Dita e 53-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
Në njërën anë të Portës së Brandenburgut në Berlin, të shtunën do të ketë festë – të organizuar nga aktivistët kundër energjisë atomike për të shënuar fitoren në betejën që ka zgjatur 60 vjet.
GJERMANI- Në njërën anë të Portës së Brandenburgut në Berlin, të shtunën do të ketë festë – të organizuar nga aktivistët kundër energjisë atomike për të shënuar fitoren në betejën që ka zgjatur 60 vjet.
Në anën tjetër të Portës, do të ketë protesta – pasi demonstruesit do të marshojnë kundër mbylljes së tre reaktorëve të fundit bërthamorë në Gjermani. Isar 2, Emsland dhe Neckarwestheim 2, do të pushojnë së punuari në mesnatë. Te Porta e Brandenburgut, kur Muri e ka ndarë Berlinin përgjatë Luftës së Ftohtë, energjia bërthamore është një linjë ideologjike që po ndan shtetin. Është një temë që zgjon emocione dhe debate si rrallë ndonjë çështje tjetër.
Sidomos tani, kur në Evropë është duke u zhvilluar një luftë, ajo e Rusisë kundër Ukrainës. Ndërkohë, gjermanët e akuzojnë njëri-tjetrin për ideologji irracionale.
Komentatorët dhe politikanët konservatorë besojnë se shteti është bërë skllav i dogmës së Partisë së Gjelbër, e cila shtyn përpara idenë e mbylljes së reaktorëve bërthamorë, në kohën kur heqja dorë nga energjia ruse nënkupton rritje të çmimeve. Ata akuzojnë qeverinë për rritje të varësisë në lëndë djegëse të papërpunuara, në vend të energjisë bërthamore, e cila njihet për më pak emetime karboni në natyrë.
“Është ditë e zezë për mbrojtje të klimës në Gjermani”, ka thënë Jens Spahn, deputet konservator i Unionit Demokristian (CDU), për televizionin RTL, më herët gjatë javës.
Aktualisht, Gjermania e siguron pothuajse gjysmën e rrymës nga energjia e ripërtrishme – 44 për qind më 2022, sipas Zyrës Federale të Statistikave – dhe vetëm 6 për qind nga energjia bërthamore. Ministri i Ekonomisë, Robert Habeck nga Partia e Gjelbër parashikon që 80 për qind e energjisë së Gjermanisë do të jetë e ripërtrishme deri më 2030, andaj edhe ka miratuar ligje që shpejtojnë procesin e ndërtimit të fermave solare.
Mirëpo, vitin e kaluar, proporcioni i energjisë së ripërtrishme ka stagnuar, derisa emetimet e karbonit janë rritur. Kjo për shkakun që Gjermania është detyruar të importojë më shumë gaz të lëngshëm natyror dhe të përdorë më shumë thëngjill, ashtu që të zëvendësojë gazin rus.
Një realitet i tillë, i ka nxitur edhe disa votues të Partisë së Gjelbër, dhe aktivistët kundër energjisë bërthamore, që të mbështesin vazhdimin e përkohshëm të punës në tre reaktorët bërthamorë.
Në një artikull të publikuar në Der Tagesspiegel, ministrja e Ambientit, Steffi Lemke nga Partia e Gjelbër ka thënë se Gjermania do të mbyllë reaktorët bërthamorë, sepse aksidentet katastrofike nuk mund të përjashtohen, “qoftë nëse janë për shkak të gabimit të njeriut, sikur në Çernobil, apo nga katastrofat natyrore, sikurse ajo në Fukushima, apo sulme, të cilat është duke i përjetuar Ukraina, për shkak të luftës së Rusisë”.
Sipas saj, Gjermania nuk ka nevojë për energji bërthamore, sepse energjia e ripërtrishme është më e sigurt, më e qëndrueshme, më e mirë për klimën dhe më e mirë edhe për ekonominë.
Pavarësisht parashikimeve për mungesë të energjisë, Gjermania është duke prodhuar energji më shumë sesa ka nevojë, duke eksportuar energji në Francë përgjatë muajve të verës, kanë thënë liderët e Partisë së Gjelbër.
