Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
DIBËR – Drejtori i Përgjithshëm i Policisë së Shtetit, Gledis Nano ka qenë sot në qytetin e Dibrës, ku ka marrë pjesë në analizën e punës së policisë së këtij qarku, ndërsa më pas ka dhënë edhe një deklaratë për mediat lokale.
Nano është shprehur se në këto takime janë diskutuar shumë çështje që kanë të bëjnë me rendin dhe sigurinë në vend, ku puna më e madhe është përqendruar në kapjen e personave me armë pa leje, ndërsa sipas Nanos prioritet ka edhe goditja e kultivimit të kanabisit.
Gledis Nano u shpreh se ai është për një Polici Shteti profesionale dhe me aftësi e rezultate të qarta e të suksesshme, ndërsa vijoi se përsa i përket ngjarjeve të pazbardhura, Nano tha se po punohet në këtë drejtim dhe çështjet janë ende nën hetim.
PRONONCIMI I GLEDIS NANOS PËR MEDIAT:
Zoti Nano, keni nisur një tur analizash në të gjitha drejtoritë. Ku konsistojnë, cilat janë risitë e këtyre analizave?
Ju falemnderit! Është e vërtetë, prej disa ditësh ka filluar një tur në të gjitha qarqet e vendit, për të zhvilluar analizën në Drejtoritë Vendore, bashkërisht me Drejtoritë Vendore të Kufirit dhe Migracionit, për të parë rezultatet gjatë vitit 2021, rezultatet pozitive të arritura nga strukturat policore. Po kështu, për të nxjerrë të gjitha mangësitë apo momentet ku duhet përmirësuar puna e Policisë. Fokusi, në varësi të problematikave të çdo qarku, ka qenë domini i situatës kriminale nga strukturat e Policisë, në aspektin e kriminalitetit, sidomos në krimet e rënda; kapja dhe vënia para përgjegjësisë e të gjithë personave të kërkuar, atyre që mbajnë armë pa leje; kultivimi i kanabisit, ashtu siç unë e kam përmendur dhe në dalje të tjera të mëparshme, është një sfidë e cila është kërkuar me shumë forcë nga nga ana ime, në të gjitha strukturat policore, që këtë vit të kemi një rezultat tjetër dhe të pakrahasueshëm me asnjë vit tjetër të mëparshëm. Kam kërkuar me shumë forcë, nga të gjithë aktorët, agjecitë ligjzbatuese, të inteligjencës dhe të pushtetit vendor, të jenë më bashkëpunues, me qëllim që të gjithë së bashkë t’ia dalim kundër kësaj problematike, e cila e kategorizon vendin tonë, si një vend problematik në aspektin e kultivimit të kanabisit dhe jo vetëm. Po kështu dhe në drejtim të drogave të forta, të cilat përveç trafikimit dhe pasurimit të individëve apo grupeve kriminale, sjellin më pas edhe konflikte të cilat sjellin si pasojë ose degjenerojnë në vrasje apo krime të tjera të rënda, të cilat përbëjnë një impakt shumë negativ për të gjithë situatën e sigurisë në vend.
Kemi parë shpesh sjellje jo të mira të Policisë së Shtetit me qytetarët. Cilat janë prioritetet tuaja si Drejtor i Përgjithshëm?
Që prej marrjes së detyrës, jam shpehur qartë për një qasje tjetër në raport me qytetarët, po kështu edhe me mediat, ju e keni vënë re. Jam i vendosur që për çdo sjellje të pahijshme apo në kundërshtim me ligjin, të çdo punonjësi policie, të kryhen hetimet apo verifikimet dhe të dilet me masa konkrete. Unë nuk jam për një Polici të dhunshme me qytetarët, jam për një Polici profesionale dhe me aftësi apo me rezultate të qarta dhe të suksesshme ndaj kriminalitetit.
Janë bërë disa vrasje të bujshme, akoma nuk ka autorë?
Për këtë unë dua të sqaroj shumë shkurt, për shkak se të gjitha çështjet janë në hetim. Jemi duke zhvilluar hetime shumë të rëndësishme, për të cilat do kemi rezultate në kohën që duhet të jepen këto rezultate, pasi të mbarojnë hetimet. Por ajo që unë dua të garantoj të gjithë komunitetin dhe opinionin publik është se Policia e Shtetit është e angazhuar maksimalisht për hetimin dhe çuarjen deri në fund të këtyre hetimeve, për të zhvilluar hetime cilësore, me qëllim zbardhjen dhe vënien përpara përgjegjësisë të të gjithë autorëve të këtyre veprave penale.
Lëvizjet nga njëri Komisariat në tjetrin bëhen për mangësi pune apo janë thjesht emërime nga njëri Komisariat në tjetrin?
Lëvizjet në Policinë e Shtetit kanë disa arsye kur kryhen dhe për këtë merret mendim dhe analizohen të gjitha të dhënat e një punonjësi policie, për të ndryshuar apo për t’u transferuar nga një detyrë në tjetrën.
