LIVE UPDATES
Aktualitet

Korporata e Investimeve pranon dështimin/ Anulohen tri projektet për stadiumet, nuk u paraqit asnjë investitor

Në dokumentet zyrtare të publikuara nga Korporata, të konsultuara nga ekofin.al, arsyeja është e njëjtë për të tri projektet: nuk u paraqit asnjë aplikant në datën dhe orën e caktuar për dorëzimin e ofertave.

13 Mars 2026, 11:38 Nga E. D

Korporata e Investimeve pranon dështimin/ Anulohen tri projektet për

DURRËS- Ajo që një vit më parë u prezantua me entuziazëm si “Rilindja e Infrastrukturës Sportive”, sot po mbyllet në heshtje burokratike. Korporata e Investimeve Shqiptare (AIC) ka publikuar së fundmi njoftime për anulimin zyrtar të tre procedurave për përzgjedhjen e partnerëve privatë për ndërtimin e stadiumeve të reja në Durrës, Vlorë dhe Korçë.

Në dokumentet zyrtare të publikuara nga Korporata, të konsultuara nga ekofin.al, arsyeja është e njëjtë për të tri projektet: nuk u paraqit asnjë aplikant në datën dhe orën e caktuar për dorëzimin e ofertave.

Thirrjet për këto projekte u hapën në korrik 2025 dhe afati përfundimtar për dorëzimin e ofertave ishte 30 shtatori i po atij viti. Megjithatë, vetëm tani, disa muaj më vonë, është bërë publik zyrtarisht fakti që procedurat kanë dështuar.

Në praktikë, kjo do të thotë se tri nga projektet më të bujshme të në fushën e infrastrukturës sportive nuk arritën të tërheqin as edhe një investitor të vetëm.

Projekti që premtoi stadiume futuriste

Plani u prezantua si një transformim i madh urban për tri qytete kryesore të vendit: stadiumi “Niko Dovana” në Durrës, stadiumi “Flamurtari” në Vlorë dhe stadiumi “Skënderbeu” në Korçë.

Qeveria organizoi një konkurs ndërkombëtar arkitekture dhe shpalli fitues studio prestigjioze ndërkombëtare. Konceptet e prezantuara synonin të shkonin shumë përtej një stadiumi tradicional, duke krijuar komplekse të mëdha urbane me kulla banimi, hotele, hapësira tregtare dhe parqe publike.

Modeli ekonomik ishte ai i përdorur për stadiumin “Air Albania” në Tiranë: shteti ofron tokën dhe të drejtat zhvillimore, ndërsa privati financon ndërtimin e stadiumit duke përfituar nga zhvillimi imobiliar përreth.

Në teori, formula dukej e thjeshtë. Në praktikë, rezultoi e pazbatueshme.

Asnjë investitor, asnjë ofertë

Dokumenti i anulimit i publikuar nga Korporata e Investimeve Shqiptare për stadiumin e Durrësit e thotë shqip: procedura u anulua pasi nuk u paraqit asnjë aplikant. E njëjta formulë përsëritet edhe për Vlorën dhe Korçën.

Pra, tri projekte të prezantuara si investime strategjike për qytetet kryesore të vendit nuk arritën të zgjojnë interesin e tregut.

Kjo thekson hendekun mes retorikës dhe realitetit ekonomik të këtyre projekteve.

Pse dështoi modeli i stadiumeve

Dështimi nuk lidhet me mungesën e kapitalit në tregun shqiptar, por me matematikën e thjeshtë financiare.

Modeli i përdorur funksionoi në Tiranë për një arsye të qartë: vlera e pasurive të paluajtshme në kryeqytet është shumë më e lartë dhe tregu absorbon shpejt zhvillime të mëdha rezidenciale apo tregtare.

Në qytete si Durrësi, Vlora apo Korça, situata është ndryshe.

