ri njihet gjerësisht në Shqipëri për mënyrën sesi ekspozojnë jetën e tyre luksoze në rrjetet sociale, përfshirë udhëtime të shpeshta në Londër, Dubai dhe Monako, ku së fundmi janë filmuar të veshur me rroba firmato duke zbritur nga një supermakinë.
Arrestimi i Hoxhosmanit ka ndezur spekulime në Shqipëri mbi burimin real të pasurisë së çiftit, një çështje që ka ngritur interes edhe për oficerët e SPAK-ut, që po mbikëqyrin hetimin që çoi në arrestimin e tij. Prokurorët shqiptarë pretendojnë se Hoxhosmani dhe vëllai i tij janë pjesë e një grupi të madh ndërkombëtar të krimit të organizuar me të paktën nëntë anëtarë të tjerë.
Banda akuzohet për trafikim droge nga Kolumbia apo Ekuadori, më pas transportimi përmes detit dhe tokës drejt Britanisë. Ata pretendojnë se qëndrojnë pas një sasie prej 250 kilogramësh kokainë që u sekuestrua në Francë në prill të vitit 2020 – e dyshuar se ishte në rrugë për në Britani. Mesazhe të shkëmbyera përmes një platforme të enkriptuar të quajtur Sky/ECC zbulojnë se anëtarët e grupit reaguan të alarmuar kur kuptuan se droga ishte kapur.
Hoxhosmani ka lidhje të ngushta me Britaninë, ku dokumentet e regjistrit të bizneseve Companies House e lidhin me tre kompani me qendër në Bournemouth. Ai ka qenë drejtor i kompanisë “Crystal Hand Car Wash”, e krijuar në vitin 2013 dhe e mbyllur në 2015. Ka qenë gjithashtu drejtor i “Barrack Road Tyres”, një servis gomash në Christchurch që tani ka pronar të ri. Aktualisht, ai është drejtor i “Opa Coffee Limited”, me adresë në një dyqan bosh pranë parkut Central Gardens në qendër të qytetit Bournemouth.
Ai ka precedent penal në Britani, pasi në vitin 2014 pranoi fajësinë për një sulm ndaj një gruaje në Ferndown, për çka u dënua me urdhër shërbimi komunitar dhe u urdhërua të paguante 60 paund dëmshpërblim. Vëllai i tij, Artur, ka qenë pronar i një lavazhi tjetër në Ferndown, ku së fundmi dy burra, një afgan dhe një irakian u arrestuan për shkelje të kushteve të lirimit me kusht.
Sipas prokurorëve, banda e drogës siguronte kokainën në Kolumbi apo Ekuador. Ajo transportohej në konteinerë detarë drejt porteve të mëdha europiane si Antwerp në Belgjikë apo Rotterdam në Holandë. Prej andej, përmes rrugëve tokësore shkonte në Francë dhe më pas përmes Tunelit të Kanalit në Britani.
Prokurorët thanë se droga ishte fshehur në paleta druri, kuti me banane apo thasë me kakao, ndërsa disa herë ishte në ngarkesa me lëndë drusore. Grupi përdorte pseudonime dhe bënte pagesa përmes sistemit të transferimeve informale Hawala, që funksionon nëpërmjet ndërmjetësve të besuar.
Prokurorët Altin Dumani dhe Adnand Xholi deklaruan: “Struktura organizative e këtij grupi kriminal, me lidhje në disa kontinente dhe me 16 anëtarë të identifikuar deri tani, dëshmon nivelin e lartë të sofistikimit të grupeve kriminale shqiptare, kapacitetet dhe depërtimin e tyre në tregjet kriminale ndërkombëtare.”
Ata përshkruan bandën si “hierarkike”, me drejtuesit që jo vetëm porositnin dhe financonin dërgesat e drogës, por edhe mbikëqyrnin rrugëtimin e saj përmes Europës, përpara se bashkëpunëtorët në vendet e destinacionit, përfshirë Mbretërinë e Bashkuar, ta shpërndanin te shpërndarësit lokalë.
