Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Korrespodenti i Zërit të Amerikës Scott Stearns na njeh me reagimet e disa votuesve amerikanë mbi këto ndryshime në fushatën presidenciale.
SHBA- Votuesit në Shtetet e Bashkuara po përballem me një fushatë të re presidenciale, pasi Presidenti Joe Biden u tërhoq nga kandidimi për një mandat të dytë dhe Nënpresidentja Kamala Harris ka të ngjarë të jetë e emëruara e Partisë Demokrate për t‘u përballur me Donald Trumpin në zgjedhjet e nëntorit. Korrespodenti i Zërit të Amerikës Scott Stearns na njeh me reagimet e disa votuesve amerikanë mbi këto ndryshime në fushatën presidenciale. Në vendlindjen e Joe Bidenit, në Skranton të Penslilvanisë, votuesi Eric Boylan thotë se demokratët nuk kishin zgjidhje tjetër, veçse të nxisnin largimin e tij nga gara.
“Ai është një udhëheqës shumë i mirë. Por po ashtu bie dakord me idenë se koha e tij ka mbaruar dhe është momenti që ai të bëjë mënjanë dhe t’i hapë udhë dikujt tjetër”, shprehet votuesit Boylan.
Votuesja Kristine Stoll thotë se nëse zoti Biden nuk është në gjendje të jetë kandidat, atëherë ai nuk duhet të jetë më as president.
“Ai duhet të ishte tërhequr shumë kohë më parë. Ai duhet të largohet nga Shtëpia e Bardhë. Gjendja e tij mendore nuk është aq e qëndrueshme që të mund të drejtojë këtë vend”, shprehet Kristine Stoll, votuese në Pensilvani.
Votuesi Daniel Brennan ndan mendimin se emërimi i Nënpresidentes Kamala Harris si kandidate e Partisë Demokrate shton mundësitë që kjo forcë politike të shënojë fitore përballë kandidatit të Partisë Republikane, Donald Trump.
“Anketimet e nxjerrin mirë Harrisin përballë Trumpit. Mendoj se ajo ka mundësi reale për të fituar”.
Votuesi Bill Mills i cili po viziton Uashingtonin thotë se zonja Harris ka përgjegjësinë e saj në dështimin adminsitratës së Presidentit Biden në sektorin ekonomik.
“Ne jemi përballur me rritje të çmimeve të ushqimeve, të karburantit dhe kostos së jetesës. Jetesa jonë është bërë më e vështirë tani. Nënpresidentja Harrris ka përgjegjësi për këtë. Ndaj do të jetë shumë e vështirë që të ndryshohet ky mendim pasi ekonomia ka goditur jetët tona”, shprehet ai.
Në Miçigan votuesi Jason Potts thotë se ndryshimi i kandidatit presidencial shton mundësitë që Partia Demokrate të ketë më shumë mbështetje nga votuesit e rinj.
“Mendoj se ata prisnin që dilte një kandidat më i fortë. Do të shohim nëse kjo kandidate është Kamala. Por pa dyshim ajo ka më shumë energji”, shprehet zoti Potts.
Si nënpresidente zonja Harris ka bërë përpjekje për të vënë nën kontroll emigracionin e paligjshëm.
Votuesi në Florida Ran Gil thotë se për shkak se ajo ka dështuar në kontrollin e kufirit, nuk mund të jetë presidente.
“Kamala nuk ka asnjë vlerë. Kamala është më keq se Joe. Janë njësoj. Nuk besoj se do e votojë njeri Kamalën. Asjë nuk e mbështet atë. Ajo kishte një detyrë, të menaxhonte çështjen e kufirit”.
Në Uashington votuesja Alicia Jefferson shpreson se njerëzit nuk do të kufizohen tek fakti që nënpresidentja është një grua me ngjyrë, por do të vlerësojnë arritjet e saj.
“Shpresoj që njerëzit të shkojnë përtej përkatësisë racore dhe ta vlerësojnë atë. Por jetojmë në një botë që disa njerëz do e vlerësojnë, disa jo. Shpresoj që njerëzit të mos e shfrytëzojnë prejardhjen e saj për ta penguar që të marrë drejtimin e Shtëpisë së Bardhë”, u shpreh votuesja Jefferson.
Votuesi nga Nju Jorku Andrew Varshavsky thotë se çdo kandidat demokrat do ta ketë të vështirë ta mundë zotin Trump.
“Edhe nëse zoti Biden do kishte qëndruar në garë, ose kushdo që do jetë kandidat tani, do ta ketë të vështirë të fitojë përballë Trumpit. Unë jam demokrat. Besoj se do jetë e vështirë për ne që të fitojmë këtë garë pavarësisht se çfarë ndodh”, shprehet zoti Varshavsky.
Zonja Harris duket se ka siguruar përkrahjen e numrit të nevojshëm të delegatëve që të jetë e emëruara e partisë, por duhet pritur Kuvendi Kombëtar Demokrat, muajin e ardhshëm, që ajo të marrë zyrtarisht emërimin e forces së saj politike, për të qenë kandidatja që do të sfidojë Donald Trumpin, në 5 nëntor./ VOA
Foto ilustruese KOSOVË- Gjashtëmbëdhjetë organizata joqeveritare dhe tre aktivistë të shoqërisë civile në Koso...
Olaf Scholz GJERMANI- Kancelari gjerman Olaf Scholz ka thënë se beson se është shumë e mundur që Kamala Harris të fitoj&...
babai i 20-vjeçarit SHBA- Për herë të parë që nga atentati ndaj Donald Trump, babai i sulmuesit të mundshëm, Thom...
RUSI- Presidenti i Serbisë Aleksandër Vuçiç ka deklaruar se vendi i tij do të vijojë të mbajë marrëdhëni...
foto ilustruese GJERMANI- Vitin e kaluar hetuesit gjermanë ishin në rrugën "Schöne Aussicht" në veri të Hamburgut. ...
Foto nga vendi i ngjarjes NEPAL- Tetëmbëdhjetë persona humbën jetën pasi një aeroplan u rrëzua dhe mori flakë, deri...
Kyriakos Mitsotakis GREQI- Greqia ka filluar mësymjen diplomatike duke kërkuar poste të rëndësishme si pjesë e rikonfigurimit...
UKRAINË- Sulmet me granata dhe raketa të ushtrisë ruse në disa rajone të Ukrainës lanë së paku dy persona të vrar...
Kamala Harris SHBA- Pas vendimit të presidentit Joe Biden për të hequr dorë nga gara presidenciale, zëvendës-presidentja Kama...
fotot ilustruese UKRAINË- Ministri i jashtëm Dmytro Kuleba tha se Ukraina është e gatshme të fillojë bisedimet e paqes m...
