Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Kryedemokrati Lulzim Basha ka deklaruar se përjashtimi i ish-kryeministrit Sali Berisha nga Grupi Parlamentar i Partisë Demokratike ka qenë minumimi i vendimit që ai mund të merrte. Në një intervistë për ‘News24’, Basha tha se Berisha nuk i qëndroi premtimit të bërë publik që nuk do ta përfshinte Partinë Demokratike dhe as Grupin Parlamentar të PD-së në betejën me Shtetet e Bashkuara të Amerikës. Basha vazhdoi se Berisha nisi një betejë ku përfshiu tërësisht Partinë Demokratike. Ai në fjalën e tij gjithashtu tha se para 9 shtatorit ishte lideri më i mirë i Partisë Demokratike dhe kandidati më i mirë për kryeministër të vendit.
Pyetje: Në librin tuaj Misioni im ju e keni kundërshtuar konceptin e vrasjes së babait. Madje keni shtjelluar më tej se kjo nuk është në traditën partive të djathta vrasja e babait, por është një akt i partive të majta. Në fakt akti që ju morët me zotin Berisha me pezullimin nga Grupi Parlamentar i Partisë Demokratike a nuk është një vrasje e babait tuaj politik? Dhe si do t’i përgjigjeshit akuzave të zotit Berisha në planin personal që ju jeni besëprerë me këtë akt?
Basha: Nëse ka një njeri në pozitat e një drejtuesi partie që nderon trashëgimi politike dhe respekton pasardhësin në gjirin e Partive Popullore Europiane apo kudo në planet ky jam unë. E kam treguar këtë duke treguar vlerat më të mira konservatore dhe traditën më të mirë të konservatorizmit shqiptar dhe konservatorizmit politik. E kam bërë në nderim të gjërave pozitive që Sali Berisha dhe ekipi i tij pjesë e të cilit kam qenë edhe unë ka bërë për Shqipërinë. Sigurisht duke tejkaluar edhe pjesët negative për të cilën kemi paguar koston tonë sa herë që jemi votuar nga shqiptarët për të dalur në opozitë. Kam vazhduar ta bëj këtë edhe kur kishte thirrje publike për linçimin e tij. Dhe e kam bërë edhe në momentin kur Shtetet e Bashkuara të Amerikës kanë bërë presionin maksimal për largimin e tij nga Partia Demokratike dhe largimin e tij nga parlamenti duke vendosur pezullimin e tij nga Grupi Parlamentar pa e larguar as nga Partia Demokratike, as nga parlamenti deri në zgjidhjen e mosmarrëveshjes me Shtete e Bashkuara të Amerikës, me partnerin strategjik të Partisë Demokratike dhe të Shqipërisë. Kjo besoj se e shpjegon fare qartë qëndrimin tim, qëndrim që më mirë se kushdo e ka patur të qartë Sali Berisha qëndrimet e të cilit ndryshojnë si nata me ditën, si e bardha me të zezën. Deri para 9 shtatorit isha lideri më i mirë i Partisë Demokratike. Ndonjëherë ka tejkaluar edhe vetën e tij në atë moment. Isha kandidati më i mirë për kryeministër, isha njeriu që në jetën time kisha realizuar gjëra që Edi Ramës do i duheshin 3 jetë për t’i realizuar. Çfarë ndryshoi pas 9 shtatorit? Qëndrimi im si kryetar i Partisë Demokratike në interesin më të mirë të demokratëve dhe në interes të të nesërmes së Partisë Demokratike dhe të Shqipërisë për të pezulluar Sali Berishën. Duke respektuar kështu dhe duke konkretizuar kështu angazhimin e tij që nuk do të përfshinte Partinë Demokratike dhe Grupin Parlamentar në betejën me Shtetet e Bashkuara të