"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Prezantohet për herë të parë edhe e drejta për të harruar, e cila i jep të drejtën një personi që të kërkojë të fshihet nga motorët e kërkimit në internet nëse dëshiron apo informacioni ka ndikim negativ për të. Po ashtu, ka një nen lidhur me të çështjen e të ashtuquajturve ‘patronazhistë’.
TIRANË- Skandalet me daljen e të dhënave personale që kanë tronditur vendin dy vitet e fundit, pasi dolën pagat, numrat e telefonit, targat etj, ka bërë që qeveria shqiptare të propozojë disa ndryshime në ligjin “Për mbrojtjen e të dhënave personale”, për të forcuar më shumë mekanizmat mbrojtjës por edhe për të dënuar shkelësit. Për të diskutuar këto ndryshime në projektligj sot u zhvillua në Tiranë një takim konsultues. Në projektligjin e depozituar forcohet roli i Komisionerit për Mbrojtjen e të Dhënave Personale. E po ashtu, prezantohet për herë të parë edhe e drejta për të harruar, e cila i jep të drejtën një personi që të kërkojë të fshihet nga motorët e kërkimit në internet nëse dëshiron apo informacioni ka ndikim negativ për të. Po ashtu, ka një nen lidhur me të çështjen e të ashtuquajturve ‘patronazhistë’. Në ligjin e ri parashikohet që partitë politike nuk kanë të drejtë të përpunojnë të dhënat, përveçse të anëtarëve apo ish-anëtarëve të tyre.
“Me kusht që të zbatohen masa të përshtatshme për mbrojtjen e të drejtave themelore dhe interesave të subjekteve të të dhënave, lejohet përpunimi i të dhënave sensitive në rastet kur: është i nevojshëm për veprimtarinë e ligjshme të organizatave jofitimprurëse politike, filozofike, fetare dhe sindikaliste, me kusht që përpunimi të lidhet vetëm me anëtarët ose ish-anëtarët e organizatës ose me persona që kanë kontakte të rregullta me të në kuadër të veprimtarisë së saj, si dhe që të dhënat personale të mos përhapen jashtë organizatës pa pëlqimin e subjekteve të të dhënave”, thuhet në nenin 9, pika 2 shkronja d e projektligjit.
NJOFTIMI I PLOTË:
Ndryshimet e projektligjit “Për mbrojtjen e të dhënave personale” në raport me ligjin në fuqi Nr.9887, datë 10.3.2008 “Për mbrojtjen e të dhënave personale”. Ndryshimi i parë lidhet me përmirësimin e përkufizimit të termave të përdorur në projektligj, si dhe në prezantimin e termave të reja. Konkretisht, në një nga termat më të rëndësishëm në fushën e mbrojtjes së të dhënave personale është pëlqimi. Përkufizimi i këtij termi ka ndryshuar në mënyrë tillë që si pëlqim të merret çdo element tregues të vullnetit të subjektit të të dhënave, të dhënë lirisht, të informuar dhe të qartë nëpërmjet të cilit ai, me anë të një deklarate ose me një veprim të qartë pohues, shpreh dakordësinë për përpunimin e të dhënave personale që lidhen me të, për një ose më shumë qëllime specifike. Ndërkaq, janë prezantuar terma të reja në projektligj si, përpunimi i mëtejshëm, të dhënat e pseudonimizuara, si dhe shtimi i kategorive të të dhënave sensitive.
Në drejtim të të drejtave të subjekteve të të dhënave, projektligji jo vetëm që përmirëson dhe zgjeron të drejtat e tyre të parashikuara nga ligji në fuqi, por parashikon për herë të parë edhe të drejta të reja si e drejta për t’u harruar dhe e drejta për transferueshmërinë e të dhënave. Gjithashtu, parimet dhe kriteret për përpunimin e të dhënave personale edhe pse mbeten të njëjta, përshkruhen në mënyrë më të detajuar dhe të hollësishme. Në funksion të mbrojtjes efektive të të dhënave personale, krahas detyrimeve të parashikuara nga legjislacioni aktual parashikohen edhe detyrime të reja për kontrolluesit dhe përpunuesit si: kryerja e vlerësimit të ndikimit në mbrojtjen e të dhënave personale përpara fillimit të një procesi përpunimi, detyrimi për tu konsultuar paraprakisht me Komisionerin përpara fillimit të përpunimit të dhënave, në rast se ky përpunim rezulton me rrezik të lartë për subjektin e të dhënave, detyrimi për emërimin e një nëpunësi të mbrojtjes së të dhënave, si dhe prezantimi për herë të parë i kodeve të sjelljes dhe mekanizmave të certifikimit.