Anëtarë të bandës ndodheshin në Britani, vende të ndryshme të BE-së, Dubai dhe Emiratet e Bashkuara Arabe, dhe sipas prokurorëve, ata ndihmoheshin nga “punonjës dogane dhe personel portual”. Një nga anëtarët e dyshuar, Erion Alibej, është duke bashkëpunuar me prokurorët. Në gjykatë ai pohoi se një bashkëpunëtor i tyre u rrah në Londër pasi humbi 50 kg kokainë.
Oficerët e SPAK kanë sekuestruar një jaht luksoz dhe një flotë makinash që përfshijnë një Mercedes Benz AMG G63, një Volkswagen Golf 7 dhe një Volkswagen Sharan. Po ashtu janë sekuestruar dy orë të shtrenjta, 16 telefona celularë, 19 karta bankare dhe tre pistoleta me karikatorë e fishekë.
Ata dolën në gjykatë një ditë më vonë, ku gjyqtari Erion Bani pranoi kërkesën e prokurorisë për t’i lënë në burg deri në gjykim. Dy persona të tjerë, Elidon Skëndaj dhe Ilir Lloshi, janë ende në kërkim nga policia. Prokurorët shqiptarë thanë se hetimi i tyre është ndihmuar nga policia në Mbretërinë e Bashkuar dhe në BE.
“Kjo hetim i suksesshëm i drejtuar nga SPAK është rezultat i drejtpërdrejtë i bashkëpunimit të ngushtë ndërinstitucional dhe ndërkombëtar, veçanërisht me EUROPOL-in, EUROJUST-in, agjencitë e vendeve anëtare të BE-së, si dhe agjencitë partnere të zbatimit të ligjit në Mbretërinë e Bashkuar, të cilat ofruan mbështetje përmes analizës së thelluar të të dhënave dhe koordinimit të efektshëm ndërkombëtar të policisë. Kjo informacion ka qenë kyç për identifikimin e veprave të rënda penale, të dyshuarve dhe për përcaktimin e rolit të tyre në këtë grup të strukturuar kriminal,"thuhet në deklaratë.
Flodian Plaku VLORË- Detaje të reja vijojnë të dalin nga arrestimi i Flodian Plakut. Bëhet me dije se në këtë ...
Flodian Plaku VLORË- Flodian Plaku, i akuzuar për vrasjen e Gentian Bejtjas, u arrestua ditën e sotme nga Policia e Vlorës. Arrestimi ...
Flodian Plaku dhe Gentjan Bejtja VLORË- Detaje të reja janë zbardhur pas arrestimit të Flodian Plakut, i cili akuzohet për vr...
Klejvis Caka TIRANË- Janë publikuar pamjet nga momenti kur Klejvis Caka, 26 vjeç largohet me vrap pasi ka plagosur me armë zjarr...
Flodian Plaku VLORË- Flodian Plaku, i cili akuzohet për vrasjen e Gentian Bejtjas është vënë në pranga ditën e...
pamje nga vendngjarja VLORË- Janë publikuar pamjet nga sherri i dhunshëm që ndodhi mbrëmjen e djeshme në Vlorë. Kon...
foto ilustruese DELVINË- Një vatër zjarri ka përfshirë ditën e sotme malin e Skërficës, në territorin e ...
Erjon Nikolli PUKË- Fermeri Erjon Nikolli ka reaguar pas ngjarjes së rëndë të ndodhur në fshatin Munellë të ...
eni vasili TIRANË- Radiotelevizioni Shqiptar është zyrtarisht në krizë. Ky konstatim është bërë nga drejtoresh...
qendra ne gjader ITALI- Një tjetër pengesë për qendrat e emigrantëve në Shqipëri të promovuara nga qeveria Meloni, ...
