Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Një zyrtar i lartë francez, tha se rrjetet e dedikuara të kontrabandës shqiptare tani po operojnë përgjatë Kanalit, veçmas nga rrjetet kurde dhe irakiane.
FRANCË- Policia e franceze ka treguar rastet kur ka shpëtuar varka me emigrantët, mes tyre edhe shqiptarë që kanë qenë duke u mbytur gjatë tentativës për të kaluar në Britaninë e Madhe. Dronët i pikasin emigrantët edhe në momentin që ata gjejnë shkurre për tu strehuar deri në momentin që gomonja bëhet gati për tu nisur. Patrullat franceze thonë se po ndalojnë rreth gjysmën e të gjitha përpjekjeve për kalim, por më shumë se 30,000 njerëz kanë arritur në Mbretërinë e Bashkuar deri më tani këtë vit. Një zyrtar i lartë francez, tha se rrjetet e dedikuara të kontrabandës shqiptare tani po operojnë përgjatë Kanalit, veçmas nga rrjetet kurde dhe irakiane. Shqiptarët i konsiderpjnë më efikas në këtë rrugë, kujdesen për emigrantët dhe mjetet e transportit, ndryshe nga grupet e tjera.
Artikulli i plotë:
Të fshehur në bimësi të dendur përgjatë bregut në veri të Calais, dy burra qëndrojnë në heshtje. Më pak se një kilometër larg, xhandarët francezë shqyrtojnë dy figurat në kamerën termike të dronit; imazhet e tyre shfaqen në ngjyrë rozë e portokalli. Brenda pak sekondash, njësia nis kërkimet nëpër shkurre. Duhen më pak se pesë minuta për të arritur atje, por 50 metrat e fundit duhet të bëhen në këmbë. Efektivët ecin përmes një bimësie të trashë dhe me gjemba, disa prej të cilave mbërrijnë deri në gjoks. Dy burrat ikin ndërsa njësia afrohet, duke lënë pas tyre varkën gjysmë të përgatitur, karburantin dhe motorin bashkë me dy thasë me xhaketa shpëtimi.
"Bimësia punon kundër nesh," më tha gjenerali Frantz Tavart. "Kontrabandistët e dinë këtë dhe i fshehin anijet këtu me qëllim."
“Kemi pesë minuta për të ndërhyrë nga momenti kur e fryjnë varkën deri në momentin që e futin në det, përndryshe është e kotë,”- tha Gjeneral Frantz Tavart.
Dronët e Mbretërisë së Bashkuar janë të vlefshëm, thotë ai, sepse ata dallojnë edhe vende të fshehura mirë si ky.
"Droni e kapi këtë," tha ai. "Aeroplani [mbikqyrjes] kaloi paraprakisht dhe nuk e vuri re, sepse ishte fshehur nga pemët."
Franca dhe Britania e Madhe kanë investuar në më shumë patrulla, teknologji më të mirë dhe lloje të ndryshme automjetesh, por ende emigrantët që kalojnë Kanalin vazhdojnë të rriten. Sekretarja e re e Brendshme e Britanisë, Suella Braverman, do të mbajë një fjalim në konferencën e partisë së Konservatorëve më vonë, ku pritet të ritheksojë vendosmërinë e saj për të goditur emigracionin e paligjshëm. Patrullat franceze thonë se po ndalojnë rreth gjysmën e të gjitha përpjekjeve për kalim, por më shumë se 30,000 njerëz kanë arritur ende në Mbretërinë e Bashkuar deri më tani këtë vit. Një zyrtar i lartë francez, na tha se rrjetet e dedikuara të kontrabandës shqiptare tani po operojnë përgjatë Kanalit, veçmas nga rrjetet kryesore kurde dhe irakiane.
“Rrjetet shqiptare janë më efikase se të tjerat”, na tha ai. “40% e atyre që përgjojmë në këtë anë të Kanalit janë shqiptarë, por përbëjnë 60% të atyre që mbërrijnë në anën tjetër”.
"Hipoteza jonë është se ata janë shumë më me përvojë se të tjerët përsa i përket aktivitetit kriminal dhe më të mësuar të organizohen dhe të shmangin policinë. Rrjetet shqiptare i kanë çmimet më të larta sesa të tjerët."
Gjenerali Tavart thotë se nuk mund të konfirmojë nëse rrugët e reja të kontrabandës shqiptare po drejtohen nga grupe kriminale, ndoshta me bazë në MB, por ai thotë se do të kishte kuptim.
"Me çmimin e një kalimi rreth 4,000 euro (3,482 £) dhe rreth 40 njerëz në një varkë, bëni llogaritë," tha ai. “Është jashtëzakonisht fitimprurëse, madje më shumë se trafiku i drogës dhe akuzat penale janë më të lehta”.
Një numër më i madh shqiptarësh janë parë në kampin kryesor të emigrantëve në Dunkerque, por shumica duket se qëndrojnë në hotele përreth zonës, ose në Paris apo Bruksel. Në një hotel në Dunkerque, pronarja konfirmoi se tani kishte një numër të madh klientësh shqiptarë që kalonin atje. Pronari i një lokali përballë stacionit tha se disa ditë gjysma e klientëve të tij janë shqiptarë.
