Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ai ka folur edhe rreth planit franko-gjerman, i cili mbështetet edhe nga SHBA-ja, ndërkaq ka deklaruar se shpreson që të dyja vendet do ta pranojnë.
KOSOVË- I dërguari i Shteteve të Bashkuara të Amerikës për Ballkanin Perëndimor, Gabriel Escobar ka folur për strategjinë amerikane të zgjidhjes së mosmarrëveshjeve ndërmjet Kosovës dhe Serbisë. I dërguari i Washingtonit në një intervistë për “The Pavlovic Today”, ka përsëritur se politika amerikane është e qartë se kryesorja në këtë proces duhet të jetë njohja e ndërsjellë.
“Politika jonë ka qenë shumë e qartë… Ne mbështesim plotësisht dialogun e lehtësuar nga BE-ja për të normalizuar marrëdhëniet. Për ne, njohja reciproke duhet të jetë qëllimi përfundimtar, i rëndësishëm. Ne mendojmë se të gjitha vendet e rajonit duhet ta njohin njëra-tjetrën, duhet të reduktojnë barrierat në tregti, duhet të ndihmojnë në zgjidhjen e disa problemeve të pazgjidhura të mbetura nga vitet ’90 dhe të ecin para drejt integrimit evropian”, pohoi Escobar.
Ai ka folur edhe rreth planit franko-gjerman, i cili mbështetet edhe nga SHBA-ja, ndërkaq ka deklaruar se shpreson që të dyja vendet do ta pranojnë.
“Para së gjithash, ne mendojmë se dialogu ka një plan të mirë. Ne mendojmë se tani propozimi franko-gjerman të cilin ne e mbështesim është një hap i rëndësishëm për normalizimin e marrëdhënieve. Është një udhërrëfyes i mrekullueshëm. Shpresojmë që të dyja palët ta pranojnë dhe të fillojnë menjëherë zbatimin e tij. Por, ndërkohë ka mjaft fusha që ekzistojnë brenda Marrëveshjes së Brukselit që mbeten të paplotësuara. Një nga më të rëndësishmet është Asociacioni i komunave me shumicë serbe”, tha ai.
Zyrtari amerikan ka këmbëngulur se Asociacioni i komunave me shumicë serbe duhet të krijohet. Sipas tij, ky është ende vizioni i tyre.
“Sido që shkoni përpara në dialogun e lehtësuar nga BE-ja, do të keni një Asociacion. Prandaj them gjithmonë se do të zbatohet në një moment. E pranon ose jo qeveria aktuale në Kosovë detyrimin ligjor, nuk është marrëveshje mes Kurtit dhe Serbisë. Është një marrëveshje mes Serbisë dhe Kosovës. Kjo është arsyeja përse vazhdoj të them se do të ndodhë. Do të jetë baza e marrëveshjes së normalizimit. Kjo, nuk mund të mos bëhet”, u shpreh Escobar.
I dërguari amerikan për Ballkanin Perëndimor ka treguar se si duhet të jetë Asociacioni i komunave me shumicë serbe.
“Pra, tani brenda këtij konstrukti, qëndrimi ynë është që duhet të jetë diçka që nuk e shkel Kushtetutën e Kosovës, sipas ligjeve të Kosovës, që nuk krijon probleme për funksionalitetin e Kosovës. Me fjalë të tjera, asnjë model i ‘Republika Srpska’. Tani, ajo që bën, për mendimin tim, është se e ndihmon Kosovën të marrë përsipër shërbimet dhe çështjet që serbët në veri aktualisht kërkojnë nga Beogradi t’i bëjë – do të transferohen, të gjitha ato shërbime duhet të ofrohen nga Qeveria e Kosovës. Dhe nëse Serbia ka ndonjë zë në të, kjo duhet të bëhet në mënyrë transparente, dhe përsëri, sipas ligjeve të Kosovës. Pra, ky është vizioni ynë. Çfarëdo të bënte kjo, do t’u ofronte këtyre komunave aftësinë për të koordinuar dhe krijuar ekonomi për gjëra të tilla si arsimi, kujdesi shëndetësor—të gjitha në gjuhën serbe—heqja e mbeturinave, shërbimet e ambulancës, llojet e gjërave që komunat tashmë i bëjnë, por ato do të jenë në gjendje të koordinohen mes tyre, për ta bërë atë të funksionojë për ta”.
