Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Por, 18 banesa nuk u rindërtuan dhe këto familje vijojnë të jetojnë si në mesjetë. Aktualisht, asnjë ndihmë, qoftë për rindërtimin apo për bonusin e qirasë të hequr prej 10 muajsh.
RROGOZHINË- Shteti akordoi miliona euro për rindërtimin e banesave të prishura nga tërmeti në Rrogozhinë. U bë tenderi dhe firma bëri disa shtëpi. Por, 18 banesa nuk u rindërtuan dhe këto familje vijojnë të jetojnë si në mesjetë. Aktualisht, asnjë ndihmë, qoftë për rindërtimin apo për bonusin e qirasë të hequr prej 10 muajsh. Grupi i “Fiks Fare” udhëtoi në fshatin Kaçaj në Rrogozhinë, por rruga ishte e shkatërruar, me gropa të mëdha.
Shumë e vështirë për të kaluar. Ishte vetëm 6 kilometër e gjatë, nga fshati Sinaballaj deri në Koçaj. Familja Daja e këtij fshati i ishte drejtuar emisionit investigativ për shkak të banesave të prishura nga tërmeti i datës 26 nëntor 2019. Megjithëse jemi futur në vitin e 5-të, ku këto familje janë në qiell të hapur, ende dy shtëpitë e këtyre familjeve në këtë fshat nuk janë rindërtuar.
“Qysh në 2019 jemi në siklet për shtëpitë e prishura. Në fillim me çadra, më pas na dhanë një bonus qiraje. Na e prenë. Tani jetojmë te këto barakat. Unë jam aplikanti i parë. Bëra letrat. Tani po dal i fundit. Jemi me fëmijë të vegjë. 4 ka djali tjetër, 1 ky që jam unë. Shkojmë në bashki, do bëhet sot e nesër, asnjë gjë. Njëherë më thanë do bëhen këtu. Njëherë më poshtë. I marr edhe në pallat. Nëse kam 3 dhoma, më jepni dy. S’kam kundërshtim. Vetëm të futen fëmijët brenda. Jemi në hall”, thotë Nazmi Daja.
Më tej, pohon se fillimisht mori shtëpi me qira në Rrogozhinë.
“Te Bashkia na thanë se njëherë i ka marrë për t’i ndërtuar një firmë, dhe ka refuzuar se gjoja s’ka rrugë. Ai fondi jonë tani është te Fondi i Zhvillimit. Këta thonë kanë bërë kërkesë. Këto kanë bërë kërkesë para 1 muaji. Deri më sot jemi skandal. Ne s’duam të ikim, se u bë vendi i shkretë. Ushqehemi këtu. Ne po na largon vetëm rruga. Njerëzit janë larguar, më shumë prej rrugës. Është vetëm 6 kilometër nga Sinaballaj. Shtëpia poshtë është e djalit, e Alketit. Si Alketi edhe Nazmiu kërkojmë që ose t’na bëhet shtëpia ose të shkojmë andej poshtë. Vetëm të fusim kokën, jemi në siklet të madh. Ne nëse s’bëhet rruga ose shtëpia, jemi jashtë”, pohon Nazmiu.
Fiksi bisedoi edhe me zonjën Edlira Daja.
“Kam 4 fëmijë, banoj në fshatin Koçaj te kjo dhomë” thotë ajo. Në fakt, është një barake e sajuar me dërrasa, ju jetojnë 6 vetë. Atje gatuajnë, qëndrojnë dhe flenë. Tualetin e kanë jashtë në natyrë. “Na u shemb shtëpia nga tërmeti që në 2019 dhe jetojmë këtu ku jem. Ajo u shemb. Bonusin e kemi marrë dhe tani është prerë. Ne këtu jemi si mos më kaq. Fëmijët kanë tekat e veta. Shyqyr që i çon vjehrri në shkollë se ne do rrinim pa shkollë. Fëmija i vogël është 8 muajsh. Ka lindur te këto baraka. Kam 4 djem, më i madhi 9 vjeç. Është shumë e vështirë të jetosh këtu, si mos më keq. Fëmijët flenë te krevati dykatësh. Për të gatuar këtu te soba. Ne na kanë thënë që do ti bëjmë, por deri tani asnjë gjë”, përfundon ajo.
