Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ky fenomen tashmë është kthyer në një biznes për zyrtarë të Ministrisë së Sporteve, disa Federatave Sportive në Shqipëri dhe zyrtarë të tjerë që trajtojnë dokumentacionin e falsifikuar, për gjoja importimin e “sportistëve elitarë” në Shqipëri.
TIRANË- Një raport i Shërbimit Informativ Shtetëror, dërguar zyrtarëve të lartë shtetërorë, përfshirë dhe Prokurorit të Përgjithshëm, ngre alarmin për një fenomen të hapur ndjeshëm në Shqipëri, ku persona të huaj pajisen me shtetësi dhe më pas pasaportë shqiptare, duke u maskuar si “sportistë elitarë”.
Ky fenomen tashmë është kthyer në një biznes për zyrtarë të Ministrisë së Sporteve, disa Federatave Sportive në Shqipëri dhe zyrtarë të tjerë që trajtojnë dokumentacionin e falsifikuar, për gjoja importimin e “sportistëve elitarë” në Shqipëri.
Raporti thekson se gjithçka është një mashtrim i kombinuar mes disa grupeve, ku qëllimi është përfitimi i shumave monetare nga emigrantë të paligjshëm që hyjnë në Shqipëri, por prezantohen si sportistë të talentuar në fusha të ndryshme të sportit.
Në linjë të kësaj skeme janë personazhe falsifikatorësh që veprojnë si agjenci turistike-emigrantësh sezonalë për punë, të cilët vijnë në Shqipëri.
Këto grupe kontrollojnë dhe individë të caktuar që, kundrejt pagesave të majme, i natyralizojnë si sportistë elitarë, duke i kanalizuar më lehtë në etapat e shitjes së shtetësisë shqiptare.
Dhënia e shtetësisë dhe më pas pajisja me një pasaportë të Republikës së Shqipërisë, është kthyer në një ëndërr në sirtar për shumë nga qytetarët e vendeve të treta të Afrikës dhe vendeve të mbërthyera nga konfliktet ushtarake.
Në një periudhë 5-vjeçare, Shqipëria është “pushtuar” nga valë të mëdha emigrantësh që vijnë nga vendet e varfra të Afrikës, emigrantë nga Ukraina dhe vende të tjera të përfshira në konflikte civile dhe ushtarake.
Veç personazheve të agjencive trafikuese të emigrantëve “sportistë profesionistë”, janë të implikuar dhe zyrtarë të Federatave të ndryshme sportive që operojnë në Shqipëri dhe Ministria e Arsimit dhe Sportit.
Gjithçka është një skemë zinxhir që nis nga agjencitë e trafikantëve, shtrihet tek federatat sportive, më pas në ministri dhe deri lart, ku jepet shtetësia dhe më pas pasaportat shqiptare shërbejnë për udhëtim dhe qëndrim të lirshëm brenda zonës Shengen të Europës.
Një mundësi e artë kjo për shtetas të huaj, që liria e lëvizjes së tyre është e kufizuar nga shumë rrethana.
Një mekanizëm i përsosur funksionon prej vitesh, ku federata të caktuara shqiptare “rekrutojnë” sportistë gjasme me rekorde të larta dhe, duke përfituar nga lehtësirat procedurale për sportistët (nuk kanë kusht njohjen e gjuhës apo të historisë shqiptare, siç është për të huajt e tjerë), kryejnë çdo muaj një numër të konsiderueshëm shtetësish shqiptare.
Federatat shqiptare bëjnë një “kontratë” angazhimi sportiv për talentin e huazuar nga jashtë. Këtë kontratë ia dërgojnë KOKSH-it (Komitetit Olimpik Kombëtar Shqiptar) dhe mandej ky i fundit ia dërgon për miratim formal Ministrisë së Turizmit, Kulturës dhe Sportit, që ministria ua miraton më pas.
Më tej, praktika e “sportistit” i shkon për miratim shtetësie Presidentit Bajram Begaj, i cili në shumë raste i ka miratuar kërkesat për dhënien e shtetësisë.
Vetëm për vitin 2023, një nga Federatat që operon në Shqipëri, e cila nuk ka shkëlqyer apo nuk është dëgjuar ndonjëherë në aktivitete sportive elitare, mësohet të ketë bërë mbi 20 shtetësi për “sportistë” nga Ukraina apo vendet e botës së tretë.
Ndërkohë që kjo federatë nuk ka pasur kurrë, qoftë edhe në ditët e saj më të mira, më tepër se 6 sportistë aktivë, shqiptarë dhe jo më të huaj, në evenimentet sportive kombëtare apo ndërkombëtare.
Mbi 90 për qind e sportistëve elitarë, që janë pajisur me shtetësi shqiptare, jo vetëm që s’janë pjesë e sportit shqiptar apo federatave sportive shqiptare, por tashmë nuk jetojnë fare as në Shqipëri.
Shtetëzimi i të huajve në Shqipëri është një dukuri që, disa kohë më parë, maxhoranca e kryeministrit Edi Rama, mes shumë objektivave për të shkarkuar Presidentin Ilir Meta, e sulmoi këtë të fundit edhe me dekretet për dhënien e tepruar të shtetësisë për personat e huaj në Shqipëri.
Komisioni Parlamentar në atë kohë (2019) mori në shqyrtim edhe këtë dukuri, që sot maxhoranca qeverisëse e ka lëshuar pa kontroll në duart e disa prej zyrtarëve dhe trafikantëve të emigrantëve të paligjshëm që hyjnë në Shqipëri.
Tashmë Komisionin Parlamentar për Kulturën dhe Sportin e kontrollon opozita, e cila, nëse do të thellohet të hetojë këtë dukuri jo të rastësishme që po ndodh në Shqipëri, do të zbulojë çudira së bashku me prokurorinë shqiptare./Syri.net
Sokol Toma LEZHË- Ministria e Shëndetësisë ka reaguar lidhur me gjendjen e ish-kreut të Partisë Demokratike n...
lezhe LEZHË- Familjarë dhe dhjetëra qytetarë të Lezhës u mblodhën sot pranë Obeliskut në një h...
Sokol Toma LEZHË- Detaje janë zbardhur nga ngjarja e rëndë në Lezhë mbrëmjen e kaluar, ku ish-kryetari i PD-së...
KOSOVË- Pak ditë më parë, në redaksinë tonë erdhi një mesazh zanor ku një vajzë që ka pranuar t&eu...
drejtoria e policisë lezhe LEZHË- Mbrëmjen e kaluar, rreth orës 22:00, një ngjarje e rëndë ka ndodhur në aksin...
Në tregun e Kosovës ka qumësht të markave të ndryshme. Ministri i Bujqësisë, Armend Muja, tha të dielën se aut...
Foto Ilistruse Ndërsa gazi po kthehet në armën kryesore të sigurisë energjetike në Evropë, Shtetet e Bashkuara po shtyjn...
Erion Dasho TIRANË- Eksperti i shëndetit publik, Erion Dasho ka folur për hantavirusi, i cili ka alarmuar autoritetet ndërkomb&eum...
Qytetari i ulur pranë Kryeministrisë TIRANË- Një ngjarje e pazakontë ka ndodhur para ambienteve të Kryeministrisë, ...
Foto ilustruese SARANDA- Policia ka zbardhur ngjarjen e ndodhur në Sarandë në shkurt të këtij viti, ku një 57-vje&...
