Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Por për shkak të gjykimit të shkurtuar, gjyqtari i Elbasanit Elis Dine, vendosi të ulë dënimin në 8 muaj burgim dhe këtë kohë burgimi ta pezullojë duke ja kaluar në 16 muaj për të mbajtur kontakt me shërbimin e provës dhe mos kryejë asnjë vepër penale.
Mond Mëhalla alias Mond Hyka, i cili ditën e djeshme (E diel) mbeti i vrarë me 3 plumba në oborrin e karburantit të tij “Xhaxhi Oil”, është dënuar në muajin Tetor 2025 me 1 vit burgim për akuzën e “Prodhimit dhe mbajtjes të armëve të ftohta”.
Por për shkak të gjykimit të shkurtuar, gjyqtari i Elbasanit Elis Dine, vendosi të ulë dënimin në 8 muaj burgim dhe këtë kohë burgimi ta pezullojë duke ja kaluar në 16 muaj për të mbajtur kontakt me shërbimin e provës dhe mos kryejë asnjë vepër penale.
Viktima e djeshme e rregjistruar në Elbasan, u dënua vetëm për një thikë të madhe luftarake, me dorezë të zezë, e cila është gjendur brenda një këllëfi të zi, dy fishekë luftarake dhe një shkop gome me ngjyrë të zezë si ato të policisë.
Ndërkohë për një armë zjarri tip “TAURUS”, kalibër 9mm pistolotë prodhim Brazilian, ai është zhveshur nga përgjegjësia penale, pasi autorësinë e kësaj arme e mori nëna e tij, Fatmire Mëhalla, e cila fillimisht deklaroi në polici se arma e gjetur në banesën e saj i përket djalit, por disa muaj më vonë në një pyetje të dytë ajo ka deklaruar se pistoleta i përkiste burrit të saj që i kishte vdekur, por nuk dinte që sendi i paligjshëm ishte ende në banesë.
Një qëndrim i kundërt nga i pari që solli lirimin nga përgjegjësia penale të Mond Mëhallës alias Hykës por njëherësh çoi në ndjekje penale nënën e tij Fatmira Mëhalla, e cila u dënua me 1 vit burgim për akuzën e “Prodhimit dhe mbajtjes të armëve të zjarrit dhe municionit”.
Por për shkak të gjykimit të shkurtuar e moshuara, Fatmirë është dënuar me 8 muaj burgim, i cili është pezulluar duke u vënë në shërbim prove për një periudhë 16 mujore.
Sipas dosjes hetimore të siguruar nga gazetari Elton Qyno arma dhe sendet e tjera të paligjshme në banesën e nënës dhe biznesin e Mond Mëhallës, janë gjetur pas dyshimeve se ai ishte i implikuar në tregtinë e kokainës në qytetin e Elbasanit dhe jo vetëm.
Mbi bazën e këtyre dyshimeve, në 20 janar 2024 gjykata e Elbasanit ka lejuar kontrollin e banesave dhe automjeve të Mond Myka alias Mëhalla.
Shërbimet e policisë gjyqësore kanë bërë kontrollin e banesës së Mond Hyka, e ndodhur në lagjen “Emin Matraxhiu”, pranë karburant “Xhaxhi Oil”.
Ndërkohë gjatë kontrollit, në banesën e shtetases Fatmirë Mëhalla (nëna e Mondit), në katin e dytë të banesës, në dhomën e gjumit të djalit të saj, në sirtarin e komodinës, u konstatua një çantë marsup, me ngjyrë kafe, në brendësi të saj u konstatua një armë zjarri e llojit pistoletë e markës “Brazil” me 7 fishekë metalizato.
Gjithashtu nga kontrolli i ushtruar u sekuestruan në cilësinë e provës materiale dhe një pasaportë dhe kartë identifikuese Sllovene tërësisht e falsifikuar me emrin, Cvelto Smerekov si dhe një lejë qëndrimi Gjermane e rregullt.
Më pas u krye kontroll në biznesin e Mond Mëhalla, me mbishkrimin “Xhaxhi Oil”. Në katin e parë të këtij subjekti, tek zyra administrative u konstatuan 21.000 euro.
Gjatë kontrollit të katit të dytë të zyrave, u konstatua një thikë e madhe luftarake, me dorezë të zezë, e futur në këllëf të zi, dy fishekë luftarake dhe një shkop gome mengjyrë të zezë si ato të policisë.