Gazetarët e Fiks Fare shkojnë në Bashkinë Rrogozhinë, ku bisedojnë me z. Rezart Vogli, me detyrë drejtor i Financave dhe Shërbimit Social.
“Nga ana e Bashkisë Rrogozhinë, familjet e prekura nga tërmeti i datës 26 nëntor 2019 janë trajtuar me bonus qiraje deri në muajin mars 2023. Nga marsi e këtej është ndërprerë bonusi për të gjithë familjet e prekura besoj në shkallë republike”, thotë drejtori. Ai thotë se, nga informacionet që ka, bonusi është hequr për të gjitha bashkitë e prekura nga tërmeti.
“Në lidhje me rindërtimin e banesave, pasi familja Daja ka qenë përfitues i grantit të parë të rindërtimit, projekti është ndjekur fillimisht nga Fondi Shqiptar i Zhvillimit, nëpërmjet dy-tre operatorëve kontraktues. Nga ana e Bashkisë Rrogozhinë janë bërë shkresa të vazhdueshme për 18 familje që FSHZH të rikthejë grantin dhe pastaj bashkia të vijojë me procedurat. Shkresa e fundit mban datën 10.11.2023 dhe për dy personat që bëhet fjalë, janë numri rendor 16 dhe 17”, pohon z. Vogli, i cili saktëson se i kanë kërkuar FSHZH-së që të kthejë fondin.
Sipas dokumentit të Bashkisë Rrogozhinë, është bërë një tender me objekt “rindërtimi i 149 banesave individuale, ndërtimi dhe rikonstruksioni i infrastrukturës publike dhe çdo ndërhyrje tjetër në funksion të tyre”, me vlerë 395 milionë lekë pa TVSH. Nga ana e firmës nuk u ndërtuan disa banesa individuale. Në këtë shkresë, bashkia shkruan se “kërkojmë nga Fondi Shqiptar i Zhvillimit fondin për objektet e pa ndërtuara sipas listës së mëposhtme”. Në listë janë 18 banesa, ku 2 banesa janë në Bashkinë Rrogozhinë. 12 banesa janë në Njësinë Administrative Lekaj, 1 në fshatin Gosë dhe 3 në Njësinë Sinaballaj.
Fiks Fare iu drejtua me një kërkesë për informacion Fondit Shqiptar të Zhvillimit. Në përgjigje, ky institucion thotë se ka pasur disa procedura rindërtimi. Një ndër to, e zbatuar në Rrogozhinë ka qenë për rindërtimin e banesave në të njëjtin truall. Kjo kontratë është lidhur mes FSHZH-së dhe firmës “Gjikuria” në nëntor të vitit 2020 për 148 banesa. Fondi thotë se numri i shtëpive për t’u rindërtuar në të njëjtin vend ka pasur përditësime dhe për rrjedhojë ndryshimeve të kontratave. Madje, ka pasur problematika në Rrogozhinë si mungesë infrastrukture, rrugësh, më shumë familje në një godinë, më shumë banesa në të njëjtin kulm apo edhe probleme pronësie.
FSHZH-ja thotë se ka përfunduar ndërtimi për 102 banesa nga 206 të tilla në Rrogozhinë. Më tej shkruajnë se lista me 104 banesa që s’do të ndërtohen i është dërguar Bashkisë së Rrogozhinës. Në këtë listë janë edhe familjet e z. Nazmi dhe Alket Daja. Në fund, pa përmendur nëse fondi do t’i kalojë apo jo Bashkisë, FSHZH-ja thotë se Bashkia e Rrogozhinës të vijojë më tej dhe të ndjekë të gjithë hapat ligjorë për trajtimin e përfituesve nga Programi i Rindërtimit.
Pra, prej 4 vitesh, ka pasur vetëm letër-këmbime mes dy institucioneve. Njëra e pushtetit qendror dhe tjetra e pushtetit lokal. Në fund, ata që e pësojnë, janë banorët e thjeshtë, ata më të varfrit, të cilët vijojnë të jetojnë në qiell të hapur, si në mesjetë!
