E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
PRISHTINË-Kryeministri i Kosovës, Avdullah Hoti, ka folur rreth gjendjes së pandemisë në Kosovë dhe sigurimit të vaksinës. Me anë të një postimi në Facebook, ai ka thënë se masat e marra nga Qeveria, kanë ndikuar në një uljen të numrit të rasteve pozitive me koronavirus. Gjithashtu, ai ka deklaruar se rreth 70% e të prekurve me koronavirus tashmë janë shëruar.
“Në dy javët e fundit, si rezultat i masave të vendosura nga Qeveria në konsultim me profesionistët shëndetësorë, është arritur të ulen rastet aktive për rreth 15%. Numri i të infektuarve për 100,000 banorë ka rënë nga 257 në 100 raste. Por, situata mbetet e rëndë dhe jemi të detyruar të mbajmë masat pasi burimet e infeksionit janë kudo, në veçanti në ambientet ku ka grumbullim të qytetarëve”, ka shkruar Hoti
Sakaq, në lidhje me sigurimin e vaksinës, ai ka deklaruar se do të sigurohet që 20% e popullsisë të vaksinohet.
“Po punojmë shumë në sigurimin e vaksinës. Jemi pjesë e koalicionit COVAX dhe presim të marrim vaksina për 20% të popullsisë. Në anën tjetër, Ministri i Shëndetësisë është në kontakt me kompaninë prodhuese të vaksinës, si dhe po punojmë me vendet partnere për të kërkuar mbështetje direkte nga to”, ka shkruar Hoti.
POSTIMI i PLOTË:
1. GJENDJA ME COVID
Nga fillimi i pandemisë janë testuar rreth 162 mijë raste, prej të cilëve rreth 46 mijë (28%) kanë rezultuar pozitiv. Rreth 70% e të prekurve me virus janë shëruar. Fatkeqësisht, me fatalitet kanë përfunduar 1,186 raste. Shkalla e vdekshmërisë është 2.5%.
Institucionet shëndetësore kanë bërë të pamundurën gjatë kësaj kohe. Rekomandimi i tyre mbetet i njëjtë: për respektim të masave të distancimit fizik, për bartje të maskës, për pastërti të shtuar. Rrugë tjetër nuk ka derisa nuk vaksinohet një pjesë e konsiderueshme e popullsisë.
Në dy javët e fundit, si rezultat i masave të vendosura nga Qeveria në konsultim me profesionistët shëndetësorë, është arritur të ulen rastet aktive për rreth 15%. Numri i të infektuarve për 100,000 banorë ka rënë nga 257 në 100 raste. Por, situata mbetet e rëndë dhe jemi të detyruar të mbajmë masat pasi burimet e infeksionit janë kudo, në veçanti në ambientet ku ka grumbullim të qytetarëve.
Nga vlerësimi i bërë të premten e shkuar, 16 komuna janë në zonën e kuqe, 9 janë në zonë të verdhë dhe 13 në zonë të gjelbër.
Krahasuar me javën paraprake, në 5 komuna ka përmirësim dhe ato kanë kaluar nga zona e kuqe në zonën e verdhë (Pejë, Vushtrri, Shtime, Ferizaj dhe Viti). Ndërkaq, 7 komuna janë përmirësuar nga zona e verdhë në zonën e gjelbër (Klina, Hani i Elezit, Skënderaj, Partesh, Rahovec, Prizren dhe Ranillugë).
Për të mbajtur gjendjen nën kontroll, duhet të respektojmë masat. Në funksion të kësaj, kemi vendosur të përfundojmë gjysmë vjetorin e parë të shkollës më datë 18 dhjetor. Kjo do ta ulë ndjeshëm frekuentimin e qytetarëve. Kjo masë është bazuar edhe në faktin se, krahas mjekëve dhe infermierëve, si dhe policëve, që janë më së shumti të infektuar pasi kanë kontakt të drejtpërdrejt, mësimdhënësit janë gjithashtu mjaft të prekur. Të dhënat tregojnë se nga rreth 11 mijë arsimtarë që janë testuar, 15% kanë rezultuar pozitiv, ndërkaq nga rreth 7 mijë nxënës të testuar 17% kanë rezultuar pozitiv. Kjo është arsyeja e vendimit të Qeverisë për të mbyllur shkollat më 18 dhjetor.
Deri më 18 janar 2021, kur shkollat hapen prapë, spitalet tona do të jenë më pak të ngarkuar për të përballuar fluksin e pacientëve që kërkojnë shërbime spitalore.
Ne duhet të ruajmë sistemin tonë shëndetësorë. Po bëjme perpjekje maksimale të përballojmë fluksin e pacientëve të prekur nga COVID. Prandaj, me rekomandim të IKSHP-së dhe organizatave relevante ndërkombëtare, duhet të mbajmë masat dhe të forcojmë mbikëqyrjen e zbatimit të tyre. Duhet të evitojmë takimet shpërndarëse të virusit, siç janë tubimet publike, ceremonitë e ndryshme etj. Në veçanti duhet respektuar masat elementare: distanca fizike, maska dhe pastërtia e duarve dhe mos përshëndetja me duar.