Pyetja e fundit, zoti Drejtor, konsiston te armëmbajtja. Kemi vënë re se vrasjet që ndodhin kryesisht janë me armë pa leje, normalisht që do jenë pa leje, por ka raste sporadike që mund të jenë nga punonjës policie apo punonjës të tjerë. A ka Policia e Shtetit një plan ndoshta për ta riparë dhe njëherë “çarmatosjen” e popullatës, pasi dhe në festat e fundvitit pati të shtëna me armë dhe që tregon që ka një prezencë të armëve pa leje në komunitet.
Policia e Shtetit vepron bazuar në kompetencën dhe objektin e punës së saj që ka dhe detyra jonë është të kapim dhe të vëmë para përgjegjësisë penale, të gjithë personat që mbajnë armë pa leje. Vendime të tjera për përsa i përket “çarmatosjes”, nuk janë vendime që i takojnë Policisë për t’i marrë, janë iniciativa në nivele akoma më të larta, ndaj unë nuk mund të jap asnjë lloj komenti.
Zoti Nano, në lidhje me sektorin minerar, pra kryefjala e Policisë është lufta kundër korrupsionit dhe kriminalitetit. A do të ndërhyhet në këtë sektor seriozisht?
Në bashkëpunim dhe me institucionet e tjera që rregullojnë dhe kanë detyrimin e licencimit apo dhe të kontrollit të këtyre aktiviteteve të biznesit, ne jemi duke i parë të gjitha dhe për këto raste kemi hetime të cilat do t’i finalizojmë nën drejtimin e Prokurorive përkatëse, kështu që dhe për shkak se në qarkun e Dibrës ka një aktivitet të tillë që zhvillohet këtu, jemi të fokusuar dhe janë lënë porosi të qarta lidhur me të gjitha dyshimet për abuzime në këtë sektor.
Flitet për parametra dhe kjo është gjë shumë e mirë, por a mendoni se organizata e Policisë i plotëson të gjitha kriteret përsa i përket plotësimit të parametrave?
Po synojmë në bashkëpunim dhe me të gjithë aktorët, si brenda vendit, ashtu dhe partnerët tanë ndërkombëtarë, të kemi një Polici sa më europiane, kjo nuk bëhet as për një ditë as për dy ditë, do kohën e vet.
Por ajo që unë dua t’ju siguroj është angazhimi maksimal, ashtu edhe mbështetja e Ministrit të Brendshëm dhe e Kryeministrit, siç e keni vënë re, me mbështetje me buxhet, me fonde, për të pasur një Polici akoma më me mbështetje përsa i përket trajtimit financiar punonjësve të Policisë, ashtu dhe në logjistikë apo tekonologjinë më bashkëkohore, për të cilën jemi shumë të fokusuar me qëllim dominimin e të gjithë territorit, marrjen e informacioneve dhe ndekjen e çdo aktiviteti kriminal në vend.
(e.h/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Presidenti Ilir Meta ka marrë vendimin të dekretojë 6 marsin si datën për mbajtjen e zgjedhjeve të pjesshme në gjashtë bashki. Në një postim ...
ELBASAN– Erind Shuteriqi është 32-vjeçari i cili ka ndërruar jetë ditën e djeshme në qytetin e Elbasanit. Shuteriqi ka ndërruar jetë, pasi ka pësua...
LAÇ– Grushta e dhunë! Thirrja e një mbështetësi të ish-kryeministrit Sali Berisha që kërkonte largimin e kryedemokratit Lulzim Basha ka bërë që një...
TIRANË– Partia Socialiste ka konfirmuar pjesëmarrjen në zgjedhjet e pjesshme lokale. Ishte kryeministri Edi Rama ai i cili deklaroi ditën e sotme, pa...
TIRANË– Ministria për Europën dhe Punët e Jashtme ka njoftuar se nga data 22 Janar për qytetarët që udhëtojnë drejt Zvicrës për personat që janë vaks...
ELBASAN – Nis procedimi penal për dy mjekët e Urgjencës së Spitalit Rajonal të Elbasanit, pas vdekjes së 3-vjeçares ditën e djeshme në këtë qytet. Ata ak...
DURRËS– Kryetari i Shoqatës së Klubit të Futbollit Erzeni, Marius Shahini si edhe anëtari Fundim Dollaku janë vënë nën hetim e janë proceduar penalis...
ELBASAN – Vdekja e një 3-vjeçareje ditën e djeshme në qytetin e Elbasanit ka ngritur në këmbë hetuesit, të cilët për zbardhjen e ngjarjes së rëndë kanë m...
MALI I ZI- Nuk dihet ende nëse propozimi për shkarkimin e zëvendëskryeministrit malazez Dritan Abazoviç ka mbështetjen e duhur, ndërsa iniciativa e mosbe...
TIRANË – Markelian Beqiri, 26 vjeç është arrestuar ditën e sotme nga Policia e Tiranës, teksa udhëtonte me një automjet në segmentin rrugor Linzë &#...