Por, votuesit janë të ndarë.
Sipas një sondazhi të kryer nga rrjeti televiziv ARD, 59 për qind e gjermanëve janë kundër mbylljes së stacioneve bërthamore, derisa 34 janë për mbyllje.
Mbështetja për energji bërthamore është më e madhe në mesin e personave të moshuar dhe votuesve konservatorë. Mirëpo, pyetjet më të detajuara, tregojnë realitet tjetër.
Në sondazhin e fundit të realizuar nga YouGov, më herët gjatë kësaj jave, 65 për qind e gjermanëve kanë thënë se duan t’i mbajnë aktivë reaktorët bërthamorë, tani për tani. Vetëm 33 për qind kanë dëshiruar që Gjermania t’i mbajë në punë këta reaktorë, përgjithmonë. Me fjalë të tjera, mbyllje të reaktorëve, sipas tyre, duhet të ketë, por jo tani.
Të enjten, lideri i konservatorëve të Bavarisë, Markus Soder, e ka vizituar zonën e reaktorit, Isar 2, dhe u ka bërë thirrje gjermanëve, që jo vetëm të mbajnë aktivë reaktorët bërthamorë, por edhe të aktivizojnë stacionet e vjetra bërthamore, përfshirë një që e ka mbyllur vetë ai.
Ndërkohë, Christian Lindner, ministër i Financave dhe udhëheqës i Partisë Liberale FDP – e cila është pjesë e koalicionit qeveritar – është rebeluar këtë javë kundër linjës qeveritare, dhe ka bërë thirrje që tri stacionet bërthamore të jenë aktive.
Të dy liderët e dinë se në këtë pikë, ide të tilla janë vështirë të realizueshme, si në aspektin teknologjik, ashtu edhe në të atë ligjor, apo edhe financiar.
Mirëpo, ndoshta duke parë sondazhet, ata shohin mundësi për pikë politike, pavarësisht se çfarë do të ndodhë me reaktorët. Partia e Gjelbër, e cila i ka rrënjët në lëvizjen kundër energjisë bërthamore, më 1970, do të festojë këtë fundjavë.
Mirëpo, partia e di se kundërshtarët e saj janë të gatshëm t’ia drejtojnë gishtin, në rast të komplikimeve në të ardhmen, qoftë me ndërprerje, me rritje të çmimeve të energjisë, apo edhe rritje të emetimeve të karbonit./REL
Sudan AFRIKË- Të shtëna me armë zjarri dhe shpërthime janë raportuar në kryeqytetin sudanez, Khartoum, pas disa di...
Yevgeny Prigozhin RUSI- Kreu i mercenarëve rusë të Wagner-it, Yevgeny Prigozhin, i ka propozuar presidentit rus Vladimir Putin që...
Vladimir Putin RUSI- Kremlini prezantoi të premten dënime të reja të ashpra për njerëzit që i shmangen thirrjes us...
Joe Biden shpërthen në lot, takon rastësisht priftin që bekoi djalin e tij para se të vdiste SHBA- Presidenti amerikan, Joe Biden...
Luiz Inacio Lula da Silva SHBA- Presidenti i Brazilit se Shtetet e Bashkuara duhet të ndalojnë inkurajimin e luftës në Ukrain&eum...
Policia MAQEDONI E VERIUT- Një ngjarjë e rëndëështë shënuar në Maqedoninë e Veriut. Një 42-vjeçar...
Astrit Bushi SHBA- Një 48-vjeçar shqiptar i identifikuar me emrin Astrit Gjon Bushi është dënuar me burgim të pë...
Fëmijët në Ukrainë UKRAINË- Më shumë se 500 fëmijë janë vrarë në Ukrainë që nga...
Vladislav Ammosov Vladislav Ammosov thotë se ka kaluar më shumë se 15 vjet duke ndërtuar një karrierë në ushtrinë ...
Sulm nga ajri në Mianmar Numri i të vdekurve nga një sulm ajror në një fshat qendror të Mianmarit është rritur n&e...
