Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË- Nuk është më legjendë urbane, nga ato që kryeministri Edi Rama dhe tabori i tij mundohen t’i fshehin me propagandë të shfrenuar. Paratë e krimit të organizuar kanë hyrë thellë në industrinë e ndërtimit të kullave dhe resorteve turistike në Shqipëri.
Vetëm gjatë ditëve të fundit janë identifikuar dy raste, të paktën referuar dosjeve që janë nën hetim nga Struktura e Posaçme Anti-Korrupsion (SPAK), të cilat janë iniciuar nga komunikimet në platformën “Sky/ECC” dhe të vendosura në dispozicion të prokurorisë shqiptare nga autoritetet franceze e belge.
Në njërin rast, të premten e kaluar (30 gusht 2024), kryetari i Partisë Demokratike, Sali Berisha, iu rikthye dosjes “Toyota Yaris”, një episod ku, në Portin e Durrësit, u kapën 3.2 milionë euro në dy automjete që vinin nga Belgjika.
Për atë rast, së fundmi është arrestuar ish-kryeprokurori i Vlorës, Aurel Zarka dhe janë shpallur në kërkim tre të tjerë me urdhër të SPAK-ut.
Berisha duket se ka siguruar të dhëna nga dosja, e cila, me vendim të Gjykatës së Posaçme, nuk është lejuar të bëhet publike.
Sipas kreut demokrat, “…Paratë e klanit të rrezikshëm Toyota Yaris kanë patur si destinacion edhe pronarin e kullës pas sahatit me mbiemër Abdia. Ky ndërtues i lidhur si mishi me thoin me Erion Veliajn është një nga pritësit të klanit të narko-eurove, sipas regjistrimeve të klanit Toyota Yaris, të cilat janë fshehur nga Prokuroria e krimit dhe gjykatësja kriminale…”.
Në deklaratën e tij, Berisha duket se i referohet kullës “Book Building”, e cila ka marrë leje në Shkurt 2018 nga Këshilli i Rregullimit të Territorit, një strukturë e drejtuar nga kryeministri Edi Rama.
Leja është miratuar për shoqërinë “TDT & Partners”, me ortakë Glendi Abdi dhe Dajlan Avdia (mbiemra të ngjashëm me atë që përmendi Berisha në deklaratën e tij të javës së kaluar).
Në një tjetër dosje, që po trajtohet së fundmi nga SPAK-u për ngjarjet kriminale të disa viteve më parë në Elbasan, shfaqet sërish një episode i dyshimeve për transferimin e parave të krimit të organizuar në industrisë e ndërtimit në Tiranë.
Pak javë ma parë, Prokuroria e Posaçme lëshoi mbi 30 urdhër-arreste për anëtarët e grupit të dyshuar kriminal “Çopja”, por vetëm pak prej tyre u ndaluan.
Agjencia “Birn”, në një artikull të publikuar në 30 gusht 2024, raportoi, ndër të tjera, për aktivitetin ekonomik të këtij grupi, duke iu referuar të dhënave të dosjes gjyqësore.
Ndër të tjera, në artikull thuhej se “gjatë vitit 2020, kohë së cilës i përkasin bisedat e zhvilluara në SKY ECC, (Franc) Çopja dokumentohet të ketë sjellë në Shqipëri të paktën 7.5 milionë euro të thata, të cilat u investuan në ndërtimin e një pallati pranë Qendrës Spitalore Universitare “Nënë Tereza”, në blerjen e apartamenteve të shtrenjta në disa prej kullave të Tiranës, si dhe dy vilave në kompleksin “Mandarine Drive” pas qendrës tregtare TEG, e ndërtuar nga kompania e themeluar nga (Klajdi) Merkaj.
Sërish në vendimin gjyqësor thuhet se “Shtetasi Klajdi Merkaj evidentohet si një nga personat e besuar që mban dhe menaxhon vlera monetare të konsiderueshme cash për llogari të shtetasit Franc Gergely (Çopja)…”.