2. VAKSINA ANTI-COVID
Po punojmë shumë në sigurimin e vaksinës. Jemi pjesë e koalicionit COVAX dhe presim të marrim vaksina për 20% të popullsisë. Në anën tjetër, Ministri i Shëndetësisë është në kontakt me kompaninë prodhuese të vaksinës, si dhe po punojmë me vendet partnere për të kërkuar mbështetje direkte nga to.
IKSHP po punon në sigurimin e pajisjeve të nevojshme teknike për ruajtjen dhe shpërndarjen e vaksinës në të gjitha komuna. Instituti ka bërë gati planin e vaksinimit, duke vendosur me prioritet të moshuarit dhe qytetarët me sëmundje kronike, krahas punëtorëve shëndetësorë të cilët janë në ballë të kësaj beteje.
3. GJENDJA NË SPITALE
I gjithë stafi shëndetësorë është mobilizuar dhe po bëjnë një punë të jashtëzakonshme. Sot, numri i pacientëve të shtrirë nëpër klinika në Prishtinë dhe në spitale rajonale është 874. Ne duhet tu japim mjekëve dhe infermierëve gjithë mbështetjen e nevojshme institucionale (të cilën gjë po e bëjmë) dhe morale e publike. Kritikat e drejtuara ndaj tyre janë të pavend dhe të papranueshme. Vetëm ata që janë përballur me virusin dhe kanë kërkuar shërbime spitalore e kuptojnë se çfarë pune po bëjnë ata. Sigurisht se ka probleme teknike me shtretër të mjaftueshëm dhe adekuat, apo me furnizim të plotë me barna, ose vështirësi në furnizimin me oksigjen. Por, këta profesionistë po bëjnë punë kolosale për gati një vit pa ndërprerë.
Pavarësisht kësaj situate, SHSKUK po bënë të pamundurën për të ofruar shërbimet bazike shëndetësore. Sipas të dhënave, vetëm deri në shtator janë trajtuar 93 mijë pacientë të shtrirë në spitale, janë kryer 21 mijë operacione, janë ofruar 726 mijë vizita ambulatore, janë kryer 2.1 milion shërbime laboratorike, janë kryer 195 mijë shërbime radiologjike, janë kryer 90 mijë shërbime të dializës dhe plotë shërbime të tjera.
4. PARASHIKIMET DHE PRIORITETET NË JAVËT NË VIJIM
Do të monitorojmë situatën dhe mbikëqyrim zbatimin e masave. Do të punojmë ngushtë me komunat dhe me të gjitha grupet për të kërkuar bashkëpunim dhe respektim të masave. Me këtë rast dëshiroj të falënderoj qytetarët për respektimin e masave dhe i lus të respektojnë këshillat e mjekëve.
Institucionet shëndetësore do të mbesim të mobilizuara. Po përgatisim skenarët për masat e nevojshme për festat e fundvitit kur ka frekuentim më të madh të qytetarëve, përfshirë edhe ardhjen e bashkatdhetarëve.
Do të punojmë shumë në sigurimin sa më të shpejtë të vaksinën.
Na duhet mbështetja e secilit qytetar për të fituar këtë betejë,”-ka shkruar ai.
(k.a/dosja.al)
1 vit nga zgjedhjet e 25 prillit si e shikoni gjendjen e vendit:
SHBA-Prezantuesja e Sky News, Kay Burley është dënuar për shkak të shkeljes së rregullave të COVID-19, pasi është spiunuar nga kolegët e saj.Bureley kishte treg...
SHBA– Dr. Jonathan Reiner, një ish këshilltar mjekësor i administrates së George W. Bush, ka thënë se Presidenti i zgjedhur Joe Biden dhe Kamala Harris duhet të...
Ministri i Shëndetësisë së Maqedonisë së Veriut, Venko Filipçe ka thënë se popullata nuk duhet të ketë frikë, meqë bëhet fjalë për vaksina të sigurta, e ...
BRITANI-Të gjithë e dimë që qentë kanë një nuhatje të pakonkurueshme. Nuhatja e tyre vlerësohet të jetë të paktën 10,000 herë më e fortë se e njerëzve. Kjo aft...
SHBA-Grupet e protestuesve pro-Trump Proud Boys dhe kundështarët e tyre Antifa, janë përplasur ditën e djeshme, pas vendimit të Gjykatës për të hedhur poshtë p...
KOSOVË– Djali 19-vjeçar me iniciale SH.B, i cili u dhunua nga një oficer policie ka rrëfyer momentin sesi ka ndodhur ngjarja. Një intervistë që ka d...
RUSI– Pandemia e koronavirusit ka ‘shtrënguar rripin’ e të gjitha vendeve. Edhe në Rusi, nuk ka kaluar lehtë, dhe tani në fundvit, kohë kur bëhet plani për viti...
BRITANI– Bisedimet për Brexit janë shtyrë për javën e ardhshme, ndërsa sot u shmang një marrëveshje katastrofike për të dyja palët.Kryeministri britanik Boris ...
BRITANIA E MADHE-Kryeministri Boris Johnson ka reaguar pas thirrjes së Stafit të Shëndetit(NHS), të cilit i kanë sugjeruar që mos t’i lehtësojë masat për Krisht...
SHBA-Aktorja amerikane Carol Sutton, ka ndërruar jetë në moshën 76-vjeçare, pasi ishte infektuar me Covid-19. Sipas BBC, humbja e saj ka shkaktuar dëshpë...
