Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Përpara hetuesve vendas, biznesmeni Guido Bertola ka treguar se dy të rinj me motor i kanë ndjekur derisa, në një moment, e kanë ndaluar makinën nën kërcënimin e armës.
Alban Gropçaj ishte një 28-vjeçar shqiptar me banim në Itali, që më 18 shkurt të vitit 2019 u vra në rrethana ende të paqarta, ndërsa udhëtonte me makinë bashkë me një mikun e tij biznesmen italian. Ngjarja që i mori jetën të riut ndodhi në një rrugë të periferisë së Fortalezës, në Brazil.
Përpara hetuesve vendas, biznesmeni Guido Bertola ka treguar se dy të rinj me motor i kanë ndjekur derisa, në një moment, e kanë ndaluar makinën nën kërcënimin e armës. Guido, që ishte në timon, është tërhequr zvarrë jashtë mjetit dhe pak çaste më vonë ka dëgjuar një të shtënë. Pasi është ringritur, ai ka parë motorin të largohej me shpejtësi, ndërsa pak metra më tej ka vënë re Albanin pa shenja jete. Një ditë më pas, Bertola merret në pyetje nga hetuesit dhe arrestohet menjëherë, duke u akuzuar si personi që kishte organizuar vrasjen e mikut të tij shqiptar. Si bashkëorganizatore e vrasjes akuzohet edhe Silvia De Souza, e dashura braziliane e Guidos.
Por një muaj pas vrasjes, gjërat ndryshojnë. Dëshmitari kyç ndryshon deklaratat dhe Guido lirohet nga burgu, për t’u kthyer menjëherë në Itali. Po kush ishte ky dëshmitar kaq i rëndësishëm për akuzën, i cili më pas u tërhoq? Bëhet fjalë për Hoze De Souza, i cili punonte roje në vilën e biznesmenit italian në Fortaleza. Menjëherë pas ngjarjes, Hoze i kishte rrëfyer hetuesve brazilianë se si në janar 2019, pra një muaj përpara krimit, Guido i kishte dhënë atij një zarf me para për t’ia dorëzuar Romarios, kushëririt të tij dhe të Silvias, i cili – sipas dëshmisë së parë të De Souzës – ishte paguar për të vrarë Albanin.
Gjithashtu, hetuesit kishin edhe një element tjetër shumë të rëndësishëm për të akuzuar 66-vjeçarin dhe të dashurën e tij braziliane: dëshminë e Tarcizo Perreirës, një zotërie që jeton pak metra nga vendngjarja. Në dëshminë e tij, Perreira tregon se, ndërsa kthehej në shtëpi me makinë, ka vënë re në të djathtë të rrugës një motorçikletë me dy persona. Sapo ka hyrë në garazh, ka dëgjuar të shtëna. Ai ka vrapuar menjëherë jashtë dhe ka parë motorin të largohej me shpejtësi. Pas kësaj dëshmie, policia ka ngritur pyetjen: pse dy personat në motor qëndronin në pritje? A mos vallë po prisnin të vinte makina për të cilën ishin njoftuar më përpara?
Dëshmitari okular Perreira shton gjithashtu se, kur ka dalë në rrugë dhe i është afruar Guidos, i cili ndodhej pranë trupit të pajetë të Albanit, 66-vjeçari nuk dukej aspak në gjendje shoku apo dëshpërimi, siç do të ishte natyrshëm për çdo person në një situatë të tillë.
Por le të rikthehemi pas në kohë, 45 ditë përpara vrasjes së Albanit, në vizitën e parë të tij bashkë me Guidon në Brazil. Të dy miqtë ndodheshin brenda vilës në pronësi të familjes Bertola. Pak më tej, në një tjetër banesë, ndodhej Silvia, e dashura e biznesmenit, së bashku me burrin e saj. Në rrethana ende të paqarta, ky i fundit zbulon lidhjen jashtëmartesore të gruas dhe e përzë menjëherë nga shtëpia. Nga celularët e sekuestruar nga policia pas vrasjes, mësohet se Silvia e kishte informuar Guidon për atë që kishte ndodhur në shtëpinë e saj.
Dialogu në chat:
– “Tani çfarë të bëj?” – pyet Silvia.
– “Rri e qetë. Hajde qëndro tek ne,” – përgjigjet Guido.
– “Zemër, kam frikë nga Albi. Kam frikë se mund të më bëjë keq. Dërgoje në djall,” – shton ajo.
– “Nuk duhet të kesh frikë, jam unë. Eh, sikur të mund ta bëja,” – vazhdon Guido.
Gjatë marrjes në pyetje nga hetuesit, Guido ka dhënë një version sa të pabesueshëm, aq edhe fyes për viktimën:
“Ai kishte shumë borxhe nga bixhozi, shkonte shpesh në Torino.”
Pra, Albani paskësh pasur borxhe në Itali dhe dikush paska udhëtuar deri në Brazil për ta vrarë? Vërtet e vështirë për t’u besuar.
“Ne nga veriu kemi traditat tona. Ata na e morën vëllain dhe na e vranë pabesisht në Brazil. Nëse drejtësia nuk vepron, nuk na mbetet gjë tjetër veçse kanuni.”
Ky reagim i ashpër i vëllait të Albanit vjen jo vetëm nga fakti që Guido Bertola u la i lirë duke u kthyer në shtëpi, por edhe për shkak të alibisë aspak të besueshme që hedh baltë mbi viktimën.
Sidoqoftë, nuk duhet harruar se italiani 66-vjeçar vazhdon të jetë i akuzuar nga prokuroria braziliane bashkë me të dashurën e tij, Silvia De Souza./ Piranjat.al
Foto nga vendngjarja ZVICËR- Një ngjarje e rëndë ka ndodhur mbrëmjen e së shtunës para klubit Rinora4 në R&uum...
Foto ilustruese TIRANA- Policia e Shtetit ka marrë masa të shtuara për garantimin e sigurisë gjatë procesit zgjedhor, duke v&...
Foto ilustruese BERAT- Një 43-vjeçar humbi jetën këtë pasdite në fshatin Duhanas të Beratit, pasi ra aksidentalisht ng...
Foto ilustruese GREQI- Një krim i rëndë u zbulua pasditen e kësaj të premteje në Greqi, kur një shqiptar u gjet i prango...
Florant Nako ANGLI- Një ish-drejtor banke, i akuzuar për grabitjen e parave të një klienti në vitet 2018 dhe 2019, është...
Vilat lusoze duke u shembur TIRANA- Një bllok vilash 2-3 katëshe në ndërtim në zonën e Farkës në Tiranë u...
Foto ilustruese KAKAVIJË- Dy persona u arrestuan nga Policia në Kakavijë, pasi tentuan të fusnin në Shqipëri lënd&e...
Eva Ndoja, foto ilustruese ZVICËR- Media zviceriane Neue Zuercher Zeitung raporton se këngëtarja shqiptare Eva Ndoja ësht&eum...
Foto ilustruese LEZHË- Prokuroria e Posaçme Kundër Korrupsionit dhe Krimit të Organizuar (SPAK) ka dërguar për gjykim...
Foto ilustruese TIRANA- Janë zbardhur detaje të reja nga vrasja makabre, e picierit Indrit Islamllari, i cili u godit disa herë me thikë...