Ndërkohë, disa ditë më vonë, në redaksinë e Fiks Fare, u ankua një tjetër familje në Rrogozhinë. Bëhet fjalë për familjen e z. Fiqiri Kullolli, nga fshati Gosë e Vogël. Grupi i Fiks Fare udhëtoi në atë fshat, duke biseduar me kryefamiljarin.
“Shtëpia s’është rindërtuar. Më thonë s’ka fonde. Jemi në mëshirë të fatit. Ne tani rrimë te kjo shtëpia e vëllait. Edhe kjo gati për t’u shembur është. Tokën e kam bërë sipas ligjit me certifikatë. Tani se nga vjen pengesa s’e di. Njëherë na thonë s’ka fonde, njëherë i ka bllokuar SPAK-u. Një do bëhet, një do presë. Njëri puna jote ka marrë fund. Disave ia kanë rindërtuar. Shtëpinë e kam pasur të vjetra, pa letra”, thotë Fiqiriu.
Më tej shton se disa të tjerëve iu është bërë, edhe atyre që nuk jetojnë në atë fshat, por kanë pasur banesa të vjetra.
“Njëri jeton në Durrës dhe i është bërë. Mua jo! Imë se ku del preteksti! Tani unë këtu banoj te shtëpia e vëllait. S’kemi ku të shkojmë. Bonusin kemi 11 muaj që s’marrim. Pata marrë 95 mijë e 500 lekë. S’ke ku të ankohesh. Ne jetojmë 4 veta, unë gruaja, djali dhe goca. Mos më keq”, vijon ai, duke treguar edhe shtëpinë ku jetojnë, gati për t’u shembur.
Fiksi shkon në atë banesë. Është një ndërtesë shumë e vjetër. Një pjesë e çatisë është mbuluar me plastmas. Pikon gjithandej.
“Tani edhe kjo kur të na zërë poshtë. Tani presim kur të shembet edhe kjo. Vetëm 1 dhomë kemi, s’kemi ku të shkojmë. Shikoje edhe atë tavanin, duke rënë. Kanë gati 70 vjet që janë bërë, do t’na zërë këtu brenda. S’na e zgjidh asnjë këtë hall. Unë kërkon vetëm të më rindërtohet shtëpia. Tani se nga vjen pengesa, s’e di! Kemi frikë të jetojmë, po ku të shkojmë?! Të gjitha gati janë për të rënë edhe kjo që rrimë. Po të luaj ndonjë tërmet tjetër ra e gjitha”, thotë Fiqiriu, teksa tha se janë 4 frymë, burrë e grua, djali 20 vjeç dhe vajza në vit të dytë të gjimnazit.
Marrë nga Top Channel
Dervish Hasi TIRANË- Dervish Hasi, mjeku kirurg që u arrestua sot për prostitucion dhe abuzim seksual, promovohej për punën e...
Dervish Hasi TIRANË- Detaje të reja kanë dalë nga ngjarja e rëndë në Tiranë ku një 42-vjeçar shfry...
Dervish Hasi TIRANË- Detaje të reja janë zbuluar në lidhje me arrestimin e Dervish Hasit, i cili shfrytëzonte për prostitucio...
Dervish Hasi TIRANË- Fotoja e mëposhtme është e 42-vjeçarit që u arrestua ditën e sotme për prostitucion. M&...
Foto ilustruese TIRANË- Një 42-vjeçar me inicialet D. H. është vënë në pranga nga policia pasi akuzohet se ka shf...
Foto ilustruese MAL I ZI-Vetëm 26 vjeç, Xhonatan Pajo nga Poshnja e Dimalit, rezulton një vrasësit më të rinj në treg...
Foto ilustruese TIRANË- Aksidentet rrugore që ndodhën në dhjetor janë rritur ndjeshëm në krahasim me të njëjti...
Foto ilustruese PUKË- Mesditën e sotme është regjistruar një aksident në fshatin Hadroj në Pukë. Ngjarja ka ndodhur...
TIRANË- Në një deklaratë për mediat, Gjykata vlerësoi rolin e avokatëve dhe theksoi se ata duhet të luajnë rol m&...
elton qyno TIRANË- Komiteti i të Drejtave të Njeriut në OKB, ka kërkuar mbrëmjen e djeshme nga Shqipëria pezullimin e m...
