Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Koka e Hasanbelliut kushtonte plot 100 mijë euro, dhe të dy vëllezërit e kanë ndjekur për 10 ditë. E marta e ka shpëtuar Hasanbelliun, pasi Indrit Beqiri nuk qëllonte të martën për shkak të një bestytnie që e "marta është ditë tersi"
TIRANE- Rrëfimi i dy vëllezërve Indrit dhe Gentian Beqiraj përpara grupit hetimor është duke zbuluar një treg të mirëfilltë të zi të botës së krimit në Shqipëri, ku tregohet e gjithë rruga që ndiqet për të kryer një vrasje me pagesë, që nga porositësi deri tek ekzekutori. Në dëshminë e tyre, Dosja mësoi se vëllezërit kanë treguar me detaje sesi Ilirjan Feçi iu ka premtuar 100 mijë euro për vrasjen e Geron Hasanbelliut. Koka e Hasanbelliut kushtonte plot 100 mijë euro, dhe të dy vëllezërit e kanë ndjekur për 10 ditë. E marta e ka shpëtuar Hasanbelliun, pasi Indrit Beqiri nuk qëllonte të martën për shkak të një bestytnie që e "marta është ditë tersi". Por të nesërmen, dy ekzekutorët ishin gati. Por sipas tyre, Geron Hasanbelliu nuk shkoi në lokalin e zakonshëm në Don Bosko dhe sipas tyre, tradhtia vinte nga Ilirjan Feçi. Në këtë moment, ata vendosën të komunikojnë direkt me porositësin e dyshuar "Kasandër Noga", që në dosjen e Prokurorisë rezulton si "Frateloja" referuar komunikimeve të dy vëllezërve përmes rrjetit social "Sinjal". Porosia e dytë ishte edhe vrasja e nipërve të Hasanbelliut, por prania e shumtë e policisë në Astir i ka shpëtuar ata nga shënjimi.
Ilirjan Feçi na premtoi 100 mijë euro për të ekzekutuar Geron Hasanbelliun. Ilirjani dhe Kevin Zeneli e kishin ndjekur 2-3 herë por nuk kishin mundur ta ekzekutonin. Më dhanë 2 mijë euro për një banesë me qira afër zonës ‘Don Bosko’ te lokali Fokus. Për 10 ditë, që prej orës 07:30 kemi ndjekur në distancë lëvizjet e tij. Ilirjani kërkonte me instistim që të kryenim vrasjen. Mësuam se Geroni vinte në lokal rreth orës 17:30. I thashë të martën e kam ters, nuk e vras, do gjuaj të mërkurën. Geroni erdhi mëngjesin e të hënës, piu kafe dhe pasdite nuk erdhi më. Pasi diskutova me vëllain dhe me Kevin, dyshuam se na kishte tradhtuar Ilirjan Feçi. Pasi larguam Fecin se dyshonim se na shiti, Kevin Zeneli foli në aplikacionin Signal me ‘fratelon’ ( Kasandër Noga). Ai urdhëroi të vrisnim nipat e Geronit pasi ky i fundit s’vinte më në atë lokal. Për nipat do merrnim 50 mijë euro. I lokalizuam në një dyqan Tabachino pranë zonës së Astirit, por kishte shumë njerëz dhe nuk qëllova. Kevin Zeneli na gënjente për vëzhgimin e 2 nipave të Geronit në kioskën e tyre ‘Astir’. Zeneli na thoshte s’ka policë pranë kioskës së nipave të Geronit, por ishte e kundërta. Kevin Zeneli na thoshte se nipat e Geronit ishin vetëm, por ata ishin me 4-5 shokë. Hoqa dorë nga vrasja pasi Kevin Zeneli më gënjente, kisha frikë se më shiste”, rrëfeu Indrit Beqiraj.
Dëshmia e Beqirajt vjen pas arrestimit të 3 tetorit. Në fakt e gjitha i faturohet një rastësie, ku dy vëllezërit ishin nisur për atentat ndaj Landi Muharremit i njohur si "Rrumi". Por në rrugë e sipër ata u përplasën me njerëzit e Rrumit, që morën peng për disa orë Indrit Beqirajn. Në dosje nuk thuhet shkaku i pengmarrjes dhe sherrit mes tyre, por përmes këtij rrëfimi nis gjithçka dhe vëllezërit vetëofrohen si të penduar duke zbërthyer të gjithë grupin kriminal ku ishin pjesë dhe nga i cili kishin marrë porosi për të paktën katër vrasje në Tiranë dhe Durrës. Pasi kanë parë Policinë, ata janë detyruar të lënë të lirë Beqirajn dhe më pas ky konflikt ka sjellë edhe rrëfimin e dy vëllezëve, 32 dhe 38 vjeç. Bashkë me ta, Policia arrestoi edhe 13 persona të tjerë. Grupi akuzohen për grup të strukturuar kriminal ndërsa akuzohen për dy vrasje dhe 3 atentate. Ata akuzohen për vrasjen e Erion çelës, i cili u ngatërrua dhe ishte shënjestra e gabuar pasi Kevin Zeneli kërkonte të vriste Geron Hasanbelliun. Më pas, ata akuzohen se vranë në bashkëpunim Arben Mërkurin alias Maneci, pasi kishin marrë porosi nga Kasandër Noga. Kumbari kryesor i operacionit është Kasandër Noga që ndodhet në burg në Belgjikë. Noga ka një hasmëri me Erion Hasanbelliut që nis që prej viteve 2000 e kulmoi me masakrën e Sanatoriumit. Pjesë e grupit janë edhe një oficer policie burgjesh, Flamur Bejko që iu dha 3500 euro për vrasjen e Saimir Zotkajt dhe një personi tjetër të identifikuar si I.H.
Fakulteti i Historisë dhe Filologjisë TIRANË- Ministria e Arsimit ka firmosur një udhëzim për “Frekuentimin e proc...
Xhaferr Deliu ELBASAN- Një 43 vjeçar i identifikuar si Xhaferr Deliu që kishte thyer masën e arrestit në shtëpi,...
policia greke GREQI- Gjykata vendosi dje të çlirojë një familje Volos nga frika, kërcënimet dhe pasiguria dhe...
Xhani Topalli GREQI- Ditën e nesërme në ishullin Rodos të Greqisë do të zhvillohet një marshim dhe protestë...
moti TIRANË- Ditën e sotme vendi ynë do të vijojë të jetë nën ndikimin e kushteve të qëndrueshme atm...
Foto ilustruese ELBASAN- Forcat e Ndërhytjes së Shpejtë si dhe policia po bëjnë kontrolle në qytetin e Elbasanit. M...
Momenti i arrestimit të shqiptarit BRITANI- Një 30-vjeçar identiteti i të cilit nuk është bërë i ditur ka rë...
I mituri TIRANË- Nuk ka bërë asnjë ditë shkollë, shkolla e tij e vetme është lypja në rrugë. Nën&eum...
Sondazhi TIRANË- Shqiptarët sot nuk pëlqejnë asnjë nga figurat politike në vendin tonë. Të pyetur nga Barometri n&e...
Kanabisi i gjetur dhe sekuestruar nga Policia GREQI- Një 39-vjeçar me origjinë shqiptare, identiteti i të cilit nuk është b...