Vetë Edmond Mëhalla nuk është arritur të kapet nga policia gjatë fazës së kontrolleve. Gazetari Elton Qyno ka mësuar se dy ditë pas kontrolle të ushtruar në datën 22 janar 2024 është pyetur si person që ka dijeni për veprën penale nëna e Edmond Mëhallës, Fatmirë Mëhalla, e cila ka deklaruar se:
”…në banesë jeton e vetme që mbas vdekjes së bashkëshortit të saj.Tek dhoma ku u gjet arma e zjarrit është dhoma e gjumit e djalit të saj, Edmond Mëhalla, por ai nuk jeton aty, por në një banesë tjetër në një pallat në afërsi të gjykatës. Nuk kishte dijeni për armën që ndodhej në banesë…”.
(Ne foto: Pistoleta e gjetur ne 2024)
Ndërkohë 20 ditë pas këtij deklarimi, Fatmirë Mëhalla është paraqitur vetë në polici duke dhënë një deklarim të kundërt me atë të parin dhe pretenduar se arma e zjarrit prodhim Brazilian, i përkiste burrit të saj të vdekur.
Në dëshminë e saj ajo ka deklaruar se: “…jam paraqitur vetë në polici për të dhënë deklarime në lidhje me armën, e cila është gjetur në banesën time nga kontrolli i ushtruar nga policia. Ajo armë është gjetur në një dhomë në katin e dytë të banesës së saj,e cila i përkiste bashkëshortit të saj dhe e ka mbajt që në kohën kur ishte gjallë. Kjo shtetase ka menduar se arma ka qenë me leje. Arma u gjet në sirtarin e komodinës së njërës prej dhomave të katit të dytë të banesës dhe aty mund të jetë vendosur nga bashkëshorti, që në kohën kur ishte gjallë. Nuk kishte dijeni se aty ndodhej arma. Mbas vdekjes se bashkëshortit ka jetuar e vetme në banesë dhe ka fjetur në katin e parë. Deklaron se ka tre fëmijë. Një vajzë, e cila është martuar dhe jeton me bashkëshortin, ndërsa dy djemtë janë martuar dhe jetojnë në banesat e tyre…”.
Gjithashtu për këtë fakt është pyetur si person që ka dijeni për veprën penale dhe biznesmeni që ditën e djeshme mbeti i vrarë, Mond Mëhalla, i cili ka deklaruar në policie se:
“…lidhur me thikën dhe shkopin e gomës të gjetur në katin e dytë të godinës së karburantit, unë i kam blerë si relikë dhe i kam vendosur si zbukurim tek zyrat e karburantit. Nuk kam pasur dijeni që këto sende ishin të kundraligjshme…”.
Ndërsa për sa i përket dy dokumentave sllovene të falsifikuara është marë në pyetje A.B., i cili ka deklaruar se:
“…Në lidhje me dokumentet e identifikimit sllovene që u gjetën në banesë i ka bërë tek një person në qytetin e Tiranës, të cilin nuk e njeh. I ka parë që reklamoheshin në një faqe interneti dhe ka kontaktuar nëpërmjet një faqeje interneti, ku pasi e ka takuar i ka paguar shumën prej 3000 eurosh, për t’u pajisur me këto dokumente. Sipas tij këto dokumente janë të rregullta…”.
Por e kundërta rezultoi gjatë kryerjes së aktit të ekspertimit, ku dolën tërësisht të falsifikuara./ Syri.net
Arrestimi MIRDITË- Një 21-vjeçar është vënë sot në prangat e policisë së Kurbinit, pasi dyshohet s...
foto ilustruese KOSOVË- Edward P. Joseph, ligjërues në Universitetin Johns Hopkins në SHBA dhe ekspert i menaxhimit të konflikteve...
Ardian Gërbi GREQI- Një 48-vjeçar nga Tepelena, i shpallur në kërkim ndërkombëtar prej 17 vitesh, është arre...
Edmond Mëhalla ELBASAN- Detaje të reja janë zbardhur nga vrasja e biznesmenit, Edmond Mëhalla, i cili u ekzekutua mbrëmjen e kalu...
foto ilustruese DURRËS- Babai i 15-vjeçarit që u plagos pas një sherri me bashkëmoshatarët e tij, ka folur për g...
pamje nga vendngjarja VLORË- Një ngjarje e pazakontë ka ndodhur në Lungomare të Vlorës ditën e sotme, ku nj&e...
foto ilustruese ELBASAN- Detaje të reja kanë dalë nga ekzekutimi i biznesmenit Mondi Mëhalla alias Edmond Hyka, që u vra me ...
foto ilustruese TIRANË- Gjykata e Lartë ka vendosur të prishë vendimin e Apelit për pushimin e hetimeve ndaj tre gjyqtarëve&n...
Foto Ilustruese ELBASAN- Policia ka sjell detaje në lidhje me vrasjen e biznesmenit Mondi Mëhalla mbrëmjen e djeshme. Mësohe...
foto ilustruese TIRANË- Një 55-vjeçar është ekstraduar nga Kroacia. Ai akuzohet nga GJKKO-ja, si pjesëtar i një o...
