Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Kjo tendencë është e kundërt me janar-mars 2024, kur importet e drithërave arritën 64 mijë tonë rreth 80% më tepër se 3-mujori i parë i vitit paraardhës.
TIRANA- Pas rikuperimit në 2024 importet për grupin e drithërave shënojnë sërish rënie. Për periudhën janar-mars janë importuar rreth 59 mijë tonë drithëra, sipas të dhënave të INSTAT. Krahasuar me të njëjtën periudhë të 2024-s, importet janë ulur 8%. Kjo tendencë është e kundërt me janar-mars 2024, kur importet e drithërave arritën 64 mijë tonë rreth 80% më tepër se 3-mujori i parë i vitit paraardhës.
Kryetari i Shoqatës së Përpunuesve të Miellit, Adi Haxhiymeri, pohon se pakësimi i importit të drithërave është ndikuar nga rënia e konsumit. Tendenca e pakësimit të konsumit sipas tij mund të lidhet me shtimin e pranisë në treg të produkteve të gatshme të brumit, përfshirë dhe makaronave nga importi të favorizuara nga leverdishmëria e çmimit nga rënia e euros.
Përveç shtimit të konsumit të produkteve të gatshme të brumit, një tendencë rritëse për 2025 është shënuar në tërësi te konsumi i produkteve të gatshme të mallrave ushqimore. Nisur nga të dhënat e rrjetit të supermarketeve Big Market, Ceo e kompanisë znj. Elona Koshi, pohoi më herët se për muajt janar-shkurt, rritjet më të larta të shitjes ishin për produktet e gatshme të paketuara. Tendenca rritëse mund të lidhet me shtimin e konsumit të produkteve të gatshme në ambientet e punës.
Po ashtu në 2024 ka pasur rritje edhe për importin e makaronave. Sasia e importit arriti në 18,4 mijë ton apo 7% më tepër se në 2023. Rritja e importeve vijoi edhe përgjatë 2025-s. Sipas të dhënave të Doganave, në muajt janar-mars 2025, sasia e importit të makaronave u rrit me 17% krahasuar me të njëjtën periudhë të vitit paraardhës. Në vlerë, importet në muajt janar-mars u rritën 8% në raport me 3-mujorin e parë 2024.
Për vitet 2018-2025, importi i makaronave në vlerën më të lartë është shënuar në 2022, për shkak të shtrenjtimit të çmimit të tyre, e ndikuar nga agresioni i Rusisë në Ukrainë. Ndryshe nga shtimi i importit të makaronave, sasia e importit të grurit në fillim të këtij viti nisi me rënie. Për muajin janar sipas të dhënave të Doganave u importuan 10,5 mijë ton grurë. Në raport më muajin janar 2024 importi i grurit me 7%. Ndërsa për vitin 2024 u importuan një sasi prej 204 mijë ton grurë. Krahasuar me 2023 sasia e importit të grurit u rrit me 6,4%.
Grosistët e miellit dhe drejtuesit e fabrikave të blojës kanë përsëritur disa herë edhe shqetësimin se rënia e konsumit po ndikohet edhe prej ndryshimeve demografike të popullatës, veçanërisht e largimet të të rinjve në emigracion. Në 2024 shqetësimi për rënien e kërkesës së bukës dhe ëmbëlsirave, pas përfundimit të sezonit turistik është theksuar edhe nga drejtuesit e të disa prej furrave kryesore në vend.
Sipas tyre vjet në muajin tetor rënia e kërkesës për produktet e brumit dhe ëmbëlsirave ra me 20% krahasuar me vitin paraardhës, përveç shitjeve të produkteve fast-food që nuk shënuan pakësim. Por tendenca rënëse e kërkesës vijoi edhe gjatë 2025-s, tërësisht për shkak të ndryshimeve demografike në popullatë, ndërsa ardhja e turistëve përmirëson konsumin vetëm gjatë muajve të verës, për shkak të qëndrimit më të gjatë të huajve.
Por ndryshe nga gruri, në grupin e drithërave importet e misrit në fillim të vitit kanë vijuar trendin rritës të 2024-s. Për muajin janar 2025 sasia e importeve u shtua rreth 61% krahasuar me muajin janar 2024. Totali i importit të grurit për 2024 u rrit me 36% krahasuar më 2023. Përdorimi i misrit të importit më tepër është i lidhur me ushqimin për blegtorinë sesa me përdorimin e tij për konsumatorin. / Monitor
Foto ilustruese TIRANA- Në orët e para të ditës parashikohet që pjesa më e madhe e territorit të jetë në ...
foto ilustruese TIRANË- Mashtrimi online është kthyer në një sport popullor në Shqipëri. Këtë herë qyteta...
foto ilustruese TIRANË- Qytetari Eugjen Avrami tregon se ka që më 19 Mars, që nuk po merr dot shërbim nga ana e kadastrës. Ai...
Foto PEJË- Një person dyshohet se ka kanosur gjyqtaren dhe të pranishmit gjatë një seance gjyqsore. Zëdhënësi i Pro...
Foto ilustruese GREQI- Autoritetet greke kanëv vënë në pranga tre persona pas një operacioni antidrogë në Patra. Më...
vendngjarja VLORË- Një garazh makinash është përfshirë nga flakët ditën e sotme në bulevardin "Ismail Qemali" ...
Foto ilustruese SPANJË- Autoritetet spanjole kanë zhvilluar dy operacione antidrogë në Barcelonë. Mësohet se nga këto op...
Foto TIRANË- Administrata Tatimore ka njoftuar nisjen e përgatitjeve për zbatimin e deklaratës së re vjetore të të ardhu...
Foto TIRANË- Një ekspozitë me ngjyra, pasion dhe mjeshtëri u zhvillua këtë të mërkurë në Tiranë, por...
foto ilustruese SHKODËR- Votuesit në qarkun Shkodër, i cili përfshin një zonë të larmishme bregdetare, fushore, kodrinor...
