Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Baba Mondi thotë se shteti në fjalë do të jetë një shtet vërtet i vogël shpirtëror dhe administrativ, por me zemër të madh.
TIRANA- Kryegjyshi Botëror Bektashian, Haxhi Dede Edmond Brahimaj, i njohur si Baba Mondi ka dhënë një intervistë për AFP ku ka folur për idenë e krijimit të një shteti "Bektashi". Baba Mondi thotë se shteti në fjalë do të jetë një shtet vërtet i vogël shpirtëror dhe administrativ, por me zemër të madh. Ai thotë se ky shtet nuk do të ketë as polici, as ushtri, as taksa, por do të jetë shpirtëror.
Baba Mondi shton se e gjithë bota do të mund të shohë dritën e bektashinjve. Sipas tij, kudo ku janë, bektashinjtë kanë shprehur gjithmonë dashuri, bujari dhe respekt për njerëzit si krijesat më të përsosura në këtë botë. Baba Mondi thotë se janë kundër konflikteve të shkaktuara nga ekstremistët, dhe janë për paqen dhe dashurinë.
Artikulli i plotë:
Vitin e kaluar kryeministri Edi Rama hodhi idenë për krijimin e një “shteti bektashi”. Madje kryeministri tha se ky shtet do të shtrihet brenda kufinjve të Kryegjyshatës Botërore të Bektashinjve, e cila numëron rreth 100 mijë anëtarë. Baba Mondi gjithashtu parashikon një shtet të ngjashëm me Vatikanin, në një copë toke të vogël që do të shërbente si një model për dashurinë dhe tolerancën.
“Shteti ynë do të jetë një shtet vërtet i vogël shpirtëror dhe administrativ, por me zemër të madhe,” i tha lideri bektashian, i veshur me një tunikë të bardhë dhe me një xhaketë dhe kapele jeshile për AFP në Tiranë.
Në vijim ai shtoi “e gjithë bota do të mund të shohë dritën e bektashinjve”.
Krijimi i një shteti fetar në Shqipëri ishte i paimagjinueshëm gjatë diktaturës komuniste të Enver Hoxhës, i cili ndaloi plotësisht fenë dhe persekutoi klerikët dhe priftërinjtë. Qindra klerikë nga të gjitha besimet u ekzekutuan, u burgosën, internuan, ndërsa vendet e adhurimit u shkatërruan. Por që nga rënia e komunizmit në fillim të viteve 1990, ka pasur një vërshim të shprehjes fetare në të gjithë Shqipërinë. Bektashinjtë renditen si komuniteti i katërt më i madh fetar në Shqipëri, pas myslimanëve sunitë, të krishterëve ortodoksë dhe katolikëve. Dhe ndërsa detajet burokratike të funksionimit janë në diskutimet e fundit, së bashku me një datë zyrtare për nisjen e tij, Baba Mondi ka plane ambicioze për shtetin e tij të ardhshëm.
“Ky shtet nuk do të ketë as polici, as ushtri, as taksa, do të jetë shpirtëror”, tha kreu i bektashinjve, duke theksuar se qëllimi i tij do të jetë organizimi dhe mbrojtja e bektashinjve në mbarë botën.
Sipas Baba Mondit, shteti bektashi do të avokonte gjithashtu për anëtarët e persekutuar që jetojnë në vende ku ata nuk kanë të drejtë të praktikojnë fenë e tyre “si në Turqi apo Iran”. Shteti i ardhshëm do të vendoset në tokën ku tashmë ndodhet një tempull bektashian në Tiranë dhe do të zërë vetëm 0.11 kilometër katror – duke e bërë atë shtetin më të vogël në tokë. Vatikani aktualisht mban titullin me vetëm 0,44 kilometra katrorë territor.
“Ne jemi për paqen dhe dashurinë”.
Rendi Bektashi u themelua në shekullin e 13-të në Perandorinë Osmane dhe konsiderohet si një degë tolerante, mistike e Islamit e hapur ndaj feve dhe filozofive të tjera. Disa udhëheqës kryesorë u zhvendosën në Shqipëri pasi u ndaluan në Turqi nga babai themelues i shtetit modern Mustafa Kemal Ataturk në fillim të shekullit të 20-të. Ndryshe nga besimet më konservatore të Islamit, besimtarët bektashi – burra dhe gra – adhurojnë së bashku dhe konsumimi i alkoolit lejohet.
“Kudo ku janë, bektashinjtë kanë shprehur gjithmonë dashuri, bujari dhe respekt për njerëzit si krijesat më të përsosura në këtë botë”, shprehet Baba Mondi.
Dhe në vijim ai shton “ne jemi kundër konflikteve të shkaktuara nga ekstremistët, ne jemi për paqen dhe dashurinë”.
“Ne duhet të kujdesemi për këtë thesar që është toleranca fetare, që të mund ta ruajmë dhe ta promovojmë atë”, tha kryeministri Rama gjatë një fjalimi në janar, në shënimin e 95-vjetorit të transferimit të selisë së shenjtë bektashiane nga Turqia në Shqipëri.
Ai ende nuk ka zbuluar një afat kohor për krijimin e shtetit. Por për Baba Mondin dhe ndjekësit e tij sufi, e ardhmja është e mbushur me mundësi.
“Bektashizmi ka qenë dhe do të mbetet një urë lidhëse mes Lindjes dhe Perëndimit”, tha Baba Mondi, duke shtuar “ne kemi qenë gjithmonë një rrugë e mesme në këtë botë për të treguar se mund të jetojmë me dashuri, paqe dhe mirësi.”
Foto ilustruese TIRANË - Prokuroria e Beratit ka dalë me një reagim zyrtar lidhur me skandalin që u raportua këtë të m&e...
Ben Qimja TIRANË - Emisioni “Në Shënjestër” në News24 ka hedhur dritë mbi personazhin e njohur të botës...
Foto ilustruese TIRANË - Emisioni “Në Shënjestër” në News24 ka hedhur dritë mbi personazhin e njohur të bot&...
foto nga vendngjarja DURRËS- Një aksident automobilistik ka ndodhur mbrëmjen e sotme në Durrës. Mësohet se në ...
Ben Qimja TIRANË - Emisioni “Në Shënjestër” në News24 ka hedhur dritë mbi personazhin e njohur të botës...
Foto ilustruese TIRANA- GJKKO në seancë e sotme për çështjen e Univesitetit Bujqësor të Tiranës nuk ka ndrys...
Foto ilustruese ELBASAN - Një bombol gazi ka shpërthyer pasditen e kësaj të mërkure në një pallat në lagjen ”...
Foto ilustruese ELBASAN- Teksa SPAK, ka dënuar disa zyrtarë shtetërorë si të implikuar në afera korruptive dhe abuzim me dety...
Foto nga vendi i ngjarjes GJERMANIA- Në mediat e huaja kanë dalë pamjet nga sulmi ku mbetën të plagosur disa persona jasht&eu...
Besa Nimani GJERMANIA- Autoritet gjermane kanë blinduar qytetin Bielefeld, pas të shtënave me armë në drejtim të babai d...
