Aksident i rëndë te rrethrrotullimi i TEG-ut/ Betonieria bie nga lartësia, humb jetën shoferi dhe plagoset një tjetër
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Ukraina thotë se Rusia ka humbur rreth 1,200 tanke, por kjo shifër nuk është konfirmuar në mënyrë të pavarur. Megjithatë, blogu ushtarak, Oryx, i cili mbledh humbjet e pajisjeve ushtarake ruse në Ukrainë, bazuar në fotografitë e dërguara nga vija e frontit, thotë se Rusia ka humbur 664 tanke deri më 13 maj dhe rreth 3,000 automjete të tjera të blinduara dhe pajisje të rënda.
UKRAINË- Rusia raportohet të ketë humbur më shumë se 650 tanke dhe rreth 3,000 automjete të tjera të blinduara dhe pajisje të rënda, në luftën e saj në Ukrainë. Ekspertët ua atribuojnë humbjet armëve të avancuara anti-tank që i janë dhënë Ukrainës nga vendet perëndimore, strategjisë së dobët ruse dhe moralit të ulët të ushtarëve rusë.
Ukraina thotë se Rusia ka humbur rreth 1,200 tanke, por kjo shifër nuk është konfirmuar në mënyrë të pavarur. Megjithatë, blogu ushtarak, Oryx, i cili mbledh humbjet e pajisjeve ushtarake ruse në Ukrainë, bazuar në fotografitë e dërguara nga vija e frontit, thotë se Rusia ka humbur 664 tanke deri më 13 maj dhe rreth 3,000 automjete të tjera të blinduara dhe pajisje të rënda.
Pajisjet e braktisura
Nga 664 tanke që Rusia ka humbur në Ukrainë, 283 janë braktisur ose kapur. Sipas analistëve ushtarakë, kjo do të thotë shumë për operacionet: Inteligjenca e dobët ka bërë që oficerët komandues rusë të mos jenë në gjendje t’i planifikojnë siç duhet operacionet e tyre sulmuese. Edhe bërthama e personelit ushtarak përbëhet kryesisht nga rekrutët - rreth 80 për qind - të cilët nuk janë të trajnuar profesionalisht për t’i përdorur pajisjet.
Forcat pushtuese, po ashtu, kanë shpresuar se ukrainasit do t’i presin krahëhapur, gjë që nuk ka ndodhur. Numri i madh i viktimave në ditët dhe javët e para të pushtimit ka ndikuar në moralin e trupave ruse, që shpesh janë arratisur nga pozicionet e tyre, duke i lënë pas pajisjet.
Në fakt, aq shumë pajisje ushtarake ruse janë braktisur, saqë autoritetet ukrainase kanë deklaruar se kushdo që posedon pajisje të tilla, nuk ka nevojë t’i deklarojë ato për qëllime tatimore.
Videot amatore të tankeve ruse dhe automjeteve të tjera të blinduara, që tërhiqen nëpër fusha dhe fshatra nga traktorët ukrainas, janë bërë vazhdimisht virale në mediat sociale.
Automjetet ushtarake janë zakonisht të braktisura, të prishura ose pa karburant. Ato shpesh u dorëzohen forcave të armatosura ukrainase, që luftojnë kundër pushtimit rus.
Pajisjet e shkatërruara
Sa u përket pajisjeve ruse që kanë humbur në luftime, lufta në Ukrainë ka ekspozuar të meta të mëdha në to, si dhe materiale të vjetruara ose me cilësi të ulët.
Frëngjit
ë e tankeve që janë hedhur në erë, tregojnë një problem dizajni, të njohur si defekti “Jack-in-the-box”. Shumë tanke ruse, përfshirë T-72, i cili është përdorur shumë në pushtimin rus të Ukrainës, kanë një sistem të automatizuar municioni, që njihet si: “mbaj dhe ngarko”. Predhat vendosen në një unazë brenda frëngjisë dhe municionet ruhen nën operatorët e tankeve. Dhe, kur e shtëna e armikut godet një vend të cenueshëm - si p.sh. pjesa e sipërme e tankut, ku armatura është më e hollë - unaza e municionit mund të shpërthejë dhe të fillojë një reaksion zinxhiror, që avullon ekuipazhin dhe shpërthen frëngjinë e tankut.