Ndërtimi i një stadiumi modern me standarde europiane kërkon dhjetëra milionë euro investim. Ky investim duhet të rikuperohet nga zhvillimet imobiliare përreth. Por tregjet lokale nuk kanë kapacitetin për të absorbuar shpejt volume të mëdha ndërtimi me çmime që justifikojnë një projekt të tillë.

Për investitorët privatë, rreziku është shumë i lartë: stadiumi vetë nuk gjeneron të ardhura të mjaftueshme dhe kostoja e tij mbetet një barrë që duhet kompensuar nga pjesa komerciale e projektit.

Në mungesë të garancive shtetërore apo një forme bashkëfinancimi publik, projekti thjesht nuk rezulton ekonomikisht i leverdishëm.

Arkitektura spektakolare, ekonomia zero

Ironia e gjithë kësaj historie është se projektet arkitekturore u prezantuan me shumë bujë.

Studioja belge 51N4E fitoi konkursin për stadiumin e Durrësit me një koncept që e shndërronte kompleksin në park urban të hapur.

Studioja belge XDGA propozoi një projekt avangardë për stadiumin e Vlorës, të integruar me hoteleri dhe zhvillime luksi.

Ndërsa studioja daneze CEBRA projektoi për Korçën një kompleks sportiv të integruar me natyrën dhe urbanistikën e qytetit.

Sot, këto projekte mbeten vetëm rendera 3D dhe makete arkitekturore, pa asnjë investitor që të marrë përsipër ndërtimin.

Dështimi që u pranua me vonesë

Një tjetër element problematik është mënyra si u komunikua ky zhvillim.

Afati për ofertat përfundoi në fund të shtatorit 2025, por vetëm tani janë publikuar njoftimet e anulimit të procedurave nga ana e Korporatës.

Në vend të një transparence të menjëhershme për mungesën e interesit nga tregu, procesi u la në heshtje për muaj të tërë.

Ndërkohë, në komunikimet zyrtare dhe materialet promocionale, thirrjet për investitorë vijonin të paraqiteshin si projekte “të hapura” ose “në vazhdim”./ekofin

Sondazh

Poll
MË SHUMË

Filmi The Princess Diaries 3 nuk është anuluar, çfarë tha aktorja Anne Hathaway?

Filmi The Princess Diaries 3 nuk është anuluar, çfarë tha aktorja Anne Hathaway?

Fotoja e djalit të porsalindur të Zëvendëspresidentit J.D. Vance publikohet nga Donald Trump

Do mbështesim njëri-tjetrin si miq, deklarata e Jessie J për ndarjen nga Chanan Coleman

Të shtëna me armë zjarri në Elbasan, plagosen tre persona

Mbyllen fjalimet, nis marshimi në rrugët e kryeqyetit: Rama jepe dorëheqjen!

Aktivisti: Nuk jemi nazistë, por jemi shqiptarë të cilët po largohemi çdo ditë

Protestuesi: Kërkojmë largimin e një qeverie dhe një kryeministri të korruptuar

Aktivisti: Më datë 23 të gjithë para Parlamentit, t’u themi se nuk na përfaqësoni

Dita e 51-të e revoltës/ Protestuesit marshojnë nga sheshi “Skënderbej” drejt Kryeministrisë

“Kryeministri bridh, Taulanti vendos”/ Qytetari: Dalim në protestë për skandalet e qeverisë

Labinot Tahiri mban premtimin, do të ndajë 150 euro me djalin e të ndjerit Shpat Kasapi

Zjarr përgjatë autostradës Fier–Vlorë, vështirësohet qarkullimi i automjeteve

Pse Bebe Rexha u komentua gjerësisht për performancën e saj në Los Angeles për Kupën e Botës?