Kompleksi “Mandarine Drive” është një investim i kompanisë Merkaj 3 sh.p.k, ndërtuar në një nga zonat elitare të Tiranës, shumë pranë Qendrës Tregtare “TEG”.
Kompania ndërtuese është themeluar në vitin 2013 nga Klajdi Merkaj kur ishte vetëm 24-vjeç, me aktivitet tregtinë e gomave për mjetet e rënda të transportit. Në vitin 2017, Merkaj ia shiti aksionet vëllait të tij dhe kompania shënoi një ngjitje të beftë, duke u përfshirë në projektin e ndërtimit të kompleksit të vilave “Mandarine Drive”.
Dëshmitë e para thuajse-zyrtare për përfshirjen e parave të krimit në biznesin shpërthyes të ndërtimit në Tiranë janë dhënë disa vite më parë.
Dhe, si përherë, kur akuzat nga aktorë vendas përmbyten nga propaganda qeveritare, të dhënat që vijnë nga autoritetet e huaja janë gjithnjë “pilula” që kapërdihen më lehtë.
Në fund të janarit 2021, Prokuroria e Posaçme, SPAK, u detyrua nga opinioni publik të deklaronte nisjen e hetimeve për atë që konsiderohej si “afera e kullave të Ndrangheta-s” në Tiranë, pasi përgjimet e një hetimi të prokurorisë së anti-mafias së Katanzaros ngritën dyshime se klanin mafioz italian ishte përfshirë në ‘aferën” e lejeve të ndërtimit të kullave të larta në kryeqytetin shqiptar.
Antonio Gallo, një sipërmarrës Italian, i konsideruar në median e vendit të tij edhe si “Princi i Ndrangheta-s”, në komunikimet e përgjuara gjatë hetimit të anti-mafias, diskuton me një bashkëpunëtorin e tij, lidhur me mundësinë e përfshirjes në sektorin e ndërtimeve në Tiranë.
Ata janë të bindur se me rryshfet “20 përqind”, në kryeqytetin shqiptar mund të marrësh leje për pallate shumëkatëshe. Madje, ata flasin edhe për takime të kryera me njerëz “pranë” kryetarit të Bashkisë së kryeqytetit.
Pas më shumë se 4 vitesh, nga prokuroria SPAK nuk ka asnjë sinjal mbi këtë hetim, për të cilin shumë skeptikë kanë besuar që herët se nuk do të përfundoj me asnjë rezultat konkret./BoldNews
Foto ilustruese TIRANA- Kriza demografike në Shqipëri po vjen me efekte shumëdimensionale negative sidomos në treguesit e fertilitetit ...
Arrestimi SHKODRA- Një konflikt ka mes dy shoferëve të furgonave në Shkodër ka ndodhur ditën e sotme dhe shkak për ...
Të dënuarit BRITANI- Katër shqiptarët Dritan Meta, 43-vjeç, Ilir Kodra, 49-vjeç, Refik Skepi, 45-vjeç dhe Vis...
foto ilustruese GJIROKASTËR- Një parcelë me 63 bimë kanabis është gjetur sot në fshatin Fushëbardhë, n&eu...
pamje nga ngjarja LEZHË- Një aksident i katërfishtë është regjistruar ditën e sotme në aksin rrugor “Lez...
Foto ilustruese ITALIA- Një operacion policor me bashkëpunimin e DEA-s amerikane është zhvilluar në Romë. Sipas mediave ...
Foto nga vendi i ngjarjes ELBASAN- Administratori i fabrikës së prodhimit të plastikës në zonën e ish-kombinatit Metalur...
Kastriot Elezi dhe Ronaldo Metushi TIRANË- Itinerari i autorëve të atentatit ndaj Kastriot Elezit dhe Ronaldo Metushit, ësht&...
komshiu i familjes Balla DURRËS- Ngjarja e rëndë e cila u zbulua ditën e djeshme në Shënavlash tronditi të gjith&eu...
foto ilustruese POGRADEC- Një 53-vjeçar i dënuar me arrest shtëpiak për dhunë dhe armëmbajtje pa leje ësht&e...
