Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Duke firmosur ndryshimet në Kodin Penal, Presidenti vetëm sa shpejtoi një proces pa kthim për plotësimin e një vakumi ligjor për epidemitë. Akuzat me të cilat u përball këto kohë, ishin pothuajse të papritura. Ndoshta ishte provokimi i Kryeministrit që disa ditë më parë e falenderoi për pozicionimin në favor të publikut, ndoshta qëndrimet e moderuara dhe gjuha e drunjtë që konstraston me mitingun e 2 marsit, ndoshta padurimi i njerëzve për ta prishur këtë paqe politike që më shumë shton abuzimin se përgjegjësinë e qeverisë, ose më mirë Kryeministrit se qeveri nuk ka më prej 10 marsit.
Të gjithë këta faktorë dhe e shkuara e tij me histori dashurie dhe urrejtjeje me Edi Ramën, sipas interesit, janë gurët që e nisën ortekun e zemërimit, por zhgënjimi i atyre që i besuan për herë të parë ose të disatë në 2 mars, tashmë është vetë orteku, ai ortek që u nis për Edi Ramën dhe duket sikur po i kthehet mbrapsht.
Meta thirri për rezistencë të majtë e të djathtë, pa dallime politike, ideologjike apo partiake. Janë ata tani që ikin nga mitingu dhe po bashkohen për t’ju kthyer Metës me zemërim dhe zhgënjim.
Jo sepse ai po bën Presidentin, por se nuk po bën liderin e Revolucionit që premtoi. Kështu dashuria e tifozëve i është kthyer shpejt. Nuk është i pari që gjendet përballë zemërimit të tyre sapo bën diçka që nuk iu pëlqen. Mbetet proverbiale historia e teptisjes dhe mbështetjes së Vasil Ruçit me tifozët e Flamurtarit, vetëm në 5 minuta ndeshje.
Ashtu si në politikë, Azem Hajdari që, jo vetëm u harrua, por edhe u sulmua nga tifozët e PD në fund të vitit 1996 kur vendosi të bëhet President i Sindikatave të Pavarura. Jo vetëm në Shqipëri, edhe në SHBA, kur Senatori John McCain që kishte rezerva për Donald Trump u sikteris nga republikanët edhe në atë që quhej shteti i tij, Arizona. Një investim dhjetëra vjeçar, u përmbys nga tifozët vetëm me një miting të Trump.
Vetë Ilir Meta e ka provuar këtë në Kongresin e 2003, kur Fatos Nano vendosi ta eleminonte politikisht. Sot gjendet përballë zhgënjimit të gupit të tifozëve që i grupoi në kulmin e betejës që kishte nisur në 8 qershor, me dekretin e parë të anulimit të zgjedhjeve lokale. I grupoi duke shkuar aq larg sa kryetari i opozitës dukej aq i moderuar sa e akuzonin për bashkëpunëtor të Ramës. Sot, megjithëse kyetari i opozitës është akoma më i moderuar, Ilir Meta, i rikthyer në zyrën e Kreut të Shtetit duket si bashkëpunëtor i Edi Ramës, për ata që mendojnë se politika është luftë për pushtet dhe pasojat që bien mbi qytetarët janë dëme kolaterale.
Meta gjendet përballë zemërimit të atyre, të cilët i thirri në 2 mars edhe pse nuk janë tifozë, edhe pse nuk kanë vokacionin e tij politik, përtej mosbesimit, e pranuan rolin e tij në mbrojtjen e Kushtetutës dhe lirive. Sot ata i shohin masat e qeverisë të tepruara. Duke qenë të djathtë në bindje, mendojnë se kujdesi, jo vetëm duhet të jetë proporcional me rrezikun, por nuk duhet të afektojë ekonominë. Aq më pak pranojnë masa të mëtejshme represive ndaj qytetarëve, si ato të ngjitura me urgjencë në Kodin Penal. Ilir Meta, si kundërshtar apriori i këtyre ideve e gjen veten përballë stuhisë së rritur që kur mbolli erën.
Një tjetër grup i 2 marsit i ka kthyer shpinën Ilir Metës. Ata që mendojnë se Rama duhet të largohet, që e shikonin ish- kryetarin e LSI si përgjegjës për ngjitjen dhe qëndrimin e Rilindjes në pushtet dhe dolën me besimin se bulevardi ishte shndërruar në Rubikonin që po kalohej pa kthim mbrapa.
Sot shohin shenja të njohura të filtreve politike që janë shoqëruar që nga 1998 Metën dhe Ramën dhe që janë përgjegjëse më shumë se çdo faktor tjetër për situatën ky ndohet vendi. Kështu po shpërbëhet mitingu madhështor i 2 marsit, që ishte i tillë jo vetëm nga pjesëmarrja por edhe nga efekti, sepse i dha Metës fuqitë e Samsonit. Fuqi që humbasin sapo mitingu shpërbëhet.
1 vit nga zgjedhjet e 25 prillit si e shikoni gjendjen e vendit:
Covid-19 ka rezultuar më shumë se një pandemi vdekjeprurëse, shkruan Henry Paulson në Financial Times. Ajo e ka futur ekonominë botërore në krizën më të rëndë q...
SHBA– Epidemitë e sëmundjeve infektive sillen në mënyra të ndryshme por pandemia e gripit të vitit 1918 që vrau më shumë se 50 milion njerëz vlerësohet si një s...
A qëndron roli i shtetit aty, që mua, familjes sime dhe shumë grupeve shoqërore, që cilësohen si grupe të rrezikuara t’ua përcaktojë, se me cilat rreziqe duhet ...
Administrata Trump ka mbjellë trazira politike në Kosovë pikërisht në momentin kur nevojitet qeverisje e qëndrueshme për t’u përballur me kërcënimin e COV...
GJERMANI- Qeveria gjermane vendosi t’i zbusë në mënyrë të kujdesshme masat kufizuese të jetës publike. Pak lehtësime do të zbatohen që nga e hëna e javës ...
SHBA– Koronavirusi po përhapej edhe më gjerë në fund të janarit, ndërsa Presidenti Trump fliste vetëm për meritat e tij duke i siguruar popullit amerikan se ad...
Turizmi është sektori i ekonomisë me rritjen më të madhe në botë gjatë dy dekadave të fundit. Ai zë më shumë se 10 % të prodhimit të brendshëm bruto në ekonomin...
Në Tajvan, masat e ndërhyrjes së hershme kanë kontrolluar pandeminë e koronavirusit me sukses, sa që tani po eksporton miliona maska për fytyrën për të ndihmu...
SPANJË– Autoritetet spanjolle kanë njoftuar se qeveria ka hequr disa masa të rrepta, kështu që në Spanjë do të lejohet që disa punëtorë, të fillojnë të kth...
Nga Veton Surroi1. Ja dy rrëfime paralele.Në tërë botën – te fqinjët, në BE, në Amerikë – po merr hov parësor debati se si dhe kur të dilet prej karantinës. E, ...
