Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Projektligji ri do të ketë një ndikim të rëndësishëm veçanërisht për dixhitalizimin e shërbimeve dhe produkteve financiare në vend, duke mundësuar që praktikisht të gjitha shërbimet të mund të ofrohen pa praninë fizike të klientit, qoftë edhe në hapin e parë, të identifikimit fillestar.
TIRANË- Autoriteti Kombëtar për Sigurinë Kibernetike (AKCESK) ka hedhur për konsultim publik projektligjin “Për Identifikimin Elektronik, Shërbimet e Besuara dhe Portofolin e Identitetit Digjital”. Ky projektligj synon të përditësojë kuadrin ligjor që lidhet me identifikimin dhe nënshkrimin në distancë, elementë që po bëhen gjithnjë e më të rëndësishëm në ofrimin e shërbimeve elektronike në sektorin privat dhe publik.
Ai përcakton metoda të reja për identifikimin e aplikuesit për pajisjen me mjete të identifikimit elektronik (identifikimi në distancë) duke reduktuar në këtë mënyrë kohën e nevojshme për proceset administrative.
Projektligji ri do të ketë një ndikim të rëndësishëm veçanërisht për dixhitalizimin e shërbimeve dhe produkteve financiare në vend, duke mundësuar që praktikisht të gjitha shërbimet të mund të ofrohen pa praninë fizike të klientit, qoftë edhe në hapin e parë, të identifikimit fillestar.
Në projektligj, AKCESK ka reflektuar një kërkesë këmbëngulëse të institucioneve financiare në vend, duke përcaktuar se Ofruesit e Kualifikuar të Shërbimeve të Besuara, të cilët operojnë në vendet anëtare të Bashkimit Evropian dhe janë të akredituar nga Autoriteti mbikëqyrës përkatës, identifikimet dhe shërbimet e besuara të lëshuara prej tyre, kanë të njëjtën vlefshmëri ligjore dhe fuqi provuese, si ato të lëshuara nga një Ofrues i Kualifikuar i Shërbimit të Besuar, që operon në Republikën e Shqipërisë.
Kjo është në fakt rruga që ndjekin aktualisht disa institucione financiare që ofrojnë për klientët e tyre identifikim dhe nënshkrim në distancë. Shërbimi i identifikimit dhe nënshkrimit elektronik të klientit mundësohet nga operatorë të akredituar në vendet e Bashkimit Europian. Tashmë, kjo praktikë do të rregullohet në mënyrë eksplicite edhe në ligjin e ri.
Sipas AKCESK, projektligji vendos një kuadër të qartë dhe të standardizuar për përdorimin e mjeteve të identifikimit elektronik dhe shërbimeve të besuara, duke garantuar integritetin, autenticitetin dhe vlefshmërinë ligjore të transaksioneve elektronike duke kontribuar kështu drejtpërdrejt në rritjen e besimit të qytetarëve dhe bizneseve në përdorimin e shërbimeve digjitale, si në sektorin publik ashtu edhe në atë privat.
Gjithashtu. AKCESK thekson se përdorimi i shërbimeve të besuara do të mundësojë përshpejtimin e procedurave administrative, reduktimin e ndërveprimeve fizike dhe rritjen e transparencës në ofrimin e shërbimeve publike.
Sipas relacionit të AKCESK, në krahasim me kuadrin aktual ligjor ky projektligj rrit kërkesat e sigurisë dhe besueshmërinë në veprimtarinë e ofruesve të kualifikuar të shërbimeve të besuara. Të gjithë ofruesit e shërbimeve të besuara janë objekt i kërkesave të këtij ligji, në veçanti kërkesave për sigurinë dhe përgjegjësinë për të siguruar kujdesin e duhur, transparencën mbi shërbimet dhe veprimtarinë e tyre. Duke përcaktuar standarde të qarta për ofruesit e shërbimeve të besuara dhe për përdorimin e identifikimit elektronik, projektligji kontribuon në rritjen e sigurisë juridike dhe teknike për të gjitha palët e përfshira.
Projektligji përcakton rregullime lidhur me ndërtimin e portofolit të identitetit digjital, një mekanizëm i cili do t’i japë çdo qytetari një mjet të sigurt, të kontrolluar dhe të centralizuar për përdorimin e identitetit të tij digjital në mënyrë të besueshme duke ruajtur privatësinë si dhe duke thjeshtuar ndjeshëm aksesin në shërbime publike e private.
Gjithashtu, projektligji do të sjellë listën e ofruesve të kualifikuar të shërbimeve të besuara dhe listën e pajisjeve të certifikuara të krijimit të nënshkrimeve elektronike dhe vulave elektronike të kualifikuara, do të rregullojë ruajtjen afatgjatë të informacionit dhe vlefshmërinë ligjore të nënshkrimeve dhe vulave elektronike si dhe do të parashikojë vlerësimin e tyre pavarësisht nga ndryshimet e ardhshme teknologjike.
Sipas AKCESK, zbatimi i këtij projektligji shoqërohet gjithashtu edhe me disa sfida të rëndësishme të tilla si psh. zhvillimi dhe certifikimi i portofolit të identitetit digjital kërkon kapacitete të konsiderueshme teknike dhe burime financiare.
Ky proces përfshin ngritjen e sistemeve të sigurta, të besueshme dhe të përputhshme me standardet ndërkombëtare. Gjithashtu, zbatimi i dispozitave të këtij ligji do të kërkojnë investime të mëdha në infrastrukturën teknologjike dhe trajnimin e aktorëve të përfshirë, investime të domosdoshme për të siguruar përmbushjen e standardeve ligjore dhe teknike që do të përcaktohen./ Monitor
seanca PRISHTINË- Në Gjykatën Themelore të Prishtinës ka nisur seanca e shqyrtimit gjyqësor të rastit së vrasjes s...
Malko dhe Duka TIRANË- Seanca gjyqësore ndaj Leonard Dukës dhe të pandehurve të tjerë për vrasjen e Santiago Malkos &e...
Foto BRADASHESH- Një incident është regjistruar ditën e sotme në fshatin Bradashesh. Raportohet se një 51-vjeçar ë...
artan tafani TIRANË- Bashkëpunëtori i drejtësisë, Artan Tafani vijon me dëshminë e tij në Gjykatën e Posa&cced...
Termocentrali në Manastir KOSOVË- Liberalizimi i tregut të energjisë elektrike është përcjellë me kundërshtime...
artan tafani TIRANË- Bashkëpunëtori i drejtësisë, Artan Tafani vijon me dëshminë në Gjykatën e Posaçme ...
Edmond Papa TIRANË- Prokuroria e Tiranës kërkoi nga Gjykata e Tiranës dënimin e tij me 30 vite burg Për Andrew Bode ...
prokuroria TIRANË- Prokuroria e Tiranës ka sekuestruar 9 mijë katror tokë në Fushë Prezë, pasi u përvetësua n...
burgu i gjilanit DANIMARKË- Të burgosurit e parë nga Danimarka pritet të transferohen në burgun në Gjilan në pjesën...
foto ilustruese TIRANË- Ditën e nesërme pritet të zhvillohen votimet për zgjedhjen e Presidentit të ri të Urdhrit të...