Asociacioni
Sipas Marrëveshjes së parë të Brukselit, Asociacioni i komunave me shumicë serbe duhet të themelohet mbi bazën e një statuti, ndërsa shpërndarja e tij mund të bëhet vetëm mbi bazën e një vendimi të komunave pjesëmarrëse. Marrëveshja parasheh, po ashtu, të drejtën e komunave pjesëmarrëse për bashkëpunim në zbatimin kolektiv të kompetencave përmes Asociacionit, i cili do të ketë mbikëqyrje të plotë mbi fushat e zhvillimit ekonomik, arsimit, shëndetësisë, planifikimit urban dhe zhvillimit rural. Marrëveshja e vitit 2015 përbëhet nga 22 pika, të cilat specifikojnë kornizën ligjore, objektivat, strukturën organizative, marrëdhënien me autoritetet qendrore, buxhetin dhe mbështetjen. Disa prej objektivave përfshijnë forcimin e demokracisë lokale; kryerjen e mbikëqyrjes së plotë për zhvillimin e ekonomisë lokale, edukimit, shëndetësisë dhe mirëqenies sociale, planifikimit urban dhe rural, dhe ofrimin e shërbimeve për pjesëtarët e tij në përputhje me ligjet e Kosovës. Asociacioni duhet të ketë një Kuvend, një kryetar i cili përfaqëson Asociacionin para autoriteteve qendrore dhe jashtë Kosovës, një nënkryetar, një Këshill, një Komitet, një Administratë, një Zyrë për ankesa, përderisa selia e tij duhet të përcaktohet nga statuti. Një version i statutit është krijuar më 2018 nga Ekipi Menaxhues, me këshillim nga Bashkimi Evropian, bazuar në marrëveshjen e vitit 2015, por ai nuk i është prezantuar publikut asnjëherë. Mes tjerash, marrëveshja e vitit 2015 thekson se Asociacioni do t’i mbështesë interesat e komunitetit serb para autoriteteve qendrore dhe se ka të drejtën të propozojë, në përputhje me ligjet e Kosovës, ndryshime ndaj ligjeve dhe rregullave të tjera, që janë të rëndësishme për t’i arritur qëllimet e veta.
Vjosa Osmani KOSOVË- Presidentja e Republikës së Kosovës, Vjosa Osmani, gjatë qëndrimit në Islandë, është...
Albin Kurti dhe Rexhep Tajip Erdogan KOSOVË- Kryeministri i Republikës së Kosovës, Albin Kurti, sot në mëngjes ka udh&eu...
Vladimir Putin dhe Lyudmila Ocheretnaya MOSKË- Për 30 vjet ajo qëndroi "shkëmb" në krah të tij, por kur burri i saj dhe presi...
Gripi i shpendëve BRITANI- Gripi i shpendëve po kthehet në një kërcënim global, pasi së fundmi raportohet se ësht&e...
Ursula von der Leyen dhe Volodymyr Zelenskyy UKRAINË- Presidentja e Komisionit Evropian Ursula von der Leyen dhe kreu i Këshillit Evropian, ...
Aleksander Vucic SERBI- Presidenti serb Aleksandër Vuçiç tha sot në Kuvendin e Serbisë, në vazhdim të seancës s...
Porsche KINË- Blerësit e mundshëm të makinave në Kinë kanë zbuluar se një reklamë në internet për nj...
Foto ilustruese TIRANË- Prindërit do mund të informohen në kohë reale në mënyrë të detajuar, kudo dhe k...
Protesta KOSOVË- Jusuf Azemi, kryetari i Sindikatës së Punëtorëve të Sektorit Privat, ka kritikuar Qeverinë e Kosovë...
Leopard 1 GJERMANI- Njoftimi për tanket Leopard 1 erdhi nga zëdhënësi i qeverisë gjermane, Stefen Hebestreit në Berlin pa dh&...