Strategjia e dobët
Ushtria ruse operon përmes njësive të pavarura luftarake, të njohura si grupe taktike batalionesh, të përbëra nga tanke, këmbësori dhe artileri.
Këto njësi janë krijuar për të sulmuar shpejt dhe përbëhen prej shumë automjetesh të blinduara, por kanë pak këmbësori për të ofruar mbrojtje nëse kolona e blinduar sulmohet.
Njësitë ruse mund të shkaktojnë shumë dëme, por taktikat efektive të Ukrainës, së bashku me armët anti-tank të siguruara nga Perëndimi, i kanë dhënë Rusisë një goditje të madhe.
Armët anti-tank që i janë dhënë Ukrainës nga vendet perëndimore
Shumë tanke ruse janë të pajisura me forca të blinduara reaktive, të dizajnuara për t’i bërë ballë goditjes së raketave. Megjithatë, raketat Javelin, të prodhuara nga SHBA-ja, janë të pajisura me dy koka luftarake: e para e largon armaturën reaktive, ndërsa e dyta depërton në tank.
Armët tjera janë dëshmuar shumë efektive kundër pajisjeve ruse. Droni Bayraktar TB2, prodhim turk, ka aftësi unike për të zbuluar dhe identifikuar objektivat nga një distancë deri në 50 kilometra.
Deri më tani, më shumë se 30 vende kanë ofruar ndihmë financiare dhe ushtarake për Ukrainën. Furnizimet kanë qenë të kufizuara në armë, municione dhe pajisje mbrojtëse, si: sisteme anti-tank dhe anti-ajrore, pasi anëtarët e NATO-s kanë frikë se ofrimi i pajisjeve më të rënda sulmuese, të tilla si avionët luftarakë, mund të çojë në një konflikt të drejtpërdrejtë me Rusinë.
Para pushtimit të Ukrainës, ushtria ruse ka pasur reputacionin e një ushtrie të fortë, efektive dhe teknologjikisht të avancuar. Këtë reputacion e ka arritur kryesisht përmes përfshirjes së saj në luftën e Sirisë.
Por, në këtë teatër të ri të luftës, ushtria ukrainase, edhe pse është më e vogël, ka dëmtuar seriozisht reputacionin e saj./REL/
Aksioni ne Greqi GREQI- Në kuadër të urdhrit të ministrit të Mbrojtjes Civile në Greqi, Takis Theodorikakos, për të...
Mevlut Çavusoglu TURQI-Ministrat e jashtëm të Suedisë dhe Finlandës planifikojnë të udhëtojn&...
Papa Francesku VATIKAN- Papa Françesku duket se ka gjetur "ilaçin" për dhimbjen e këmbës, e cila e ka detyruar t&eum...
Maternitet ne Ukraine UKRAINË- Që nga fillimi i luftës në Ukrainë, rreth 200 gra shtatzëna kanë shkuar për të ...
Harta e vendeve nordike NORVEGJI- Norvegjia, Danimarka dhe Islanda kanë thënë se do të "qëndrojnë gati" për të mbro...
Ushtaret rus UKRAINË- Komandantët rusë vrasin gjakftohtësisht ushtarët e tyre të plagosur në vend që t'u japin ndih...
Serbi SERBI- Nuk ndalen kërcënimet në Serbi, ku pas alarmit për bomba në gati 100 shkolla në kryeqytet janë evakuuar dhe...
Kukulla dhe letra BRITANI- Një mësuesi i shkollës fillore i është kërkuar të largohet nga shtëpia e tij e re p...
Lutfa ne Ukraine UKRAINË- Një magazinë që përmbante sasi të nitratit të amonit u godit nga një sulm rus n...
Josep Borrell GJERMANI- Përfaqësuesi i Lartë i BE-së për Politikë të Jashtme dhe Siguri, Josep Borrell tha se me takimin...