"Pyes veten nëse ka mbetur dikush në Shqipëri," tha ai, "duke parë sa prej tyre po kalojnë këtu".
Për muaj të tërë, qeveria e Mbretërisë së Bashkuar ka premtuar se do të dërgojë disa nga ata që mbërrijnë me varka të vogla në Ruanda, ku kërkesat e tyre për azil do të përpunohen dhe ku do të pritet të vendosen nëse kërkesa e tyre miratohet.
Në rrugën jashtë Calais, në orët e vogla të mëngjesit, takuam 17-vjeçarin Sikunder dhe miqtë e tij, të mbështjellë me batanije mbijetese që shkëlqenin si copa argjendi në errësirë.
“Ata janë të gjithë nga Afganistani”,- thanë ata, “dhe sapo ishin shpëtuar nga një varkë që po fundosej nga policia franceze”.
E pyeta Sikunderin nëse ishte në dijeni që Britania e Madhe mund ta dërgonte në Ruandë.
"Kam dëgjuar për këtë," u përgjigj ai, "por disa nga të afërmit e mi në Mbretërinë e Bashkuar na thanë se plani ishte anuluar dhe ne mund të vijmë në MB."
Ishte përpjekja e tij e dytë për të kaluar; ai është i vendosur që nuk do të jetë e fundit e tij.
Qeveria e Mbretërisë së Bashkuar aktualisht po lufton një betejë gjyqësore mbi ligjshmërinë e politikës së saj të Ruandës. Në kampet përreth Calais, pothuajse të gjithë janë të vetëdijshëm për rrezikun dhe pothuajse të gjithë gjejnë një mënyrë për ta racionalizuar atë.
Biniam është një djalë 28-vjeçar nga rajoni Tigray në Etiopi. Me një anglishte të rrjedhshme, ai më tha se kishte një diplomë master në prodhim dhe se donte të kërkonte azil në MB, sepse kishte parë sesi qeveria britanike ishte shprehur fuqishëm kundër konfliktit të dhunshëm në Tigray.
"Mbretëria e Bashkuar e kupton situatën në vendin tim," më tha ai. "Pra, kjo është arsyeja pse unë do të shkoj."
E pyes se sa i frikësuar është se mos e dërgojnë në Ruandë.
"100% frikë," tha ai. “Nëse më kthejnë në Afrikë, qeveria e Etiopisë do ta ketë të lehtë të më marrë”.
Jess Sharman nga Care4Calais thotë se njerëzit po rrezikojnë jetën e tyre për të shkuar në MB, sepse nuk mund të kërkojnë azil ndërsa janë në Francë dhe nuk mund të kalojnë Kanalin përmes rrugëve zyrtare.
"Ata nuk duhet të jenë këtu dhe janë vetëm për shkak të politikave të qeverisë," tha ajo. "Dhe kjo mund të ndryshojë brenda natës”.
Kampet shkatërrohen sistematikisht nga njësitë policore; shpërthejnë konflikte të dhunshme ndërmjet bandave të kontrabandës; patrullat e sigurisë ndjekin emigrantët për milje me radhë përgjatë vijës bregdetare dhe pavarësisht kësaj, shumë shpesh, në mëngjes, një tjetër varkë me njerëz nga e gjithë bota përfundon në brigjet e Britanisë.
Foto ilustruese TIRANË- Ditën e nesërme do të nisin aplikimet për lotarinë amerikane.Të gjithë qytetarët shqip...
Elton Qyno TIRANË- Gazetari Elton Qyno ka deklaruar se Departamenti i Neutralizimit të Elementeve të Armatosur, i njohur zakonisht me akron...
Foto ilustruese Ministria e Drejtësisë prezantoi të martën në Komisionin parlamentar të Ligjeve projektligjin “Për...
Foto ilustruese TIRANË- Asnjë viktimë nuk është shënuar nga pandemia e koronavirusit në Shqipëri. Ministria e Sh&eu...
Elton Qyno TIRANË- Gazetari Elton Qyno deklaroi se vëllezërit Gentjan dhe Indrit Beqiraj u bënë bashkëpunëtorë t&eu...
Foto ilustruese HIMARË- Një 22-vjeçar është kapur në flagrancë duke transportuar 5 emigrantë të paligjsh&eu...
Robson de Souza ITALI- Ministria e Drejtësisë në Itali kërkon ekstradimin e ish-lojtarit të kombëtares Selecao, një nga ...
Renato Hamza TIRANË- Në vitin 2020, emisioni Uniko nga Spartak Koka në Klan Plus publikoi foton ekskluzive të këngëtarit nga ...
Dogana e Durrësit DURRËS- Në portin e Durrësit prej datës 1 tetor ka nisur zhdoganimi i mallrave që kanë destinacion Kos...
Shefqet dhe Shahe Lika TIRANË- Gjykata e Apelit Tiranë ka lënë në fuqi masën arrest në burg për Shefqet Likën,...
