Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ta kritikosh Trumpin në publik nuk është diplomatike. Por a do ta shqetësojë kjo Presidentin amerikan, apo ky është thjesht lloji i fjalimit të drejtpërdrejtë që pëlqen Trumpi? Ajo që është e qartë është se Macron e njeh Trump prej një kohe të gjatë.
SHBA - Emmanuel Macron ofroi një paraqitje të shkurtër të strategjisë së tij ndaj Presidentit amerikan Donald Trump të enjten në mbrëmje gjatë një paraqitjeje live në disa rrjete sociale, ku i bënë pyetje.
"Ajo që do t'ju them," tha Presidenti francez, dhe iu drejtua verbalisht Trumpit para komunitetit të internetit: "Ti nuk mund të jesh i dobët përballë Presidentit Putin. Ti nuk je i tillë. Nuk është marka jote tregtare. Nuk është interesi yt. Si mund të jesh i besueshëm për Kinën kur je i dobët ndaj Putinit?"
Ta kritikosh Trumpin në publik nuk është diplomatike. Por a do ta shqetësojë kjo Presidentin amerikan, apo ky është thjesht lloji i fjalimit të drejtpërdrejtë që pëlqen Trumpi? Ajo që është e qartë është se Macron e njeh Trump prej një kohe të gjatë.
Macroni dhe Trumpi njihen prej tetë vitesh
Në Pallatin Elysee, para takimit në Uashington, tërheqin vëmendjen se Macroni është një nga të paktët krerët e rëndësishëm të shteteve dhe qeverive, që Trumpi kishte takuar gjatë mandatit të tij të parë.
Të dy i morën postet e tyre presidenciale në vitin 2017. Trumpi u mahnit kur Macroni e ftoi të merrte pjesë në paradën në Champs-Élysées si mysafir nderi në Ditën Kombëtare të Francës.
Pothuajse tetë vjet më vonë, në dhjetor, Trumpi udhëtoi në Paris për përurimin e Katedrales së rindërtuar Notre-Dame, edhe para se të merrte mandatin e tij të dytë. Ka spekulime në Francë se Trumpi mund ta ketë siguruar vendin në rreshtin e parë, sepse kishte rënë dakord të takonte presidentin ukrainas Volodymyr Zelensky pak më parë në mënyrë spontane. Takimi në Pallatin Elysee ishte takimi i fundit deri sot mes Presidentëve të Shteteve të Bashkuara dhe Ukrainës.
Trumpi: Macroni është "djalë i mirë” që "nuk ka bërë asgjë”
Macroni dhe Trumpi e njohin mirë njëri-tjetrin. Të premten e kaluar, Trumpi iu referua Presidentit francez si "djalë i mirë” përpara gazetarëve në Shtëpinë e Bardhë. Megjithatë, ai shtoi menjëherë se si Macroni ashtu edhe kryeministri britanik Keir Starmer sipas tij nuk kishin bërë asgjë për t'i dhënë fund luftës në Ukrainë.
"Lufta po vazhdon ende, ata nuk janë takuar me Rusinë, nuk kanë bërë asgjë, nuk kanë bërë asgjë”, tha Trumpi, duke iu referuar Starmerit dhe Macronit. Në Pallatin Elysee, natyrisht, i shohin gjërat ndryshe.
Diplomacia e krizës e Macroni në lëvizje të plotë
Për gati dy javë, Macroni ka qenë i angazhuar në diplomaci të vazhdueshme të krizës. Kjo përfshin një takim të posaçëm të shteteve të përzgjedhura evropiane dhe përfaqësuesve të BE dhe NATO-s, në të cilin Macron ftoi të hënën edhe Starmerin dhe kancelarin gjerman Olaf Scholz
Të mërkurën, Macroni mbajti gjithashtu një video-konferencë me 20 krerë të tjerë shtetesh dhe qeverish, jo vetëm evropianë. Bëhet fjalë për t'i bërë një ofertë Trumpit që evropianët të ulen në tryezën e bisedimeve dhe të gjejnë një zgjidhje paqësore për Ukrainën.
Evropa duhet të ofrojë
Franca dhe Britania e Madhe në veçanti thuhet se po punojnë tashmë për një forcë paqeruajtëse. Shifra e rreth 30.000 ushtarëve që qarkullon në media nuk është konfirmuar nga asnjëra palë deri sot.
Shumica e vendeve evropiane pajtohen se duhet të rrisin në mënyrë dramatike shpenzimet e mbrojtjes. Javën e kaluar, Macroni thirri përfaqësuesit e të gjitha partive në Asamblenë Kombëtare për të bërë të qartë se sa serioze është situata dhe se Franca duhet të rrisë ndjeshëm buxhetin e saj të mbrojtjes. Madje Macroni ka shtruar mundësinë e marrjes së borxheve publik për këtë qëllim.
Evropa e dobësuar
Aftësitë diplomatike të Macronit nuk lënë përshtypje të keqe në Francë. Macroni nuk ka më shumë besueshmëri në politikën e brendshme, por në politikën e jashtme ai është në elementin e tij.
Macroni dhe Trumpi thuhet se kanë folur disa herë në telefon ditët e fundit. Nga avioni për në Uashington, Macroni shkroi në frëngjisht dhe anglisht përmes shërbimit në internet X të Elon Musk, duke thënë se ai jo vetëm që kishte shkëmbyer pikëpamje me liderët e BE Scholz dhe Starmer, por edhe me kryeministrin hungarez Viktor Orbán dhe presidentin turk Rexhep Tajip Erdogan./DW
foto ilustruese UKRAINË- Kievi dhe Uashingtoni janë afër nënshkrimit të një marrëveshjeje për aksesin e SHBA-s...
Volodymyr Zelenskyy UKRAINË- Procesi i pranimit të Ukrainës në Bashkimin Evropian bazohet në merita d...
Ursula von der Leyen UKRAINË- Presidentja e Komisionit Ursula von der Leyen është shprehur se procesi i pranimit të Ukrain&eu...
Eric Adams NJU JORK - Kryetari i bashkisë së Nju Jorkut, Eric Adams përballet me trysni në rritje ligjore dhe politike për shkak t...
foto ilustruese UKRAINË- Zëvendëskryeministrja e Ukrainës Olha Stefanishyna, ka deklaruar se Ukraina dhe Shtetet e Bashkuara janë ...
AFRIKË- Rreth 7,000 njerëz kanë vdekur që nga janari në luftimet në Republikën Demokratike të Kongos (DRC), tha kryemi...
Foto ilustruese IZRAEL- Xhihadi Islamik akuzoi sot Izraelin se dëshironte të aneksonte Bregun Perëndimor me fo...
Policia keniane AFRIKË- Një oficer policie kenian i cili ishte në patrullë me forcën ndërkombëtare të sigurisë...
Foto ilustruese RUSI- Moska dhe Kievi kanë rënë dakord të evakuojnë banorët e Kurskut në Rusi, siç njof...
Foto ilustruese UKRAINË- Kievi dhe Uashingtoni janë afër nënshkrimit të një marrëveshjeje për akses...