Në ndryshim nga ligji aktual i cili nuk përmban parashikime të posaçme, me këtë projektligj parashikohen për herë të parë rregulla mbi përpunimin e të dhënave personale nga autoritetet kompetente për sigurinë publike ose kombëtare dhe për parandalimin dhe ndjekjen e veprave penale. Një ndryshim thelbësor që sjell ky projektligji është rishikimi i mandati dhe kompetencave të Komisionerit në interes të pavarësisë së tij dhe ushtrimit të funksionit për mbikëqyrjen e zbatimit të ligjit duke parashikuar për herë të parë, kompetenca ndihmëse, hetimore dhe korrigjuese.
Projektligji prezanton një sistem të ri sanksionesh administrative për shkeljen e dispozitave të tij duke rritur në mënyrë të konsiderueshme masën e gjobës, e cila unifikohet me masën e gjobës që zbatohet nga vendet e Bashkimit Europian, si një tregues i qartë për rëndësinë që ka mbrojtja e të dhënave personale dhe zbatimi i detyrimeve që burojnë nga kuadri ligjor në këtë fushë
Ndërkohë që ligji parashikon edhe gjoba shumë më të mëdha për shkelësit e të drejtave. Një gjobë e madhe që shkon deri në 2 miliardë lekësh, ose deri në 4% të xhiros totale vjetore është për të gjitha ata që nuk respektojnë vendimet e Komisionerit për Mbrojtjen e të dhënave apo refuzojnë bashkëpunimin me të. Pra personat që thyejnë ligjin për mbrojtjen e të dhënave personale do të përballen me gjoba më të larta se më parë. Këtë parashikojnë ndryshimet në projektligjin për mbrojtjen e të dhënave personale, ku mendohet të vendoset një sistem i ri masash administrative. Masa e gjobës do të jetë e njëjtë si ajo që zbatohet nga vendet e Bashkimit Europian.
Ilir Alimehmeti TIRANË- Mjeku Ilir Alimehmeti është shprehur optimist për rezultatet e studimeve të fundit në lidhj...
Foto ilustruese MILOT- Është rikthyer në vëmendja ngjarja e rëndë e ndodhur në 19 nëntor të vitit 2019 n&...
Momenti i shoqërimit në Komisariat FIER- Florjan Shurdhi, një emër i njohur për policinë për shkak të për...
Sekuestro KUKËS- Policia e Kukësit ka vënë në pranga një 21-vjeçar nga Kosova pasi tentoi të korruptonte një...
Foto ilustruese DIBËR- Një 24-vjeçar i identifikuar me inicalet D.K ka rënë në prangat e Policisë së Dibrës ...
Dritan Kalo TIRANË- Mjeku infeksionist, Tritan Kalo, ka ngritur shqetësimin dhe ka rikujtuar qytetarët që të kenë kujdes ndaj...
Foto Ilustruese TIRANË- Xhaxhai i 17-vjecarit i cili u gjet i mbytur një ditë më parë në gropën ujëmbledhëse t...
Policia italiane ITALI- Një sherr masi ka ndodhur pasditen e djeshme ku gjashtë shqiptarë janë zënë me njëri-tjetri...
Moti TIRANË- Gjatë orëve të para të ditës deri në mesditë vendi ynë do të jetë në mbizot&e...
E moshuara SHKODËR- Një familje në gjak në Shkodër është strehuar në një prej konvikteve të qytetit p&eum...