Yjet që dhuruan spektakël në finalen e kupës së botës

Përplasje mes Bardhit dhe Peleshit: Ky precedent nuk i vlen askujt, si mund ta bllokosh Kuvendin

"Më shiko në sy Sali"/ Çaushi- Berishës: Dezinformove për reformën dhe për shtëpinë time

Bie zjarr në zonën e Ujit të Ftohtë, flakët favorizohen nga era dhe temperaturat e larta

Tensione në Kuvend, deputetët e PD bllokojnë foltoren, ndërpritet seanca plenare

Rama: Protestat për mjedisin janë arritje e madhe për shoqërinë

"Dyfishohet mbështetja për fëmijët me aftësi të kufizuara"/ Rama: Shteti do të paguajë sigurimet

‘O shoku kryetar! Alooo!’ Peleshi përplaset me Korreshit: S’është festivali folklorik!

"Më shiko në sy Sali"/ Zegjineja- Berishës: Dezinformove për reformën dhe për shtëpinë time

Balla- Muçit: Vazhdoj të të quaj sorrë... flamingot e vërteta e braktisën llumin e kënetës

"Edi Rama spak you"/ Erald Kapri shpërthen në Kuvend: Nuk e shmangni dot thirrjen e protestuesve

Çështja Partizani/ Ish-presidenti Bamir Topi thirret si dëshmitar në SPAK

Berisha- Peleshit: Vasal i Ramës dhe armik i integrimit! Peleshi i heq fjalën: Mu drejto me etikë

Policia largon me forcë ish-luftëtarët e UÇK-së, Dritan Goxhaj dhe Meçan Zotaj

Gjyqi për ‘Partizanin’/ Berisha: Procesi është ngritur mbi një piramidë të shembur mashtrimi!

Protesta para Kuvendit/ Qytetarët zhvendosen në hyrjen kryesore, presin të mbërrijnë deputetët

Berisha denoncon: Presidenti do të dekorojë Irena Gjokën me titullin ‘heroinë e Partisë Socialiste’

Berisha jashtë SPAK: Kushtetuesja është zotuar për të mos shqyrtuar çështjen time

Berisha tregon mesazhin: Dumani është avokati i narkoshtetit, drejtësia vonon, por nuk harron

Në zbatim të masës “detyrim paraqitje”, Berisha paraqitet në SPAK

Tensione në Komisionin e Jashtëm! Debatet e forta mbi deklaratën e ministres serbe për Kosovën

Nesër protestë para Kuvendit! Paralajmëron protestuesi: Më 23 tubimi i madh

Protestuesi: Nuk ndalojmë deri në largimin e atij që është strukur në Kryeministri

Nis marshimi drejt Kryeministrisë, protestuesit bëjnë thirrje për dorëheqjen e kryeministrit

Dita e 50-të e protestës/ Nis grumbullimi në sheshin "Skëndërbej"

Kryeministri Rama kryen nderimet në homazhet për gazetarin Enrik Mehmeti

Emigrantët bllokohen në pikën kufitare mes Kroacisë dhe Serbisë, kërkojnë informacion

Pesë turistë gjermanë mbetën të bllokuar në Karaburun, ekipet e shpëtimit bënë të mundur gjetjen

Cili ishte shkaku i vdekjes së aktores së njohur turke Ece Irtem?

Fëmijët e birësuar të Brad Pitt nisin procedurat për të mos mbajtur mbiemrin e të atit

Ish-drejtoresha e filialit të Postës së Durrësit u la në burg/ Avokati: Vendim absurd

Kuvendi Kombëtar i Protestës/ Folëses i merret mikrofoni nga dora: Edi Rama të japë dorëheqjen

Tentoi te merrte pjesë në Kuvendin Kombëtar të protestës/Selami Jenisherin nxirret jashtë

Berisha: Do bëjmë gjithçka për të paraqitur realitetin shqiptar pranë Komisionit Evropian

Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës

Berisha: Rama nuk e dënon ministren monstër të Beogradit sepse është vasal i Vuçiçit

Berisha: Ftoj çdo demokrat që të marrë pjesë në protestë dhe të bëjë gjithçka për suksesin e saj

Shiko video te tjera