Amerikës. Një vendim që duhet ta merrte vetë siç kam kërkuar që ta merrte vetë. Në momentin që Sali Berisha nuk i qëndroi premtimit të bërë publik që nuk do ta përfshinte Partinë Demokratike dhe as Grupin Parlamentar të Partisë Demokratike në Betejën me Shtete e Bashkuara të Amerikës përkundrazi nis një betejë ku përfshiu tërësisht Partinë Demokratike. Pa pikë diskutimi që ka qenë minimumi i vendimit që duhej të merrja me përgjegjësitë e mia si kryetar i zgjedhur me një anëtar një votë, me votë plebishitare në respekt të sakrificës së demokratëve. Sa i përket besë prerjes që është një nga sulmet më të ulëta që është bërë nga Sali Berisha këto 2 muaj. Nuk ka patur kurrë një besë midis meje dhe Sali Berishës për t’i rënë me shkelm sakrificës së demokratëve nëse cënohej interesi i njërit apo i tjetrit, për të mbrojtur shpinën e njërit apo të tjetrit. Jo! Me Sali Berishën na ka lidhur një tjetër besë nëse mund ta them këtë. Që ai ka ditur ta vlerësojë edhe publikisht. Besa e vlerave euroatlantike që na çoi dhe e çoi Shqipërinë në NATO, besa e interesit kombëtar për pavarësinë e Kosovës de njohjes së saj ndërkombëtare. Besa për interesat më të mira të shqiptarëve që nga heqja e vizave, tek ndërtimi i infrastrukturës moderne. Kjo ka qenë besa nëse mund ta quajmë besën që kemi lidhur me njëri-tjetrin dhe jo t’i binim me shkelm sakrificës së demokratëve nëse cënoheshin interesat personale të tij apo të miat. Kjo është e vërteta dhe gjithçka tjetër është një spekulim i pastër për të mbrojtur hallet personale të Sali Berishës.
(I.A/dosja.al)
Cila mendoni se është alternativa më e mirë:
TIRANË– Kryeministri Edi Rama ka nisur ditën e sotme duke ndarë disa pamje nga fshati turistik i Dardhës në Korçë. Në rrjetin social ‘Fa...
TIRANË– Kryetari në ikje i Forumit Rinor të Partisë Demokratike, Belind Këlliçi ka bërë një deklaratë të fortë. I ftuar në emisionin “Zonë e L...
TIRANË- Deputeti i Partisë Demokratike Edmond Spaho ka deklaruar se Kuvendi Kombëtar do të mblidhet me 11 Dhjetor. Në një intervistë për Ora News, Spaho ka...
TIRANË- Kuvendi do të mblidhet ditën e hënë për të diskutuar rreth projektligjit “Për buxhetin e vitit 2022”. Mësohet se seanca e Kuvendit do të jetë marat...
SARANDË- Ish-kryeministri Sali Berisha ka deklaruar ditën e sotme se nëse do të vijë në pushtet, do ta anulojë ligjin për investimet, pasi kërcënon ç...
TIRANË– Deputetja e Partisë Demokratike, Albana Vokshi tha këtë të premte se kriza e brendshme në PD erdhi si pasojë e vendimit të kryedemokratit, Lu...
SARANDË– Ish-kryeministri Sali Berisha ka takuar një mikun e tij gjatë “Foltores” në Sarandë. Gjatë bashkëbisedimit me qytetarët, Berisha...
TIRANË- Drejtoresha e Komunikimit në Foltoren e ish-kryeministrit Sali Berishës, Floriana Garo ka deklaruar se takimi i radhës do të jetë në Fushë Krujë. N...
SARANDË- Ish-kryeministri Sali Berisha ka deklaruar se Lulzim Basha edhe pse është i shkolluar në perëndim, po sillet si të ketë ardhur nga Koreja e Veriu....
SARANDË- Evi Kokalari ka deklaruar se intervista e sotme e kreut të Partisë Demokratike Lulzim Bashës, në orën 17:00 ishte e organizuar për të hequr vëmend...
